- إنضم
- 1 أوت 2008
- المشاركات
- 8,613
- الحلول
- 4
- نقاط التفاعل
- 14,121
- النقاط
- 2,156
- الجنس
- ذكر
العياشي والنورية عند الساڨية.
(جزء 2) العياشي والنورية في la ville
......
مع أذن المؤذن الصلاة خير من النوم النورية راهي كي العسكري طاڨ ،، طباڨ.. شلڨ،،شلاڨ تجمل في الدار منا ومنهيه وتوجد في الأمورات باه تخلي دارها نقية موراها.
و كل لحظة تدهمي تنوض في العياشي في فراشو :
العياشي ،،،العياشي هنوض تصلي وتوجد روحك هاذيك هي الشمس رايحة تطلع.
أنوض؟! راح الحال.
العياشي ،،، آ العياشي.
....
العياشي يتسمى راه نايض وماهوش نايض شغل طايح في الأورجو ( التسلل) وبقى يدور في راسو الاستفهام واش كاين اليوم اللي المرا راهي منوضة الحرب صباح ربي !؟
جايينا ضياف !
العيد داروه اليوم !
نسيبتي العزيزة جاية !
بقى يتڨلب في الفراش ويخمم ق الخير وش كاين .
حتى تفكر ليلة البارح والوعد اللي قطعو للنورية في لحظة ضعف جمعت بين الجوع والرومانسية.
العياشي: ياحسراااااه ياويلي.
======
المسافة بين الدوار والمدينة وحد ثمانيين كيلو هاذيك هي قصاص ما طلعت الشمس ووصى العياشي بنو الكبير ابراهيم عالبڨرة والشياه والعلف والحرث كانو ركبو الكروصة وتتكسل ذيك 404 الممحونة عالطريق الوطني... أجبد أجبد أجبد حتى لحڨو للبلاد ،،، السيركالاصيو ،،، الكلاكصونات دايرة تقول عراس ،،، الغاشي يجري ورا الطروليات ، ،،،البوليسية بالصفارات ،،، النسا ،،،الرجال،، القطوط ،، الفايدة هراج وفوضى كبيرة النهارات التاليين نتاع رمضان الناس تقول يركبوهم الجنون اللهم احفظنا.
بالسيف اذا القى العياشي بلاصة يصطاسيوني فيها كروصتو قبل ما يوڨفلو عند الباب كالقدر المحتوم الباركينوڨور أونبارصون وهو يلوز بالعصا " پاركينڨ ،،، پاركينڨ ،،، ايا الحاج پاركينڨ عشرينالف أزرب أزرب "
العياشي: حجيت مع جدك وقيلا،،، وشينيهيا عشرينالف راح تحففلها ولا اتكيسلها في الحمّام،،، ايا اعطي الريح لرجليك لنخرّجلك "مسعودة" تسلملك على راسك. ايا فزززز انطلڨ.
( مسعودة باه تعرفوها هي القزولة قطعة خشبية نتاع صنوبر وارثها العياشي أبا عن جد من وقت الامير عبد القادر ديما حاطها تحت الكرسانة عاس بيها عمرو كي شافها الباركينڨور مزادش دار في جيهة العياشي واسمح في المصيريفة)
وأخيرا هبطت صاحبة الحسن والجمال السلطانة النورية تتكسل من الكروصة تقول سندريلا هابطة من الكاليش تهدر مع العياشي وتقول:
.. آ العياشي وراك عارف الطريق منيين.
شوفي انا نعرف زوج حوايج في هاذ الفيلاج ،،، الخزناجي( المركز المالي) ساعة ويشحوطوني الجدارمية ببروصي في الطريق نجي نخلصو هنا والزبيطار( مستشفى) ساعة ونهزلو معايا مرضى ولا نخرجو منو الموتى غيرها والو.
.... شوف شوف لهاذيك الصرعوفة نتاع النسا الرسمي راهم رايحين للفيترينات نتبعوهم ونشوفوهم وين رايحين .
