du bla bla bla .... وش راك تهرف !!!

[Moha le sage]

خير و عافية و شوي ريح شهيلي :regards01:

جينيرالمون لي يكتب هنا يقول انا عندي مدة ما حطيتش موضوع ... بالنسبة ليا اخر موضوع ليا هنا كان من ورا كي خرجت فرانسا بعام .. و كيما كانو ليفوطو نواريبلو :-r

وليت للسوجي ديالي كيما تقول ختي زهور ... و ديالي هي منطقة في بغداد و هي عضوية تاع اخت كانت مراقبة معانا



parler .... pour ne rien dire


الحكاية .. من لي نصبح حتان نمسى و نا نسمع في الهدرة ... المشكل ما وراهاش هدف .. الا الهدرة ... المخ فارغ ... الذراع شبر .. الخدمة زيرو .. و اللسان فيه ميطرا و نص ..بلا فايدة

وحد العام جاكوبسون المخلوق دار وحد الشيما على الهدرة .. و قسمها للباعث و المستقبل و نوع اللغة و المحتوى ...

عمبالو اي محادثة بين زوج قادرة تــvييكــuـلي ( تحوي ) ميساج .. بصح كون يطبقها على ليزالجيريان يلقى روحو غالط و يروفزوهالو و يلغوها طول ... باسكو شي عباد ما يبعثو غير 0 ميساج ... :regards01: يحكي خطراش هذيك هي العقلية

تدخل حانوت تلقاهم يخرطو و يهرفو .. الريال البارصا جارنا شرى .. بنت خالت النجار صرالها .. du bla bla .. و المفيد زيرو ...

يعيطيلك واحد في التلفون تهز عليه تندم .. من وشراك يدورهالك لقصص هو قاعد باش يحكيهم و نتى مش قاعد باش تسمعلو ... فيهم غير الخرطي و تكسار اللوز على الراس ..

تروح اخر نهار في كاشما bus .. راسك واجعك من كونترول ولا من خدمة ... و يبدا واحد فيهم بتليفونو : الو .. راها بقاتلي نص ساعة gراتوي قلت كشما نحكي معاك :-o يعني لازم يقتل النص ساعة ذيك بالهدرة سي نون يموت


و المشكل وين يزيد يحكي بصوت عالي ..a haut voix و هو قاعد في لخر ..حتان الشيفور يسمعو و كامل شعب الكار هذيك .. و اللي يزيد الطين بلة ..قصص فارغين يحب يخلع بيهم روحو + الغاشي + اللي يحكي معاه :down:


و زيد و زيد ... في المنتديات و لا الفايس ولا سكايب ولا أي حاجة فيها عبد اخر من وراها ... ياي شبعتونا مقروط .. يونامار من الهريف الفارغ ..

و الله ديفوا تسخف تحكي مع عبد مثقف ولا يفيدك ... وين راهم انقرضو ؟؟ ولا تشوفهم غير في الفيديوات هاذ العباد :s

ديما نقول بلي راحة عقلية بكري و معرفة الرجال كنوز .. ومعرف وش ... ذرك تعرف واحد = تعرف مشكل .... تو- كور :regards01:

واحد يقلي على راسك في البيض واحد يخلع فيك واحد يبهر فيك واحد يحكي على معرف واش .. و الفايدة ربي يجيب ... هو مش فاهم روحو علواش راه يحكي ...


القضية مش تاع تكبر ولا تحقر الناس .. القضية انك كاره حياتك و كل مرة يجي واحد يوجعلك قلبك و نتا شايف و عايف كثر منو ... يهدر و يحلل و هو ما هام ما عام ما يعرف شحال من ليلة في العام ... ونتا متلقا ما تقلو غير : ايه ... و راك صحيت ... باش يسكت عليك ..

باسكو كون تولي تحكي معاه يهبطلك النيفو تاعك و تولي كيفو و يولي يحكي في امورك الشخصية و ييدي و يجيب في بيبان نتا اصلا ما حليتهملوش ...


من لي تطل الشمس .. و حنا ارحي ارحي ..ارحي ارحي ... و كي البارح كي اليوم .. كيما تخليه تلقاه ...

