آآواه منقدرلهاش لوكان نبعد عليها ما نعرف واش راح يصرالي

[dana1993]

السلام عليكم*صباح مساء ليل الخير*
نتمنى تكونو كاااااااااااامل ملااااح و لاباس

ايا نروح ديراكت للموضوع بلا منطول ونخربش هكاك

كان ناس بزاف تحب حوايج ومتقدرش تستغنى عليها

و لا ملقاتش هاذوك لحوايج اقفل وذنيك و غمض عينيك ماسمعت ماشفت لانو راح يجي ريح قاوي

رمضان رمضان وراح جاي بخيرو وبركاتو الحمد لله

مي الصح كان ناس تفرح بزاف كلما يقرب رمضان وناس منقولش متفرحش مي تعيا من التخمام

و الفئة هاذي هي الجماعة لي تتكيف*تدخن* و الجماعة كيما نقولها القهواجية *لي تشرب لقهوة بزاف* و نزيدلكم الشمة تاني

مع يجي رمضان تلقاهم مع الصباح انتيك يوصل وقت القهو تاع لعشية تتقلب الحالة تشوف غير الحوايج يطلعو و يهبطو

صراحة انا عندي عمي يدخن بزاف و مرتو قهواجية هه *عايلة هايلا* في رمضان دايما مدابزين جامي جاز على خير وعافية

زيد حكايتي الزلابجي لاشان كبيرة ديما المناوشات و الباقارات فيها ههه عند الجزار الخضار فيكل مكان



ايا قولولي شكون فيكم ميقدرش يبعد على لحوايج هاذو؟

و في رمضان تاع الاعوام لي فاتو كفاه كنتو ديرو *نورمال ولا فيه دباز*؟

انا نعرف بزاف ناس حاكما فيها القهوة و الدخان يصبحو راقدين حتى ل 1 تاع العشية *زعما رمضان الناس تصلي و تعد ربي* و من هذاك الوقت وهي برا حتى ياذن الحاجة الاولى لي يديروها ماشي حبة تمر ولا كاس ما يهز قارو ويبدا ولا قهوة ههه


ايا نستنا مناقشاتكم وحكاياتكم علابالي ماشي وقتو مي علابالي تاني هاذوك اليامات منكونش معاكم ههههه


يعطيكم الصحة بلاكم تدخلو و متردوش اه نتقبل النقد نورمال و منتقبلش لي يطل ويهرب



تشاااو .............سلام:wink:

طاطا عمو في الانتضار​

 

[HWK4ALGERIA]

فكرتينا في رمضان،
انا الحمد لله لا قهوة لا شاي لا دخان، لا حتا حاجة، انفوت رمضان كللي مانيش صايم خلاص، ومن بكري من اللي كان في عمري 11 سنة وانا انصوم ، يعني ذرك عندي 19 سنا صيام... وكللي ماصمتش خلاص، مي مانقدرش انصوم الايام الليخاطية رمضان نغلب صح.
شكرا على الموضوع.

 

[dana1993]

فكرتينا في رمضان،
انا الحمد لله لا قهوة لا شاي لا دخان، لا حتا حاجة، انفوت رمضان كللي مانيش صايم خلاص، ومن بكري من اللي كان في عمري 11 سنة وانا انصوم ، يعني ذرك عندي 19 سنا صيام... وكللي ماصمتش خلاص، مي مانقدرش انصوم الايام الليخاطية رمضان نغلب صح.
شكرا على الموضوع.

يعطيك الصحة والله هاذي هي الحاجة لمليحة لا قهوة لدخان لتكسار الراس
ربي يثبتك ان شاء الله مشكور

 

[نسيم الربيع]

انا الحمد لله مانشربش القهوه خلاص وبيانسور منتكيفش ومام فالدار معندناش اللي يتكيف انا رمضان فالسخانه البروبلام تاعي مع العطش برك مي ضرك راني فالدار يعني مانخرج مانعطش ياو رمضان مليح ومكانش كيفو مارسي ختي ... سلالام

 

[dana1993]

هههههههه انا الصراحة نفرح كي يجي رمضان نحب شهر رمضان و السهرات و كل شي فيه

عندي مشكل الشيباني برك .. ياو يخرجني على عقلي .. يدير فيا حالة يتكيف مليار و يهبل في رمضان

.. انا كنت نتكيف من اقبل 8 سنين و انا نتكيف لكن الحمد لله تربيت هههههههههه

كنت ندير حالة صح نتقلق كي تلحق لعشية هاذيك نولي حلوف و ما نتعاشرش خلاص

ايا ربي يكون فالعون . و ان شاء الله يفوت علينا رمضان بالخير

♥☺♥
بون نوي اختي

هههههه باباك ماشي الشيباني اوكي باه نتفاهمو
صح المدمنين تاع الدخان ميتعاشروش في رمضان
ربي يصلحهم وربي يهديهم يبطلوه و ربي يثبتك كتوليش ليه

آمين ياربي يعطيك الصحة ليلة سعيدة

 

[dana1993]

انا الحمد لله مانشربش القهوه خلاص وبيانسور منتكيفش ومام فالدار معندناش اللي يتكيف انا رمضان فالسخانه البروبلام تاعي مع العطش برك مي ضرك راني فالدار يعني مانخرج مانعطش ياو رمضان مليح ومكانش كيفو مارسي ختي ... سلالام

صح ماكانش شهر خير من رمضان ربي يجعلو شهر مبارك علينا
ربي يثبتك اختي و ربي يحفظك
وعليكم السلام

 

[la neige]

انا الحق ضد الدخان بابا دائما نتعايط معاه علجال يحبسو توجور نحيهملو مي بلا فايدة مازالو يدخن مي كي يجي رمضان نحمد ربي بصح كي قرب الفطور وباعدة صلاة التراويح نلقاه يدخن 3 سيقارات ساعات واش نديرو

 

[إحسَانْ]

الحمد لله لا قهوة لا دخان لا شمة مي التااااااااااااااي والقدام ههههههههههههههههههههه

 

[عديا الروح]

السلام عليكم
والله موضوع رائع وعجبني بزاف وانا تبالي هذا هو وقتو خاطر كامل مانقعدوش هذاك الوقت
المهم انا مايحكم عليا والو اصلا مانشربش القهوة بصح عندي عادة سيئة هكذا تقولي ماما وهي انو لازم رمضان كامل وانا في الكوزينة واذا دخلت لازم نكون وحدي ( باش نخلط واحد مايحاسبني) وديما في المدابزة مع ختي وماما نحاوز فيهم من الكوزينة
بصح ماشي لدرجة يروح نهاري
وحكاية القارو والقهوة شفت ناس بزاف يديروها بصح الحاجة الي تضحك هي كي يجي واحد يتكيف تقولو حبس يقولك رمضان ان شاء الله ونحبس و كي يجي رمضان يقولك مانقدرش نحبسو ضرك خلي كي يخرج اصلا هذيك الحاجة الأولى لي يفطر عليها
تقبلي مروري وشكر

 

[Rochdi.dz]

هههههههههههههههههههه

حنا توجور يجينا رمضان والله غير صح يتكيف شكون قالك...............؟؟؟

هيه قتلك الجماعة اللي تشرب الشمة و تتكيف القهوة وتشم الدخان هدوك يوليو مايضويوش في رمضان

أنا واحد من الناس لازم نشرب القهوة راني قهواجي مليار في الميطرا

ههههههههه

مرسي يعطيك الصحة دانا​

 

[@R@ZIK]

يعطيك الصحة على الموضوع
ربي يكون معا لي يدخنو ويقدرهم ويحبسوه في رمضان خير ليهم مكاش فرصة كيما هاكذا
تحياتي​

 

[DARINE05]

ايه صح رمضان مبقلوش بزااف وزادو خلعونا لي شان في التيليفيزيو بالبرامج تاع رمضان

لولاد حاكم فيهم الدخان والقهوة ولبنات حاكم فيهم الجوع والعطش ههههههههههه

ربي يقوينا عليه

 

[Elif DZ]

يا بنيتي مازاله هرمضان أكثر من شهر ما تخلينيش نتفكره رغم أنه فيه أجر غير التخمام بالسخانة و العطش ييييه يطفشكـ عن التفكير بيه
​

 

[ماكانش]

الحمد لله ختي
ماعندي حتى مشقة
ربي يحفظنا ​

 

[sami39200]

لا قهوة لا تاي لا دخان مي كاينا حاجا وحدا كان تروح عليا هيا مانقدرش​

 

[amouna.dz]

ايه والله عندك الحق
كاين احنا عندنا في الكارتي جماعة يتكيفو كي يلحق رمضان غير كي يأذن المغرب قبل ما يكمل و يقول الله اكبر تلقاهم ديجا شعلو ال9اروات ربي يهديهم

وبالنسبة ليا انا عندي مشكل صغيرون من هاذ الجهة
العطش نورمال
بصح الجوع هو اللي مانقدرش نتحملو مي الحمد لله ربي يعطينا قدرة على الصيام مانجيبو خبر حتى نكملو النهار
شكرا على الموضوع الرائع يعطيك الصحة وربي يبارك فيك
​

 

[iméne09]

الحمد الله قهوة ماتدخليش قاع في راسي مانشربهاش من اصلو تهنيت منها حاجة لي راني نخمم فيها غير لعطش مع سخانة ولي ييتكيفو حليلهم دور بيه تسمع مالا يرضيك تلقايه مقلق يستنى غير وقتاش يادن وماينوضش بكري غير باش مايخلوطوش فيه
يعطيك الصحة دندونة ع الطرح لهاااااااااايل ​

 

[معاك يا الخضراء]

بابا حبيبي يوءبر البي ما يتكيف ما يهيج في رمضان
بالعكس يولي يهبل :yahoo::yahoo:
وانا ما نتكيفش :music_whistling:​

 

[dana1993]

ليلى و سعيدة ثاني ... لا ليلى تكفي تبانلي أزين من سعيدة
ههههههههههههههههههه

بالسلامة خيتو و راكي تديفوندي على بشيّر معليش معليش انا ما شفيتكش ؟

♥☺♥

هه بشير؟؟؟؟:scared:
مشكور على التواصل

قهوة و قارو خير من سلطان في دارو


راني مش مضوي ظرك نرجع غدوة نرد عليك
هههه
​

هههههههه الفهامة اه ههه ان شاء الله في انتضار الرد
مشكور على التواصل

انا الحق ضد الدخان بابا دائما نتعايط معاه علجال يحبسو توجور نحيهملو مي بلا فايدة مازالو يدخن مي كي يجي رمضان نحمد ربي بصح كي قرب الفطور وباعدة صلاة التراويح نلقاه يدخن 3 سيقارات ساعات واش نديرو

ايه ههه بابا كي كنت صغيرة كان يحوس يدخن مي وين نلقاه نكسرو ونرميه الحمد لله في دارنا معندناش لي يدخن وربي يهدي باباك و يطيش الهلاك من يدو
ربي يحفظك ختيتو

 

[sahiko hamza]

عادي خلاص
نقدر بلا بيهم في رمضان
مي كي نفطر لازمني واحد بعد الفطور هههههه وبيان سير معاه قهوة مدوزيا هههه


مي كي نعود صايم لا تبالي بيهمــ
​