العياشي : الاعمى والزحاف هيا يالاه حركيلي روحك.
ايا بعد شوية وصل العياشي والنورية للشارع الكبير اللي فيه المحلات قد ما تشوف عينك طول وعرض وارتفاع محلات .
العياشي اول مرة يشوف هذا الشارع كلش بالزجاج والرخام والاضواء والالوان ماشاء الله تلفتلو العياشي في الدخلات نتاع المحلات وعاد قيهمص كي الاعمى في ذاك الشارع يحوس على البيبان.
يامخلوقة والله معرفت الطاڨة من الباب .
الرملية على حساب معريفتها: شوف آ العياشي تم تمشي وين تضربك النسمة نتاع البرود هاذاك هو الباب .
وكيما قال الحال دخلو لمحل كبيييير وواسع والعياشي ينعوش فيه البراد من صدرو وظهرو وعلى الاجناب ،،، سه ،،، سه يمشي ويخبط بالعصا في ذاك الدال دو صول يقول للرملية ياباي،، ياباي،، بارد الجو عدهم هنا ماهوش كيما خليناه في الدوار.
...ياو هذا يسموه الكلومازيور كيما اللي دايراتو حيزية اختك شيراهلها راجلها الصيف لي فات بردلها بيه قلبها.
.. زهري ق نا محروڨة في السخانة دايرلي رياشة تڨول جنحين جاجة ورث جدك من عام سيسيلفو رڨبتها مطرطڨة وكل دقيقة يركبها العفريت وتبقى تتخبط كالجان.
العغياشي: لزهاري بوخنونة داير كيما هاذ البرود في دار ؟!. آبي مالا شوفي اشفايلي على هاذي الفكرة ق نبيع كاشما نبيع من الشويهات ونجيبوه للدار. عجبتي الفكرة حالة.
======
ايا راهم يتجولو من محل لمحل ومن ايطاج لايطاج الرملية قعد فمها محلول كي الباسان وعينيها شاخصين في ذيك الروبات والصبابط والروايح والفاليزات والذهوبات والسناسل... والعياشي كل دقيقة " ...نعتل الله عليكم متحشموش .تفه ياعوذ بالله.
النورية :ياتل علامن راك تنعل وتشتم ، عليا انا ول ؟
يتبع ....
(جزء 2) العياشي والنورية في la ville
......
مع أذن المؤذن الصلاة خير من النوم النورية راهي كي العسكري طاڨ ،، طباڨ.. شلڨ،،شلاڨ تجمل في الدار منا ومنهيه وتوجد في الأمورات باه تخلي دارها نقية موراها.
و كل لحظة تدهمي تنوض في العياشي في فراشو :
العياشي ،،،العياشي هنوض تصلي وتوجد روحك هاذيك هي الشمس رايحة تطلع.
أنوض؟! راح الحال.
العياشي ،،، آ العياشي.
....
العياشي يتسمى راه نايض وماهوش نايض شغل طايح في الأورجو ( التسلل) وبقى يدور في راسو الاستفهام واش كاين اليوم اللي المرا راهي منوضة الحرب صباح ربي !؟
جايينا ضياف !
العيد داروه اليوم !
نسيبتي العزيزة جاية !
بقى يتڨلب في الفراش ويخمم ق الخير وش كاين .
حتى تفكر ليلة البارح والوعد اللي قطعو للنورية في لحظة ضعف جمعت بين الجوع والرومانسية.
العياشي: ياحسراااااه ياويلي.
======
المسافة بين الدوار والمدينة وحد ثمانيين كيلو هاذيك هي قصاص ما طلعت الشمس ووصى العياشي بنو الكبير ابراهيم عالبڨرة والشياه والعلف والحرث كانو ركبو الكروصة وتتكسل ذيك 404 الممحونة عالطريق الوطني... أجبد أجبد أجبد حتى لحڨو للبلاد ،،، السيركالاصيو ،،، الكلاكصونات دايرة تقول عراس ،،، الغاشي يجري ورا الطروليات ، ،،،البوليسية بالصفارات ،،، النسا ،،،الرجال،، القطوط ،، الفايدة هراج وفوضى كبيرة النهارات التاليين نتاع رمضان الناس تقول يركبوهم الجنون اللهم احفظنا.