علاه المجتمع طغى عليه الصنف هذا .. الناس الواعية و اللي عندها كلمةو افكار و شخصية .. جبدو رواحهم ..خيرو العزلة .. باسكو كرهو ياجوج و ماجوج اللي عايشين معاهم ... لاهدرة لا فعل زين .. que du bla bla ... من بعد يقلك هذاك العبد متكبر و جابد روحو وما يحبش يخالط :s وش يخالط عيشك ؟؟ ياي الناس راهي تشري في الكالم و راحة البال بالدراهم ...

نورمالمون واحد معندو حتى فكرة في راسو يسكت .. و اللي عندو يهدر ..بصح ولات العكس ..الناس لي عندها في الراس ساكتة .. و اللي معندهاش مالية الدنيا تجغبيل ...

وواش راك تخرط ................

حاب نقول لهاذ النوع من الناس Shut your trap

و اللي كره كيفي الصفحة راهي ليه ...................



خوكم محمد



حقا حشمتونا بالجامات :$ ( مصطلح تاع عريبش يعني جمع جام ( j'aime ) بالفرنطيطة ههههه)

و اهداء لخويا حكيم Master نقلو كون تلقى واحد يدير الجامات كثر منك تقتلو :p :d




​

 

[secret de coeur]

وعليكم السلام ورحمة الله وبركاته
مرحبا بيك في قسم واش راك تخرف بعد غياب
هذا اصلا قسم الهدرة
بون الهدرة الفارغة في وقتنا كثرة بزاف
مام انا ديفوا نسكت طوووووووول وديفوا نلقى روحي نحكي بلا معنى بيان سير فالنت برك :down:
معرف بلاك الفيد قتل لعباد تان ناضو يخرفو
مانعرفوش نستثمرو وقتنا في فايدة
ماعدناش ثقافة تع تقرى كتاب ولا تحكي فأمور هامة
مرات شي عباد يشوفو لواحد يدير دي جاست هكا يحيرو تان تولي نتا تشك فروحك
:s:s
مرسي ع السوجي موحا لو ساج
سلامو
​

 

[Moha le sage]

وعليكم السلام ورحمة الله وبركاته
مرحبا بيك في قسم واش راك تخرف بعد غياب
هذا اصلا قسم الهدرة
بون الهدرة الفارغة في وقتنا كثرة بزاف
مام انا ديفوا نسكت طوووووووول وديفوا نلقى روحي نحكي بلا معنى بيان سير فالنت برك :down:
معرف بلاك الفيد قتل لعباد تان ناضو يخرفو
مانعرفوش نستثمرو وقتنا في فايدة
ماعدناش ثقافة تع تقرى كتاب ولا تحكي فأمور هامة
مرات شي عباد يشوفو لواحد يدير دي جاست هكا يحيرو تان تولي نتا تشك فروحك
:s:s
مرسي ع السوجي موحا لو ساج
سلامو
​

اهلا خيتي جيمي


جامي تكروازينا في سوجي وقيل :-r ... par contre من لي نطل نلقاهم في موضوعي تاع السؤال عن الغايبين في قسم الترحيب يسقصو عليك .. وينك اجيمي راهي خلات و وينك اني توحشتك و خليتي فراغ و خليتي بنيان ههههه

مليح العبد كي يكون عندو ديزامي يسالو عليه في غيابو .. ça prouve بلي عندو بلاصة في قلوبهم



: معلومات عن secret de coeur

الهوايات :  solitaire man5aletch la3rab

ما تخالطيش العرب صافي تخالطي الهنودة :d




واش راني نخرط و نفستي ... ايه بوكو دو شوز ..

الهدرة فارغة و المخ فارغ و العبد فارغ .. و حنا مش فارغين شغل للجياحات ..

وين تروحي تلقاي .. les casse-tetes

لا كتاب ولا جرنان .. العفسة ساهلة .. لي معندوش وش يهدر يسكت ...

ياي شبعتونا مقروط يا العرب ...


