اتبرد يا مواطن معايا

[DARINE05]

والله ربي يكون معانا وخلاص،
هادو للي حاكمين التريسيتي عندنا في باتنة منعرف وش بيهم خبلو، كل شوية يقطعوه،
شوفي نعقب نهار اللول ونجي نقولك كيفاش فوتتو، وكون ميكونش التريسيتي نجيك للدار نجيفك

هههههههههههه
مرسي سوسو اييييييييه هذي افار كي تجينا للدار نحكمك للفطور
شتي هذيك النهار راح قيلا كاملة

 

[DARINE05]

السلآم عليكم
واش راكي دارين ختي
أسكتي برك ذيك المرة السخانة غلبتني 4/0
اليوم 9/0 وربي يستر
أما بالنسبة لرمضان
أنا صمت يامات دركا
اليوم اللول يقوت صعيب شوية سيرتو العطش كل دقيقة نحل العين ونقعد نتمتع بمنظر الماء الرقراق
مي مبعد توالفي عادي
ماتفكرينيش فجد التريسيتي حنا العام اللي فات
كلما يأذن المغرب يقطعو التريسيتي تقول يفطرو عليه
والله نفطرو بالشمع
هذاك ماتصلح الفونتاي وإ ذا جاتكم 15 ألف غالية أخدموها بورقة يخي تعلمنا فالبريمار في حصة الأشغال اليدوية كيفا نخدمو فونطاي أمالا أخدموا وحدة وخلاص
يعطيك الصحة يادارين على موضوعك
تساهلي تقييم وتحية لناس 05 من عند ناس 43​

ربي يخليك يا اختي راني لباس السوال عليكم
شفتي هذيك السخانة ربي يكون في عونا كامل

 

[DARINE05]

احنا لبارح راح غير مرة التريسيتي ماطولش خلاص
بلاك من السخانة هههههههههه
ياستي في رمضآن اكيد نوض قبل آدان الفجر نتسحر مع بابا وخوتي ومبعد نصلي صلاة الفجر ونقرأ قرآن
ونرجع نرقــــــــــد وعلى حساب ساعات نوض بكري اذا طولت 10
نوض ندير شغل الدار ومبعد يأذن الظهر نصلي ونقرأ في المصحف ونروح نتفرج كانش مسلسلات ونبقى في net
وكي يأذن العصر كيف كيف نصلي ونقرأ في المصحف شوية
كي يقرب يأذن نوجد الطابلة مع اختي ونبقى نستنى في الآذآن ههههههههههههههههه
ومبعد نغسل لماعن بالخف باش نتفرج باب الحارة ولجماعة واذا قدرني ربي هذا لعام نروح مرة على مرة ندير التراويح
​

ايييييييييييه يا اختي كيفي نزرب نغسل لماعن باه نتفرج باب الحرة اي العام هذا يبدا هو والاذان مزال مذنش :tears::tears:

 

[DARINE05]

والله حنا ثاني نعانو من نفس المشكل هدي الايامات التريسيتي تتقطع قداش من مرة في اليوم و ش هذا زعما راهي تصدر في التريسيتي وشعبها معيوز راح يتحرقو الاجهزة الالكترونية كامل من ردجة كل دقيقة تروح التريسيتي
ربي يصبرنا برك في هذا رمضان​

شفتي يا فهيمة اختي ربي يصبرنا برك امين

 

[DARINE05]

ياااااااااااااااه يا حسراه راكم تحمدو ربي أنتوما هيا للصحرا تشوفي السخانة نتاع الصح و تشوفي الميزيرية
أما على تفويت النهار هاديك قصة طويلة ههه
في النهار نعديه غير نغسل وجهي ينشف نزيد نغسلو
هادا ما كان .

هههههههههههه
عجبتني تاع تغسلي وجهك
ربي يكون في عونك يا بنت واد سوف

 

[DARINE05]

ربي يقدرنا عليه
وتاع sonelgaz الله يهديهم

ربي يهديهم برك من فمك لربي او يخطونا رمضان برك
مرسي

 

[DARINE05]

• السلام عليكم اختي دارين انا السخانة فيها عندي الفايدة لنني نقص الشحم
  راني معمر
  رمضان والله اختي مع شوي كوراج وخاصة ايمان والله تفوت عادي
  نخبرك بآخر خبر لك
  البارح احتفلو في ألمانيا :
  بمرور 05 سنوات دون انقطاع الكهرباء ولا للحظة ولا رمش
  شكرا لك
  

ههههههههههههههههه
يا خويا محمد مالا تحب السخانة زيد البس مونطو واقعد في شومبرة وحدك هههههههه
شفت هنا نديرو احتفال كي يهبطولنا في سعر الخضرة هههههههههه

 

[DARINE05]

والله يا درونة خيتي غير رانا في الحمان غير الرب عالم بيه

انت باتنة شاراه صاري فيكم

احنا بريكة قسما بالله غير رانا نذوبوا

ومع التريسيتي روح وارواح

كملت

رمضان انا ديسيديت نصوم بالنص نهار ونلصق في بعضاه وصاي

ههههههههههه

يعطيك الصحة


​

اييييييييه يا مينو وحدك يا خويا هههههههههههههههه

 

[DARINE05]

شكرا ليك على الموضوع

هي السخانة فيها فيها في رمضان
هاذي هي الحياة تدور هكا رمضان جاي جاي فالصيف والسخانة

وكي تشوفي للصح الأجر الكبير راهو في هذاك الوقت
كيفاش يبان الصبر تاعك في سبيل الله مع الصيام

مشي ندوها غير رقاد باش نفوتو الوقت
وربي يجيب اللي فيها الخير

وإن شاء الله نتمناو رمضان كريم مبارك مليئ بالخير والبركة للجميع
تقبلي تحيتي لكي ولجميع الأعضاء

ميرسي ليك
​

ربي يخليك اختي اماني وربي يكون في عون ناس الشلف

 

[DARINE05]

يعطيك الصحة يا الباتنية
راك تحكي غير على لبرود هههههههههه
كيما قاتلك اسراء اليوم الأول ونردولك لخبر ههههههه

ههههههههههههههه
اني نسناك يا سفيان خويا هههههههه
عندك لا يروح عليك التريسيتي

 

[DARINE05]

وعليكم السلاام والجاري والطجين لحلو
هـا بنتي وعــــــلااش تفكري فينا بهــــاد لكــــوشمار,,ياو انا راني معـــوله نعقبو قاع راقد
راحت جات التريسيستي كيما حبت,,,صحا عـ اليضـوعـ​

صراتلك كيفي يا اختي هههههههههههههههههههه

 

[DARINE05]

وعليكم السلام
مكرة فيكم انا عندي لي يخدم في الدار خوتاتي
في هادي نحسدك انا كلش يفوت على كتافي
ربي يسترنا برك ويقدرنا باه نصوموه

هههههههههههههههههههههههههههههههه
حيح فيك يا شوشو :like_1::like_1::like_1::like_1:
معنداك يعطيك الصحة يا القافزة ربي يكون في عونا كامل

 

[DARINE05]

رمضان يجي بباركتو مافيها شك

وربي يقدرنا على صيامو ويقدرنا على طاعتو
بصح منين دخلت للموضوع قلت بالاك راني في سيبيريا
منين قريتو حسيت بلي راني في عين صالح مثلث الموت
نقولو الحمد لله على كل حال ونعياو نعرفو السخانة مانعرفوهاش كيما ناس عين صالح
أشري اللحم وماتشقاش تشري فورنو خرج اللحم مع التاقة برك يطيب
ربي يكون في عونهم وعونا وربي ينورك ويعطيك ماتتمني دمتي ​

ههههههههههه
يخويا موضوع باتني قتلتو السخانة
ههههههههههه تحسب سيبريا ههههههههه
مرسي خويا

 

[DARINE05]

صباح الخير عليكم ربي يطرح الرحمة في رمضان انشاء الله نفوتوه مليح

ربي يخسمع منك يا خويا شكري مرسي

 

[DARINE05]

حنا هي تعود الساعتين و نص هي تروح و ترجع على التلاتة و نص يدوها ساعة وحدة فالنهار مي بسكرة السونر ما تروحش قاع

اييييييييييه دبرتها على الاقل ساعة برك تقدرو ديرو احطيتتكم مرسي

 

[DARINE05]

قالك رفع القلم عن ثلاث المريض والطفل والمجنون
أيا أنا خلاص دسيديت نضربها هبلة هدا رمضان :closedeyes:

ههههههههههههههههه
وحدك يا اختي او قالك العبها مهبول تشبع كسور هههههههههههه

 

[DARINE05]

أولا النهوض عندي يكون على : 9 صباحا راني مشرف و المنتدى يحتاجني كثييرا ، ههه

ثانيا ، العمل ثم العمل ثم العمل

و شكراااااااا
​

يعطيك الصحة يا خويا وربي يكون في عونك

 

[DARINE05]

sémultanément avec la pèriode des grands chaleurs

il est demander aux membres de lama

de faire des sujets climatisés

mercie
​

ههههههههههههه
اهلا عمي رشيد وليت قاوري مع صباح ربي هههههههههههه
هذيك هي لازم كل سوجي فيه فونطاي ولا كليمتزور

 

[DARINE05]

شفتي ا طاطا هادك النهار وععععع انا قعدت فاللمة سجلت الدخول دارلي التريسيتي تييييييييييت:surrender:
روحي ماعلينا ساعتين جا
شعلت التيليفيزون نتفرج هيا وصلت اللحظة الرومانسية جا يقلها انا بحبك و هو دارلي تييييييييت:surrender:
ايا طلعتلي السخانة جيت نلعب بتيليفوني دارتلي لاباتري تييييييييت:surrender:
نهار فات اسود
رمضان نشتيه ما يقلقنيش خلاص يفوت عليا بيان :closedeyes::closedeyes:
اسرا تحطي رجلك فاللمة نكسرك :closedeyes::closedeyes:​

هههههههههههههههه
اهلا ريوم خليها تتبرد في اللمة تجي تدي الفونطاي سبيسيال ل ناس باتنة
قوليلي كيفاه يفوت نهارك

 

[إحســاس بــراءة]

خير عليك دارين خيتي
ههههه ضحكتيني والله :closedeyes:
ياو السخانة رانا موالفين بيها ياو في الشلف راهي توصل حتى 47:scared:
ياو الواحد كيفاه يدير لازم عليه يصبر
في رمضان ربي يقوي الواحد و يعطيلو القوة لازم نصبرو ونشدو ماعندنا مانديرو
هاذي هي
زيد نتي يا لالة كيفاه حتى 1 باه تنوضي هاذ هاو راني نجي ليك نكرفصك هههههه
شكرا دايرينو
والرواحة هاذي تمديها غير لناس 05 ول وحنا 02 نسيتينا ول
ايا مرسي ليك


هاذا الرد برعاية جمعية اونتي شيتة:yahoo: