راه قريب العيد

[EL General]

السلام عليكم و رحة الله تعالى و بركاته


راه قريب العيد يا أحباب اللمة

كاشما درتوا ريزارف ؟؟؟

وش أحوالكم مع مغادرة رمضان الكريم و مع أن الكثير منا ماهوش حاب رمضان يروح علينا و يخلينا .

حبيت نعرف آراءكم و بس

نتناقشوا شوي ...

و كيف هي الأجواء تع رمضان في : 48 ولاية dz ؟

و ليلة القدر اللي راهي جاية في الطريق الليلة المباركة و العزيزة علينا

بكل شفافية و صراحة

نحب آراءكم و نقاشكم ....

و شكرا .
​

 

[الرومنسي الجاد]

أنا منأمنش بالعيــد حتى يقولولي نوض راه غدوة العيـــد. .

كل عام نفوتوا برا باتنة . . العيد هو العيد . . المحارق و المحاين . .

ماغس،،،ي


​

 

[salimOv]

ViiVe Ramdan لا عــيد لا والــو
العــيد مــلي كــنا صــغــار دوركـا صــايي صــمــاط
مــابــقــاش العــيد
المــهم مــاتـنـــســاوش حــقــنا تــاع قــاطـو ​

 

[EL General]

معليش تفوتوا العيد كيما ساير الليام
​

 

[nassim007]

سلاااااااااااااام

صحا صحورك أولا

العيد قرب ورمضان بعد بصح والله رمضان السنا غلبني صراحة عييت ......هههه
​

 

[nouna]

slt...sa7a s7ourkom

é ana wlh mani 7aba ramdan yfout koun ghir jat sna kamel ramdan

ra7at bal 3ibada silat ra7im ..ra7ma..olfa..maghfira..w koun nabdaw nahadro mankhalsouch ..mé na9adro ngoulo bali ki yji ramdan yfakarna chwiy bali rana moslumin é na7achmo chwiy 3la rwa7na w n7absso man injirar wra lgharb w eli7tifal b monassabathom li ma3andha 7ata ta3ma..

l3id youm bahi youm kant tazhar fih wardat elislam bakri ..mé dork makanch li yas9iha lah ghalb..

l'essentiel c mon avis

jspr tat9ablouh

merci khouya sujet hayal

​

 

[kano88]

حاجة الصح لضرك راني حاير
لبارح برك قالو غدوة رمضان ؟؟؟
واشي هدا الزمان ؟؟؟ محسيتش بيه خلاص
و صدقني احسن اللي صرالي في حياتي هو رمضان
و الله سبحان الله تبالي مننساش رمضان نتاع السنة
و بالنسبة للعيد ... يوم راحة و دهوير مع لحباب بالنسبة ليا يوم رائع​

 

[وطني]

لي بيدو كول يوم عيدو...و يا سعدو ههههههه
نكملو هادو ليامات علا خاطرش سخانة راها 45 ومن بعد نحكو على العيد

 

[Thayri]

رمضان هاد العام جاني صعيب شويا صورتو الايامات الاولين مع السخانة و طول النهار بصح والفنا شويا

و قريب العيد و حسيت بيه لاخاطر الحرايق دارت حالة فالدوار

صح عندو الحق اخ سليم العيد ضيع البنة تاعو مشي كيما زمان نشفى كي كنت صغيرة نهار العيد نروح صبح نزور كامل الجيران قراب كانو ولا بعاد و في النهار نروح مع بابا نزورو الاهل و الاقارب

ضرك خلاص وليت نكره نخرج نهار العيد نجوزو كامل في الدار

​

 

[somiasahraoia]

انا نسنى غير ليلة27

 

[ملك اللمة]

و الله يا اخي غمض عين سكر عين ...راح رمضان و معرفتش كيفاه فات ...و العيد الدعوى في الصبيحة معا لصحاب نباركو لبعضتنا و القاطو مايخفاكش ....المهم الله يتقبل صيامنا و قيامنا

 

[zahira92]

صراحة مبقاش للعيد طعم كما بكري. والله غير رمضان ايامو اروع بكثير من سائر الايام الاخرى كيف لا وهو الشهر الذي يحتوي ليلة القدر .
​

 

[DARINE05]

اممممممممم
العيد قريب صح باه نشري القش ههههههههههه
والمحارق

 

[عاشقة الكرة]

والله السخانة هي اللي ماخلاتلناش وبالنسبة للعيد ولا صامط مانعرف من لعباد ولا من الزمان
وسبحان الله ماصدقت ويكت قالو غدوا رمضان واليوم راه قريب يخلص
شكرا ليك على الموضوع خويا
وصح فطورك وعيدك ان شاء الله مبارك وكل عام وانت بخير
​

 

[EL General]

باينة بلي الجماعة كاملة متحمسة بش تستقبل ليلة القدر

شكرا .
​

 

[amina-02]

العيد للصغار
حنا عيد و لا رمضان الكوزينة الكوزينة

 

[sisou023]

صح العيد كي كنا صغار كنت منرقدش من فرحتي بصح ذوك والو راه يجيني صامط سيرتو كي معنديش جدودي

 

[sajod2100]

آآآييه عن رمضاااان فات مثل الحلم
"ربي تقبل صيامنا وقيامنا وصالح اعمالنا"
يوم العيد مميز عند كامل مسلمين بعد صيام شهر كامل
بعد صيام شهر رمضان المبارك ليفرح المسلم ويشكر ربّه على نعمة الصيام
والعيد هو يوم الجائزة من الله تعالى لعباده المؤمنين
ويلتقي المسلمون في العيد ويتبادلون التهاني و يزورون أهلهم و أقرباءهم
كما يزور المسلم أصدقاءه ويستقبل أصحابه وجيرانه، ويعطفون على الفقراء
شكرا

​

 

[NaDiA.]

و الله غير ماكانش كي رمضان وسهراتو
مي كلش فوقتو حلو

 

[N@riM@N]

اه صح والله غدوه نبداو ندخلو فلعشره الاوخر
مي رمضان سنا عياني تاع الصح
ومكانش منها هادي تاع العيد لصغار ​