علاه الحــــــــقرة

[قَطٌر❀ الٌنَـدَى]

مساء الخير خاوتي واشراكم ان شاء الله تكونو لاباس

حبيت نفرغ قلبي لمعمر قبل ميطرطق :crying::crying::crying:

انا جبت الباك زعما هاذا العام والحمد لله جبت 14 ومن بعد اليوم في التوجيه لقيتهم عطاوني حاجة

مش من بين الاختيارات نتاعي وياريتها حاجة مليحة حاجة معدل القبول فيها 10.85 علاه الحقرة

العام كامل وانا نجبد وساهرة الليل وفي التالي تجيني حاجة كيما هك الله لا تربحهم​

 

[alnosratv]

أولا أختي بلبراكة عليك الباك

أما الباقي فهاذي هي حال البلاد

أغلب من يوكل إليه امر تحديد الشعب ناس معندهمش ظمير يلعبو بمستقبل الناس عندك حق في الطعن وضربي على حقك

متسمحيش فيه لانه في الخير مستقبلكم

ومتخليش ناس مثل هاذو يلعبو بلمستقبل نتاعك ونتي تشوفي

ربي يسهل

 

[قَطٌر❀ الٌنَـدَى]

والله معلابالي هبلت من هذي لبلاد كرهتتتتتتتتتتتتت كلش

 

[عاشقة رجاص]

السلام عليكم
أولا ألف مبروك عليك الباك يا اختي
والله راكي تشوفي الدنيا ماشية بلمعارف والكتاف
واحد يقتل روحو ويحب يجيبها بذراعو وينحوهالو ولوخر راقد ويمونجي ويستنى فالكونجي
يا أختي بالاك تسكتي
أقعدي أجري وطعني وديري الشي اللي تقدري عليه
وربي يكون معاك إن شاء الله​

 

[عاشقة رجاص]

والله معلابالي هبلت من هذي لبلاد كرهتتتتتتتتتتتتت كلش

معليهش يا أختي كاين ربي فوقهم كامل
ماتسكتيش على حقك ديري واش تقدري راه مستقبلك وحياتك ماشي يجيو في آخر لحظة يحطموك ديري واش تقدري وماتضعفيش
وربي يوفقك إن شاء الله​

 

[قَطٌر❀ الٌنَـدَى]

راكي تشوفي هذا الزهرررررررررررررررررررر​

 

[قَطٌر❀ الٌنَـدَى]

يااختي صمطو علينا كللللش ربي يجيبهالهم​

 

[alnosratv]

كني حذرة مشي هذا الامر الذي يقف في وجه الطموح نتاعك
لي عنده حاجة عزيزة عليه يضحي عليها
وباين سهرتي على هذا الامر متخليش في الاخير واحدة ولا وحة عديمة اظمير تلعب بلمستقبل نتاعك

 

[قَطٌر❀ الٌنَـدَى]

كني حذرة مشي هذا الامر الذي يقف في وجه الطموح نتاعك
لي عنده حاجة عزيزة عليه يضحي عليها
وباين سهرتي على هذا الامر متخليش في الاخير واحدة ولا وحة عديمة اظمير تلعب بلمستقبل نتاعك

ايه بصح والله غير حطموني نفسيا وليت كارهة كلش علي خاطر عجزت معرفتش وش ندير​

 

[عاشقة رجاص]

شوفي يا اختي أنا وحدة من الناس مقبلة على شهادة البكالوريا بإذن الله
وناوية إذا حب ربي نجيبو بمعدل كبير باش نروح صيدلة ولا طب
مي صدقيني كون نجيبو بمعدل يسمحلي نروح للصيدلة ونحط صيدلة ومايحطونيش هكاك والله ماتفرا معاهم
باسكو التعب تاعي كامل والتضحيات اللي نديرهم إي أون فان يجي واحد ولا تجي وحدة في ثانية تقلبلي كلشي والله مانسكت عليها حتى ولو كانت آخر حاجة نديرها في حياتي
رانا سكتنا على حوايج بزاف مي كي تلحق لقرايتي والمستقبل تاعي والله مانسمح فيه
مالازمش تضعفي لازم تجيبي حقك سينو واحد ماهو سامع بيك​

 

[قَطٌر❀ الٌنَـدَى]

