علاش البنات ولاو يهدرو كالدراري

[faroukian]

دايما نطرحها هاذ السؤال علاش البنات خاصة الجيل الجديد ولاو

يهدرو كي les jeunes تلقى الواحدة تمشي وتخشن وفي كل

جملة واش ياخو cava شريكي...بكري يعني ماعدهش بزاف

الطفلة كانت تبان عليها الأنوثة مع الحشمة وكي نقول كلمة

توزنها تخاف يقولو عليها ماتعرفش تهدر...درك تشوف الطفلة

شابة وماخصها والو هي تنطق كلمة نروح l'image و

تتخرخش. في ميزكم علاه؟​

 

[نسيم الربيع]

يبالي بغات تولي طفل ومنعرف ولا بلاك عندها ضعف فشخصيتها و كي دير هكا تحس بالقوه انا عندي صحبتي تهدر كيما لولاد وتلبس قشهم وكي تمشي تبومبي وحدها كي نقولها علاه تقولي حياة لولاد خير من حياة لبنات والطفل خير من الطفله ..... وعلاه كي دير كيما هكا تولي طفل؟؟؟؟ ربي يثبت علينا العقل والدين وصحيت على الموضوع الشباب خويا

 

[hard_way1990]

هههههههههه المشكل مش لتم خويا ههه على الأقل كون الستر كاين ووو ..
ياو ظرك ضاربة سروال .. ودايرة جال ههه والكيتمان في وذنيها هههههه والله الأنوثة راحت طفرت ههه ..
الله يهدي هذا ما نقدر نقول ..
​

 

[مفآهيمـ الخجل]

الكــــاvـــية برك لي تلعبها تهدر كي الدراري و تخشن صوتها

الطفلة زينها في عفتها و حشمتها

ما نعرف هاد البنات لمن خارجين

مارسي عليك
​

 

[مفآهيمـ الخجل]

الكــــاvـــية برك لي تلعبها تهدر كي الدراري و تخشن صوتها

الطفلة زينها في عفتها و حشمتها

ما نعرف هاد البنات لمن خارجين

مارسي عليك
​

 

[السلطانة]

حابين يعيشو الرجلة

 

[Sârsoùra L'mkàlChà]

هههههههههه
انا هاذي الطفلة كي نقاها تهدر هك نبخصها ديراكت

ديجا نورمالمو هي تفهمها وحدها
الطفلة لازم تعود ريقاقة و حشامة
si nn ما تتسماش طفلة
​

 

[manel06]

مبقاوش الرحال في هاذ البرد سي بورسا واذا كانوا بنات كيما هكا يلبسو السروال ويهدروا كيما الرجال معناه انو راهي تعاني في حياتها
+ مننساوش حتى الرجال ولاو دي فاملات

 

[khalilou algerino]

اللهم نسألك بعزتك وجلال قدرك وعظيم سلطانك
وبكل إسم سميت به نفسك او ذكرته في كتابك ،يا خالق السموات و الأرض
يا من ليس له حاجة بنا و كل أمرنا بحاجة إليه
يا من لا تدركه الأبصار و يدرك كل شيء اللهم نسألك بعزتك وجلال قدرك وعظيم سلطانك
وبكل إسم سميت به نفسك او ذكرته في كتابك ،يا خالق السموات و الأرض
يا من ليس له حاجة بنا و كل أمرنا بحاجة إليه
يا من لا تدركه الأبصار و يدرك كل شيء
يا مجيب الدعاء يا من لا نملك ربا سواه
أدخل السرورفي قلوب الجزائريين و أبهج الملايين
و انصر منتخبنا الوطـني يا أرحم الراحمين .......... اااامين
يا مجيب الدعاء يا من لا نملك ربا سواه
أدخل السرورفي قلوب الجزائريين و أبهج الملايين
و انصر منتخبنا الوطـني يا أرحم الراحمين .......... اااامين
واللهم انصر اخواننا في فلسطين ......آمين آمين آمين
واللهم صلي وسلم على نبينا محمد ​

 

[شهد.]

لقاو الرجلة راحت من الرجال حبو يدوها هوما
فهمتني؟
​

آآآآآآآآآيوه يعطيك الصحة
​

 

[salma2010]

حابين يعيشو الرجلة

والله عندك الحق:santa_1:

 

[دعاء19]

يمكن حيت رجولة قربت تنعدم وربما باغيا تجرب الذكورة ومننساوش ان الرجال اصبحت فيهم الانوثة

 

[** غزال الصحراء **]

فكرتني في ( بشرى ) تاع الجمعي فاميلي كي جاو يخطبوها

واش رايح نقولك خويا ,, النسا ولاو يتشبهو بذراري و الذراري بنسا

و الرحمة يا اللولة على الثانية ربي يسترنا و خلاص

فيلامان .

 

[HWK4ALGERIA]

اللي مالقاش روحو في جنسو يحاول في جنس وح آخر،،،
شكرا على الموضوع.

 

[faroukian]

شكرا لكم

يعطيكم الصحة على المشاركة في الموضوع وإن شاء الله كل واحد يشد في جنسو الراجل يقعد راجل والمرا تكون مرا تاع الصح ونص

 

[الخيزران]

مانتكلمش على الوسط لي راهي عايشة فيه هذا البنت لي تتصرف كيما هكذا ,
على خاطر هذا اختصاص السوسيولوجيين والبسيكولوجيين ولي عندو دور كبير في تنشئة الفرد وعاداتو ,لكن انا نقول حاجة كثير من البنات انتما يالولاد لي حليتولهم العين ,

 

[zagane]

السلام عليكم
ههههههههههههه
المساواة بن الرجل و المرأة حتى في الهادرة حبو يول في كلش كيما راجل

 

[sandybelle]

هههههههههه المشكل مش لتم خويا ههه على الأقل كون الستر كاين ووو ..

ياو ظرك ضاربة سروال .. ودايرة جال ههه والكيتمان في وذنيها هههههه والله الأنوثة راحت طفرت ههه ..
الله يهدي هذا ما نقدر نقول .. ​

دايرا جال :blink:

 

[نجـStarــمة]

ههه سؤال مليح ....والله وش راح نقولك البنات عقليات وكل وحدة والمجتمع الي تربات فيه والتربية الي ترباتها والظروف الي كبرت عليها
...زعما وحدة باه تبان عقلية وبلي أي هنا ما تحطوهاش في الشوكة تدير هكا ؟؟؟ وما نعرف كل وحدة والتخمام نتاعها
وأنا من جيهتي طفلة نبقي طفلة سواء في الهدرة ولا في العقلية وغير الانوثة نتاع البنات الي ما نخليهاش... آو راني ما نحبش هكا
وربي يهدي ما خلق...ويهدينا كامل
دمت بود...وشكراااا لك على الموضوع....
تستاهل مني أرق وأجمل تحية وسلام ...:heh:​

نجمة الفؤاد **​

 

[Mr.Tahar]

هاذوك حابين يفهموا الرجولية بالتجريب
الفهم الغلط بالغلط
وعيش تشوف
​