- إنضم
- 30 مارس 2010
- المشاركات
- 1,473
- نقاط التفاعل
- 2
- النقاط
- 37
- العمر
- 14
واش راكم مرة وحد أخرى.
والله كل احد منا وعندو اسم هذا من الطبيعي، مي ياهل ترى شكون اللي عندو كني او اسم آخر يعيطولو بيه، امالا ارواحو اتشوفو لعجب :
هاذا هو مجتمعنا يا ويحك إذا كنت في فيلاج والا حومة فيها زوج من اسمك، لازم يسموك بكاش اسم باش متتخلطوش، هاذ الظاهرة كاينة حتى في أسماء الشوارع ولاريات تاوع الطرونسبور، وحتى في لي بورتابل، فيها اسماء بطولة واسماء غريبة تولدت عن زلات اللسان والمجتمع مايكردي والو كاين حوادث صرات عندها فايت ال 30 عام ومازال ماتنساتش ومسميين ناس على اخطاء صراتلهم في الطفولة، وانا صدقوني منحبش ننعت حتى واحد بلقب يعاروه بيه الناس او كنية على خاطر كاين منهم اللي لوكان اتيطلو باسمو الحقيقي مايقولكش انعم ومايعرفش اصلا بللي راك اتعيطلو، وكاين ناس منعرفش اصلا سماواتهم الحقيقية، كيما السانك ( ديما يلعب رقم 5 ف البالو)
وما خفي كان اعظم وربي يلطف بينا ومايسموناش بأسماءنا اللي في اللمة، واحد فومبير وواحد اشتك اشتك وواحد ماركة تاع سباط.
شكرا ليكم، سيرتو إذا شاركتو معاية في هاذ لبروبلام تاع المشكل.
والله كل احد منا وعندو اسم هذا من الطبيعي، مي ياهل ترى شكون اللي عندو كني او اسم آخر يعيطولو بيه، امالا ارواحو اتشوفو لعجب :
- السعيد عويطة : سماوه على عويطة العداء المغربي.
- محمد علي كلاي : على كلاي أسطورة الملاكمة.
- حمد البري : زعمة كيما تارازان.
- عمر الزق ابق : كي كان صغير حب يقلد صوت الكرويلة حاشاكم.
- خالد اووووووو : ديما كي يستغرب يقول أوووووو.
- وليد الشكارة : شكارة تاع رقاد.
- فؤاد كرسي ياماها : Yamaha راسو طويل تقول اعليه كرسي تاع موطو فيتاس.
- قادة حرارة : سماوه على ميزان الحرارة القصة قديمة وقت الابتدائية.
- عبد الباسط العكريشة : سماوه على وحد النبتة مشوكة.
- حسين مغوطة : حب يقول لميمتو أعطيني مقروطة (حبة مقروظ) قاللها اعطيني مغوطة.
- عبد الطيف بطيس : اختصار لكلمة (حيطيست) ديما قاعد تحت لحيوط رغم انو خدام.
- قادة النقراش : منقدرش انقوللكم.
- محمد السنيف : SNF المؤسسة الوطنية للتلفيق والكذب.
- براهيم كاسبير : يخرج غير ف الليل.
- قويدر التابعة : ربي يحفظنا وين يدخل روحو يخليها.
- علي قطة : ضعيف بزاف مسكين.
- حميدة مجاعة : أضعف من علي قطة.
- بلخير بطوط : بكري كان يربي البط.
- براهيم الطاير : فوطو كوبي تاع عادل إمام.
- بشير بيومي : يشبه لوحد الممثل مصري.
- عبد الغني المرشوقة : كان يلعب بوحد العود في راسو دبوس وفيه زوج ريشات كي يطيشها ديما اتجي مرشوقة ويقول مرشوقة.
- فؤاد التهتاه : يتهته مسكين.
- قادة الدرويش : لاعبها درويش وهو جن في قرعة.
- قادة ساطارنو : معلباليش.
- بلخير السوفي : على خاطر سوفي.
- براهيم الشميريخ : الشمروخ هو هاذاك العرف اللي يجي فيه التمر.
- ميلود اللبانة : يشتي الشوين gوم بزاف (اللبان).
- موسى قم : سماوه على قم اللي هي مدينة في إيران.
هاذا هو مجتمعنا يا ويحك إذا كنت في فيلاج والا حومة فيها زوج من اسمك، لازم يسموك بكاش اسم باش متتخلطوش، هاذ الظاهرة كاينة حتى في أسماء الشوارع ولاريات تاوع الطرونسبور، وحتى في لي بورتابل، فيها اسماء بطولة واسماء غريبة تولدت عن زلات اللسان والمجتمع مايكردي والو كاين حوادث صرات عندها فايت ال 30 عام ومازال ماتنساتش ومسميين ناس على اخطاء صراتلهم في الطفولة، وانا صدقوني منحبش ننعت حتى واحد بلقب يعاروه بيه الناس او كنية على خاطر كاين منهم اللي لوكان اتيطلو باسمو الحقيقي مايقولكش انعم ومايعرفش اصلا بللي راك اتعيطلو، وكاين ناس منعرفش اصلا سماواتهم الحقيقية، كيما السانك ( ديما يلعب رقم 5 ف البالو)
وما خفي كان اعظم وربي يلطف بينا ومايسموناش بأسماءنا اللي في اللمة، واحد فومبير وواحد اشتك اشتك وواحد ماركة تاع سباط.
شكرا ليكم، سيرتو إذا شاركتو معاية في هاذ لبروبلام تاع المشكل.
آخر تعديل بواسطة المشرف:
