_::((بركاو ما تجرو ورا الدنيـا أدخلو!!!))::_

chemssou007

:: عضو بارز ::
أحباب اللمة
إنضم
12 سبتمبر 2009
المشاركات
2,416
نقاط التفاعل
40
النقاط
82
العمر
34
°°اليومـ نحكيلكمـ على موضوعـ ما يحكوشـ عليه بزافـ في المنتدى،،
التغيير حاجا مليحا في كلشـــ،،_
تغير الجو تستراح°°
تغير مكان الاقامة،،°°
°°حتى تغير في المواضيع ثانيـ على الأقلـ ما نبقاوش في الروتينـ تاع راهو خلاني صاحبي و راهي سبتني صاحبتيــ،،،°°
°البـارحـ رحتـ انـا و عميـ للمقبرة باه نزورو القبور تاعـ العائلة،،،
علابالكمـ كيـ حبستـ الطوموبيلـــ و دخلنـا للمقبرة معـ أولـ خطوة في المقبرة و حنا نمشو وسطـ المقابر صدقونـــي،،°°
* تشعر بانك أتفه من التفاهة،،
* تشعر بأنك كلـ ما ستأخذه من هذه الدنيا هو شبر أو أكثر قليلا،،،
هذا لا يعنيـ ما لازمشـ تجري و تتعب و تجعل حياتك أفضل و تحقق أمانيكـ،
بصح كي تروحـ تشوفـ المصير المحتمـ تاعك تحط رجليك في الأرض و يروحلك هذاك الجري و التهافت على الدنيـا،،،
توليـ تعدلـ أفكاركـ و دير الأولويـات تاعك كي تعرفـ بليـ حياتك فانية فانية و رايحين للممات لا محالة،،
دخلتـــــ في وسط المقبرة نسيت الفليكسي البروتابل و السكايب و الـ Msn نسيت البناتـ و هذي لابسا ميني و لوخرا سيري،،،
ولاو هاذو يبانوليـ حوايجـ والو،،،
صافيـ الحقـ الحقـ كاينينـ حوايج تافهين لازمـ ما نضيعوشـ فيهمـ وقتـ
parceque وقتنا محدود قداه 60 70 80 سنة و كيـ نفني سنواتـ شبابك في الجياحة و التمسخير تولي تقول يا ليت الشباب يعود يومـا،،،

 
السلام عليكم ورحمة الله تعالى وبركاته

نسال الله الحفظ اخي
والعافية في الدنيا والاخرة

(إعمل لدنياك كأنك تعيش أبداً و إعمل لأخرتك كأنك تموت غداً) سيدنا علي بن ابي طالب كرم الله وجهه
 
صحيحـ
درتـ الموضوع هذا باه على الأقل نبلغ،، الهرج لي راهم فيه الناس على الدنيا الحبـ و دمونداتني و دومونديتها،،،
بارك الله فيك على المرور
 
والله بارك الله فيك يا خويا شمس الدين
موضع يقيس في الصميم
ربي يهدينا راهى الدنيا ماتساوا حاجة يا سعدو عامل الخير فيها
زائد تقيم
 
والله بارك الله فيك يا خويا شمس الدين
موضع يقيس في الصميم
ربي يهدينا راهى الدنيا ماتساوا حاجة يا سعدو عامل الخير فيها
زائد تقيم

بارك الله فيك على التقييمـ
نأثر على واحد برك و نخليه يراجعـ روحو الدنيا و ما فيهـا،،
صحيتي بزافـ،،
 
حياتك فانية فانية و رايحين للممات لا محالة،،

هذا هو الواقع اللي معظم شباب اليوم ميفكروش فيــه
يقولك ندير واش نحب نعيش حياتي ونتمتع
و كي نكبر كاين الحج يمحي الذنوب
وينساو باللي الموت اقرب حاجة للانسان


