الخضرة وما دارت فيناا

[adnandz]

السلام عليكم اخواني كيراكم لاباس

اليوم جاي نحكي عن قصية ضحكتني وعجبتني بزاف

الكل هاد العام فرخ مع الخضرة والمونديال الله الله

المهم زمان كي كنا نلعبوا في الشارع
كنا نلعبوها رونالدينهو زيدان

بصاح في هاد الوقت ولاو الولاد نتاعوعنا يبدة زياني مطمور والعقلية شعر جون

المهم والاهم في هاد الموضوع
انو القليل من الاطفال كانوا يحبوا يديرو حارس مرمى لكن الان ههههههههههههه

الكل ولا يحب يدير حارس مرمى

خطرة جزت على ولاد لقيتهم مدابزين على شكون يدير قارديان والله بلاد العجب هههههههه

باي باي باي
ان شاء الله نكون ما طولتش عليكم ​

 

[سمكة البحر]

صحيت عندنان المهم كي ولاو يبغو المنتخب تاعهم
شكرا

 

[Houda Chaouienne DZ]

ههههههههههههههههه
مليح .. مالا عجبهم شاوشي و مبولحي بزاف
شكرا أخي على الموضوع
ننتظر جديدك
تقبل مروري
​

 

[ديهيا القالمية]

ايــــــــــه تشوف جيرانا غير نقعد نتفرج عليهم هادا لي يطيح ولخر يجريلو بقرعة بيبسي معمرة ماء هاهاهاها واحد يمركي بيت يحل يديه ويجري في لاسيتي كامل ولا يعمل اللقطة نتاع زياية كي يمركي راهو اكبر واحد متأثرين بيه هنا​

 

[loca]

ههههههههه واه كامل راهم يبغو الخضرة dz في ميزك هاو ريال نسيتها وا هههههه

 

[حنان13]

ههههههههههههه فكرتني في خوويا الصغير يجيب قااع الدراري تاع الحومة

ويقوللهم انا الـgـارديا ههههههههههه ودوكا ولاو بنات الحومة تان

يلعبو انا نقعد نشوف فيهم غير من الفوق ههههههه

موضوع هااايل
​

 

[عاشقة زماموش]

والله غير هبال
أنا وحدة من الناس هبلت قريب اداوني للمصحة العقلية ، حتى ولاو يعيطولي الجزيرة الرياضية لأني نتبع الأخبار الرياضية أولا بأول ، والله يا حنا البنات كنا مانسمعوش بالبالون خلاص ، ولينا نعشقو فيها أكتر من أي حاجة اخرى ..

ربي يهدينا

 

[feriel -B]

صح قاع واش قولت خويا ...انا عجبتني اتحفيفة تاع ولاد حومتي ...يحففوا كيما شاوشي وغزال وزياني
موضوع روعة يعطيك الصحة

 

[EL General]

و عليكم السلام و رحمة الله تعالى و بركاته
هذه هي حمى كرة القدم أخي ، فمثلا البرازيل ، رغم ما تحققه من إنجازات كبيرة جدا و نجوم كبار و مازال الشعر البرازيلي يحيي جميع ذكرياته و يلعبون الأطفال الصغار ، و لكن فريقنا الوطني الجزائري ظهر جديدا و بمستوى مذهل جدا
هذا ما جعل الأطفال يفعلون هكذا
شكراااااااااا
​

 

[فراشة الايمان]

ربي يدومها
انشاء الله كاس افريقيا 2012

 

[ورود الاشواق]

نسيبورتي اولاد بلادي باه متفزدش عقلية اولادي
هادي حجة مليحة كينساو الاجانب

 

[TOUTA32]

موضوعك واقعي نشوفها عند ولاد الكارطي حتى نبكي من الضحك
عديت قريت توقيعك ماتقلقش خويا نعرف واحد وليد صحب بابا يسكن في تبسة بعثوه لغليزان

 

[rofaida_c.k.o.a]

 

[جوانا]

مارسي على الموضوع

 

[adraa]

ههههههههههههههههههههه

الاياام تتبدل

وش جااب بين الماضي و الحااضر

فرق شاااااااااااااااااااااااااااااااااااااااااااااااااااااااااااااااااااااااااااسع

 

[Roumissa_dz]

مزاال نزيدو نشوفو هههههههههه

 

[kojak]

معاك يا الخضرة دير حالة ايه حقا الماتش تاع دزاير نهار التلاتاء فكرتني ربي يوفقهم نشاله
​

 

[souhila_95]

الموضوع وما فيه الجزائريين كلهم يعشقو البالون وبدون استثناء هههههههههه بصح حب الصغار للقارديان هو دليل خبرتهم رغم انهم صغار السن على خاطر في كاس العالم اللاعبين نتوعنا ما عطاوش كل ما عندهم غير مبولحي على هذه الصغار حبومركز القارديان ...شفت الاطفال وعندهم الخبرة قتلك البالون ما شينا في الدم
​

 

[ريفال]

ههههههههههههههههه والله لكان تشوف البنات اليسي تاعنا في حصة السبور يلعبو البالون وكل وحدة تسمي روحها عل ليجوار لي تحبو كيما صحبتى اسمها بوقرة ههههههههههههه
من قبل كنا حنا البنات نكرهو حاجة اسمها البلون وكنا نتعاركو مع اخواتنا الدكور عل التيلفزيون كي يلحث وقت المسلسل دوك ولينا حنا نتحكمو فيه عل جال الماتش

 

[adnandz]

مشككورين عى امرور