عرض خدمة

[merieme hassi]

اشريه من عند لي يبيع صوالع تاع قاطو كاين تاع كيلو وكاين تاع رطل
وهو يتباع في علب مثل لي يبيعو فيها ناباج
وسعر تاعو رخيص

شكرااااااااااااااااااااااااااااااااا​

 

[nissma34]

اختي شكرا جزيلا علي الخدمات التي تقدمينها فهل تقدمين ليكيفية لغريبية النصائح والطريقة وليس المقادير فقط لا انجح فيها

الغربية
400 غ فرينة
150 غ سكر عادي
15 سل زيت او خليط سمن وزيت
قرفة غبرة للتزيين
نخلط الفرينة مع الزيت والسكر ونخدم نخصل على خليط سابلي كي الرمل
شكلي كورات او على شكل هرم وزيني راس بالقرفة
تضعيها في الثلاجة على الاقل ساعة وتوضع في فرن على بلاتو مرشوش بالفرينة
في فرن 180 مدة بين 10 و15 ماتفوتيش 15 دقيقة كي تشوفي الحبة اخذت اللون الوردي نحيها واتركيها تبرد 05 دقائق قبل اكلها

 

[nissma34]

شكرا حبيبتي nabila soumia

 

[nabila soumia]

شكرا حبيبتي nabila soumia

بلا مزيا حنونة رانا قاع في الخدمة هذا من واجبي

 

[سارة30]

مرحبا بالجميع بليز ساعدوني قرب رمضان وحابة ندير لهريسة لحلوة وجامي صلحتلي بليز اعطوني وصفة جزائرية مجربة وصالحة 100% وجزاكم الله الف خير

 

[nissma34]

مرحبا بالجميع بليز ساعدوني قرب رمضان وحابة ندير لهريسة لحلوة وجامي صلحتلي بليز اعطوني وصفة جزائرية مجربة وصالحة 100% وجزاكم الله الف خير

للاسف اختي صارة تصلحلي كل الحلويات الا الهريسة ومنقدرش اختي مندلك وصفة غير مجربة
انا نمد غي الوصفات الناجحة 100 في 100 نتمنى لي مجربتها تفيدنا بها

 

[nabila soumia]

السلام عليكم ورحمة اله وبركاته
ممكن اختي نسمة توريلي مول تاع حلوة فانكي
وتكتبيلي لاغوسات تاع حلوة لي قدامها تاع هاد المول

ممكن تردي علي نسمة

 

[سمية909]

السلام عليكم

أختى حابة نسقسيك الحلوة اللي نطلوها بالشكولاتة السوداء واش نستعملو كاكاو اللي لونه أسود و نضيفو له سكر غلاس و لا كاين شكولاتة غبرة سوداء تنباع فى المحلات
أنتى كيفاش تستعملى الطلية انتاع الشكولاتة السوداء​

 

[nawal 88]

يعطيك الصحة اختي على المجهودات
بخصوص هذا النوع تعيشي الا تقدري توضيع أكثر واذا ممكن بالصور

للعجينة


04 كيلات فرينة


01 كيلة مارغرين طرية


قرصة فاني


ماء زهر-ملون غذائي ابيض و برتقالي


للحشو


03 كيلات كاكاو+عطر اللوز الحلو


01 كيلة سكر عادي


مبشور ليمون


بيض


نخلط جيدا المارغرين مع الفرينة +الفانليا ونجمع العجينة بماء زهر نقسم العجينة نلون الجزء الاول بالبرتقالي والثاني بالملون الابيض نتركها ترتاح


نحضر الحشو نرحي الكوكاو مع السكر +عطر اللوز ومبشور الليمون ونجمع بالبيض للحصول على حشوة طرية توضع فوق سطح مرشوش بالفرينة وتشكل حربوش و يقطع مربعات او تطرح الحشو وتقطع بطابع مربع.


