انتباهرجاء
عبارة عن فلاش, ومضة نهدرو فيها على ظاهرة من ظواهر لي نعيشوهم في حياتنا اليومية
الظاهرة انتاع اليوم حالة اخرى من الحالات المحيرة المدهشة ألا و هي ظاهرة التعالي او التقمقيم كيما نقولو بالدارجة و الي هي انو واحد رزقو ربي و ربي يرزقنا الكل تلقاه راكب في واش من طوموبيل و لاباس واش من لبسة و ساكن واش من سكنة و من بعد يرجع يشوف في الغاشي لي قدامو ذبان يسركل -اعزكم الله- و ما يقيمش الناس و يشوف فيهم من تحت النيف
و هذيك لي جاية لعرس و لا لمناسبة لابسة واحد 10كغ ذهوبات وواش من جبات و غير تدخل لا سلام لا كلام لا تسلم لا ترد السلام و تروح طول تقعد حذا شبيهاتها و تبقى غير تتغامز هي و مثيلاتها على الباقي و اععععععع و اخخخخخخخخخ و...............
علابالنا
ربي لي عطاك بصحتك و ربي عندو حكمة في كلش و اللهم لا اعتراض بصح اتفكر و اتفكري الي عطاك قادر ينحيلك و ما كانش قد الي كاينلو و يزينو ربي بالشبعة و التواضع
ربي يهدينا
