الجن و السحر دمرو حياتي أنقذوني

[shahrazad]

قصتك قصة كيما يقولو
والله انك انسانه قوية بلبزاف
مانيش خبيرة فهاد الشي بصح كيما نعرف
لازم رقية شرعية باه تتخلصي من السحر هادا
ماتحتاجيش الواحد يفكرك انو مازال قدامك حياة ومتنهزميش
لانو ماشاء الله عليك انتي قادرة
ربي يبعد عليك كل شر وان شاء الله راح يعوضك ربي
الي جاي احسن باذن الله
وانساي الي آذاوك وكلي عليهم العالي
المهم ابقاي شادة في ربي ​

 

[Nàf!ssaà]

ربي يشافيك اختي و اسلكي طريق ربك هي الوسيلة للشفاء
وادعي ربي و ارقي رقية شرعية احسن من الشيوخ لان معظهم دجالين و الله اعلم انه هو علام الغيوب
و اسال الله ان يشفيك اخيتي عاجلا و تواصلين حياتك
ولا تتفاني في عباداتك اختي و اللجوء لله الواحد الاحد بالدعاء

 

[* تسنيم *]

السلام عليكم
اختي عليك بالرقية الشرعية واصبري وداومي عليها وبربي ان شاء الله تشفاي ربي يشفيك ويفرج عليك
و الحب نتاعك الرقية
ربي يكون معك ...قال الله تعالى "".......وماهم بضارين به من احد الا باذن الله ....""
اختي هذا ابتلاء من رب العالمين فاصبري واحتسبي ...وانا حاسة بيك خاطر مريت بهذه المشكلة اتعلمين دارولي سحر باه ماننجح في دراستي وما نزوج ولكن بفضل الله ومداومتي على الرقية شفيت باذن الله وديت الباك ......وحمد لله
شفاك الله ورعاكي

 

[الكاهنة]

السلام عليكم و رحمة الله تعالى و بركاته
أشكر كل من مر عبر صفحتي المتواضعة أشكر كل من قدم لي النصيحة جعلها الله في ميزان حسناتكم
فالحقيقة موضوع الرقية الشرعية هو من اهم مشكلاتي فالكثير ممن هم في محيطي نصحوني مثل ما انتم نصحتوني بالرقية الشرعية جزاكم الله كل خير و جعلكم بمنزلة النبيئين و الصدقين و الصالحين آمين يا رب
لكن أنا لحد الآن عندي حالة نفسية تخليني في حالة تكاسل إن لم اقل رفض و عدم تقبل لفكرة أني اتنقل و اروح لشيخ من شيوخ الرقية و تعرفو المشكلة الكبيرة وين هي أنو مع ظهور هذ الحالة عندي صرت مهملة في صلاتي رغم اني قبل هذ المشكلة كنت مواظبة و مهتمة كثير و كنت اقراء القرآن تقريبا بشكل يومي الآن و انا في هذه الحالة صايرة حتى لما نضغط على روحي و نحط قرآن نحس كانو ايدين حول عنقي تحاول تخنقني و فترة ما قبل المغرب بالنسبالي اتعس و العن فترة نحس بضيقة الخاطر قد ما الدنيا واسعة نحسها ضيقة عليا خاصة بهذاك الوقت و حتى الخروج من المنزل و القيام بزيارات او قضاء بعض الحوائج ولى ليا اصعب شي طول الوقت فالدار اعتزلت كامل محيطي و فقدت الثقة في روحي يا حصراه كيفاش كنت زمان رغم كل الظروف الصعبة مي كنت عندي شخصية قوية و ثقة فالنفس عالية و حتى كنت محببة كثير عند الاساتذة نتاعي حتى لدوك يذكروني بكل خير
في كل الاحوال ما عندي ما نقول غير دعوة صادقة و عيني تدمع نوكل ربي على كل من كان سبب في تعاستي الي بلاني ربي يبليه بعمري ما اذية حد ولا كنت مصدر إزعاج لحد حتى الجيران يذكروني بكل خير من صغري و انا بنت هادئة جامي درت طوايش بحال بنات سني من صغري حاملة مسؤلية و تفكيري سابق سني بسبب المنكر الي صرى فينا من اهل والدي ربي يرحمو و يغفرلو و يسامحو حتى طفولتي ما عشتها كي باقي البشر كاني ولدت و انا عمري 20 سنة حملوني هموم الدنيا و انا صغيرة احيانا نقول مليح كي راني مزالني نتنفس لو كان جا الاوكسجين بيدهم كان منعوه عليا ربي وكيلهم .
والدتي من ايام راها تقول لازم نحوس على شيخ يكون ملم بأصول الرقية الشرعية باغية تجيبو يرقي كامل البيت و انا الصراحة متخوفة من الفكرة و يمكن حتى رافضتها من جهة حالتي النفسية ترفض كامل فكرة الرقية و من جهة اخرى متخوفة من الراقي في روحو نخاف ما يكونش اهل للرقية تعرفو هذ الزمان ما فيه ثقة ولى الخو يقتل خوه على داك الشي نخاف من غدر الناس في زمان ولينا ما نقدروش نفرزو بين الصالح و الطالح كل شي صار غريب من حولنا

