مقادير بعض الحلويات لقدمتهم الاخت عاشقة الوردة صور حلويات2010 2010

الحالة
مغلق ولا يسمح بالمزيد من الردود.

nissma34

:: عضو بارز ::
أحباب اللمة
إنضم
18 أفريل 2009
المشاركات
1,145
نقاط التفاعل
47
النقاط
37
اشكر الاخت عاشقة الوردة للحلويات الرائعة وعندي مقادير البعض منها وجربتها بعد ماتلقيتها في دورة الحلوى لي درتها
نبدأ باسم الله الرحمن الرحيم
حلوى الكفتة

لعجينة اللوز
2 كيلات غبرة لوز

كيلة سكر رطب
سيرو (ماء وقليل من السكر يطيبو فوق النار )
للحشو
كيلة لوز
كيلة جوز
علبة حلوة الترك
بسكوي ذوق شكولا
علبة شكولا
جولي
نخلط اللوز مع السكر ونجمع ب السيرو نحصل على عجينة نلفها.
نرحي البسكوي+الجوز واللوز و الشكولا حلوة الترك ونجمع بجولي
نحل عجينة اللوز ونضع حربوش عريض ونلف مرة واحدة ونقطع مقروطات ونزين بجوزة
ملاحظة :عجينة اللوز تقدري تلونيها باي لون تبغيه كيما فالصورة ملونةب نيسكافي .

المخبـــــــــــــــــــز
2819114598_small_1.jpg


العجينة :
3 كيلات لوز مرحي
2 كيلات سكر ناعم
قشور حبة ليمون
3 أو 4 حبات بيض حسب الحجم
م ك من الفانيلا
الطلاء :
3 بياض البيض
1 ملعقة من عصير الليمون
1 ملعقة صغيرة من الزيت
5 ملاعق ك من ماء الزهر
سكر ناعم مغربل
ملون غذائي وردي
التحضير :

في وعاء اخلطي اللوز + السكر الناعم +الفانيلا +قشور الليمون ، بللي بالبيض حتى تحصلي على عجينة متجانسة و طرية . على طاولة عمل نرش قليل من الطحين و بالحلال نبسط العجينة بسمك 3سم و مقروطات نضعها في صينية مرشوشة بقليل من الفرينة تدخل الفرن (متوسط الحرارة 150°) مدة 15 دقيقة إلى أن تجف ويصبح قاعها نوعا ما وردي . تخرج من الفرن وتترك لتبرد .
تحضير الطلاء :
اخفقي بياض البيض، ضفي عصير الليمون والزيت (الزيت يعطيه بريقا و لمعان) + ماء الزهر. أضيفي السكر الناعم تدريجيا إلى أن تحصلي على طلاء غير سائل اضيفي الملون .
جربي الطلاء على حبة وإن سال أضيفي السكر الناعم .
ناخذ كورني ورق ونضع فيه كمية من الطلاء بعد ما تغمق شوي اللون كي تنشف الحبة ديري الخطوط وزيني ب زهرة مصنوعة من عجينة اللوز وورقة
....... يتبع ...​
 
9-98.gif



السلام عليكم ورحمة الله​

9-62.gif
نورتي حبيبتي المنتدى بمشاركتك الطيبة والمميزة
9-62.gif
9-62.gif
9-62.gif
9-62.gif

سلمت يداك يا نسمة
في انتظار جديدك
موفقة
9-98.gif
 
يعطيك الصحة على الوصفتين
 
شكرا اختي يعطيك الصحة
 
اليكم مقادير الحلوة لي في الصورة سهلة جدا

للعجينة
4-كيلات فرينة
1 كيلة مارغارين
ماء زهر
فاني
الحشوة:
3 كيلات لوز مرحي او كوكاو (تزديلوا عطر اللوز)
كيلة ماشي معمرة بزاف سكر عادي
ملعقة صغيرة فاني
ملعقة مبشور ليمون
بيض
للتزين:
عسل
ماء زهر
حبات لوز كاملة او كوكاو
التحضير:
نخلط الماغرين مع الفرينة و نحاول ادخال المارغرين في الفرينة جيدا ثم نظيف الفاني و نبلل العجينة بماء زهر اتحصل على عجينة ملساء نضعها في كيس بلاستيكي و نتركها ترتاح .
ملاحظة:اذا اردتي تلوين العجينة مثلا نضع قليل من الملون الغذائي في ماء زهر و نبلل العجينة.
*نرحي اللوز +السكر +مبشور الليمون و الفاني و نجمع الحشو باضافة البيض تدريحيا للحصول على حشو طري و يمكن تشكيله بسهولة
نحل العجينة قليل نرشها بالفرينة ونمررها في الماكنة رقم 04 ثم 06 نقطع دوائر ندهن بباض البيض نضع الحشو على شكل اصبع
ونرفع طرفي الداءرة فوق الحشو ندن من الفوق ببياض البيض ونضع داءرة من العجينة من الفوق و ندخل لوزة كاملة في الوسط
تنقش اطراف الحلوى بالنقاش تطهى في الفرن وتعسل
 
شكرا جزيلا لك
 
يعطيــــك الصحة
بوركــــت
و صـــح فطرك

و تقبل الله منا و منكم صالح الأعمال
 
شكرا لكي اختي على الوصفة
 
شكرا يعطيك الصحة
 

نمووووووووووووت على
المخبز


مشكووووووووووووووورةاخيتي
 
بارك الله فيك
مشكووووووووورة
 
يعــــــــــطيك الصحـــة اخـــــتي راهــــــو وصـــــــل العيــــــــد ونحتـــــــــااجوهم هايليــــــــن صح بعــــــــد الفـــــــطور
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top