اتبرد يا مواطن معايا

[DARINE05]

السلام والرحمة والكسرة با الشحمة
شوفو موضوعي راه كليماتيزي فيه البرود بصح التريسيتي مكانش نعطيكم فونتاي اتبرد يا مواطن انفع صحتك

كي راكم واش حوالكم يا الخاوة عمبالكم راهو قريب رمضان سورتو مع السخانة هذي ربي يصبرنا هذا ما نقولو
اني حابة نقرعج عليكم كيفاه تفوتو يومكم وسورتو مع السخانة هذي اتخيل معايا السخانة 40او باتنة ولحقها لخبر عادت تعندلنا في الصحراء اييييييييه عمر راسك :music_whistling::music_whistling::music_whistling:
والتريسيتي يروح لا كليمتزور لا انترنات لا تلفزيون :scared::scared:
وزيد صايم واش راح دير يا مواطن :tears::tears:
اعطوني تقرير كيفاه تفوتو يومكم انا نوض جويه 1باه منحسش با الوقت :u_pc::u_pc:
مكرة فيكم انا عندي لي يخدم في الدار خوتاتي :closedeyes::closedeyes:
انا تلفزيون برك مي مبعد لماعن عليا :tears::tears:
رمضان كريم
ربي يكون في عيونكم ناس الصحراء

 

[هــــيلدا]

والله ربي يكون معانا وخلاص،
هادو للي حاكمين التريسيتي عندنا في باتنة منعرف وش بيهم خبلو، كل شوية يقطعوه،
شوفي نعقب نهار اللول ونجي نقولك كيفاش فوتتو، وكون ميكونش التريسيتي نجيك للدار نجيفك

 

[عاشقة رجاص]

السلآم عليكم
واش راكي دارين ختي
أسكتي برك ذيك المرة السخانة غلبتني 4/0
اليوم 9/0 وربي يستر
أما بالنسبة لرمضان
أنا صمت يامات دركا
اليوم اللول يقوت صعيب شوية سيرتو العطش كل دقيقة نحل العين ونقعد نتمتع بمنظر الماء الرقراق
مي مبعد توالفي عادي
ماتفكرينيش فجد التريسيتي حنا العام اللي فات
كلما يأذن المغرب يقطعو التريسيتي تقول يفطرو عليه
والله نفطرو بالشمع
هذاك ماتصلح الفونتاي وإ ذا جاتكم 15 ألف غالية أخدموها بورقة يخي تعلمنا فالبريمار في حصة الأشغال اليدوية كيفا نخدمو فونطاي أمالا أخدموا وحدة وخلاص
يعطيك الصحة يادارين على موضوعك
تساهلي تقييم وتحية لناس 05 من عند ناس 43​

 

[AnGeL*dZ]

احنا لبارح راح غير مرة التريسيتي ماطولش خلاص
بلاك من السخانة هههههههههه
ياستي في رمضآن اكيد نوض قبل آدان الفجر نتسحر مع بابا وخوتي ومبعد نصلي صلاة الفجر ونقرأ قرآن
ونرجع نرقــــــــــد وعلى حساب ساعات نوض بكري اذا طولت 10
نوض ندير شغل الدار ومبعد يأذن الظهر نصلي ونقرأ في المصحف ونروح نتفرج كانش مسلسلات ونبقى في net
وكي يأذن العصر كيف كيف نصلي ونقرأ في المصحف شوية
كي يقرب يأذن نوجد الطابلة مع اختي ونبقى نستنى في الآذآن ههههههههههههههههه
ومبعد نغسل لماعن بالخف باش نتفرج باب الحارة ولجماعة واذا قدرني ربي هذا لعام نروح مرة على مرة ندير التراويح
​

 

[fahima m]

والله حنا ثاني نعانو من نفس المشكل هدي الايامات التريسيتي تتقطع قداش من مرة في اليوم و ش هذا زعما راهي تصدر في التريسيتي وشعبها معيوز راح يتحرقو الاجهزة الالكترونية كامل من ردجة كل دقيقة تروح التريسيتي
ربي يصبرنا برك في هذا رمضان​

 

[فراشة الايمان]

ياااااااااااااااه يا حسراه راكم تحمدو ربي أنتوما هيا للصحرا تشوفي السخانة نتاع الصح و تشوفي الميزيرية
أما على تفويت النهار هاديك قصة طويلة ههه
في النهار نعديه غير نغسل وجهي ينشف نزيد نغسلو
هادا ما كان .