 

[المسلم حسني الجزائري]

اختي قصتكي ماثرة بلبزااف انا لا اعرف عن هاته اشياء وماذا يفعلو مي لما قرات ردود وجدتهم كلهم يقولو رقية شرعية هي تخلصكي من هاته الشيء
معليش اختي هاته ابتلاء من الرب ولن يترككي وان شاء الله في قريب وقت يشفيكي من هاته السحر
اسف لااعرف كيف اساعد لانه لست اعرف مثل هاته الاشياء
بتوفيق ان شاء الله في كل حياتكي

 

[khalil hip hop]

البنات الجميلات والقاريات كما نقول واظن هذا السحر اختي قصتك تشبه الكثير من قصص اصدقائي

اختي ربي يشفيك ان شاء الله والسلام عليكم
​

 

[chamse121919]

ربي يشفيك و يهنيك

 

[chamse121919]

نقلك حاجة ملاحة لاكان راكي في حالة ميسورة روحي اعتمري لبيت الله بلاك تتغير حياتك

 

[assoma]

قصة غريبة فعلا اختي
ربي كان معاه
وشكرا ​

 

[Tayma]

مثل باقي الأعضاء أنصحك بالرقية الشرعية
ربي يكون معاك

 

[♥♥ضياء القمر♥♥]

حبيت نسقسيك حاجة برك علاش سميتي روحك الكاهنة؟؟؟؟
علابالك شكون هوما الكهنة؟؟؟ و لا الجني هاداك متبعك حتى لهنا في اللمة؟

راكي تشوفي في روحك بلي راكي متقاعسة في الصلاة حاكمك التفنيين بزاف و عندك اعراض تاع وحدة مسحورة
بركاي من الهدرة تاع ماشكيتيش بلي راكي مسحورة و الهدة لخرا
ماعندك ماتخسري روحي لكاش واحد ثقة ينحيلك هاد الهم اللي حياتك كامل و هو متالب فيك

 

[asm@a]

اختى لازمك الرقية الشرعية والاستعانة بالله

 

[christal heart]

اختي قصتك اكثر من قصة مؤثرة ربي يصبرك ويقوي صبرك ويحفظك
انا ننصحك بالرقية الشرعية​

 

[Nour26]

ربي معاك و ربي يشافيك اختي

 

[stsmat]

ما يفرق بين المرء وزوجه لا حول ولا قوة الا بالله​

 

[sandybelle]

ربي يعينك ويشافيك اختي
قل لن يصيبنا الا ماكتب الله لنا

 

[هشام مادي]

اختي قرات قصتي كاملة وهي قصة محزنة جدا انا لاافهم كثيرا في امور السحر والرقية وغيرها.
لكن والله اختي اتمنى لكي الخروج من هده الحالة وارجوا من الله ان يكون معكي كوني قوية وحاولي الشفاء وننتظر منك اخبار سعيدة اخوك هشام.

 

[bilale-007]

اعبدي ربك واخلصي له حتى يكشف مابكي من ضر

 

[imi nawras]

اختي العزيزة عليك ان تنسي قصة الجن و السحر و اقترح عليك ان تدهبيي الى طبيب نفسي عاجلا ربما عندك اكتئاب مصدره ماضيك الحزين يا اختي روحي للطبيب و اشرحي حالتك انا على يقين ان تشفي ان شاء الله .
اما قصة الجن هم موجودون اما قصة التلبس مشكوك فيها اما السحر فهو حق لكن هو نادر اغلبه شعودات
ادا لم تنسيهم فلن تخرجي من هده الدوامة
روحي للطبيب نفسي و سترين ادا اكد الطبيب فرضيتي
استمري في العلاج و لا يهمك احد
ادا كان بينك وبين زوجك السابق حب حاولي الاتضيعيه ولكن بعد استشارة طبيبك النفسي روحي اختي للطبيب و الله لن تندمي

 

[فؤاد الورقلي]

السلام عليكم
قصة محزنة
ولكن امراة جريئة جدا
وحسب القصة تستطع التغلب على كل شي
يا اختي
انت بعيدة كثيرا عن رب العالمين
حاولي ان تتقربي اليه بالطاعات والعبادات
الصلاة في وقتها وعدم اضعتها
قراءة القراءان
الذكر
من التسبيح الى الاستغفار
الى الصلاة على النبي كل يوم
دعاء الصباح والنوم والمساء والخروج من المنزل
وكل المحصنات
قيام الليل والدعاء اثناء القيام
والتضرع لله بان يبعد عنك كل شر
ثقي بالله حتى ول طال الشفاء
ارجوك اتبعي ما قلت
وباذن الله سيزول عنك كل شي
حاولي ان تقرائ القرءان
وتستمعي له
اي وقت للقراءة ووقت للاستماع

نسأل الله لك الشفاء العاجل
وان يبعد عنك الجن والسحرة وكل الشرور
وحتى الرقية لها دور كبير في شفاءك بعد الله سبحانه


يارب اشفيها وعافيها وابعد عنها كل شر وحزن وهم
يارب


وفقك الله اختاه

السلام عليكم
​