روح للعرس مرفه تخرج عريان؟؟؟؟؟...

mimi-ba

:: عضو بارز ::
أحباب اللمة
إنضم
30 أفريل 2010
المشاركات
1,779
نقاط التفاعل
117
النقاط
79
السلام عليكم ورحمة الله و بركاته

أولا :مرفه معناها غني, عندو الصوارد........

المهم واش رايكم في الظاهرة لي خرجت جديدة

على ما أضن, و هي: السرقة في الاعراس :busted_red:

مستحيل يقدر عبد يقولي أنا عمري ما تسرقت

في عرس و أنا وحدة من الناس العرس لي

نروحلو لازم تتسرق مني حاجة :tears:هههه يعني في

رأيي هذي الظاهرة ما تليقش بينا كمسلمين و

عرب و هي تاع ""لي جون صغار كبار يسرقونا

جهار نهار والشيطان فرحاااااااااااااااااان

"":scared:حتى الناس لي كانت تروح للعرس غير باه

توري بلي راه عندها الصوارد و غنية ولات: نص

الذهب ما تديهش وممكن تدي غير تاع البلاكيور

البورطابل واحد برك في العايلة يهزو وتاع

أرخس سومة للطوارئ ,و القش هذيك وين تجي

التبهديلة تاع الصح ووو........ و أنتم واش

رايكم في هذه الظاهرة شكون فيكم لي راح

لعرس وما تسرقش فيه يقوللنا باه نديرو شوي

أمل .و نروحو للعرس مرفهين
icon6.gif
...

 
تمت مراقبة الموضوع و إعتماده ,, لي عودة .
 
السلام عليكم
ايه حنونة انا وحدة الحمد لله جامي سرقوني في عرس :like_1:
بصح والله لا كاينة منها
ماما كل مرة يدولها البلا نتاع القاطو :cra_zy:
ههههههه
والظاهرة اللي راهي بزاف :closedeyes:
زيادة على السرقة
الاطفال يتودروا :eek:_o:
الام تعرس وماعلابالهاش وليدها وينه :no_1:
حتى تقول ولدي ما لقيتوش :bored:
الله يسترنا برك
مرسي على الموضوع

 
هههههههههههه سيدي العريان باااتكورتاااااااا
 
مشكورة اختي على الموضوع
 
السلام عليكم

ايه حنونة انا وحدة الحمد لله جامي سرقوني في عرس :like_1:
بصح والله لا كاينة منها
ماما كل مرة يدولها البلا نتاع القاطو :cra_zy:
ههههههه
والظاهرة اللي راهي بزاف :closedeyes:
زيادة على السرقة
الاطفال يتودروا :eek:_o:
الام تعرس وماعلابالهاش وليدها وينه :no_1:
حتى تقول ولدي ما لقيتوش :bored:
الله يسترنا برك
مرسي على الموضوع

و الله صح يا أختي و المشكل اذا قلنا أن ماهوش غير الولاد الصغار لي يختفو حتى العجايز ويا ربي يمنعو .و مشكورة أختي على مشاركتك معي شكرا.
 
والله هادي ظاهرة صح منتشرة انا الحمد لله ما زلت ماتسرقتش مي انا جراتلي في السبيتار شكرا ليكي
 
انا جامي تسرقت بصج هعذ الظاهرة كاينة بزاف
 
كون جا غير في العرس حتى في الموت سرقولي دراهم ياخي حالة
 
ايه والله يا لعراس ولينا نروحو وخايفين تبقاي غير تعسي فحوايجك يعودو يسرقهملك ميخلو بوطابل ميزرموهش ميخلو زهب والو اللي طيح تتهز يقعدو غير يقابرو فالغاشي لا اله الا الله منهم:busted_red:.....لعوض اللي الناس تروح تزهى وديفولي ولات العكس:no_1:
 
هههههههههههههه والله غير عندك الحق يقولك واحد يعرس ولوخر يهرس يعني تروحي باش تزهاي تولي مفلسة موخدة في دهبك ولا حوايجك انا صراتلي وسرقولي لي بوكل في عرس تاع فاميلتي يعني غير لافامي راهم في عرس شكون راح يديه من غيرهم زعما دايرة لامان حطيتهم في بوات في ساك وليت بلخف ماطولتش غقلت برك طارو مالقيتهمش يعني وحدة كي تروح يلزم تدي لبسة وحدة تلبسها ودهب تدي فضة هكدا بلاك ما يطمعوش الله لا تربحهم عباد ماشي خايفين قاع من ربي خمهم غير في وسخ الدنيا الله يهديهم ويعطيك الصحة حنونة ع الطرح
 
انا عمري ما تسرقت في عرس وقليل وين نسمع دي الظاهرة
هي كاينة مي ما صادفتهاش
شكرا على الموضوع
 
السلام عليكم

هههههههه والله كانية

بصح والله جامي تسرقت انا

اصلا نروح غير للعراس القراب بزاف

وعمري تسرقت الصح الصح

هيا من اليوم نديك معايا وماتخميش

مرسي ختي
 
شفتي يا اختي والله لعراس ومامنعناش احنا يسرقولنا لي بوات تع لقاطو ولا لي فونتاي ههههههه
 
هههههههههههههه والله غير عندك الحق يقولك واحد يعرس ولوخر يهرس يعني تروحي باش تزهاي تولي مفلسة موخدة في دهبك ولا حوايجك انا صراتلي وسرقولي لي بوكل في عرس تاع فاميلتي يعني غير لافامي راهم في عرس شكون راح يديه من غيرهم زعما دايرة لامان حطيتهم في بوات في ساك وليت بلخف ماطولتش غقلت برك طارو مالقيتهمش يعني وحدة كي تروح يلزم تدي لبسة وحدة تلبسها ودهب تدي فضة هكدا بلاك ما يطمعوش الله لا تربحهم عباد ماشي خايفين قاع من ربي خمهم غير في وسخ الدنيا الله يهديهم ويعطيك الصحة حنونة ع الطرح

ههههههههه ايمان يسرقوها امبوسيـــــــــــــــــــــــــبل ::tears: ايا جات فالمساسك تاع الشعر نورمال بحار فيهم سلامة راسك حنونتي ...من وجاي كي تروحي علقي فليزتك فرقبتك :closedeyes:
 
السلام عليكم ههه و الله جاينا عرس يسرقوني و يخلولي حوايج الميكرو ههه ههه ربي يستر مرة اختي الصغيرة دارتلها ماما حوايجها تاع الذهب وراحو للعرس السنسلة روحت معضوضة والخاتم ختي مسكينة نية كي جات تتعشى نحاتها مالقاتهاش
ربي يهدي الخلق
ومرا عروس المقياس تاع الجهاز راح ربي يهديهم
شكرا
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top