عرض خدمة

[nissma34]

اليك والى كل العضوات اول حلوى من المجموعة

حلوى القطايف​

​

باكي قطايف رقيقة( تاع سوريا)
شوية سمن
للحشو
250 غ لوز او كاوكاو لكن باللوز الدوق يجي خير
100 غ سكر عادي
مبشور ليمون
ماء زهر
للتزيين
حبات كاملة (نواى دكاجو-بندق )
بيستاش مرحي خشين
شربات (عسل خفيف)
نضع القطايف في صحن غامق نرشو بشوية سمن
نحضر الحشو نرحي اللوز مع السكر +مبشور الليمون ونشمخ بماء الزهر .
نجيب سنيوات ندير طبقة قطايف +ملعقة كبيرة حشو ونغطي بالقطايف ثم نضع قليل من الحشو من الفوق باه نلصق المكسرات نثبت 4 نواى دكاجو واقفين و بيناتهم بندقات 4
+ قطع صغار جدا سمن من الفوق ونطهيها في الفرن عند اخراجها تتعسل ونضع في الوسط البيستاش المرحي وتترك ليلى كاملة قبل التقديم
الحلوى الثانية من المجموعة
حلوى الفانكي

الوصفة على الرابط
https://www.4algeria.com/vb/showthread.php?t=240370​

 

[ايمي03]

03 بيضات
08 ملعقة سكر عادي
08 ملعقة حليب
08 ملعقة زيت
06 مغارف فرينة
02 مغارف كاكاو
01 خميرة حلوى
للتزيين:
02 علب شكولا سوداء
01 علبة كريم فرايش
نخفق البيض مع السكر +الزيت +الكاكاو +الحليب +الخميرة تضاف دائما هي الاخيرة لما يسخن الفرن
نطهيها في فرن معتدل الحرارة نحيها من الفرن ونخليها تبرد
*نضع الكرام فرايش فوق النار لما تسخن نضيف الشكولا ونخلط نحصل على قلاصاج نسكب القلاصاج فوق الكيكة
ونزينها حسب الرغبة

الف شكر اختي على الوصفة
​

 

[nissma34]

الحلوى الرابعة من المحموعة
كرسي العروسة

الوصفة على الرابط
https://www.4algeria.com/vb/showthread.php?t=248084https://www.4algeria.com/vb/showthread.php?t=248084​

 

[اميرة الساحل]

سلام اختي نسمة ان شاء الله تكوني بالف خير
عندي بعض التساؤلات خاصة بالحلويات فنظرا لتطور الوصفات و الكيفيات و تنوعها نجد بطبيعة الحال كثرة و تنوع في مكونات صنع الحلويات مقارنة مكان في سابق بحيث كانت الحلويات بسيطة و مكوناتها ابسط
فعند ما نروح نشري عند بائع مستلزمات الحلويات حقيقة نوجد الكثير من الاشياء الجديدة و متنوعة
فسؤالي هنا كيف استعملها في حلوياتي مثلا
نجد الشوكولا خاصة بالكلاصاج تباع في علب باحجام مختلفة كيف استعملها في الحلويات يعني استعملها يكون مباشر او نقوم باذابتها مثلا للاستعمال
كذلك بالنسبة لعجينة اللوز الجاهزة
و فوندون
و ماهو الفرق بين النباج و جولي و كيف نستعملوه
مرات نجد في كتب يقولو اوراق نباج كيف نستعملوها وورقة جولي واحدة كم تساوي مع جولي سائل في غرام
و بالنسبة للشربات الجاهزة هل نسخنها ام نستعملها مباشرة
هناك عدة تساؤلات ؟؟؟ ان شاء الله تفيديني
اسفة على الاطالة و لك مني اعطر تحية
​

 

[carmene]

السلام عليك اريد ان اعرف لمادا لم انجح في صنع المشكلة مع العلم اني اخدت المقادير و طريقة التحضير من كتاب لكن عوضت اللوز بالكاوكاو ارجو الرد

 

[nissma34]

سلام اختي نسمة ان شاء الله تكوني بالف خير​

عندي بعض التساؤلات خاصة بالحلويات فنظرا لتطور الوصفات و الكيفيات و تنوعها نجد بطبيعة الحال كثرة و تنوع في مكونات صنع الحلويات مقارنة مكان في سابق بحيث كانت الحلويات بسيطة و مكوناتها ابسط
فعند ما نروح نشري عند بائع مستلزمات الحلويات حقيقة نوجد الكثير من الاشياء الجديدة و متنوعة
فسؤالي هنا كيف استعملها في حلوياتي مثلا
نجد الشوكولا خاصة بالكلاصاج تباع في علب باحجام مختلفة كيف استعملها في الحلويات يعني استعملها يكون مباشر او نقوم باذابتها مثلا للاستعمال
كذلك بالنسبة لعجينة اللوز الجاهزة
و فوندون
و ماهو الفرق بين النباج و جولي و كيف نستعملوه
مرات نجد في كتب يقولو اوراق نباج كيف نستعملوها وورقة جولي واحدة كم تساوي مع جولي سائل في غرام
و بالنسبة للشربات الجاهزة هل نسخنها ام نستعملها مباشرة
هناك عدة تساؤلات ؟؟؟ ان شاء الله تفيديني
اسفة على الاطالة و لك مني اعطر تحية ​

​

اهلا اختي الغالية
1-الشكولا لي تباع في علب نوعية مليحة خاصة *la panda هي ماركة هايلة قلاصاج تاعها روعة تذاب على حمام ماري كي ذوب نزيلها ملعقة صغيرة كاكاو وشوية حليب قطرة زيت .
2-عجينة اللوز الجاهزة توضع في اناء بلاستيكي يحتمل الحرارة وتوضع داخل كسرونة فيها ماء يغلي تنطلق فقط ما تخليهاش دوب مباشرة حطيها فوق سطح مرشوش بالنشاء واصنعي بها واش تبغي .
ملاحظة: اذا شريتي علبة عجينة اللوز ومسيتها بيدك ولفيتيها طرية اعجنيها فقط بيدك تستعملها مباشرة متحتاجش العملية لي حكيتلك عليها اما اذا لقيتيها قاسية قمي بالعملية لي قتلك عليها.
3-الفوندو يستعمل في القلاصاج يوضع قي كسرونة ويذاب مع قليل من الماء ويستعمل.
4-الناباج هو لا جولي تلقيها في علب داخل اكياس شكلها كي الزجاج او ماء جامد شوية ديريها شوية ماء دافء فقط باه تخفاف شوية فقط واستعمليها تدهني بها البريوش مثلا والكيك من الفوق وهي مادة تمد بريق فقط وليست مجمدة.
5-اما لتبتع ورقات فهي الجيلاتين وزن كل ورقة 02 غ تنقع في الماء وتستعمل لتجميد الحلوى.
4-الشربات او العسل الجاهز عند الاستعمال لتعسيل الحلوى توضع فوق نار هادئة +ماء زهر يسخن فقط مالزمش يغلى فوق النار يولي كراميل يسخن فقط
ارجو انني افدتك

 

[الزوجة الصالحة]

السلام عليكم
نشكرك على هذه الخدمة و نتمنى منك اذا حبيتي تقدميلي الوصفات تاع الحلوى تاع الاخت عاشقة الورد صور حلويات 2010 خاصة الديكور تاعهم و نشكرك بزاف

 

[أم أريج]

حبيت أختي توريلي مدلات قاطو جدد
وحبيت قاطو جديد بالفوندون
و قاطو تاع الاشاي
وأنت عارفة نهتمو بشكل حبة بزاف
أنا عندي خبرة في حلويات وبحثت على لروسات جدد وملقيتش ما تبخليش علي أختي
حبيت نسقسيك على البقلاوة أنا ملفا ندير رها جي روعه ودرتها بلونين حبيت نجربها بعجينة المورقة أو بشكل أخر
سمحيلي أختي طولت عليك عندي عرس خلال هذه الأيام وحبا ندير حوايج جدد

 

[اميرة الساحل]

اهلا اختي الغالية
1-الشكولا لي تباع في علب نوعية مليحة خاصة *la panda هي ماركة هايلة قلاصاج تاعها روعة تذاب على حمام ماري كي ذوب نزيلها ملعقة صغيرة كاكاو وشوية حليب قطرة زيت .
2-عجينة اللوز الجاهزة توضع في اناء بلاستيكي يحتمل الحرارة وتوضع داخل كسرونة فيها ماء يغلي تنطلق فقط ما تخليهاش دوب مباشرة حطيها فوق سطح مرشوش بالنشاء واصنعي بها واش تبغي .
ملاحظة: اذا شريتي علبة عجينة اللوز ومسيتها بيدك ولفيتيها طرية اعجنيها فقط بيدك تستعملها مباشرة متحتاجش العملية لي حكيتلك عليها اما اذا لقيتيها قاسية قمي بالعملية لي قتلك عليها.
3-الفوندو يستعمل في القلاصاج يوضع قي كسرونة ويذاب مع قليل من الماء ويستعمل.
4-الناباج هو لا جولي تلقيها في علب داخل اكياس شكلها كي الزجاج او ماء جامد شوية ديريها شوية ماء دافء فقط باه تخفاف شوية فقط واستعمليها تدهني بها البريوش مثلا والكيك من الفوق وهي مادة تمد بريق فقط وليست مجمدة.
5-اما لتبتع ورقات فهي الجيلاتين وزن كل ورقة 02 غ تنقع في الماء وتستعمل لتجميد الحلوى.
4-الشربات او العسل الجاهز عند الاستعمال لتعسيل الحلوى توضع فوق نار هادئة +ماء زهر يسخن فقط مالزمش يغلى فوق النار يولي كراميل يسخن فقط
ارجو انني افدتك

شكرا لك اختي نسمة حفظك الله و جزاك كل خير لك مني افضل تقييم على مجهوداتك المميزة:ax_flw::ax_flw::ax_flw::ax_flw::ax_flw::ax_flw::ax_flw::ax_flw::ax_flw:

 

[nissma34]

السلام عليك اريد ان اعرف لمادا لم انجح في صنع المشكلة مع العلم اني اخدت المقادير و طريقة التحضير من كتاب لكن عوضت اللوز بالكاوكاو ارجو الرد

اليك اختي المقادير والطريقة الصحيحة لصنعنها وانشاء الله تنجحي فيها
03 مقادير فرينة
01 مقدار زبدة
ملعقة صغيرة فاني
ماء زهر
للحشو:
03 كيلات لوز او كوكاو
01 كيلة سكر
بياض بيض حسب الكمية 02 ال 03
مبشور ليمون
للتزين
حبات لوز كاملة
عسل +ماء زهر
ندخل جيدا الزبدة الطرية مع الفرينة +الفاني ونجمع العجينة بماء زهر نتركها ترتاح في كيس بلاستيكي.
*نرحي اللوز مع السكر +مبشورالليمون ونجمع ببياض بيض حتى نحصل على حشو على شكل عجينة (يجب ان لا تكون سائلة لان الحشو هو سر نجاح المشكلة لما جي الحشوة ميش شادة روحها رايحة تسيل في الفرن وتفسد الحبة)
نحل العجينة باليد اوفي الماكنة رقم 05 نقطع الشكل لي تبغيه .
على سطح مرشوش بالفرينة نحل الحشو سمك 01 سم ونقطعه بنفس الشكل
نأخد قطعة العجينة الاولى ندهنها ببياض البيض ونضع الحشو وندهنوا ببياض البيض و نغطي بقطعة العجينة ننقش السطخ ونرشق لوزة في الوسط تطهى وتعسل
ملاحظة :جي شكلها اجمل لو ديري الحشو بخليط جوز ولوز (02 كيلا ت لوز +01 كيلة جوز) يجي لون الحسو بني احسن من الكوكاو

