1
- الأوسمة
- 14
** عندي مدة مدرتش موضوع هنا **
الجملة هاذي ولات كي البسملة في مواضيع واش تهدر :u_pc: :wink:
مكانش موضوع مافيهاش .. بدلو علينا شوي :no_1:
***********************************
خير و عافية عليكم
قبل منحكيلكم على لكوب ديموند .. بقاو 2 جورني من الشومبيونة ( جولتين من البطولة القسم الاول ) .. ولونطونت راهي مكلاصية الدوزيام من ورا mca ( وفاق سطيف في المرتبة الثانية بعد مولودية الجزائر ):no_1: .. ان شاء الله تخلاص الشومبوينة و الكحلة هي لي تديها :tears: .. رانا خسرنا مع تلمسان .. والضو ما شفناهش ..باسكو راحتلنا الريادة تاع الترتيب
كنت نقرا في موضوع سرسورة وريمة على اللقاء وتفكرت حاجة .. راكم تخمو تتلاقو قدام التلفزيون نتوما لبنات وحدكم ؟ ماشي شرط من اللمة ..يعني كاينين لي يديروها ولا لا ؟ باسكو ماشي كل عام دزاير في لكوب دوموند .. واكيد بزاف بنات حفظو اسامي اللاعبين و اخبارهم و هاذي العفسة ماصراتش عندها وقت ..معرف لامود ولا كي تكاليفينا :music_whistling:
حنا الرجال كل واحد و وش يحلالو ..الكثير لي يروحو للقهوة .باسكو نتلاقاو في صحاب بزاف .. كاين لي يتفرجوه في حوانت صحابهم ..زعما واحد حال فيترينة و لا حنوت يجيب تليفيزيون و نريحو نتفرجو توالو غير صحابنا .. و كاين لي يتفرج في الدار مع صاحبو ولا مع عايلتو ولا وحدو
انا من عادتي ..سيرتو كي يكونو ماتشات تاع رابطة ابطال .. نشري زوج قرع جي و شوي محليات و تبناج ( كوكاو .. شيكولة ..لوز ولا بيستاش ) و نديرو سهرة
هيا قولولنا على البروقرام تاعكم كيفاش داير ؟ تتفرجو و عين على الطياب و عين على التلفزيون .. ولا كشما مدايرين مخطط تلاقاو وتسيبورتيو مطمور و زياني في غرضكم :santa_1: هههههههه
آخر تعديل:
