على وجه ربي ...

[houda1005]

مشكووور على التنبيه.......merci bcpppp
​

 

[مفخرة الجزائر]

جزاك الله خيرا وجعلها في ميزان حسناتك بارك الله فيك

 

[nawal 88]

موضوع رائع
صحيت خويا ربي يحفظك

 

[الجندية]

السلام عـليكم
خويا ماكانش كيف موضوعك ماكانش
والكلمه اللي نبهت عليها
في قاموس مفرداتي ماكانش
ايوااا وماكانش
ربي يحفظك خويا موضوع في القمه
​

 

[ماكانش]

ع وجه ربي كيفاش طلعلك هاد الميضوع في راسك


نقصر شريكي ربي يجازيك​

ههههههههه
امين خويا ربي عيشك

 

[nina bonoise]

بارك الله فيك

 

[نادية12]

شكرا لك اخي الكريم على الموضوع
فعلا هذه الكلنة اصبحنا نستخدمها
دون تفكير شكرا على التنبيه وان شاء الله
الكل يتنبه ويعرف ماذا يقول في كل مرة

 

[فؤاد الورقلي]

السلام عليكم
صح عندك الحق
نقولها بزاف
وفي كل وقت ومكان
الله يهدينا
والحمدلله استفدنا من موضوعك
شكرا اخي
ربي يوفقك ويجازيك

​

 

[ماكانش]

يا اخي حتى كلمة على وجه ربي شرعا مش صالحم

ممكن اتقول بالله اعليك
مي على وجه ربي حسب علمي مش صالحة اصلا للحليف​

صح خويا عندك الحق
ربي يحفظك​

 

[parkour14]

والله لعندك الحق خويا

شكرا لك و بارك الله فيك
​

 

[هــــيلدا]

صح ديما نقولو كلمات وحنا منعرفوش قيمتهم،،
مرات تكون قيمتها كبيرة ومتصلحش نهبطو بيها ومرات تكون كلمة العكس،،
هاذي لهجة متداولة، ولازم الواحد يعس روحو ومينطقش مثل هكذا كلمات،، مثل جابلي ربي، هذه ايضا ملازمش تتهدر//

بارك الله فيك مكانش،،lol

 

[امينة لبرايجية]

مشكور اخي على التوعية جعله الله في ميزان حسناتك ان شاء الله

 

[NICHA03]

"ويبقى وجه ربك ذي الجلال والإكرام" ...
مرة قالي واحد راح للعمرة وحضرلها وحلفلي بالله غير حضر ليها
قالي جزائرية دخلت لحانوت تاع قش وشرات من بعد قالت للسعودي على وجه ربي ساعدين ...
قالي قاللها هاكي الحانوت كامل...قالها وجه ربي خير من الدنيا ومافيها، وعلاه تهبطي وجه ربي لطرف قماش ...​

صح عنك الحق تلاقاهم على اتفه حاجة يقولو على وجه ربي و هاذي المراة ثاني على نتشة تاع قماش تحاول فيه ربي يهديهم
​

 

[ماكانش]

شكرا على التنبيه والتوعية خويا

انا صراحة ماكنتش نتمعن مليح في هاذ الكلمة يعني نستعملها في حياتي اليومية وتعقب عليا عادي
شكرا ربي يبارك فيك لانك نبهتنا لهاذ الخطأ الشائع خاصة في مجتمعنا
ربي يحفظك مييييييرسي​

بلا مزية ختي
ربي هنيك ويوفقك لكل خير​

 

[جوانا]

ربي يخليك خويا موضوع رائع بلفعل
لازم الناس يفطنو شوية و ما ينطقوش كلام قبل لا يوزنوه شراه يعني
بارك الله فيه
جزاك الله خيرا
تحياتي

 

[المتفائلة_91]

اي نسمع فيهم يقولوها
انا الحمد لله مانقولهاش
شكرا خويا بارك الله فيك
تسمحلي ننشر الموضوع؟

 

[mimi.dz]

السلام عليكم ورحمة الله وبركاته
واش راكم خاوتي لاباس بخير الحمد لله
"ويبقى وجه ربك ذي الجلال والإكرام"
خاوتي اليوم نحكيلكم على كلمة نقولوها بزاااااااااااف وهيا كبيرة بزاااااااااااااف
نقولوها على اتفه المور وحنا ماراناش حاطين بالنا ليها ...
هيا كلمة على وجه ربي ...
تحب واحد يعطيك حاجة تقلو على وجه ربي أعطيهالي، تطلب منو دخان ولا ستيلو ولا ... تقلو على وجه ربي هات قارو و لالالالا....
تقلو يجي معاك تقلو على وجه ربي ارواح، المهم اي حاجة تافهة نقولو عليها على وجه ربي...
الطفلة تشري شبر قماش تقلو على وجه ربي ساعدنا ...
ياخاوتي هاد الشيء مايصلحش نقولوه على حاجة تافهة ...
وجه ربي عزيز وكبير بزاااااف مايصلحش نهبطوه ونطلبو بيه حاجة من الدنيا ...
وجه ربي غالي بزااااااااااااااااف على الدنيا ومافيها
فما بقطرة من الدنيا ...
"ويبقى وجه ربك ذي الجلال والإكرام" ...
مرة قالي واحد راح للعمرة وحضرلها وحلفلي بالله غير حضر ليها
قالي جزائرية دخلت لحانوت تاع قش وشرات من بعد قالت للسعودي على وجه ربي ساعدين ...
قالي قاللها هاكي الحانوت كامل...قالها وجه ربي خير من الدنيا ومافيها، وعلاه تهبطي وجه ربي لطرف قماش ...
وكيما كاين في قصص النبياء ان الخضر عليه السلام كان في السوق واتاه فقير فقال له تصدق علي فقال له ليس معي شيء فقال الفقير للخضر عليه السلام تصدق علي لوجه الله
فقال له الخضر لقد قلت كلمة عظيما بعني عبدا وخذ ثمني ... القصة معروفة
خاوتي تبالي وصلت الفكرة واسمحولي بزاااااااااااااااااف​

انا نقولها بالبزاااف
ربي يهدينـــا
​

ما عندي ما نزيـــد على كلامك خويا
يعطيــك الصحة
موضوع في القمة
​

 

[ماكانش]

اي نسمع فيهم يقولوها
انا الحمد لله مانقولهاش
شكرا خويا بارك الله فيك
تسمحلي ننشر الموضوع؟

ربي يحفظك ختي
يعطيك الصحة ولابي عافيك
ايه انشريه ختي نورمال مادا بينا نديو الأجر
​

 

[العاطفي]

راهي كاينة بزاف
مي الناس ماراهمش واعيين
ربي يهدينا
وربي يخليك على الموضوع المميز
​

 

[yabda me amore]

صح كاين منها دايمن نقولها

يطيك الصحة

+ اسمك شباب ناكانش