Of life for all but the luck to those who

[يسرى 2008]

ان الحياة للجميع لكن الحظ لمن Of life for all but the luck to those who

السلام عليكم
وشراكم يا اعضاء اللمة
العنوان شفتوه بانجلي
سير قلتلو هادي عايشة في انجلترا ولا في ماريكان جاية تتفلسف علينا هههه لا اني عايش في دزاير
بصح نفحة برك على الانجلي ههه
بلا ما نطول ياريت تجاوبوني على السؤال
الحياة للجميع لكن الحظ لمن
هل الانسان هو الي يجيب حظو بيدو
كيما نعيطولها قفازة
كاين الي تلقاه يروح لسحارين ووو يعمل عمايل
ولا الحظ يجي من عند ربي مخلوق مع العبد
وكل انساء وحظو في الدنيا
يمكن الموضوع تافه شوي مي انا نحب نستفسر على متل وشكرا ليكم
​

 

[الحاج الطيف]

الحظ يكتب على جبين الأنسان منذ الولادة
وللأسف مانقدروش نعرفوا عنذنا حظ ولا معنذناش .
المهم التوكل على الله ونعمل بقدر مانستطيع وشكرا .

 

[Rochdi.dz]

انا مرة لقيت الحظ في البيس ديتو معايا للدار
​

 

[himina]

شكرا الموضوع حقا رائع انا مانمنش بالحظ ولا الزهر الدنيا قفزات اقفز اتعيش ولي حب يكون عندو الحظ يخدم ويشقى
صح احنا انخدمو باه ناكلو وكي مانخدموش ناكلو لي خلق مايضيع

ولا فار هاذي انتاع الشوافات والكزانات صح عند الناس لي الله غالب اعليهم

 

[DARINE05]

اهلا يسرى اختي الحظ من عند ربي

 

[حسام د]

السلام عليكم

موضع جميل جدااا ويستحق النقاااش

ولا اريد ان اطول عليكِ

اختي الغاليه

قال الله تعالى

((إِنَّا كُلَّ شَيْءٍ خَلَقْنَاهُ بِقَدَرٍ))

وقال تعالى

(( وَكَانَ أَمْرُ اللَّهِ قَدَراً مَقْدُوراً ))

فيا أختي الكريمه

ما من شيء في هذا الكون من الأزمات والآجال والمكاسب والمصائب إلا بقدر

سبق به الكتاب فمن ظن أن شيئاً من مخلوقات الله خارج عن قدره أو أنه خاضع للصدفة المحضة فهو

ضال أو كافر عياذاً بالله .

​

 

[himina]

اهلا يسرى اختي الحظ من عند ربي

ونعم القول بنت لبلاد

 

[EL General]

يسرى يلزمك تبدلي العنوان
أولا لأنه ماهوش بالعامية الجزائرية
و ثانيا ماهوش بالعربية
*
*
*
*
الحظ راهو للناس كامل
غير اللي حكم معاه و اللي ماحكمش معاه

أنا واحد من الناس ساعات برك يحكم
​

 

[miss-imane]

لا لا حنونة ربي يمد والعربي ينحيلك شكون فينا ماعندوش الزهر جيك في حاجة تروحلك في الأخرى مي لي جات خير من اللي راحت بصح العربي مايخليهالكش ماتخميش تاني اللي يروحو للسحارين عندهم زهر ولا لا مي لازم زهر ديالهم يكون يكسر الحجر واش نقللك بالعكس الموضوع فور نورمالمو راكي فهمتيني شكرا على الموضوع وصح فطورك حنونة

 

[NaDiA.]

مانامنش بحاجة يسوموها الحظ علاخاطلر ماتقدرش تعرف يلا حظك مليح ولا العكس ..مرة معاك ومرة عليك

انا نشوف بلي كلشي يصرا مليح و لا ماشي ملح هو اللي كتبو ربي و القدر اللي حياتنا تمشي عليه

.دوك الواحد تصرالو حاجة ماشي مليحة يقول حظي سيء و هي بالاك العكس..و عسى ان تكرهو شيا و هو خير لكم

و العكس صحيح واحد يقولك حظي مليح و في حقيقة الامر الشيء اسوء

تقبلي مروري ..حنونة موضوعك ماهوش تافه العكس مهم


وسمحيلي على اللغة المكسرة و المخلطة بالدارجة
​

 

[kano88]

ياه ياه
أنا وين نروح تقدلي ...
زعما مدعي بالخير ... هههههههه
انما حاجة الحط هذي مش أفار ...
نورمالمو نقولولو القدر ...
بصح حنى خدمتنا الموديفيكاسيون ...
مزهرين بزاف علابالك ...
و كلشي معند ربي سبحانو ​

 

[nour mary]

الدنيا هادي مرة ليك ومرة عليك والزهر ماشي ديما معاك

 

[ماكانش]

الحظ بيد ربي ...

 

[amina-02]

كل واحد وواش كتبلو ربي

 

[مروة MARWA]

كل واحد وواش كتبلو ربي
ولازم نرضاو بهاد القدر مهما كان حتى نقدرو نعيشو
سلام ...
​

 

[amira style]

انا مرة لقيت الحظ في البيس ديتو معايا للدار
​

ههههههههههههههههههههههههه شابة هاذي

 

[EL General]

أنا الحظ تاعي اللي نفرح بيه

هو اللي وليت مشرف في المنتدى تع اللمة ، هههههه

روعة الحظ هدا
​

 

[يسرى 2008]

يسرى يلزمك تبدلي العنوان
أولا لأنه ماهوش بالعامية الجزائرية
و ثانيا ماهوش بالعربية
*
*
*
*
الحظ راهو للناس كامل
غير اللي حكم معاه و اللي ماحكمش معاه

أنا واحد من الناس ساعات برك يحكم
​

ههههه علاه عليك خويا اني جايبتها انجلي اليامات هادي
معليش ميكون غير على خاطر درك نبدلو
ومشكور على ردم

 

[يسرى 2008]

مشكورين الكل على رد
اختي نادية بالعكس احسن لغة لغتنا منورة اختي
وكلكم مشرفين

 

[الظل الطويل]

هو صح موضوع مهم... }}
لأنو كاين ياسر ناس متأمنش بالقضاء والقدر
وناس ياسر تمرض ويقلك ماعنديش الزهر
ولكن نساو قول ربي وعسى ان تكرهو شيئا و هــــــــو خير لكم...}

الدنيا معاطي من عنــــــــــــــــ،د الرحمــــــــ ــــأن ولي يجيبها ربي مرحبا بيــــــ،ها
لي عطالو ربي المال نقصلو من الصحة ولي عطالو الصــــــــــ،حة نقصلو من حاجة اخرى
وكاين لـــــــــ،ي عندو كل الامكانيات لكن بالو موش مريـــــــ،ح
والشكوى لغير الله مدلة

الواحد يستحمد ربي ويعاودو اقل حاجة لأنك تقدر تشوف وتسمع هدي قبل كل شيء
والقناعة شبعا كيما يقلكـــــــــــــــــــــــ،.....}
ولي مكتوب على الجبين متنحي اليديـــــــــ،ن ,,,,,
​