مقروط اللوز

biba85 · 22 أوت 2010

ارجو طلب كيفية تحضير مقروط اللوز ل حلويات العيد.شكرا

lina07 · 22 أوت 2010

مقروط اللوز

المقادير:

العجينـة :

- 500 غ لوز مرحي رقيق
- 250 غ سكر ناعم
- مبشور 02 حبات ليمون
- 01 ملعقة صغيرة لفاني
- صفار بيض

سيـــرو: sirop

- 1/2 لتر ماء
- 250 غ سكر عادي
- 01 فنجان شاي ماء الزهر

التحضيـــر :

نخلط اللوز، السكر، مبشور الليمون و لفاني و نلم الخليط بصفار البيض حتى نتحصل على عجينة.
على طاولة العمل نضع العجينة بعد أن نكون قد وضعنا قليلا من الفرينة و نعمل حربوشات boudins يكون 03 سنتم سمك و 03 سنتم عرض.
نأخذ مول المخصص لتقطيع المقروط حتى نرسم فوق العجينة الخطوط و نعيد تقطيعها بواسطة الموس – سكين-
نضع الحبات في سنيوة تاع الفور و نتركها تطيب 20 الى 30 دقيقة.

من أخرى نحضر سيرو و نتركه 30 دقيقة يغلى بعد الغليان نضيف ماء زهر و نتركة يبرد.
نأخذ المقروط نغطسه في السيرو و نتركه يقطر قليلا ثم في سنيوة فيها سكر ناعم نستف فيها المقروط و نأخذ غربال بثقوب صغيرة نغربل سكر الناعم على المقروط حتى يتغطى كل المقروط و نتركه هكذا ليلة كاملة.
و في الأخير نقدمه في كيسات.

حنونة انا لقيتو في المنتدى وحبيت نعاونك بيه

lina07 · 23 أوت 2010

وزدت لقيت هاذي حبيت نمدهالك

مقروض اللوز بعجينة اللوز

المقادير
3كيلات لوز مطحون
كيلة سكر غبرة
3 او 4 بيضات حسب الحجم
ملعقة سكر فانيليا
مبروش قشر ليمونة
التغطية:
ماء الزهر
500غ سكر ناعم glace

التحضير:
في صحن كبير اخلطي اللوز مع السكر ومبروش الليمون والفانيليا
اضيفي البيض حبة حبة مع الخلط حتى تحصلي على عجينة متماسكة وطرية قابلة للتشكيل
رشي الطاولة بالنشا وخذي جزءا من العجينة وشكليه على شكل قضيب متجانس