موائدي الرمضانية تفضلو تشوفوهم))/-*من مطبخي*-/((

[hayota]

عفاف يا فرحتو بيك هاذ الراجل اللي راه ادايك
مشكوووووووووووووووووووورة بزاف
انا نبغي المقبلات وباغية الوصفة تاع هادي

 

[hayota]

وربي يعطيك الذرية الصالحة
وان شاء الله بنات ساجيات
كيما ماماهم

 

[nada242008]

ماشاء الله كل مائدة احلى من الاخرى
يعطيك الصحة وتسلم الايادي

 

[-chahinaz-]

ماشاء الله
ادا حبيتي اعطيتي الوصفات تاع هد التصاور

 

[لؤلؤة المحيط]

امممممممممممم والله غير اقل مايقال عنهم رووعة الله يسلم يديك اختي عفاف ويخليك
واانا مانحوس على حتى وصفة انا نحوس نجي نفطر وتحطيلي كااااااااااامل هذذو
موافقة؟؟؟يخي حالة يخي نعرض في روحي

 

[عفاف الجزائرية]

ماشااء الله
هاذو موايد وعليهم الكلام
مانخافش عليك ​

مشكورة حبيبتي سمونة ربي يخليك ان شالله
نورتي مرورك
​

.

.


ماشاء الله عليك ... ٍسفرة عامرة إن شاء الله


يستاهل أحسن تقييم


جوعتيني :tears:

الله يخليك اخ قطري مشكور لمرورك نورت صفحتي
لا تخاف على القطة عندها ما تاكل انا معتنية فيها
​

عفاف يا فرحتو بيك هاذ الراجل اللي راه ادايك
مشكوووووووووووووووووووورة بزاف
انا نبغي المقبلات وباغية الوصفة تاع هادي

ربي يخليك اختي حياتو هذا من طيبتك
المهم هاذي الوصفة لي تارتولات
العجينة استعملي اي عجينة عندة مورقة ولا بريزي ولا حتى عجينة العشر دقائق
https://www.4algeria.com/vb/showthread.php?t=215106
والحشو استعملت دجاج مقطع رقيق محمص في قليل قليل من البصلة
نقطع تاني فلفل حار شويا برك ونقطعو رقيق ونخلطو مع الدجاج وشويا كسبر مقطع رقيق
ونضيفلهم ملح فلفل اكحل نكسر بيضة ونزيدلهم القشطة يعني لاكرام فراش
ندير العجينة في لي مول وندير فوقها الحشو وندخلها للفرن تنشف حتان تاخذ هذا اللون
وبالصحة عليكم

وربي يعطيك الذرية الصالحة
وان شاء الله بنات ساجيات
كيما ماماهم

ماشاء الله كل مائدة احلى من الاخرى
يعطيك الصحة وتسلم الايادي

مشكورة حبيبتي ندوش على مرورك نورتيني يا غالي وام الغالية
​

اهلا بيك اختي شاهيناز هاذي سفيرية بالزيتون
يعني زيتون مرقة زيتون عادي ونشرشمو 2 حبات بطاطا كي يطيبو نمرسوهم مليح نديرولهم شويا ثوم ملح فلفل اكحل وكسبر مقطع رقيق
ومباعد نديرو نجيبو لحم مرحي نحشيوه في الوسط بشويا فرماج ونديروه كربوعة صغيرة ونحمصوه في الزيت
وكي يطيب اللحم نزيدو نحشوه في وسك البطاطا
يعني الفرماج داخل اللحم واللحم داخل البطاطا
ونلهوثو هاذي لابول في الفرينة وبعدها في البيض وبعدها في لاشابلير الخبز المرحي
ونقليوهم
وكي يطيب كل شي نحطو الزيتون ونحطو فوقو لي بول هكذاكيما مصورة

https://www.4algeria.com/vb/showthread.php?t=268042

ماشاء الله
ادا حبيتي اعطيتي الوصفات تاع هد التصاور

وهاذي الوصفة الاخيرة
رحيت صدر دجاج درتلو ملح فلفل اسود ومعدنوس كي العادة
ومباعد جبت حبات زيتون حشيتهم بالفرماج روج
ومباعد حشيت اللحم بالزيتون يعني الزيتون في الوسك والدجاج من فوق
دورتهم على الفرينة البيض ولا شابلير وقليتهم
وعملت صوص بلونش بعد ما طابت حمصت الشومبينيون في مقلات ودرتو في لاصوص ولحت معاها نص حبة قارص
وكي طاب كل شي حطيت لي بول نتاع الدجاج في المرقة
وبصحت الحجميع

 

[sarita*]

نقولك حاجة والله غي طابلتك تشهي بزاف وباين عليك قافزة ومراة تاع دار الله يبارك
بصح ول بغيتي نقولك راي فالوغداف انا نقولك ما عجبنيش بزاف كنتي قادرة ديري واحد شباب

 

[-chahinaz-]

مرسي على الوصفات يشهو راكي جوعتينا باذن الله نسييهم و نقولك كيفاش جاوني

 

[lina07]

الله يبارك اختي عفاف وحبيت نقلك تعطيني وصفة هاذي

وهادي الا ما فيهاش ازعاج
صحا فطورك

 

[حاملـة المسك]

و عليكم السلام....صح فطوركم

الله يبارك يخزي العين
بصحتكم
ربي يتقبل منكم و منا صالح الاعمال​

 

[هديـل]

الكلام اللي قلتهلك بمعنى راكي شاطرة
​

 

[@R@ZIK]

ما شاء الله
يعطيك الصحة موائد روعة
تستاهلي احسن تقييم أخت عفاف
​

 

[وردة رمال الذهبية]

يعطيك الصحة اختي عفاف على الموائد الرائعة كل وحدة احسن من الاخرة ​

 

[ام منصف]

 

[Łøst Fłôwęr]

الله يبارك مائدتك ما عندي مانقول فيها

مرة وعليك لكلام بصحتكم

و صح فطوركمــــــــــــــــــــ​

 

[سيرتا]

الله يبارك ما شاء الله عليك و يعطيك الصحة يا الشاطرة

 

[نهلة21]

بصحتكم اختى عفاف
اطباق ماشاء الله
الله يبارك

 

[اسمه_ان]

الله يبارك الاخت عفاف مالقينا منقولو مرا وعليك الكلام ربي يحفظك لزوجك واولادك ويرزقك الذرية الصالحة
وربي يبعد عليك العين
​

 

[اسمه_ان]

من فضلك اختي عفاف اذا قدرتي تحطيلي الوصفات... صحا فطوركمــ ,,,
​

 

[ملكة الدلع]

تفطرو بالصحة و الهنا يعطيك الصحة راكي فنانة الله يبارك تنوعيلهم بصحتكم
مادا بيك تعطينا الوصفات نتاع بعض الاطباق راهم هايلين يشيهيوخاصة نتاع الفرن
ربي يخليك لداركم صح فطورك و صح سحورك يا الشاف عفاف
ربي يحط البركة و يدوم النعمة ان شاء الله