ادخل تضحك هههههههه

اشواريا راي

:: عضو مُشارك ::
إنضم
3 ديسمبر 2009
المشاركات
443
النقاط
17
العمر
25
اليكم هذه المجموعة من النكت الجزائرية
---------------------



في ليلة كان ربعة من ليجون يحششوا ورا باطيمة وبعد مدة خلصلهم الكبريت, فبعتوا واحد منهم يطلب, مالا راح دار على لباطيما ولاّ ليهم بعد, قاللهم: يا جماعة ما عندكمش كبريت؟ قالوا: أقعد رانا بعتنا واحد يجيب...
------------------------------------------------------------
وهادا واحد يبيع القهوة بثلاث دنانير, وكل يوم يجيه واحد ويحطلو دينار في شرق الحانوت ودينار في غرب الحانوت ودينار في الوسط ويقولو: اعطيني قهوة. وفي نهار جاب هذا الشخص قطعة تاع خمس دنانير وقالو: اعطيتي قهوة. فرح القهواجي وقال هذي فرصتي باش نردلو ما دار فيا وراح جابلو قهوة وحطلو دينار في شرق الحانوت ودينار في غرب الحانوت وقالو: هذا الصرف. وفجأة جبد الزبون دينار وحطو في النص وقالو زيدني قهوة
------------------------------------------------------------
مرة واحد يقلق مية في الساعة, دّا قماش عند الخياط وقالوا: اسمع حاب ندير قندورة تكون مليحة يعني يكون الكول مصاوب وصغير والدرعين مايكونو طوال مايكونو قصار ومن تحت توصل حتى للكعب وعندك ادّيرلي جيب مانسحقّش, ولكتاف مايكونوش عراض بزاف, وصاوبها تحت الطوابق, وأهم حاجة عندك ادّيرها محصورة انا ما نلبسش حاجة محصورة ولوكان درتها محصورة والله مانسلكك...هات لقماش هنا مانزيدش نجي عندك خلاص.
-----------------------------------------------------------
مرة واحد كسول ألف في الساعة شاف قدامو قشرة وهو يمشي

قال: ربي يعيني على هاذ الزلقة
---------------------------------------
واحد دخل للقهوة وقال للقهواجي: عندك قهوة باردة؟ يقولو: لا , زاد جاه غدوة وقالو كيما المرة اللولة ورد عليه:لا, وعاد كل يوم يقولو: عندك قهوة باردة؟ واحد النهار قال القهواجي: والله نوجّدلو قهوة باردة قبل ما يجي, ومبعد ساعة جا الزبون وقال: عندك قهوة باردة؟ قالو: نعم, قال: سخّنها وجيبهالي

----------------------------------
مرة واحد نام متاخر..... لقى الحلم بدا

---------------------------------
مرة عروبي شاف لوحةمكتوب عليها: مزرعة ابقار فسال صاحبها : كيف تزرعون الابقار!! فرد عليه نرش سكر على التراب وثاني يوم يطلع بقر
فاخذ الرجل شكارة سكر ورشها على الارض وثاني يوم راح يشوف البقر........ فوجد السكر عليه نمل
فقال:والله البقر وهو صغير شكله حلو

-----------------------------------
أفاقت الزوجة من نومها مذعورة فسألها زوجها مابك فقالت له حلمت أن رجلا وسيما وغنيا قد خطفنى منك فقال لها ولماذا تبكين انه مجرد حلم فقالت له ولهاذا أنا أبكي




ان شاء الله يعجبوكم
 

mimi-ba

:: عضو فعّال ::
إنضم
30 أفريل 2010
المشاركات
1,779
النقاط
79
ههههههههههههه مشكوووووووووووووورة أختي يهبلو
 

مارجوري

:: عضو مُتميز ::
إنضم
8 أكتوبر 2009
المشاركات
969
النقاط
37
العمر
28
ههههههههههههه
والله غير نكت فـــــــــــــــــــــــور مشكـــورة
ههههههههههههه
 

لميس.

:: عضو مُشارك ::
إنضم
18 جوان 2010
المشاركات
140
النقاط
7
هههههههههههههههههههههههههههههههههههههههههههههههههههههه شكـــــــــــــــــرااااااااااا اروع نكت في المنتدى
 

غرور انثى17

:: عضو مُتميز ::
إنضم
30 مارس 2010
المشاركات
1,179
النقاط
37
أفاقت الزوجة من نومها مذعورة فسألها زوجها مابك فقالت له حلمت أن رجلا وسيما وغنيا قد خطفنى منك فقال لها ولماذا تبكين انه مجرد حلم فقالت له ولهاذا أنا أبكي
مررررررررررررررررسي
 
Top