أول برية ..ليك سيدي الرايس... ؟؟

رفيق الخير

:: عضو بارز ::
أحباب اللمة
إنضم
26 ديسمبر 2009
المشاركات
3,502
نقاط التفاعل
1,024
النقاط
191
السلام عليكم إخواني إن شاء الله تكونو لباس مممم

عندي بزاف ماكتبتش هنا حاب نقول توحشتكم

أيا نبداو تخيلو الرايس نتاعنا ... جاء يكتب القمة غلط كتب اللمة ... أيا يدور في اللمة ... ومن باعد عجباتو لمتنا أيا سجل فيها .. أنا حاب نقلو راي ليك أول برية
سيدي الرايس أول برية نكتبها ليك .. هنا مراحش نحكي على الناس الي ماهمش لباس على الأكل واللباس
هنا راح نهدر على على المسؤلين الي خاصهم عساس راح نحكي على الوزير الي ماشبعش نعاس .... قتلو غير التحواس ... سيدي الرايس هنا راح نتكلم .. نعبر ونا نتألم .. أرواح تشوف جارنا إسلام ... عايش في دار بلا بيبان .. وهك ماقالش ياعزيز الإسلام... ماجيتش .. نحكيلك على الشعب نت أدراا مني ومنهم..
نهدر على الوزراء ... على المسؤلين نتاع البلدية ... رام خاصين في لحساب ياولد العربية.

راح نقلك علاه راكم راقدين وعلى فلسطين متفاهمين ...فلسطين ليست بحاجة إلى معونات إنسانية فلسطين تحتاج قرارا دولية تهز الكيان هزا ... وتجيبولهم الحرية ... راح نسقسي على أصلكم منين .. واش تتفرجو في النهار والليل .. أنا ماقدرتش .. نقلب من قناة لختها .. غير المساكين الدم والمحرمين ... ياسييدي هنا مراناش جايحين لا تقلي بابور لا واحد لاخمسين ... وين راحت النخوة العربية وينهم أحفاد صلاح الدين

سيدي الرايس نكتب بالقلب الراس والعينين... وين غاب إحساسكم وين راحو الملايين

الشعب من الحرقة .. كيفاه تقول مراناش خارجين ...؟؟؟

وهذيك المسؤولة نسرين ... النقمة واش تخرج بعد عميييين والله حرام عليكم ... ربي يسمح للمجانييين

وينها وعودكم رانا جينا نحاسبوكم ... وهنا حابين نكتبولكم نقتارحوا عليكم تبدلو القمة العربية ... باللمة الجزائرية هنا حنا نعلموكم ... النخوة والحمية... وربيي يكون في عونكم

راني كتبتلك هذي لبرية وياربي توصل أسرع من البرقية ... لكني خايف تطيش كيما لخرين الي بعثوهم الشباب قبل عام وعمين ... وألاف السنين...

كل واحد ياجماع يكتب هنا واش راو متمني من الرايس يدير..؟؟؟

وألف شكر على المرور
 
راك عقابها غير سياسة يا عبدو بدل شويا الستيل
icon12.gif

 
ههههههههههههههه
ا عبدو خويا دولك حقك راك عقاب السياسة والرايس
 
أولا : الكلمات الأولى للطفي دوبل كانو ن هههههه

نحب نقول لسيدي الرايس : !!!!!!!!!

واش قلت أنت بعد

ماعندي مانزيد
شكرا
 
ههههههههههههههه
ا عبدو خويا دولك حقك راك عقاب السياسة والرايس

باه مايديولكش نت تاني حقك هههههه

ألف شكر على المرور
 
أولا : الكلمات الأولى للطفي دوبل كانو ن هههههه

نحب نقول لسيدي الرايس : !!!!!!!!!

واش قلت أنت بعد

ماعندي مانزيد
شكرا

صحة اللولة برك ههههههه

باين عليك التبع الراااااااااب

مشكور على تنويرك للموضوع خويا
 
موضوعك في القمة تحفة
برك الله فيكِ
يعطيك الصحة

تقبل تحياتي +مودتي واحترامي لك
بيكـــــــهام
تشاو تشاو
 
موضوعك في القمة تحفة
برك الله فيكِ
يعطيك الصحة

تقبل تحياتي +مودتي واحترامي لك
بيكـــــــهام
تشاو تشاو

ومرورك كقطرات الندى ... تتطاير منه روح عطرة .... كلمة شكرا أعي أنها لا تفيك حقك لكنها كل ماأملك ...سلام​
 
واش ماعنكمش بريات الرايس ههههههه​
 
كي يجي سيدي الرئيس يعني كي يغلط في القمة خبروني عندي خدمة يفريهالي ههه
 
كي يجي سيدي الرئيس يعني كي يغلط في القمة خبروني عندي خدمة يفريهالي ههه

مايكون إلا خااطرك قليلنا نت واش هي هههههههههه ...؟؟؟

بلاك نعاونوك مممممممممم
 
واه يليقلك تغني مع لطفي دوبل كانون هههههههههه
بصح كون يجي الرايس هنا اول حاجة خاصتني سكنة
2 يليق نسقسيه علاه السلعة تغلى في رمضان و علاه القانون تاعنا عوج
 
واه يليقلك تغني مع لطفي دوبل كانون هههههههههه
بصح كون يجي الرايس هنا اول حاجة خاصتني سكنة
2 يليق نسقسيه علاه السلعة تغلى في رمضان و علاه القانون تاعنا عوج

هههههههه م راي شوي نتاعو ..

بالنسبة للدار فرجت والحمد لله .... راي اللمة راي ليك داااااااااار

ورمضان..... ممممم .... ربيي يقبل صيااااااا منااااااا...؟؟
 
نقولو سكنلي لوليدات برك .
 
انا كي يجى ان شالله عندي معاه هدرة تاع رجال كلام سنين نجبدو ونفكرو بيه وندخلو لدار جارنا مسكين ويشوف حالتو هههههههه والله غير نديرها راه صح
 
رسالتي الى الرايس :تاخير الدخول المدرسي الى ديسمبر..........وتقديم العطلة الصيفية الى مارس
 
اذا كنت تتقرى في رسالتي يا سيدي الرئيس حبيت نقولك علاه م تفتوحشاعلاميا لماذا مثل الجزيرة ممنوعة في بلدنا اين حرية التعبير؟لماذا هذا الخوف نحن نعرف الحقيقة كاملة فلا داعي للقلق فقناة كالجزيرة ليست من ستطلعنا علىى واقعنا لكن تحرجونا باعاد الصحافة الدولية وكأننا شعب غبي لا يفهم ولا يعرف سوى بهذه الصحافة.الحصول معناه نحس فيها اهانة لينا ماش لغيرنا.ايا سلام يا سيد الرئيس حتى وراني نهدر مع الهوى.
 
حطيست1، تم حظره "حظر دائم". السبب: مخالفة القوانين
في هذي منتفاهمش معاك لحقت للوزراء
وأنا لي عندي معاهم معرفة وجميع الأعضاء علبالهم
إذا عند حبيبي مشكل مع الوزراء اتصل بيا بركـ أنا نفريها

 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top