العياشي: حجيت مع جدك وقيلا،،، وشينيهيا عشرينالف راح تحففلها ولا اتكيسلها في الحمّام،،، ايا اعطي الريح لرجليك لنخرّجلك "مسعودة" تسلملك على راسك. ايا فزززز انطلڨ.
( مسعودة باه تعرفوها هي القزولة قطعة خشبية نتاع صنوبر وارثها العياشي أبا عن جد من وقت الامير عبد القادر ديما حاطها تحت الكرسانة عاس بيها عمرو كي شافها الباركينڨور مزادش دار في جيهة العياشي واسمح في المصيريفة)
وأخيرا هبطت صاحبة الحسن والجمال السلطانة النورية تتكسل من الكروصة تقول سندريلا هابطة من الكاليش تهدر مع العياشي وتقول:
.. آ العياشي وراك عارف الطريق منيين.
شوفي انا نعرف زوج حوايج في هاذ الفيلاج ،،، الخزناجي( المركز المالي) ساعة ويشحوطوني الجدارمية ببروصي في الطريق نجي نخلصو هنا والزبيطار( مستشفى) ساعة ونهزلو معايا مرضى ولا نخرجو منو الموتى غيرها والو.
.... شوف شوف لهاذيك الصرعوفة نتاع النسا الرسمي راهم رايحين للفيترينات نتبعوهم ونشوفوهم وين رايحين .
العياشي : الاعمى والزحاف هيا يالاه حركيلي روحك.
ايا بعد شوية وصل العياشي والنورية للشارع الكبير اللي فيه المحلات قد ما تشوف عينك طول وعرض وارتفاع محلات .
العياشي اول مرة يشوف هذا الشارع كلش بالزجاج والرخام والاضواء والالوان ماشاء الله تلفتلو العياشي في الدخلات نتاع المحلات وعاد قيهمص كي الاعمى في ذاك الشارع يحوس على البيبان.
يامخلوقة والله معرفت الطاڨة من الباب .
الرملية على حساب معريفتها: شوف آ العياشي تم تمشي وين تضربك النسمة نتاع البرود هاذاك هو الباب .
وكيما قال الحال دخلو لمحل كبيييير وواسع والعياشي ينعوش فيه البراد من صدرو وظهرو وعلى الاجناب ،،، سه ،،، سه يمشي ويخبط بالعصا في ذاك الدال دو صول يقول للرملية ياباي،، ياباي،، بارد الجو عدهم هنا ماهوش كيما خليناه في الدوار.
...ياو هذا يسموه الكلومازيور كيما اللي دايراتو حيزية اختك شيراهلها راجلها الصيف لي فات بردلها بيه قلبها.
.. زهري ق نا محروڨة في السخانة دايرلي رياشة تڨول جنحين جاجة ورث جدك من عام سيسيلفو رڨبتها مطرطڨة وكل دقيقة يركبها العفريت وتبقى تتخبط كالجان.
العغياشي: لزهاري بوخنونة داير كيما هاذ البرود في دار ؟!. آبي مالا شوفي اشفايلي على هاذي الفكرة ق نبيع كاشما نبيع من الشويهات ونجيبوه للدار. عجبتي الفكرة حالة.
======
ايا راهم يتجولو من محل لمحل ومن ايطاج لايطاج الرملية قعد فمها محلول كي الباسان وعينيها شاخصين في ذيك الروبات والصبابط والروايح والفاليزات والذهوبات والسناسل... والعياشي كل دقيقة " ...نعتل الله عليكم متحشموش .تفه ياعوذ بالله.
النورية :ياتل علامن راك تنعل وتشتم ، عليا انا ول ؟
يتبع ....
المرفقات
آخر تعديل بواسطة المشرف:
