هكذا تريده فلانة ...

ماكانش

:: عضو بارز ::
أحباب اللمة
إنضم
15 جوان 2010
المشاركات
7,712
نقاط التفاعل
2,463
النقاط
351
السلام عليكم ورحمة الله وبركاته
واش راكم خاوتي لاباس بخير
واقيلا من العنوان فهمتوني ...
ههه
هكذا تريده فلانة ...
شابة تلغ من العمر 40 سنة، تود الإرتباط على سنة الله ورسوله
تود التعرف على شاب قصد الحلال، سنه مابين 40-60 سنة
لا تمانع إن كان مطلق أو أرمل
لديه سكن خاص وعمل مستقر
حبذا لو كان من الجزائر وضواحيها
حنون ورمنسي وعاطفي وقوي وجميل وطويل وعريض
لمن يهمه الأمر رقم الهاتف لدى الجريدة
هههههههه
شابة في عمرها 40 سنة ههههههه
يا خاوتي حبيت اليوم نحكي على طلبات الزواج في الجرائد
ساعات يجيب خويا جريدة النهار
وكي نفتحها ونقرا شويا نلقى صفحة طلبات الزواج، نصف الآخر هههه
ساعات نقرا شويا، ساعات نموت بالضحكن وساعات نحير في بخاصة لوجه ههههه
واحد يقول حاب وحدة لديها عمل وسكن خاص ههههه
والله صحة لوجه
المهم حبيت نسقسيكم كاشما سمعتو زواج عن طريق الجريدة صلح ونجح ؟؟؟
نتا ولا نتيا تقدر ولا تقدري اديري طلب زواج في الجريدة،وتكتب زعما المواصفات الي تحبها
هههههه
وإذا تقدر تكتب قلنا واش تكتب ...
انا
سفيان من مدينة ...، أبحث عن فتاة بنية التعارف، والزواج على سنة الله ورسوله
حبذا لو تكون لديها سكن خاص وسيارة، لا أمانع غن كانت جميلة :shiny:
حنونة وتقدر الحياة الزوجية
ويا حبذا لو تكون مشرفة في منتدى اللمة، أو عضوة نشطة هههههه
لمن يهمه الأمر الفيكس لدى إدارة المنتدى
ههههه
نمزح برك ههههههههههههههه
-----
ملاحظة:
أولا: بلا زعاف رانا نحكيو برك
ثانيا: ليس المقصود من الموضوع الإستهزاء
ثالثا: شكرا لردودكم الجميلة مسبقا ههههه
مع إنتظار قبوله من طاقم الإشراف، وحبذا لو يكون سي فلان مول الكوستيم، ولا امانع من هيلدا وغزال
المهم يكون مشرف وبنية صادقة ههههههههههه
 
آخر تعديل:
زواج عبر الجريدة ماسمعتش بيه جامي بصح عبر النت سمعت بيه بزااااااف

انا متهونش عليا نفسي نحط اسمي و مواصفاتي و نحوس على راجل ههههههههههه

هادي مليحه والله غير نموت ومتنديرهاش

بصح كل واحد و ظروفه و كل واحد كيفاش يخمم

علابالك دوكا الناس ولات تخمم غير فالزواج راني على لبنات عامه واللي كبار شويه خاصه وخلاو مابقاو ادا في ام اس ان يلسقو ولا السكايب يلسقو وخلي وخلي
اما بالنسبه للرجل اللي يحط روحو فالجريدة ويقول مراه عندها سكن و وظيفه انا هادا نسميه طماع

بصح كاين اللي يحوس على ارمله ولا يتيمه مسكين باش يكسب تواب هاداك صح واجره عند ربي ان شاء الله

ان شاء الله نكون ماطولتش عليك

تقبل مروري
 
كاين عجايب الدنيا لي يكتبو كيما هك تلقاه شومار مصح عليه الوجه يدوموندي في وحدة بسكنة و خدمة بش تصرف عليه ناقص غير تهز الخاتم و تروح تخطبه من داروا يخي متعجرف تقول هي لي راح تتزوج بيه مش هو
 
هههههههههه انا تان نموت بالضحك كي نقراهم تحير تاع الصح مي تلقى غير كبار لي فاتهم تران حاطين في جورنال كاشما يصيبو وجامي سمعت بعباد تزوجو بار جورنال هدا قاع خرطي ومراحش ينجح كون نبقى بايرة ومانطيحش من قيمتي ونحط في جورنال خسارة دراهم باش يصبرو ويستناو مكتوبهم يروحو يعرضو في رواحهم
وإذا تقدر تكتب قلنا واش تكتب :
مهبولة من سبيطار 45 سنة حابة تتزوج في اقرب وقت حتى ولو كان زوالي مفلس املك منزل و سيارة من نوع..
هاك حطو في جورنال نهار كاشما مانلقاو مهبول
يعطيك الصحة خو ع الططرح لهايل
 
هههههههههه انا تان نموت بالضحك كي نقراهم تحير تاع الصح مي تلقى غير كبار لي فاتهم تران حاطين في جورنال كاشما يصيبو وجامي سمعت بعباد تزوجو بار جورنال هدا قاع خرطي ومراحش ينجح كون نبقى بايرة ومانطيحش من قيمتي ونحط في جورنال خسارة دراهم باش يصبرو ويستناو مكتوبهم يروحو يعرضو في رواحهم

وإذا تقدر تكتب قلنا واش تكتب :
مهبولة من سبيطار 45 سنة حابة تتزوج في اقرب وقت حتى ولو كان زوالي مفلس املك منزل و سيارة من نوع..
هاك حطو في جورنال نهار كاشما مانلقاو مهبول

يعطيك الصحة خو ع الططرح لهايل




هههههههههههههههههههههههضحكتني برد انتعك ايمان والله يا انتي
 
زواج عبر الجريدة ماسمعتش بيه جامي بصح عبر النت سمعت بيه بزااااااف

انا متهونش عليا نفسي نحط اسمي و مواصفاتي و نحوس على راجل ههههههههههه

هادي مليحه والله غير نموت ومتنديرهاش

بصح كل واحد و ظروفه و كل واحد كيفاش يخمم

علابالك دوكا الناس ولات تخمم غير فالزواج راني على لبنات عامه واللي كبار شويه خاصه وخلاو مابقاو ادا في ام اس ان يلسقو ولا السكايب يلسقو وخلي وخلي
اما بالنسبه للرجل اللي يحط روحو فالجريدة ويقول مراه عندها سكن و وظيفه انا هادا نسميه طماع

بصح كاين اللي يحوس على ارمله ولا يتيمه مسكين باش يكسب تواب هاداك صح واجره عند ربي ان شاء الله

ان شاء الله نكون ماطولتش عليك

تقبل مروري
يعطيك الصحة ختي على المشاركة
راكي ماطولتيش علينا خلاص
بلعكس نورتينا الموضوع
عندك الحق ختي
ربي يحفظك
 
يا خويا هذوك راهم يلعبو برك
الراجل يحوس على الوراة باش يستغلها ويسرقها
وهي كلاها الديقوطاج ملقات متدير
ربي يهديهم ويهدينا
 
كاين عجايب الدنيا لي يكتبو كيما هك تلقاه شومار مصح عليه الوجه يدوموندي في وحدة بسكنة و خدمة بش تصرف عليه ناقص غير تهز الخاتم و تروح تخطبه من داروا يخي متعجرف تقول هي لي راح تتزوج بيه مش هو
ههههههههههههههههههههه
يعطيك الصحة وربي يحفظك
ايه فارغين شغل وطمامعة هههههه
 
ماسمعتش قصة زواج بعد ان تم التعارف عن طريق جريدة،،
انا واحدة من الناس ما نكتبش طلب زواج في جريدة هههه الشروط راهم في راسي نهار يجي وليد الحلال هديك هياآ كل حاجة بالمكتوب لاجورنال لا انترنت ،،
بصح كل واحد و وجهة نظرو للامور الناس تختلف في تفكيرها
،،
شكرا لك على الفكرة ،،
 