تقول يا ليت الشباب يعود يومـا،،،

كلمة تتقال بعد فوات الأوان

بارك الله فيك خويا شمس الديـن
ربي يهديــــــنا ويثبتنا على دينه

+ تقييم
 
موضوع في القمة
بارك الله فيك خويا
الله يهدينا
تحياتي
 
بارك الله فيك...موضوع قيم ولكن هيهات...
اللهم اعنا على ذكرك وشكرك وحسن طاعتك...دمت بود
 
الحقيقة هي أنه لا أحد منا لديه فكرة عن المدة التي سيعيشها و للأسف
فنحن نتصرف كما لو كنا سنحيا إلى الأبد
نحن نؤجل الأشياء التي نعلم أننا نحتاجها مثل إخبار الناس أننا نحبهم
أو قضاء بعض الوقت منفردين
يجب عليك أن تعيش كل يوم كما لو كان آخر يوم في حياتك
فهي وصفة ليس لكي تصبح مهملاً أو لكي تترك مسؤولياتك و لكن ؟
لأُذكرك بالقيمة العظيمة لهذه الحياة
بارك الله فيك اخي الكريم
على تذكيرنا بمثل هذه المعلومة العظيمة
 
اتمنى ان تكون قد اتعظت جراء زيارتك للمقبرة
 
سلام عليكم
بارك الله فيك شمسو
أنا أكثر حاجة لي فريمون نجمد ونتأثر بيها ونولي نحتقر الدنيا
هي لما نشوف كيفاه يحطو الانسان فلقبر
وسيرتو كي يكون واحد تعرفو مليح.......
فريمون موقف يخليك تراجع حسابتك في هاد الدنيا

 
وعليكم السلااام>>
الدنيا غدارة
%7b%5e_-%7d.png

وانا فيها محتارة !!اللهم لاتجعل الدنيا أكبر همنا ولامبلغ علمنا ولاإلى النار مصيرنا

بـــــــاركـ الله فيكـ
 
بارك الله فيك ، لازم علينا نتفكرو دايما الموت والآخرة باش نحطو رجلينا ومانتمردوش ،الانسان كي يكون بصحتو ومالو وبشبابو ينسى الآخرة ويحسب روحو رايح يخلد فالدنيا وينسى بلي ممكن في أي لحظة ينقطع عن هذي الدنيا ، ربي يهدينا جميعا شكرا ليك.
 
و الله عندك الحق تحس روحك حشرة
أنا شفت جدي ميت حسيت الدنيا ما تسوى والو
اما جيب اللي يعتبر
 
عندك الحق فكامل واش قلت شمسو
انا و الله نهار الخميس
مات واحد وليد الليسي اللي نقرا فيه
عندو 19 سنة برك
كان مثل قلب النهار.........مي هاذي هي الدنيا
ما راح ندو منها والو
يلزم الواحد يعرف كيفاش يوفق بين الدنيا و الاخرة
دون الاهتمام بالتفاهات
لان الايمان الحقيقي يحقق لك السعادة فالدنيا و الاخرة
شكرا
 
والله نكره المقابر منحبش نزور
انا عندي جدي ربي يرحمو مات
واني نموووت عليه وهو كلشي مي كي نروح نزور المقابر نتحطم نفسيا نتفكر راجل طول وزين وشباب كان واقف قدامي يوم وليلة ولا في قبر
كي نروح للمقابر ننسى حياتي الكل نتفكر غير الاخرة ونشوف روحي انا في بلاصة وكيفاه يزوروني ولا كيفاه يكون القبر
اهههههههه كل شي عندك الحق فيه مشكور على الموضوع
 
بارك الله فيكمـ كاملـ
على الأقلـ الهرج تاع دنيا يروح شويـ
و نتفكرو بلي لازمـ نقنعو و مصيرنا واحد
 
الحمد الله وفرحت يا شمس كي درت هذا الموضوع
ومليح يا شمس كي نحسو داك الاحساس في المقبرة
هذا معناه انو مزالت قلوبنا حية وعندنا امل التغيير
شكرا على الموضوع بالتوفيق
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top