ميرسي ليك خيتي ع الباساج تاعك


​

 

[سمسم السمسومة]

رد

عجبني الموضوع مع الصباح....:dحاجة تفرح باه نكمل النهار سكات.....هي حاجة تعيي كي تلقا واحد النهار كامل و هو يهدر :pو يهدر :pو يهدر :pفي مكان والوا.......المهم تسمع صوتوا و خلاص........و صراحة مناش نهدروا في حاجة تثقيفية و لا باه نطوروا حاجة جديدة و لا باه نحل مشكل من المشاكل لي كاين في هاذ البلاد.....و اذا كنت نتا من الجونغ لي يحب يفهم و يحب يطالع و يعرف الجديد تلقا هم يشوفوا ليك شغل جاي من المريخ......حنا اذا شافوك هاز كتاب خارج الدار بلاك راك في بيس و الطريق طويلة و تقرا في كتاب يبداو يقولولك هذاك يلعب فيها و خلاص-هاذي صراتلي ليا....:$:$-......صح كيما قلتها تسخف تهدر مع عبد مثقف و اذا لقيتوا راح تلقا الثالث منهيه يصمط عليكم القعدة.....البركة فالناس المثقفة و الواعية لقتلها الكبت و بدات تهبل...........

 

[بنت الـ25]

السلام عليكم
راني درت تعديل الرد
حاجة اخرى وكرد على التقييم:-r
(المراقبين والمشرفين كي يديرو موضوع يفوت ديراكت بلا اعتماد
كي شغل درت موضوع في منتدى العلوم والمعرفة خخخخ)

موضوع جميل جميل جميل
يستحق الكاشي وهكدا يكون بين المواضيع المميزة عضو تشيني يبهي التصويرة هههههه:up:

الهدرة بزاف والتلغبيب اللي ما يدي ما يجيب ومعندو حتى هدف ديفوا تخرج من عقلك
كاينة وحدة جارتنا بنت خالتي ساسية :dوليت كي نشوفها جاية من بعيد
نصيب اللرض تنشق ونخش فيها
تالمو تهدر بزاف وفي la fin منفهمش وش كانت تهدر ولا وين حابة توصل:s
وتخلط تخلط وتدخل وتخرج منا ومنهيه وتكوبيهالك فالقرجومة
ولات هي كي تهدر انا نبدا نيماجيني كيفاش نرتكب جريمة قتل:-r
.. رميا بالرصاص ولا دبز وكوتبيات هههههه:p

وهداك الشيما تع جاكبسون مننساهش طول حياتي بارسكو في سبتو ديت
زوج عضمات 00 فلانتيغو تع تاريخ وسائل الاتصال:$
قالنا فالسؤال وضحولي عناصر العملية الاتصالية :-r
ايا انا بديت نشعر ولا كيما تقول انت bla bla bla عمرت الورقة بالخرطي ههههه
وفاللخر ظهر مخطط صقير عليه 5 نقاط وراطيتهم

الانسان لازمو كي يفتح سوجي يعرف وين رايح يوصل وعمبالو الـbut تعو
مش يلغبب يلغبب والمفيد (الريح فالشباك)

متقولش مينات فاتت منا وما داتهاش فينا
:regards01:

​

 

[stella.m]

وااااااااااه واعرة هذي
تخيلت روحي في مجتمع مثقف والكل يهدر بوعي
تخيلوا معي
الاول : واش رايك اليوم نديروا حملة تنظيف للمساجد
الثاني : بارك الله فيك والله فكرة روعة نبداو بالمسجد الفلاني والفلاني
ومن بعد يجوا يتلاموا عليهم صحاب القهوة ويبداو التخطيط
واااااااااااااااااااااااااو روعة
واحدة اخرى
الاول : واش رايك بلي يصير في الدول العربية
الثاني : والله يا صاحبي لازم نديروا حاجة
نقودوا حملة فايسبوكية (اضعف الايمان)تكون من طرف العالم لطرفو باش يفيقوا العرب
ومن بعد يسمعوهم ناس القهوة ويديروا اليد في اليد ويرجع حوار ومناقشات وتبدا الافكار
ويكونو كامل يد وحدة من اجل تغيير الوضع