الزواج تاع الجرائد مسمعتش بيه شفتو تقرعيج برك
يا خويا جامي نديرها ياه راني نطيح على ولاد الناس ولا ها جاب ربي زوج جاب ويلا مجابش راني قاعدة فالدار مخصيتش
والله غير نحير نصيبهم حبين يتزوجو بسيف ها مكتبش ربي واش هذي العقلية
يحبو يتزوجو ويديرو الشروط ربي يستر
انننننننننننننننن راني خايفة دور بيك ليام ونسمعو بيك في جريدة الغروب خصيصا ليك
المهم مشكور موضوع زوين صحا تقرعيجك:crying_1:
 
هههههههههه انا تان نموت بالضحك كي نقراهم تحير تاع الصح مي تلقى غير كبار لي فاتهم تران حاطين في جورنال كاشما يصيبو وجامي سمعت بعباد تزوجو بار جورنال هدا قاع خرطي ومراحش ينجح كون نبقى بايرة ومانطيحش من قيمتي ونحط في جورنال خسارة دراهم باش يصبرو ويستناو مكتوبهم يروحو يعرضو في رواحهم

وإذا تقدر تكتب قلنا واش تكتب :
مهبولة من سبيطار 45 سنة حابة تتزوج في اقرب وقت حتى ولو كان زوالي مفلس املك منزل و سيارة من نوع..
هاك حطو في جورنال نهار كاشما مانلقاو مهبول

يعطيك الصحة خو ع الططرح لهايل
ههههههههههههههههههه
يعطيك الصحة ختي ههههههههههههه
راني قابل وين راهو التيليفون تاعك ههههههههههه
 
ههههههههههههه راك داخلها غير حبذا حبذا
علابالك هاديك الصفحة انا نقراها باش نضحك .. واللع غير تمسخير و ما نضنش كاين
زواج الي ينجح هكا
 
زواج نتا الجرنان ماسمعتش بيه ....
مي ما لازمش الاستهزاء خاطر الواحد كي يضيق بيه الحال يدير كل شئ
وتاني ميشوف الواحد كي راه عمرو 18 ولا 20 يشوف نهار يعود 35 و واحد ما هو شايف معاه

الله لا توصلنا ليها
مرسي على الموضوع
 
يا خويا هذوك راهم يلعبو برك
الراجل يحوس على الوراة باش يستغلها ويسرقها
وهي كلاها الديقوطاج ملقات متدير
ربي يهديهم ويهدينا
والله عندك الحق حبيببي
ربي عيشك
 
زواج نتا الجرنان ماسمعتش بيه ....
مي ما لازمش الاستهزاء خاطر الواحد كي يضيق بيه الحال يدير كل شئ
وتاني ميشوف الواحد كي راه عمرو 18 ولا 20 يشوف نهار يعود 35 و واحد ما هو شايف معاه

الله لا توصلنا ليها
مرسي على الموضوع
 
ياخويا راهي نورمال هاذي
بصح بغيت نقول شكون هذا لي يدي واحدة من اعلان نتاع جريدة
وشكون هاذي لي تحوس على هذا لي حط إعلان في الجريدة
غير لي راه محبط
وزيد خويا كلش بالمكتوب نتاع الله سبحانه
" هو يريد وانت تريد وما يكون إلا ما يريد "
الحمد لله خيرتها حساب قوستويا وربي جابهالي
ما جريدة ما هم يحزنون
نطلب ربي غير يكمل برك
 
يعطيك الصحة ختي على المشاركة
راكي ماطولتيش علينا خلاص
بلعكس نورتينا الموضوع
عندك الحق ختي
ربي يحفظك



شكراااااااااااااااا
 
في وقتنا ضروك قول
كلشي نوووووووورمال
وماتحير ماوالو
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top