​

 

[tina04]

اختي نسمة رغم اني لست من المهتمين باعداد الحلويات بل باعداد الاطباق الرئيسية والطبخ عموما الا انني احييك على الجهد المبذول واسال الله ان يجعله في ميزان حسناتك يارب.

 

[امنة2]

شكرا لك يااحلى نسمة وجعل الله كل ما تعطيه لنا وتنصحينا به في ميزان حسناتك والله استفدنا الكثير منك ولكن ماعليش راني حابة نسسقسيك :
1 ـ حابة تعطيني طريقة صنع المصيحات الاني عندي مقاديرها ولكن ماجينيش كيما اللي تنباع جي طرية من الداخل وكانها معسلة وجي لون الحشو اصفر باههي ولون العجينة الخارجية بيضاء فما هو السر ياحنونتي
2ـ اريد كريقة مجربة ودقيقة للمخبز علاش يجي طري ومعسل من الداخل
معليش راني طولت عليك ونتمنى تجاوبيني .

 

[nissma34]

السلام عليكم
نشكرك على هذه الخدمة و نتمنى منك اذا حبيتي تقدميلي الوصفات تاع الحلوى تاع الاخت عاشقة الورد صور حلويات 2010 خاصة الديكور تاعهم و نشكرك بزاف

تابعي موضوعي لرايحة نحط فيه المقادير تاع الحلوى طبعا لجربتها فقط لحطت صورها عاشقة الوردة
https://www.4algeria.com/vb/showthread.php?t=252274
رني مرة على مرة نحط مقادير ختى نكملوا باذن الله

 

[nissma34]

حبيت أختي توريلي مدلات قاطو جدد
وحبيت قاطو جديد بالفوندون
و قاطو تاع الاشاي
وأنت عارفة نهتمو بشكل حبة بزاف
أنا عندي خبرة في حلويات وبحثت على لروسات جدد وملقيتش ما تبخليش علي أختي
حبيت نسقسيك على البقلاوة أنا ملفا ندير رها جي روعه ودرتها بلونين حبيت نجربها بعجينة المورقة أو بشكل أخر
سمحيلي أختي طولت عليك عندي عرس خلال هذه الأيام وحبا ندير حوايج جدد

اكيد رايحة نكتبلك المقادير

 

[nissma34]

اختي نسمة رغم اني لست من المهتمين باعداد الحلويات بل باعداد الاطباق الرئيسية والطبخ عموما الا انني احييك على الجهد المبذول واسال الله ان يجعله في ميزان حسناتك يارب.

شكرا جزيلا اختي على الكلام الطيب

 

[أم أريج]

تعيشي أختي ربي يعطيك واش تتمناي ومطوليش علي

 

[أم أريج]

تعيشي أختي ربي يعطيك واش تتمناي ومطوليش علي و أرجوك تكون بالصور وربي يجازيك كل خير و يعوضهالك حسنات

 

[nissma34]

شكرا لك يااحلى نسمة وجعل الله كل ما تعطيه لنا وتنصحينا به في ميزان حسناتك والله استفدنا الكثير منك ولكن ماعليش راني حابة نسسقسيك :
1 ـ حابة تعطيني طريقة صنع المصيحات الاني عندي مقاديرها ولكن ماجينيش كيما اللي تنباع جي طرية من الداخل وكانها معسلة وجي لون الحشو اصفر باههي ولون العجينة الخارجية بيضاء فما هو السر ياحنونتي
2ـ اريد كريقة مجربة ودقيقة للمخبز علاش يجي طري ومعسل من الداخل
معليش راني طولت عليك ونتمنى تجاوبيني .

