- إنضم
- 1 جوان 2008
- المشاركات
- 7,675
- نقاط التفاعل
- 6,740
- النقاط
- 351
ربي يبارك فيك اختي ام ليث نورتيني بمرورك مشكورة
تنوري اختي والله اهلا وسهلا الدار تزهي بقدومك
مشكورة لمرورك العطر
ربي يبارك فيك اختي ريحانة
انت يالوصفة اللي عجباتك قوليلي عليها وانا نعطيك مقاديرها وكيفيتها
الوصفة الاولى باذنجان نقطعوه بالطول شويا رقيق نحطوه في الماء والملح نص ساعة ومبعد نقليوه نص قليان بحيث اننا نقدرو نروليوه
وبعد ذلك نحطوه يقطر مليح ونحضرو الحشو عبارة :
نحمصو شويا بصلة نديرولها لحم مرحي شويا ملح فلفل اسود معدنوس مقطع رقيق نخلطو كل شي
ونحطو قطعة الباذنجان نحطو فيها الحشو ونلهوثوها ونربطوها بشويا خيط لوكان تدققي في الصورة تشوفي الخيط
بعد ذلك نحضرو صلصة طماطم نحطوها في البلاطو نسدفو الباذنجان اللي لويناه كامل ونكملو فوقو شويا صوص طوماط
نخلوه حوالي 10 دقائق برك على خاطر كل شي طايب
نخرجوه ونرابيو فوقو فرماج
وشهية طيبة
هاذي يا اختي اسهل مما يكون وهذا شرط واساس مائدتناhada hiya li 3ajbatni min fadlik wasffffa
على العموم هذا فلفل مشوي حار وحلو نشويوهم ونحطوهم في كيس او علبة باه يعرقو ويسهل تنقيتهم
بعد ذلك نرحيوهم في الروبو او نهرسوهم في مهراس الحطب اذا وجد
نرابيو الطماطم نحطو قيس فنجان ماهوش معمر زيت في المقلاة نخلوه يسخن نكبو فيه الطماطم وندقدقو 2 سنينات ثوم بعد ما تطيب تقريبا نزيدو نحطو الفلفل اللي كنا شويناه وهرسناه من قبل
ونخلطو ونخليوهم يطيبو مع بعض
لمجة من الزمن اذا شفناه نشف من الزيت خلاص نحطولو شويا زيت
واذا جاء حار نحطولو شويا زيت زيتونة
وشهية طيبة اختي
