رهف ام بتول
:: عضو منتسِب ::
- إنضم
- 27 جانفي 2015
- المشاركات
- 12
- نقاط التفاعل
- 27
- النقاط
- 3
يا خيواني راني حاب نعرس ما نلقاش عندكم مرا بالتقسيط
الزواج سنة الله في خلقو بيه تستمر الحياة وتتبنى المجتمعات ،زمان كان الزواج وسيلة يحقو بيها الغايات ،الاستقرار والدراري،والسنة وووووو،بصح اليوم صار غاية لادراك الوسائل
هذا المشكل نتج على الخاتم والشركة والمقياس والسبتة والفرقاني والكبش ووليد الكبش والسكر والطماطم والزيت والكسكس وبالاك حتى المقرون
وما نحكيلكش على الحنة ،والفوطة والحمام والزغراتة ونهار الحفافة ونهار التصديرة ويوم الكبش وووووووووووووفاااااااااتورة
راح نحكيلكم شوي على الخطوبة كي يشوف الراجل الطفلة وتعجبو ياااااطبق الورد وين نحطك ويتكلم مع باباها اول حاجة قولوها الوالدين رانا ما طالبين والو غير الهناء وارجع السمانة الجاية نتفاهمو على الشرك والعرس
الراجل يقول في نفسو الحمد لله عطاوهالي بلاش وكيما يقولو بنت حسان اياويشمر على ذرعيه ويبدا هاذو 10 ملاين للكبش و القضيان ولا خلي نقولو 15 ،ياخي رام عطاوهالي باطل هيا ونديلها حويجة ذهب خويتمة برك تصيح لميمة ايه وماعليش حتى كي تزيد مليون ولا زوج ماعليش ما فيها باس الناس عطاوهالك باطل وانتا ، افهم روحك بحبحها شوي باه ما يقولوش بخيل
اليوم رانا في دار لعروسه نتفاهمو على الشرط
واللدها وخاوتها الطفلة راهي عويقلة والقطة تاكل عشاها واحنا ما نحوسو كان على الهناء
العريس راي في عينيا ولميمة لا تهش ولا تنش واش تفاهتو السمانة الجاية العرس ؟
ههههههههههههه العرس ؟ لاه الظنيا باطل ،اسمع قبل ولا كان جيوبك مليانة غييييير اجبد وشرخ
ايا وعندك خاتم الخطبة ،خاتم الشوفة ،خاتم العقد ،خاتم الحنة ،سبتة ،4 مسايس ولا 2 مقايس كيما تحب الي يساعدك ،شركة وجيب فرفسة ولا نانس ،العريس والنغنشة ما عليش ؟
وما تنساش المناقش وشرطها 5 ملاين وزوج قناطر صوف نظيف ،ما عناش لي يغسل ومعاه القضية تاعو خايب علينا يدخل هكاك وحدو الله لا ينحيلنا عادة وهذي اعراف وليدي وعوايد زماااااان
وقندورة الحنة ماذابيم ثقيلة شوي اك تعرف ناس تهدر واش جبت هذاك هو قدرك ، يا مرا يا مرا انا نظن خلاص
ام لعروسة واشمن خلاص اراجل لاه الدنيا باطل
العريس استناي ميمتي نجبد ورقة برك باه ما ننساش
امها حق الصبغة ،المشطة ،الروبة ،الكسوة والحمام ،و...
العريس قولي 3 ملاين
ام لعروسة هههههههههههههههههههههيييييييييييه ، حادوك حق الحمام وحدو روح قول بالكسوة ومع المساعدة ليك انتا برك كي دخلت قلبي قول 50 مليون كلش في بعضاه خاطي ليتكلم عليهم الحاج باباها
العريس والدار؟ راني غير انا ولعجوز والشايب
امها احنا في بالنا هذا شي ما نتكلموش عليه وبنتي ما تدخل كان في دارها جااااااهزة ومكملة لا الظنيا باطل ؟
العريس :-o مازال العرس في دارنا والغاشي والكورتاج ووووووو
امها وباباها واش تحب وليدي هذي هي الدنيا كلش غالي واحنا عطيناهالك باطل والله يا دقدق على جارنا ولا تخرج غير هنا برك تتشوط والله كامل يطلبو بالمليار بالزوج وانتا وليظ حلال وطيحك رب في بنيا كي لعسل كل صبع بصنعة وبلاش حق ربي راها غير بلاش
العريس لا تحلفي اميمتي لاه ،راني مصدق ،ايا نخليكم على خير لاكان مازال لعمر طويل نرجع ليكم فالقرن 30 مازال 10 قرون يعدو كي ريح العريس لازمني حل عطيت كلمة للراجل.
