واش راكم كامل أعضاء ورواد اللمة وزوارها
إن شاء الله كامل تكونو لباس وبألف خير
كل عام وأنتم بألف خير
رمضان كريم مليء إن شاء الله بالخير والبركة
اليوم حبيت نحكي على موضوع كيما راه مكتوب في العنوان
تحيا العزوبية ولاليبارتي في وقتها
كامل شباب اليوم بنات وولاد تقلقو علاجال المسؤولية
بدون تفكير
الله اعطانا كل حاجة في وقتها وكل وقت في بلاصتو
كامل يقولك نحب نعرف العقلية قبل الزواج خوفا
ويقولك نعرفها صغيرة ونربيها على يدي
ويبداو ماتديريش كذا وماتروحيش للبلاصة هاذيك وماتهدريش مع ذا وهي رايحة
من الأمر والنهي
وزيد كلا الطرفين يعرفو كل شي على بعضاهم
ومع مرور الوقت يكرهو ويتمناو يصيبو فرصة فقط للمناقرة من أجل الفراق
ويبداو في البحث من جديد
نفرضوا نقولو عرفت العقلية ايلا كتب ربي قادر تتبدل بعد الزواج كل شي ممكن
ونفرضوا جا الشريك الآخر بدون سابق معاه ممكن يكون أفضل ويعيشو أفضل حياة
ومع استخدام الحيلة في الخير راح تعيش أفضل حياة
ياخي ربي عطاك وقت عزوبية عيش فيه حر مكان اللي يسالك
وماتخموش فاللي راح يكون شريك الحياة
على خاطر كلشي بمكتوب الله
مهما درت ومهما عملت راهو مكتوب خلاص مانقدروش نغيروه
والله تجيبو غير المشاكل من وراها
والله يجيبلنا الخير إن شاء الله
وإن شاء الله مانكونش طولت عليكم
نتمنالكم التوفيق
تحيتي لكم جميعا
