علاه الحــــــــقرة

[قَطٌر❀ الٌنَـدَى]

ايه صح اختى اميرة حليش حسبنا الله ونعم الوكيل فيهم

 

[x123]

13.90

عطاوه علوم الكون


يعني بزاف دمروهم
قولي
حسبي الله و نعم الوكيل
و خليها على ربي
​

 

[sam11]

مبروك عليك وش تحبي تعملي اختي هادي الجزائر

تتعبي فيها بزاف والواحد ملازمش تسكتي على حقك

وما تضيعيش اي فرصة قدامك هادي حياتك وقرايتك


وربي يوفقك

 

[mimi17]

يا سبحان الله تأمني والله راه عندي نفس المشكل وكنت رايحة نكتب موضوع ونفرغ قلبي والله حرام عليهم بعت بكا بصح واش حب ندي ربي وكيلهم اختي وانشاء الله نجرو علاخاطرش ماشي خياتي كاملة وانا نقرا وزيد ضيعلنا عام وللاخر شاب راسنا ومبعد يمدولنا حاجة تاع معدل قبولها 10 ولا 11 بلاد ميكي ربي وكليهم

 

[فراشة الايمان]

ربي يصبرك أختي .

 

[ندى الجزائرية]

ماراكيش وحدك اختي
خويا جاب 14 بعتوه لعلوم وتكنولوجيا ب 10 !!!!!!ماشي منكر هذا ضرك؟؟
ربي يجيب الخير.

 

[قَطٌر❀ الٌنَـدَى]

واش رايحة نقول حسبيا والله ونعم الوكيل فيهم

 

[JAMOULADROIT]

مبروك عليك الباك و عقوبة للشهادة الكبيرة إن شاء الله و مادام عندك معدل 14 يعني عندك الحق تخيري الشعبة اللي تبغي ديري تحويل قبل ما يفوت الوقت و ما تزعفيش روحك إم شاء الله تقري القراية اللي في خاطرك ​

 

[رقيقة المشاعر]

صرات في كل بلاصة هذي اختي
و الله غير حاجة تحير
واحد علوم تجريبية جايب 13 عطاوه حقوق

 

[touffik]

ركى فى جزائر اختى شكوى لله
ولا عندك معرف وين تحب يديروك​

 

[**بنت الأصول**]

الله غالب أختي حتى أنا خويا عطوه شعبة مش عجاباتوا لكن واش راح إديروا هذا واش مكتبلكم ربي .
( قل لن يصبنا إلا ماكتب الله لنا)
​

 

[احلام ضائعة]

ايه عندك الحق حتى صحبتي هكا
لكن كاين ربي

 

[nassim007]

ان شاء الله مايكون غير الخير

باك السنا نقولهالك صح والله ماهو باك
​

 

[nassim007]

نشوف فيكم كامل راكم تشكيو
حنا التقنيين والله الحمد لله
نحمد ربي ونعاود مدولنا حوايج فوووووووووووووووووووور


ربي يكون في العون
​

 

[قَطٌر❀ الٌنَـدَى]

ايه معليش اصلا انا عارفة زهري معوج جامي جاتني حاجة مسقمة ولا ساهلة كلشي نديه بصعوبة بصح الحمد لله علي كل حال​

 

[اية تسنيم]

اولا و قبل كل شيء نقوللك مبروك عليك الباك و الله نستعرف بيك جبتيه ب 14 الله يبارك ربي يحفظك حنونتي و يخليك
و لكن مالازمش تفشلي يا حبيبتي
انتي تسببي و ديري الطعون ماشي غير واحد حتى يديروالك الاختيار اللي حبيتيه ربي يسهللك امورك و ان شاء الله فيها خير
عسى ان تكرهوا شيء و هو خير لكم
ربي يحلها من عندوا انتي درتي اللي عليك قريتي و سهرتي و ربي هو العالم و ان شاء الله تتحل يا رب
ماتفشليش و ما تفشليش و ما تفشليش حبيبتي
ربي معاك و ربي ييسرلك امورك

 

[قَطٌر❀ الٌنَـدَى]

شكرا اختي تسنيم ربي يخليك انا اصلا كن مجيتش متكلة علي ربي كن راني هبلت ولا انتحرت علي هذي الحقرة
بارك الله فيك والف شكر مرة اخري​

 

[lolitta]

و عسى ان تكرهو شيئا وهو خير لكم

نورمآآآآل،و زيد جامي تحقرو تخصص ،كلها قراية


bon courage

 

[ايمان 02]

يا ختي هذي هي بلادنا تقراي ولا ما تقرايش كيف كيف راهم مع لي عندو برك
حاولي ديري طعن وان شاء الله يمدولك واش راكي تتمناي
​

 

[قَطٌر❀ الٌنَـدَى]

انتى عندك نومال اختى لانو هذى الحاجة للي بعثوني ليها معدل القبول نتاع 10 يعني علاه قع شقيت روحي وقريت كن من المرة 1 ضربتها بطاوة
وش نقلك اختى علي العموم شكرا​