اعلان
هذا هوالكلام الصحيح المراهقة 35 الشباب 50 الكهولة 120 ماااااازل الحال
وشرايكم وواشي هو الحل العنووووووووسة وتقولو منين بناتنا بارو
اتذكرو قول المصطفى اقلهن مهورا اكثرهن بركة
علاه تتطلبو اكثر من المجهوظ وتزيد الطفلة لا حرفة لا صنعة والفم الحرك والذراع البارك
نخليكم انتوما تعلقو ونلقاو الحل
الزواج سنة الله في خلقو بيه تستمر الحياة وتتبنى المجتمعات ،زمان كان الزواج وسيلة يحقو بيها الغايات ،الاستقرار والدراري،والسنة وووووو،بصح اليوم صار غاية لادراك الوسائل
هذا المشكل نتج على الخاتم والشركة والمقياس والسبتة والفرقاني والكبش ووليد الكبش والسكر والطماطم والزيت والكسكس وبالاك حتى المقرون
وما نحكيلكش على الحنة ،والفوطة والحمام والزغراتة ونهار الحفافة ونهار التصديرة ويوم الكبش وووووووووووووفاااااااااتورة
راح نحكيلكم شوي على الخطوبة كي يشوف الراجل الطفلة وتعجبو ياااااطبق الورد وين نحطك ويتكلم مع باباها اول حاجة قولوها الوالدين رانا ما طالبين والو غير الهناء وارجع السمانة الجاية نتفاهمو على الشرك والعرس
الراجل يقول في نفسو الحمد لله عطاوهالي بلاش وكيما يقولو بنت حسان اياويشمر على ذرعيه ويبدا هاذو 10 ملاين للكبش و القضيان ولا خلي نقولو 15 ،ياخي رام عطاوهالي باطل هيا ونديلها حويجة ذهب خويتمة برك تصيح لميمة ايه وماعليش حتى كي تزيد مليون ولا زوج ماعليش ما فيها باس الناس عطاوهالك باطل وانتا ، افهم روحك بحبحها شوي باه ما يقولوش بخيل
اليوم رانا في دار لعروسه نتفاهمو على الشرط
واللدها وخاوتها الطفلة راهي عويقلة والقطة تاكل عشاها واحنا ما نحوسو كان على الهناء
العريس راي في عينيا ولميمة لا تهش ولا تنش واش تفاهتو السمانة الجاية العرس ؟
ههههههههههههه العرس ؟ لاه الظنيا باطل ،اسمع قبل ولا كان جيوبك مليانة غييييير اجبد وشرخ
ايا وعندك خاتم الخطبة ،خاتم الشوفة ،خاتم العقد ،خاتم الحنة ،سبتة ،4 مسايس ولا 2 مقايس كيما تحب الي يساعدك ،شركة وجيب فرفسة ولا نانس ،العريس والنغنشة ما عليش ؟
وما تنساش المناقش وشرطها 5 ملاين وزوج قناطر صوف نظيف ،ما عناش لي يغسل ومعاه القضية تاعو خايب علينا يدخل هكاك وحدو الله لا ينحيلنا عادة وهذي اعراف وليدي وعوايد زماااااان
وقندورة الحنة ماذابيم ثقيلة شوي اك تعرف ناس تهدر واش جبت هذاك هو قدرك ، يا مرا يا مرا انا نظن خلاص
ام لعروسة واشمن خلاص اراجل لاه الدنيا باطل
العريس استناي ميمتي نجبد ورقة برك باه ما ننساش
امها حق الصبغة ،المشطة ،الروبة ،الكسوة والحمام ،و...
العريس قولي 3 ملاين
ام لعروسة هههههههههههههههههههههيييييييييييه ، حادوك حق الحمام وحدو روح قول بالكسوة ومع المساعدة ليك انتا برك كي دخلت قلبي قول 50 مليون كلش في بعضاه خاطي ليتكلم عليهم الحاج باباها
العريس والدار؟ راني غير انا ولعجوز والشايب
امها احنا في بالنا هذا شي ما نتكلموش عليه وبنتي ما تدخل كان في دارها جااااااهزة ومكملة لا الظنيا باطل ؟
العريس :-o مازال العرس في دارنا والغاشي والكورتاج ووووووو
امها وباباها واش تحب وليدي هذي هي الدنيا كلش غالي واحنا عطيناهالك باطل والله يا دقدق على جارنا ولا تخرج غير هنا برك تتشوط والله كامل يطلبو بالمليار بالزوج وانتا وليظ حلال وطيحك رب في بنيا كي لعسل كل صبع بصنعة وبلاش حق ربي راها غير بلاش
العريس لا تحلفي اميمتي لاه ،راني مصدق ،ايا نخليكم على خير لاكان مازال لعمر طويل نرجع ليكم فالقرن 30 مازال 10 قرون يعدو كي ريح العريس لازمني حل عطيت كلمة للراجل.
اعلان
هذا هوالكلام الصحيح المراهقة 35 الشباب 50 الكهولة 120 ماااااازل الحال
وشرايكم وواشي هو الحل العنووووووووسة وتقولو منين بناتنا بارو
اتذكرو قول المصطفى اقلهن مهورا اكثرهن بركة
علاه تتطلبو اكثر من المجهوظ وتزيد الطفلة لا حرفة لا صنعة والفم الحرك والذراع البارك
نخليكم انتوما تعلقو ونلقاو الحل