الاول : الاسلام بدا ينقص في قلوب الناس
الثاني : لازم ندوروا على حل .....
في زوج يسكتوا باش يفكروا موش يقرعجو في موضوع واحد آخر
وكي تفوت على القهوة تصيبها هااااااادئة لا حس ولا خبر تقول واحد ما يسعى

:-o




ياااااااااااااااااااااااااا راااااااااااااااااجل مستحيـــــــل
احلام يقظة وفقط
في وقتنا
الاول : المرة هبلتني قالتلي جيبلي وجيبلي
الثاني : رانا كيف كيف حتى المرة تاعي
ويبداو حكاياتهم على النسا تاوعهم
بفففففففففففففففففففف

اصلا كي نرجعوا للواقع تصيبني نحكي ونهرف ضرك بلا حتى فايدة
الهريف منا وفينا والتغيير يبدا منا
امالا من اليوم كل واحد يحكي في الفايدة نعيشوا ملاااااااااااااااااح ولاباس

طـــــــــــولــــــت على بالي
الله غالب الهدرة وما دارت فيا
تحياتي ليك خويا ويعطيك الصحة على الموضوع الباهي :regards01:
​

 

[فتاة حساسة]

اهلا بييييييييييييك خويا ...

يعطيك الصحة على الموضوع الباهيي ..

ااايه والله ناس بزززاف تلقاهم يهدرو في الرفاغ ..

انا نموت على الهدرة .ببصح ساسعة فالفايدة ساعة فالتهبيل ..مي ماش فتقطاع الغاشي


دايور صحاباتي البارح لقوني ساكتة ...قالولي ماتخرجش عليك السكوت ...مالفة ديما حيوية ..

وتهدري وتضحكي هيهيه...ساعات السكوت مليح والهردة تان ساعة مليحا ..ساعة لالا..

شكرا خو على الموضوع ..الحساسة..​

 

[ملكًة الاحسآس]

السلآم عليكم
موضوع مليح ،نقرى ونعآود فيه :d
عجبتني تآع قعدتلي نص ساعة gـرآتوي حبيت نخلصهآ معآكـ
تصرآلي وفي معظم الأوقآت مورآلي يكون مش تآع نسمع وآش رآه يقول
نفوتهآ غيرمكآنش منهآ ، ايآ ، اهيه حتى تفوت بويسك نحشم نقول والله مآني قآدرة نسمع
ووحده صاحبتي كل مآتكون قآعدة تقولي افتحي الفآيس نحكي شويآ
تمرضني نورمآل جملة من الشرق وجملة من الغرب ، تهدرلي على جيرآنهم كفآه صبغو دآرهم الجديدة
والقهوة الي اونفآص فالجآمعة رجعوهآ بيتزيريآآ ، وتكملهآلي بمآمآك وقتآه تخرج فلاغوثخآث ، حقآآ قآلولي يولي يسلكو أكثر من الي رآهم يديو دوكـ ، وآش داني نهدر معهآ أصلآآ بآش تلحقهآلي لهنآآ وتدخص عليآ حتى تسقسيني هكدآ
مرآآت صدقني نخليهآ تهدر بالربع سآعة ، نطلع وآش كتبت نلقآه جورنآل ، وامبعد نقولهآ ديزولي النت مش مليحة عندي مآيلحقونيش لي ميسآج ، وهكدكـ مآتيأسش تعآود وآش كتبت
تبآآشعبنآ يهدر بآش يهدر وخلآص ، مآيهمش الي قدآمه حآب يسمع ولآ نو ، يهمه السوجي ولآ نو
مآنقولكش أنآ جآمي هدرت غير بآش نهدر ، بصح نهدر هكدآ في حآلة وحده كي نكون شابعة الديgــوطآج
نبقى غير ندخل ونخرج فالهدرة على قولت مآمآ ، بآش نحي على روحي شويآآ :d
بلكـ طولت ، بصح سوجي على قد مآتحكي فيه غير شويآآ
يعطيك الصحة
​

 

[Moha le sage]

