مارسي والله غير شهيتيني مع العشية
مشكورة لمروركحبيبتي فاطيمة نورتيني
لقينا مرا كيما انتي وكرهنا راكي طيري يا اختي
الله يبارك والله يخليك لماليك
حبيت نسقسيك على هذاك الgratin باين بلي زوين
ماهي المقادير؟؟؟؟
مشكورة اختي هديل تامون ما فهمتكش في لقينا مرا وكرهنا
على العموم وينا غراتان حطيلي طورتها ونقوللك على المقادير انتي تامري
الله يسلمك مشكورة اختي لمرورك
الله يبارك ياعفاف خموس عليك علي هدي الأكلات
ربي يحفضك و يخليلك يديك و يخليك لينا
من فضلك أعطيني الوصفة تع هادو الأطباق
و صح فطورك
يبارك فيك اختي صافيناز
على العموم الوصفة الاولى باذنجان نقطعوه بالطول شويا رقيق نحطوه في الماء والملح نص ساعة ومبعد نقليوه نص قليان بحيث اننا نقدرو نروليوه
وبعد ذلك نحطوه يقطر مليح ونحضرو الحشو عبارة :
نحمصو شويا بصلة نديرولها لحم مرحي شويا ملح فلفل اسود معدنوس مقطع رقيق نخلطو كل شي
ونحطو قطعة الباذنجان نحطو فيها الحشو ونلهوثوها ونربطوها بشويا خيط لوكان تدققي في الصورة تشوفي الخيط
بعد ذلك نحضرو صلصة طماطم نحطوها في البلاطو نسدفو الباذنجان اللي لويناه كامل ونكملو فوقو شويا صوص طوماط
نخلوه حوالي 10 دقائق برك على خاطر كل شي طايب
نخرجوه ونرابيو فوقو فرماج
وشهية طيبة
اما التانية
نقطعو البطاطا بالعرض نقليوه نص قليان نقطروها من الزيت ومباعد نحطو طبقة بطاطا وطبقة دجاج مفتت ومحمصبالبصلة والكسبر وطبقة بطاطا ونديرو من فوقها البيشاميل والفرماج
وندخلوها تطيب
انشاء الله يعجبوك
ماشاء الله ..... موائد رائعة
بارك الله فيك
وفيك بركة اختي اميرة وهران مشكورة لمرورك
الله يبارك يعطيك الصحة والله غير المائدات نتاعك يستاهلو احلى تقييم من عندي صراحة مائدتكم الرمضانية في القمة وقاع الماكولات تهبل
ربي يبارك فيك اختي دهبيتو مشكورة لمرورك انتي
ماشاء اللهعليك اختي عفاف على الموائد رائع والله واحدة احسن من اختها مرا وعليك الكلام
بارك الله فيك
ننتظرو المقادير
تستاهلي احسن تقييم
مشكورة اختي بنت الواد سوف على مرورك
انتي اطلبي اللي عجبتك حطيلي صورتها وانا نعطيك مقاديرها
مرورك عطر الصفحة
**********
شا
نقولك يا اختي عفاف راكي مرة و عليها الكلام تبارك الله عليك و الله كل مائدة اشهى من الاخرى الله يعطيك الصحة و يخليك لميمتك امين
الله يبارك فيك اختي كوثر والله يحفظلك العزاز عليك
مرورك نورني
اما على المائدة هاذيك لازانيا راني حاطة كيفيتها بوراك باللحم المرحي فلفل مشوي بالطماطم سلاطة وكبدة مقلية وشربة
مشكورة لمرورك اختي
يعطيك الصحة يا شاطرة
انا تاني اعطيني الوصفة نتاع هاد الطبق من فضلك
اختي ندي انتي مشكورة على مرورك
هذا الطبق مثل ما قلتو لاختي صافيناز
نقطعو الباذنجان بالطول وحبذا لو كان من الحجم الكبير
نقطعوه شرائح شويا رقاق نشمخوهم في الماء والملح لمدة
وبعد ذلك نقليوهم نص قليان باه نقدرو نلويوهم
نحظرو الحشوة حسب الرغبة لحم مرحي او دجاج نحمصوه مع البصلة ملح فلفل اسود ومعدنوس
نحطو ورقة الباذنجان نحطو الحشو في الحاشية ونلهوثو ومباعد نحكموها بخيط ندهنوو البلاطو بصلصة طماطم نكونو محضرينها من قبل نحطو الباذنجان ونحطو فوقو شويا صلصلة طماطم ندخلوه للفرن ما يطولش ومباع نخرجوه ونرابيو فوقو الفرماج
اختي عفاف من فضلك تمديلي هده الوصفة ادا مفيهاش ازعاج و ربي يجازيك بكل خير
انت تامري اختي كوثر ماكاين حتى ازعاج
هاهو ليك رابط الوصفة
https://www.4algeria.com/vb/showthread.php?t=268042