1-المصبحات او القنيدلات
04 كيلات فرينة
01 كيلة مارغرين او زبدة
قرصة فاني
ماء زهر
الحشو :
02 كيلات كوكاو +عطر اللوز الحلو
01 كيلة سكر رطب
مبشور ليمون
بيض وصفار بيض حسب الكمية
عسل
نضع الفرينة في اناء+قرصة لفاني+المارغرين الطرية وندخلها مليح في الفرينة ونضيف الماء زهر ونتركها ترتاح في كيس بلاستيكي .
نرحي الكوكاو مع السكر +عطر اللوز +مبسور الليمون +صفار بيضة ثم بيضة ختى نحصل على حشو قوامو كيما تاع المسكوشو
نحل العجينة فوق الفرينة ونحلها ونمررها في الماكنة الرقم 04 ثم 06 دهن القوالب الخاصة بهذا النوع من لبحلوى بالزبدة ونرشها بالفرينة ونقطع العجينة دواءر ونسويها داخل القوالب لتأخذ شكل القالب ونضع في كل قالب ملعقة صغيرة حشو ونزين حسب الرغبة نتركها قليل ترتاح ونطهيها في فرن معتدل .كي نخرجها مباشرة نغطسها في خليط عسل وماء زهر سخون (ثواني فقط ماشس بزاف).
-اتكدي لما طبقي نفس المقادير رايحة جيك العجينة تحسيها ناشفة والحشو معسل رغم انها كامل معسلة .
-صفار البيض المستعمل رايح يخلي الحشو يجي اصفر باهي .
2-المخبز
02 كيلات كوكاو +عطر اللوز
01 كيلة سكر رطب
مبشور ليمون
بياض البيض
الطلاء :
3 بياض البيض
1 ملعقة من عصير الليمون
1 ملعقة صغيرة من الزيت
5 ملاعق ك من ماء الزهر
سكر ناعم مغربل
ملون غذائي وردي
التحضير :

في وعاء اخلطي الكوكاو + السكر الناعم +عطر اللوز+الفانيلا +قشور الليمون ، بللي بالبيض حتى تحصلي على عجينة متجانسة و طرية . على طاولة عمل نرش قليل من الطحين و بالحلال نبسط العجينة بسمك 3سم و مقروطات نضعها في صينية مرشوشة بقليل من الفرينة تدخل الفرن (متوسط الحرارة 150°) مدة 15 دقيقة إلى أن تجف ويصبح قاعها نوعا ما وردي . تخرج من الفرن وتترك لتبرد .
تحضير الطلاء :
اخفقي بياض البيض، ضفي عصير الليمون والزيت (الزيت يعطيه بريقا و لمعان) + ماء الزهر. أضيفي السكر الناعم تدريجيا إلى أن تحصلي على طلاء غير سائل اضيفي الملون .
جربي الطلاء على حبة وإن سال أضيفي السكر الناعم .
ناخذ كورني ورق ونضع فيه كمية من الطلاء بعد ما تغمق شوي اللون كي تنشف الحبة ديري الخطوط وزيني ب حبة فضية كبيرة
ملاحظة : لما ديريه باللوز رايح يجي احسن من الكوكاو بكثير​

 

[nissma34]

تعيشي أختي ربي يعطيك واش تتمناي ومطوليش علي

واش رايك اختي في هذه الحلوى لي قدمت صورها الاخت عاشقة الوردة الاخت لي تبغيها نمدلك شرحها وتفاصيل صناعتها

قاطو لتاي نكتبلك وصفات اما بقلوى عندي وصفة جديدة نكتبهالك هذا المساء انشاء الله

 

[أم أريج]

جميعها هايل عجبنب قاطو لفيه أورونج في صورة أولى
أنا عملت طلية قداه من مره ومتخرجليش كيما لي في الصورة
عندك قاطو المكسرات
يعطيك الصحة أختي