 

[قمر الاسلام]

ربي يقدرنا عليه
وتاع sonelgaz الله يهديهم

 

[BARCA232]

• السلام عليكم اختي دارين انا السخانة فيها عندي الفايدة لنني نقص الشحم
  راني معمر
  رمضان والله اختي مع شوي كوراج وخاصة ايمان والله تفوت عادي
  نخبرك بآخر خبر لك
  البارح احتفلو في ألمانيا :
  بمرور 05 سنوات دون انقطاع الكهرباء ولا للحظة ولا رمش
  شكرا لك
  

 

[Mr mino]

والله يا درونة خيتي غير رانا في الحمان غير الرب عالم بيه

انت باتنة شاراه صاري فيكم

احنا بريكة قسما بالله غير رانا نذوبوا

ومع التريسيتي روح وارواح

كملت

رمضان انا ديسيديت نصوم بالنص نهار ونلصق في بعضاه وصاي

ههههههههههه

يعطيك الصحة


​

 

[أماني2]

شكرا ليك على الموضوع

هي السخانة فيها فيها في رمضان
هاذي هي الحياة تدور هكا رمضان جاي جاي فالصيف والسخانة

وكي تشوفي للصح الأجر الكبير راهو في هذاك الوقت
كيفاش يبان الصبر تاعك في سبيل الله مع الصيام

مشي ندوها غير رقاد باش نفوتو الوقت
وربي يجيب اللي فيها الخير

وإن شاء الله نتمناو رمضان كريم مبارك مليئ بالخير والبركة للجميع
تقبلي تحيتي لكي ولجميع الأعضاء

ميرسي ليك
​

 

[ماكانش]

يعطيك الصحة يا الباتنية
راك تحكي غير على لبرود هههههههههه
كيما قاتلك اسراء اليوم الأول ونردولك لخبر ههههههه

 

[N@riM@N]

وعليكم السلاام والجاري والطجين لحلو
هـا بنتي وعــــــلااش تفكري فينا بهــــاد لكــــوشمار,,ياو انا راني معـــوله نعقبو قاع راقد
راحت جات التريسيستي كيما حبت,,,صحا عـ اليضـوعـ​

 

[السلطانة]

وعليكم السلام
مكرة فيكم انا عندي لي يخدم في الدار خوتاتي
في هادي نحسدك انا كلش يفوت على كتافي
ربي يسترنا برك ويقدرنا باه نصوموه

 

[abidou 20081]

رمضان يجي بباركتو مافيها شك

وربي يقدرنا على صيامو ويقدرنا على طاعتو
بصح منين دخلت للموضوع قلت بالاك راني في سيبيريا
منين قريتو حسيت بلي راني في عين صالح مثلث الموت
نقولو الحمد لله على كل حال ونعياو نعرفو السخانة مانعرفوهاش كيما ناس عين صالح
أشري اللحم وماتشقاش تشري فورنو خرج اللحم مع التاقة برك يطيب
ربي يكون في عونهم وعونا وربي ينورك ويعطيك ماتتمني دمتي ​

 

[choukri25]

صباح الخير عليكم ربي يطرح الرحمة في رمضان انشاء الله نفوتوه مليح

 

[mizora]

حنا هي تعود الساعتين و نص هي تروح و ترجع على التلاتة و نص يدوها ساعة وحدة فالنهار مي بسكرة السونر ما تروحش قاع

 

[sandybelle]

قالك رفع القلم عن ثلاث المريض والطفل والمجنون
أيا أنا خلاص دسيديت نضربها هبلة هدا رمضان :closedeyes:

 

[EL General]

أولا النهوض عندي يكون على : 9 صباحا راني مشرف و المنتدى يحتاجني كثييرا ، ههه

ثانيا ، العمل ثم العمل ثم العمل

و شكراااااااا
​

 

[Rochdi.dz]

sémultanément avec la pèriode des grands chaleurs

il est demander aux membres de lama

de faire des sujets climatisés

mercie
​

 

[معاك يا الخضراء]

والله ربي يكون معانا وخلاص،
هادو للي حاكمين التريسيتي عندنا في باتنة منعرف وش بيهم خبلو، كل شوية يقطعوه،
شوفي نعقب نهار اللول ونجي نقولك كيفاش فوتتو، وكون ميكونش التريسيتي نجيك للدار نجيفك

شفتي ا طاطا هادك النهار وععععع انا قعدت فاللمة سجلت الدخول دارلي التريسيتي تييييييييييت:surrender:
روحي ماعلينا ساعتين جا
شعلت التيليفيزون نتفرج هيا وصلت اللحظة الرومانسية جا يقلها انا بحبك و هو دارلي تييييييييت:surrender:
ايا طلعتلي السخانة جيت نلعب بتيليفوني دارتلي لاباتري تييييييييت:surrender:
نهار فات اسود
رمضان نشتيه ما يقلقنيش خلاص يفوت عليا بيان :closedeyes::closedeyes:
اسرا تحطي رجلك فاللمة نكسرك :closedeyes::closedeyes:​