نحل العجينة فوق سطح مرشوش بالمايزينة ونمررها في ماكنة العجينة رقم 04 ثم 06

نقطع شرائط برتقالية واخرى بيضاء بواسطة الالة جهة العريضة ثم نقيس طول الشرائط =ارتفاع مربع الحشو 02x +عرضه 02x
نضع 05 شرائط برتقالية فوقها 05 بيضاء توشع على شكل *L*نضع مربع الحشو عند زاوية *L* وندهن مربع العجينة السطخ والاطراف بباض البيض ونبدأ بتثبيت الشرائط
نرفع الشريط البرتقالي ونلفه حول مربع الحشو ثم الشريط الابيض ثم البرتقالي ثم الابيض حتى نتتهي من الشرائط نحصل على مربع مشبك بالشرائط
بنفس العجينة تقصي زهرات بمول وتلفيها حول نفسيها تحصلي على زهؤة تثبت ببياض البض فوق الحلوى​

 

[nawal 88]

أختي هذا النوع من الطابع ياترى متوفر في المحلات

 

[nissma34]

ممكن تردي علي نسمة

هاد هو مول لوى الفانكي المربع الشكل على اليمين

اما الحلوى لي تبغيها
للعجينة
04 كيلات فرينة
1/2 كيلة مارغرين
فاني
قرصة خميرة
ماء زهر
صفار بيضة
للحشو
03 كيلات كوكاو
01 كيلة سكر رطب
مبشور ليمون
بيض حسب الكمية
نخلط الفرينة مع المارغرين+الفاني+صفار البيض ونجمع بماء زهر نترك العجينة ترتاح
نحضر الحشو نرحي الكوكاو مع السكر+مبشور الليمون ونضيف البيض حتى نحصل على خليط زي تاع المسكوتشو
نحل العجينة فوق النشاء ونعقبها في الماكنة رقم 04 ثم 06 نملا السنيوات بعد متدهنيهم بالزبدة بالعجينة ثم نضع ملعقة من الحشو نتركها ترتاح ساعة ونطيبها في فرن مالزمش تتحمر كي نخرجها من الفرن نغطسها بالعسل ونزينها بوردة وورقة من عجينة اللوز​

 

[nissma34]

أختى حابة نسقسيك الحلوة اللي نطلوها بالشكولاتة السوداء واش نستعملو كاكاو اللي لونه أسود و نضيفو له سكر غلاس و لا كاين شكولاتة غبرة سوداء تنباع فى المحلات​

أنتى كيفاش تستعملى الطلية انتاع الشكولاتة السوداء​

نحطوا الشكولا دوب في حمام ماري +ملعقة صغيرة بدرة كاكاو عادي+قليل من الحليب الدافء+قطرات زيت +02 ملاعق ماء مثلج .

 

[nissma34]

أختي هذا النوع من الطابع ياترى متوفر في المحلات

ابحثي بالاك تلقايها مع لي كثرت مول السليكون

 

[nabila soumia]

بارك الله فيك اختي نسمة الله لا يحرمنا منك لقد قمت يتطبيق حلوة الفانكي خرجت هايلة بزاف يعطيك الصحة اختي

 

[nissma34]

بارك الله فيك اختي نسمة الله لا يحرمنا منك لقد قمت يتطبيق حلوة الفانكي خرجت هايلة بزاف يعطيك الصحة اختي

الحمد لله كي نجحتي فيها كون صورتيه نشوفوه

 

[nissma34]

في انتظـــــــــــــــــــــــــــار طلباتكــــــــــــــــــــــــــــــــم

 

[الجميلة الحنونة]

جزاك الله خيراااااااا
كيفاش يخرج glaçage يلمع
و الف شكر

 

[nissma34]

جزاك الله خيراااااااا
كيفاش يخرج glaçage يلمع
و الف شكر

عند الانتهاء من قلاصاج تاع الحلوى وتنشف نأخذ coton tige ونغطسها في اللماع الغذائي ونمرر على كامل الحبة جي تلمع

 

[nissma34]

الى الاختNAWAL 88

اليكي اختي الصور التوضحية

 

[DAHI]

عزيزتي بارك الله فيك على الشرح الوافي والكافي فقط ياليتني انجح وسادعو لك كثيرا