السلام عليكم
سبحان الله العلي العظيم واش هاد الردود
الطفلة راهي عندها 15سنة!!
منيش رايحة نقولك بلي هاد العلاقة حرام لانو بالاك ماتتقبليهاش مني لكم خلينا نفكرو
انا نقلك
انـــتي ماتحبي حتى واحد صدقيني فسنك هذا مازال متعرفيش واش المعنى تاع الحب
لان الحب الحقيقي ماراحش يكون في سنك هذا .راح يكو في سن النضج وثبات المشاعر واتزان العاطفة تاعك واهم شيء الحب راح يكون بعد ماتتزوجي
اما دوك راكي في فترة ماتسمحلكش بحسن الاختيار لانك ماكيش مؤهلة لهذا
اخطيــك من الحب دوك في سنك هذا لازم تشغلي بالك بتنمية نفسك وتقوية شخصيتك والانتهاء من دراستك بالك تقوليلي
علاااه واش الي يمنعني ندير هاد الصوالح وانا معا هاد الشخص
نقلك بلي انتي في سن تتأثري بلي حولك وكيف لو كان شخص تقرب منك بزاف والعلامة راكي دوك مهمومة اسكوو راه زعفان علااه؟
او علااه ديما نتفاتنو وعلاه؟
او علاه علا ه يعني راه يأثر فيك بلا ماتحسي
صدقيني بعد ماتشغلي بدراستك وتكبري وتكمليها رايحة تكوني مؤهلة باه تحكمي على الاشياء من منظوور مختلف تماااما على منظورك في سن 15سنة راح تكوني اكثر واقعية ونضج وصدق مع نفسك
عيشي سنك الحقيقي وخليك من الحب ماتشغليش بالك بيه وتتعلقي بأوهام
اممبعد تتفاجئي وقلبك مازالو صغير ماتستعجليش فالامور
خليـنا نفكرو شوية بواقعية احسبيها معايا
15سنة وهو 25سنة من المفروض يعني بالكم على الزواج
مافكرتيش وقتاه راح يجي يخطبك !
مافكرتيش بلي راكي تقراي ومازالك على الاقل 7سنين باه تكملي قرايتك وتتخرجي !
7سنين راح تقضي وقتك هكاا!
ولا رايحة تتزوجي وتكملي قرايتك
ولااا كيفاه راكي تفكري اصلااا!
علاه عليك قاع هاد الشي ختي ؟
فكري مليح باه ماتندميش ممبعد واهم حاجا ديريها في بالك انو ربي مايرضاش بعلاقة بين الطفل والطفلة من دون حاجة شرعية
حابة نعاونك بلي قدرت عليه وانتي لازم تعاوني روحك
واول حاجة انك تقطعي علاقتك بالشخص هدا
ارجو تقبل نصيحة
اختك شهرة
