يخرج مع طفلة ....بصح يضرب الطفل اللي يمشي مع أختو

هدى82

:: عضو مُشارك ::
إنضم
20 جوان 2010
المشاركات
289
نقاط التفاعل
3
النقاط
7
ا
لسلام عليكم

عندي أختي تقرا في الليسي

عندها صاحبتها تمشي مع واحد

وكانت تخرج معاه قدام الناس

وأختو ثاني تقرا في نفس الليسي

وهادي أختو تمشي مع واحد كان يقرا في الليسي

بصح خوها معلابالوش ..

وحد النهار كيما خرجو من القرايا راحت أختو تاع الشاب

وسقسات صاحبت أختي إلا خوها جاي اليوم باش يوصلها

قاتلها لالا ... راحت هي مشات مع الشاب في الطريق

وفي طريقهم لقات خوها جاي لعند صاحبتو ...

في رايكم واش دار ...قال لأختو تروح للدار

وراح لعند الطفل اللي يمشي مع أختو

وضربو وهددو لوكان يزيد يقرب لأختو يقتلو

صاحبت أختي شافت كل شي بعينيها

وهداك النهار فهمت بلي كانت غالطة لما كانت تخرج معاه

وبلي كانت تلعب بسمعتها .....

وحاجة وحد أخرى ...من هاد الحكاية نعرفو بلي كما تدين تدان

أنت تخرج مع طفلة .......اختك راها تخرج مع واحد

يعني الشي اللي ما ترضاهش لأختك لازم ما ترضاهش لبنات الناس


 
ايه نسى روحو هو واش راه يتمسخر ببنت الناس من هنا تعرف اللي راهي معاه بللي يتمسخر بيها وحاطها رخيسه كيعاد مارضاهاش لختو واش تحبي ختي هذي هي مارسي عليك ... سلالام
 
نطرطقلو راسو كون نلقى واحد يمشي مع اختي بالصح انا نمشي نورمال
 
هههههههههه واه كاينة منها هادي وقديمة هاد ضاهرة هنا عيب في شيرة لي راها معاه زعما حلال عليها وختو حرام ولا خته بنت تسعه شيرات لخرين بنات سمانه هههه هدا لي يدير هكا باين عليه حابس هادي دنيا ختي عيش تشوف ورانا نشوفو مزال الخير قدام حفظك زينة .
 
محمد خويا والله هدرتك صح هههههه بصح هكا راك تدخل في مشكل اخر هو زعما كانت صحبتها راك تقولها مكاش نية في بنات دات صحيب صاحبتها دعوة والله ههه واه في مشكل واحد رجعو زوج ميبغيش على خته وشيرة تبدا مع باسي تاع صحبتها هيا خلات مالا رانا نطبقو في عيش تشوف صاي غي خلوةني نموت ومنشوفش ههههههه دنيا والله تحير تشيخ وانت غريان .
 
كون جات ختي ولا بنتي
نعالج الموضوع بحكمة ونفهمها بالعقل​
 
سبحان اللله حلال علينا وحرام عليكم
 
والله عندك الحق هادي الظاهرة راهي منتشرة بزاف و شكرا ليك كي جبت موضوع كيما هادا
 
نمشي مع بنات الناس لي مش متربيين بصح اختي نفس متجبدوش.
هدي هي دنيا فيها بنات متربيين وبنات مش متربيين وحنا عندنا وقت ضايع لازم نفوتوه بالبنات لي مش متربيين وراهم بزاف.
لدى متحطيش لبنات كامل كيف كيف ختك واخت هدلك مش كيف كيف.
 
ايييييييييييه يلعبوها رجالة شوفي اختي نقولك حاجة مكانش وحدة ولا واحد ميحبش في الدنيا هذي علاه راح يجي الاخ يتحكملك في قلبك
مي احنا شوية عقليت الرجلة زعما لعبا علينا مرسي
 
نطرطقلو راسو كون نلقى واحد يمشي مع اختي بالصح انا نمشي نورمال

هههههههههههههههههههههههه
ضحكتني خويا تلقا اختك عندها عشرة مبقاتش لي متحبش
 
واش نقولك ؟؟؟؟
مالقيتش اجابة و الله كي نلقاها نولي
هو ببنات الناس نورمال يلعب مي ختو حريمة بوسو لاتمسو
ربي يهدي ان شاء الله مي الاجابة اقزاكت مالقيتش و الله مالقيت
 
يعطيك الصحة ختي
حاجة تحير صح صح
ربي يهدينا
 

هاذا يسموه الرويجل
بقالو يضرب عقليتو في الف باش يولي راجل

مانيش عارف الناس كيفاش تخمم
 
والله راسي حبس من لكلايش هــــــــادو

دوومــــــــــــــــــــاااااااااج
 
يغيبوهالك هاد الناس
حتى ما تلقي ما تقولي
~ الله يهدي الجميع

 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top