هذي هيا مشكلتي راني حايرة...

الحالة
مغلق ولا يسمح بالمزيد من الردود.

ام اشرف

:: عضو مُشارك ::
إنضم
30 أوت 2009
المشاركات
225
نقاط التفاعل
2
النقاط
7
العمر
32
السلام عليكم ورحمة الله وبركاته
ان شاء الله تكونوا لاباس
ندخل للموضوع دون مقدمات
قولولي اذا صح كاين اصدقاء هذا الوقت ؟
مانيش عارفة عمري18 سنة ودايمن اللي نقول عليها صاحبة اومبعد تخرج بخرجة ولا يدور عليا الحال مانحسهاش تفهمني
مانيش عارفة وقتاه راح نلقا؟
جبت الباك وماشفت حتى واحدة عيطتلي
مام انا ماعيطتش مي كلي راني نشوف هما ماسقساو انا ماسقسيت
وكنا نقولو صحابات
فهمنوني كيفاه ندير؟
وصح الصداقة اصبحت شيء صعب هذا الوقت؟
ارجو ان تتفاعلو معي...:fish:
 

سلام عليكم
يااختي انتي ديري الخطوة الاولى باش تندمجي ..ومن بعد يلا ماكان والوا قولي بللي ماعنديش صحابات
وصباع اليدين ماشي كيف كيف يلا لي فاتوا خرجولك بخرجات غادي يجي اليوم للي تلقي فيه واحدة تفهمك..بصح عرفي كيفاه تختاري
ربي يوفقك اختي


























والبركة عليك كونطرا عليهم
 
أنتي هني صحاباتك لي نجحو ومن بعد اسناي المقابل وماشي شرط تديري بزاف صحابات نضن وحدة ولا 2 يكونو بنات فاميليا ويحبوك ويحبولك الخير تخلي سرك عندهم وتلقاي راحة بالك عندهم ، خير من 10 بلا فايدة...وراكي داخلة للمرحلة الجامعية على بالك ماشي ساهل تلقاي صحبة مليحة اعرفي واش تخيري لانو عندهم دور كبير فالجامعة ...مبروك عليك ختي والعقوبة للتخرج ...وماتديريش في بالك أكيد رايحة تلقاي لي تفهمك.
 
لي دار صاحبات دارهم بكري كيما لي قرا قرا بكري

الصحاب تاع الصح راحو كيما راحت النيه,,,,,واش نقلك قاع رانا نقاسيو
 
يا ختي اسبقيهم نتي وعيطي قبل ميعيطولك تقوي الروابط بينكم و تزيدو تتحابو و الاصدقاء بالنسبة ليا لازم تديهم معاك من الليسي بيسك الجامعة طويلة وعريضة الناس فيها من كل مكان صعييييب باه تلقاي صاحبة فيها لي تليق و تامنيها
ربي يعاونك
 
يا أختي هادي توصي على الجايات .....نتيا زعفتي كيعاد معيطولكش .....هادي نورمال معا الوقت تنسايها.....ماتخميش على الي صرا شوفي واش تعلمت من صحاباتك هادو خلاوك في ابصت حاجة
دوركا خمي على المستقبل ...درك تروحي للجامعة وتلقاي ماأحسن منهم وأشرف ...او نسيت نقولك مبروك عليك الباك
 
أختي ,,انتي زعفتي و قلتي علاش صحاباتي ما عيطوليش,,و بالاك هوما تاني راهم زعفانين منك و راهم يقولو كيــــــــــــــفاش ما عيطتلناش,,نصيحتي ليك بادري انتي و عيطليهم
و الصداقة أخذ و عطــــــــــــــــــــــــــــــــــــــاء

دمت بود
 
لازمكـ تحاولي انتي تقومي بمبادرة و تدرسي كل الجوانب
 
لازملك تخيري وحدة تفهمك وتفهميها مليح والللي ديري فيها الثقة الكاملة خطراكش مابقاش لامان درك النية راحت كلشي راح ولينا نشوفو غير الخدع والكذب ونتمنى تلقاي صاحبتك اللي تفهمك
 
و الله انا ملي هزيت العطلة مبقاتش لية ولا صديقة مع الرغم انو عندي ارقامهم ونعرف وين يسكنو لكن منعرفش وعلاهه ميجونيش مع انو فالدراسة كنا اكثر من صحابات و تامنو بالمثل لي قول لقى صحابو نسى حبابو انا لقيت حل الي هو نكتب المدكرات اليومية و هكا نشكي لاها كل همومي و الجواب فوري . جربيها
 
انا شخصيا ماعنديش مصطلح وسمو الصداقة تقريبا كامل خبثاء
 
هههههههههههههههههههههههههههه صح فبعض الاحيان يكونو غير للمصلحة مي مش الكل هكا
 
الصحابات قلال في هذ الوقت لازم تصبري وتوالفي ومبروك عليك الباك
 


سلام ختي


قريت ام هيثم حطيت في عمرك 45 :yahoo:

..


كامل عندنا صحاب تاع صح صح .. هاذو ما يدو ما يجيبو ..

الصحاب الصح ذرك هوما تاوع بكري و اللي قراو معاك في لونفونص تاعك يعني طفولتك

راكي تقولي جبتي الباك ..يا سيدي مبروك عليك .. وكي تدخلي للجامعة ان شاء الله تلقاي صحابات تاع صح .. يكونو معاك صادقات و يوقفو معاك

 
ya khti nti diri khotwa lel amam w3aytilhom mais ana 3ala maadon mab9atch sohba khlas rani hasa bik heta ana n9ol hadi hbibti wtefhamni mais ftali makan lasohba lahom yahzanoun
 
رانا نعانوا من نفس الداء خيتو
 
يعني اصدقاء الحقيقيين فالوقت هادا
نادر وين تلقاه
مي كاين
و سبب انقراض الصداقة
هي المادة و المصلحة
مشكوووووووووورة على الموضوع​
 
الصداقة تاع الصح ختي قليلة جدا جدا جدا
قليل وين تلقاي صديق يمرض كي تمرضي وووو
ويعيش لمشاكلك وهمومك وكانهو هوا ........
 
السلام عليكم و رحمة الله
لازم انت تكونني صديقة باش يكون عندك اصدقاء
 
يا اختي الصداقة عملة نادرة الان مهما تكوني مليحة مع الناس وماتكسبيهمش لانو فسدت الاخلاق الان
المهم ربي يهدي الجميع لاتقلقي
انشاء الله تجدي صديقة حميمة تحبك في الله
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top