عجبني الموضوع مع الصباح....:dحاجة تفرح باه نكمل النهار سكات.....هي حاجة تعيي كي تلقا واحد النهار كامل و هو يهدر :pو يهدر :pو يهدر :pفي مكان والوا.......المهم تسمع صوتوا و خلاص........و صراحة مناش نهدروا في حاجة تثقيفية و لا باه نطوروا حاجة جديدة و لا باه نحل مشكل من المشاكل لي كاين في هاذ البلاد.....و اذا كنت نتا من الجونغ لي يحب يفهم و يحب يطالع و يعرف الجديد تلقا هم يشوفوا ليك شغل جاي من المريخ......حنا اذا شافوك هاز كتاب خارج الدار بلاك راك في بيس و الطريق طويلة و تقرا في كتاب يبداو يقولولك هذاك يلعب فيها و خلاص-هاذي صراتلي ليا....:$:$-......صح كيما قلتها تسخف تهدر مع عبد مثقف و اذا لقيتوا راح تلقا الثالث منهيه يصمط عليكم القعدة.....البركة فالناس المثقفة و الواعية لقتلها الكبت و بدات تهبل...........

اهلا السمسومة

و الله راكي ناشطة مع الصباح .. ان شاء الله تكوني ناشطة في حياتك ثاني مش غير في اللمة :-r

و الله العبد سوايع ما يطلبش حاجة خارقة للعادة ... زوج كلمات خفاف ضراف من وراهم فايدة ولا يسمع ساعتين هدرة فارغة ... و من وراهم عبد اخر يجي يعاودلك نفس الشي لي قالو لول ... يودي المجتمع تبيريما صاي .. و تكودا على وحد العقليات ...

راكي وعدتيني تكملي النهار سكات نسمعك هدرتي نديرلك شاطرطون على فمك :p

ميرسي على ردك الشافي و الوافي :regards01: تستاهلي تقييم ... و ما نكتبلك فيه والو باش تقعد في قلبك تحرق هههه

يعطيك الصحة سمسم ...

سلامو
​

 

[سمسم السمسومة]

اقتباس

اهلا السمسومة

و الله راكي ناشطة مع الصباح .. ان شاء الله تكوني ناشطة في حياتك ثاني مش غير في اللمة :-r

و الله العبد سوايع ما يطلبش حاجة خارقة للعادة ... زوج كلمات خفاف ضراف من وراهم فايدة ولا يسمع ساعتين هدرة فارغة ... و من وراهم عبد اخر يجي يعاودلك نفس الشي لي قالو لول ... يودي المجتمع تبيريما صاي .. و تكودا على وحد العقليات ...

راكي وعدتيني تكملي النهار سكات نسمعك هدرتي نديرلك شاطرطون على فمك :p

ميرسي على ردك الشافي و الوافي :regards01: تستاهلي تقييم ... و ما نكتبلك فيه والو باش تقعد في قلبك تحرق هههه

يعطيك الصحة سمسم ...

سلامو
​

حكاية النشاط باينة الخدمة تقريبا ديما على 8........و كملت النهار اضراب عن الطعام عن الكلام......التقييم كنت نستناه من عندك نتا بالذات.........خليتهالي صح حرقة في قلبي مي معليش مقبولة منك....تحاتي ليك:regards01:

 

[magique]

موضوع هايل مي وش تحب خويا حنا هكذا دايرين الشعب تاعنا خصوه بزاف حوايج مايش غير الثقافة راهم مازالهم مشوكيين في الدنيا هذي ومشوكيين ف لاسيتياسيون نتاع لبلاد واحد كل يوم واقف عند الحيط وينا ثقافة رايحة تجيه انا والله مانلومهم لي جان لي رام هكذا الله غالب عليهم
​

 

[Ma$Ter]

حقا حشمتونا بالجامات :$ ( مصطلح تاع عريبش يعني جمع جام ( j'aime ) بالفرنطيطة ههههه)

و اهداء لخويا حكيم Master نقلو كون تلقى واحد يدير الجامات كثر منك تقتلو :p :d

السلام عليكم ورحمة الله وبركاته
فى الواقع ما نتكلمش الا للضرورة وحتى كى يكون معايا واحد صاحبى يحكى نسمع فقط ونرد بكملة او 2 :d
شكراااا على موضوعك المميز

تستاهل دوبل جام + تقييم :$
ربى يحفظك خويا موح
​

 

[stella.m]

