قش العيد ولا قش لاغونتغي غادي تشري هههههه

[adnandz]

هههههههههههههه صحيتو على التقرعيج

 

[salma2010]

هذا هو حال كل العائلات

 

[zahira92]

ههههههههههههههههههههههههههه ولا وحدة فيهم.

 

[بنت الـ25]

أنا تهنيت مالتخمام في قش الدخول المدرسي (الجامعي)
بارسكو كملت قرايتي
مي قش العيد والله ما نفرط فيه... ياربي قندورة:wink:​

 

[adnandz]

علاااااااااااااااااااه’’’’’’’’’’’’’’’’؟؟؟؟؟؟؟؟؟؟؟؟؟؟؟

 

[بنت الـ25]

منعرف؟؟؟؟؟؟؟

 

[adnandz]

لخاطرش نتيا جامعية ايه +
نتوما البنات القش تتقلشوا عليه بزاف

 

[ريفال]

والله انا قش العيد هما مام قش الدخلة تاع ليكول يعنى مكاش الفساد في الدار غيير الاقتصاد

 

[adnandz]

الله يبارك ختي الله يعطيك الصحة

 

[angel_fly]

قش العيد نفسو تاع لاغونتغي بصح تاني القش اللي نسجل بيه وحدو
يعني نسجل بلبسة و نعيد بلبسة و نروح نقرا بيها من بعد

 

[nina bonoise]

انا شريت القش ياسر كي كنت في فرنسا
نخاير منهم 2 لبسات و فضت

 

[عروس الثلج]

ااااااه
والله كثر المصروف اتصورو...:
كنا في الصيف اسمى مصاريف الاعراس والتحواس واللبسة سور........+ رمضان القضيان بالدوبل+العيد اللبسة والحلوى.....+ليكول لارونتري اللبسة و الادوات المدرسية والكتب ...ومن باعد يلحقو الدروس الخصوصية يعني خالية مخلية
انا لدرك مازال ماشريتش مازال مادخلتش سلعا جديدة راهم يليكيدو في القديم
ولدرك ما علاباليش كيفاش نشري المهم لبسة وحدة ضامنتها ولخرى مازال الخير القدام


اسمحلي طولت بزااااااااف
​

 

[adnandz]

ههههههههه صحيتو على التقرعيج

 

[tablatoty]

هههههـ واش نقولك لحوايج ولاو يتشراو بلا عيد بلا لاغوتغي

الوغ باغايزوبل انا مدولي في يدي مليون خلصتها فنخار

لازم راهو عام كامل و لا تفوت عامك بحوايج نتاع عام ليفات جامي

هذا هو مصروف مليون حوايج لكل عام و نطيرو على ولدينا ميزيدوش يشوفو خلايقة

للعام جاي نزيدو نهبلوهم شوية هههههـ

 

[katia1996]

انا شريت اللبسة بزاف
يعني نخير و نلبس
هههههههههههههههههه
اللي تعجبني

 

[ايمان العلمية]

البارح راحو خاوتي لدالاس و كملو كسوتهم كامل :sneaky2:

مازلت غير انا :tears::tears:

بلاك نخلي دراهمي ونشري مورا العيد :closedeyes:

 

[massilia]

bin la rentré des classe le 3 joure de l3ide donc ont peut acheté une seule tenue pour l3ide et la rentré des classe mais moi j'ai devenue grande hhhhhhhhhhhhh oublie l3ide hhhhhhhhhhhh merci pour se sujet qui as devenue tré tenden ces jours hhhhhh

 

[amina-02]

يا لبنات لي تشري قش الوزينة pour l'aid كاين القنادر جبادور الجبب

 

[عبقورة-alg]

الي عندو راه يتكسى زوج مرات
والي معندوش راه مرة ويحير فيها
والي متوسط يتكسى منها العيد منها القراية
ولا راني غالطة

 

[adnandz]

نيشان يا عبقورة جبتيها