هذي هيا مشكلتي راني حايرة...

[ام اشرف]

السلام عليكم ورحمة الله وبركاته
ان شاء الله تكونوا لاباس
ندخل للموضوع دون مقدمات
قولولي اذا صح كاين اصدقاء هذا الوقت ؟
مانيش عارفة عمري18 سنة ودايمن اللي نقول عليها صاحبة اومبعد تخرج بخرجة ولا يدور عليا الحال مانحسهاش تفهمني
مانيش عارفة وقتاه راح نلقا؟
جبت الباك وماشفت حتى واحدة عيطتلي
مام انا ماعيطتش مي كلي راني نشوف هما ماسقساو انا ماسقسيت
وكنا نقولو صحابات
فهمنوني كيفاه ندير؟
وصح الصداقة اصبحت شيء صعب هذا الوقت؟
ارجو ان تتفاعلو معي...:fish:

 

[ملاك الليل]

سلام عليكم
يااختي انتي ديري الخطوة الاولى باش تندمجي ..ومن بعد يلا ماكان والوا قولي بللي ماعنديش صحابات
وصباع اليدين ماشي كيف كيف يلا لي فاتوا خرجولك بخرجات غادي يجي اليوم للي تلقي فيه واحدة تفهمك..بصح عرفي كيفاه تختاري
ربي يوفقك اختي


























والبركة عليك كونطرا عليهم​

 

[سماح4]

أنتي هني صحاباتك لي نجحو ومن بعد اسناي المقابل وماشي شرط تديري بزاف صحابات نضن وحدة ولا 2 يكونو بنات فاميليا ويحبوك ويحبولك الخير تخلي سرك عندهم وتلقاي راحة بالك عندهم ، خير من 10 بلا فايدة...وراكي داخلة للمرحلة الجامعية على بالك ماشي ساهل تلقاي صحبة مليحة اعرفي واش تخيري لانو عندهم دور كبير فالجامعة ...مبروك عليك ختي والعقوبة للتخرج ...وماتديريش في بالك أكيد رايحة تلقاي لي تفهمك.

 

[N@riM@N]

لي دار صاحبات دارهم بكري كيما لي قرا قرا بكري

الصحاب تاع الصح راحو كيما راحت النيه,,,,,واش نقلك قاع رانا نقاسيو ​

 

[dana1993]

يا ختي اسبقيهم نتي وعيطي قبل ميعيطولك تقوي الروابط بينكم و تزيدو تتحابو و الاصدقاء بالنسبة ليا لازم تديهم معاك من الليسي بيسك الجامعة طويلة وعريضة الناس فيها من كل مكان صعييييب باه تلقاي صاحبة فيها لي تليق و تامنيها
ربي يعاونك

 

[βïģ βôşş]

يا أختي هادي توصي على الجايات .....نتيا زعفتي كيعاد معيطولكش .....هادي نورمال معا الوقت تنسايها.....ماتخميش على الي صرا شوفي واش تعلمت من صحاباتك هادو خلاوك في ابصت حاجة
دوركا خمي على المستقبل ...درك تروحي للجامعة وتلقاي ماأحسن منهم وأشرف ...او نسيت نقولك مبروك عليك الباك

 

[me against myself]

أختي ,,انتي زعفتي و قلتي علاش صحاباتي ما عيطوليش,,و بالاك هوما تاني راهم زعفانين منك و راهم يقولو كيــــــــــــــفاش ما عيطتلناش,,نصيحتي ليك بادري انتي و عيطليهم
و الصداقة أخذ و عطــــــــــــــــــــــــــــــــــــــاء
دمت بود
​

 

[Elif DZ]

لازمكـ تحاولي انتي تقومي بمبادرة و تدرسي كل الجوانب
​

 

[JSK 14 CH]

لازملك تخيري وحدة تفهمك وتفهميها مليح والللي ديري فيها الثقة الكاملة خطراكش مابقاش لامان درك النية راحت كلشي راح ولينا نشوفو غير الخدع والكذب ونتمنى تلقاي صاحبتك اللي تفهمك

 

[°/°مبدعة اللمة°/°]

و الله انا ملي هزيت العطلة مبقاتش لية ولا صديقة مع الرغم انو عندي ارقامهم ونعرف وين يسكنو لكن منعرفش وعلاهه ميجونيش مع انو فالدراسة كنا اكثر من صحابات و تامنو بالمثل لي قول لقى صحابو نسى حبابو انا لقيت حل الي هو نكتب المدكرات اليومية و هكا نشكي لاها كل همومي و الجواب فوري . جربيها

 

[nassim007]

انا شخصيا ماعنديش مصطلح وسمو الصداقة تقريبا كامل خبثاء

 

[°/°مبدعة اللمة°/°]

هههههههههههههههههههههههههههه صح فبعض الاحيان يكونو غير للمصلحة مي مش الكل هكا

 

[المتفائلة خيرا]

الصحابات قلال في هذ الوقت لازم تصبري وتوالفي ومبروك عليك الباك

 

[Moha le sage]

سلام ختي


قريت ام هيثم حطيت في عمرك 45 :yahoo:

..


كامل عندنا صحاب تاع صح صح .. هاذو ما يدو ما يجيبو ..

الصحاب الصح ذرك هوما تاوع بكري و اللي قراو معاك في لونفونص تاعك يعني طفولتك

راكي تقولي جبتي الباك ..يا سيدي مبروك عليك .. وكي تدخلي للجامعة ان شاء الله تلقاي صحابات تاع صح .. يكونو معاك صادقات و يوقفو معاك
​

 

[sirine-w]

ya khti nti diri khotwa lel amam w3aytilhom mais ana 3ala maadon mab9atch sohba khlas rani hasa bik heta ana n9ol hadi hbibti wtefhamni mais ftali makan lasohba lahom yahzanoun
​

 

[chamse121919]

رانا نعانوا من نفس الداء خيتو

 

[Klach]

يعني اصدقاء الحقيقيين فالوقت هادا
نادر وين تلقاه
مي كاين
و سبب انقراض الصداقة
هي المادة و المصلحة
مشكوووووووووورة على الموضوع​

 

[ماكانش]

الصداقة تاع الصح ختي قليلة جدا جدا جدا
قليل وين تلقاي صديق يمرض كي تمرضي وووو
ويعيش لمشاكلك وهمومك وكانهو هوا ........​

 

[عصام ابو عماد]

السلام عليكم و رحمة الله
لازم انت تكونني صديقة باش يكون عندك اصدقاء

 

[amel algerie]

يا اختي الصداقة عملة نادرة الان مهما تكوني مليحة مع الناس وماتكسبيهمش لانو فسدت الاخلاق الان
المهم ربي يهدي الجميع لاتقلقي
انشاء الله تجدي صديقة حميمة تحبك في الله