:$
ما كانش علابالي بلي رايح تقدر تجبدني
كي الابرة من كومة قش
واااااااااع حبيت نلعبها شاطرة ونمد تقييم وانا متخبية
طلعوا المراقبين العامين يتعاملو مع المخابرات
وانا لاخبر
:$
​

 

[stella.m]

تستاهل دوبل جام + تقييم :$

​

ولات الدعوة تلعب بالدوبل
:d
​

 

[أم عبد الله]

مي خويا الله غالب كلش اغلى في بلادي غير الهدرة باطل ع ذيك تلقى الغاشي يبروفيتو قبل مايزيدولها هي ثان:dوباه يعوضو نقص الثقافة لازم يهدرو باه يكسبوها بالشطارة ولا كيما يقول خويا بالسماطة هههه
وراني طولت انا في الرد اتسمى نقوللكم اسمحولنا ع المرور

سلامي​

 

[stella.m]

مي خويا الله غالب كلش اغلى في بلادي غير الهدرة باطل ع ذيك تلقى الغاشي يبروفيتو قبل مايزيدولها هي ثان:dوباه يعوضو نقص الثقافة لازم يهدرو باه يكسبوها بالشطارة ولا كيما يقول خويا بالسماطة هههه
وراني طولت انا في الرد اتسمى نقوللكم اسمحولنا ع المرور

سلامي​

آه
اذا كنتِ انتِ طولتِ مالا انا شانقول
:s
قريتِ ردي ؟
مقالة فلسفية مولا الموضوع حار فيها :d
​

 

[أم عبد الله]

كثن كانت طويلة جزت عليها تريق:p ههههههههه مي راكي هدارة آبنتي نقصي شوي واش يقول عليك صاحب البورطابل من بعد هههه اقتصدي شوي يامحاينك وين تلحق الشهرية

 

[السلطانة]

:dجاكوبوسون والنسقية
فكرتيني في وقت الضرب الصحيح

الهدرة بلافايدة
نجيبهالك من اللخر
بدلت النيمرو تاعي
كي نحتاج ماما وبابا نحكي معاهم اpار صح غالقة بورتابلي
سكايب معنديش عندي فايس بووك شخص
وصحاباتي معدودات في الواقع وفي النت وداري مستورة عاري
وبس
كرهت ومليت من الهدرة لي بلافايدة
وقت الصغر كنت نرحي بزاف درك نو
العبد او كبر
لي نهدرو في القسم يكفيني

هيا تربح بطلت بعد منيش هادرة
في موضوعك :dبزاف

​

 

[stella.m]

كثن كانت طويلة جزت عليها تريق:p ههههههههه مي راكي هدارة آبنتي نقصي شوي واش يقول عليك صاحب البورطابل من بعد هههه اقتصدي شوي يامحاينك وين تلحق الشهرية

:$
موش مستاهلة يعني بهدلة مع نصاص الليالي كدا
ارحمينا بأ يا ختي :d
علابالك ضرك يدخل سيدي المراقب العام ويمدلنا تبهديلـــــة
طويـــــــــلة عريـــــــضة
رجعنا الموضوع بلاg في بلاg

ماعناتها موضوعو ما جابش نتيجة مع اقوام تعشق الهريف والكلام
اسمحلنا سيدي المراقب مانزيدوش نعاودوا
وتحياتنا الحاااااااااارة ليك
:regards01::regards01::regards01:
​

 

[ام اسحاق]

هيا خويا محمد ....جبت لونكر و جيت .....

ما عندي ما نزيد علي قالوه الاخوة قبلي ....سيرتو انت ....ما خليتلي مانقول
الموضوع نتاعك يكوpi الشهية تاع الهدرة ...:d
لا والله عندك الحق نورمالمون الواحد قبل ما يهدر يشوف وش الفايدة من الهدرة نتاعو ...سي نو يحبس ما يعيي روحو ما يعيي الغاشي .........
موضوع ممتاز بالنسبة لي لانو دواء لبزاف مشاكل تجي من ورا الهدرة الفارغة
(ممتاز لمحمد العاقل ماشي للمراقب :d باه ما يقولوش تقرمد )

​