شوفي يا اختي أنا وحدة من الناس مقبلة على شهادة البكالوريا بإذن الله

وناوية إذا حب ربي نجيبو بمعدل كبير باش نروح صيدلة ولا طب
مي صدقيني كون نجيبو بمعدل يسمحلي نروح للصيدلة ونحط صيدلة ومايحطونيش هكاك والله ماتفرا معاهم
باسكو التعب تاعي كامل والتضحيات اللي نديرهم إي أون فان يجي واحد ولا تجي وحدة في ثانية تقلبلي كلشي والله مانسكت عليها حتى ولو كانت آخر حاجة نديرها في حياتي
رانا سكتنا على حوايج بزاف مي كي تلحق لقرايتي والمستقبل تاعي والله مانسمح فيه

مالازمش تضعفي لازم تجيبي حقك سينو واحد ماهو سامع بيك​

ربي يوفقك اختى بصح وش نديررر​

 

[SaRa MosTa]

كامل رانا كيفكيف اختي
انا تاني اعطاوني حاجة تاع 10.00
وانا جبت 12.12

الله غالب بلاد الميكي وكلشي ما دايرو بن بوووزيد
وكون نقولك حاجة والله غير انخلعت
معدل القبول تاع الموسيقى شحال في ميزك دايرينو 13.60


هدا ما يخصنا غير الغنااااا

وحاجة واحداخرى كون زعما تبغي ديري طعن ولا ترونسفاار والله غير يشيطونا انا من الصباح وانا في الجامعة والله لا قعدو يطردوو فينا واحد بواحد الشمس حرقتنا
بصح واحدين لي يعروفهم يدخلو فيهم بالبيسطو ارواح انت ارواحي انتي...

واش نقولو القراية والتعب كلشي راااح مع واحدين كيما هاك​

 

[AnGeL*dZ]

السلام عليكم
اختي والله كامل هاكا
انا طفل نعرفو جابو تقريب 14 المعدل
علوم
حطوه حقوق وهو محطهاش في الاختيارات
وثاني طفلة جابت الباك تاعها 12 ونص علوم حطوها علوم اجتماعية
واختي مسكينة لعام وهي تقرا جابتو 12 ونص لغات اجنبية
حطوها في قراية معدل القبول فيها 10
والله العوج في بلادنا
ديري الطعن بلاك يبدلولك قرايتك ان شاء الله
​

 

[عاشقة رجاص]

ربي يوفقك اختى بصح وش نديررر​

أختي ديري طعن على خاطر من 14 يعطوك تاع 10 بزاف والله بزاف
ماعندكش كانش واحد من الأقارب أو المعارف يقدر يعاونك فالموضوع؟​

 

[رموش الحب]

متحطيش في بالك اختي عبالي صعيبة بزاااااف

نحن ضحايا بن بوزيد ان شاء الله ربي يوفقك ​

 

[قَطٌر❀ الٌنَـدَى]

لعوج والحقرة ربي وكيييييييييييييييييييييييييييييييييلهم للي حطمو نفسيات ومستقبل ملايين من التلاميذ​

 

[قَطٌر❀ الٌنَـدَى]

أختي ديري طعن على خاطر من 14 يعطوك تاع 10 بزاف والله بزاف


ماعندكش كانش واحد من الأقارب أو المعارف يقدر يعاونك فالموضوع؟​

انا هذي للي غاضتني ككن غير عطاوني الاختيار العاشر قع ومعليش بعثوني لحاجة معدل القبول فيها
و10.85 من الصباح وانا نجري في الجامعة ملقيتش حاجة باينة​

 

[القلب الابيض]

مبروك عليك الباك الله غالب هدي هي البلاد تاعنا العبد يقعد عام كامل يجبد علا قلبو باش يبني مستقبلو و هوما يدمرو هولو بين نهار وليلة معليش ختي الصبري وانشاء الله متكونش السبيسياليتي لي بعتوك ليها بهاد السوء

 

[اميرة المنتدى]

كل انسان واش كتبلو ربى المهم يبتعد عن الغرور

 

[اميرة حليش]

اختي معدل نتاعك شباب بصح بلدنا متتبدلش كلشي فيه بالعرف لوكان عندك العرف بمعدل 10 ديري طب وسمعنا بهذه الحالات ربي يهديهم وجربي ديري طعن