حل مشاكل الجمال والبشرة مع بنات اللمة الجزائرية-حصري-

[نور الهدايات]

نور الهدايات جاوبيني على استفساري تعيشي

أختي راني جاوبتك لاكن مفيش مشكل
في كيريمات خافية للعيوب مثل كريم الاساس تنحط على الجسم كلو او مناطق لكن اختي هي غالية بزاف في كريم طبي يسوا 800 الف والعلبة صغيرة وهي مؤقت برك تخفي منين تغسلي يديك تروح يعني تخسري دراهم على باطل
أنا ننصحك إذا عندك سواد في يديك متخفيهش عالجيه لانو مشكلتنا نخفيو البقع منعلالجهاش وهذا يتسبب في ضرر للجلدة وتزيد من البقع.
في وصات كثير لتبييض الايدين منها الليمون
يفرك الليمون على الإيدين ويترك لمدة ربع ساعة ويغسل تعاد العملية 3 مرات في الاسبوع.
الطماطم : هي منضف قوي للبشرة تستعمل مرة في 10 ايام مسحي بالماء نتاع الطماطم على ايديك وخليهم فترة مليحة من بعد اشطفي بالماء
هذو وصفات عامة لكل انواع البقع او السواد في الايدين لكن لو تتفصلي اختي وتشرحيلي يديك واش فيهم من مشاكل بإذن الله راح نبعثلك وصفات خاصة للإيدين ولمشكلتك
إن شاء الله نكون جاوبتك واي سؤال راني هنا اختي

 

[mizora]

شكرا اختي
مشكلتي تكمن في اسمرار الكوع فقط

 

[Łøst Fłôwęr]

شعرك رطب ويطيح يعني دهني وخصوصا انك قلتي فيه قشرة
لتساقط الشعر عدة اسباب منها نفسية يعني في الات التعصيب والتوتر الدائم .
عندكي علاج لمدة أسبوع داومي عليه كل يوم وبإذن الله راح تنسي هذ المشكلة.
- جيبي زيت حبة البركة الأصلية (احرصي ان تكون تقيلة واصلية )
- حدي وقت مناسب ديري فيه العلاج لأنو لأنو لازم نحترم الوقت .
- ليمون
طريقة العلاج:
أفركي ليمونة كاملة على فروة الراس والشعر جيدا وتركيه لمدة نصف ساعة (راح يحرقك شوية لكن متخافيش هذا شيئ طبيعي)
بعد ما تمر النصف ساعة غسلي شعرك مليه بالشامبون العادي من الافضل يكون لالشعر الدهني (شامبو حبة البركة لالشعر الدهني)
نشفي شعرف بمنشفة مليح مش بالمجفف برك غير حيدي الما الي بزاف باه تقعد المسامات مفتوحة.
- دهني شعرك بزيت حبة البركة مليح يعني لازم الشعر يتعمر زيت وبأصابع اليد عملي ماساج لفروة الشعر ولمي شعرك عادي حطي بوني او شي يحمي شعرك منين تحبي تنعسي لانو يكون مزيت وتوسخي الفراش هههههههه
- راح يبقا الزيت في شعرك 24 ساعة حتى اليوم التاني عاودي العملية .
العلاج لمدة اسبوع ممكن تزيدي اسبوع تاني لكن خلي اسبوع في الوسط راحة لالشعر من العلاج
إن شاء الله تلقاي نتيجة ويتوقف الشعر على السقوط نهائيا

مرسي بزااف حنونتي على الوصفة هذي لازم في ليفاكونس باه نقدر نديرها

ربي يعطيك ماتتمناي
​

 

[نور الهدايات]

شكرا اختي
مشكلتي تكمن في اسمرار الكوع فقط

الإسمرار ناتج عن الفطريات ويكون سببها النظافة المفرطة او العكس
وكذالك استعمال الصابون وعدم غسله جيدا
المهم حبيبتي المشكل بسيط لازمو علاج أبسط ولازم داومي عليه.

-نقسم الليمونة الي نضف نحط فوقها ملعقة صغيرة ملح خشن نوعا ما ثم نفرك المنطقة المسمرة
برقك حتى لا تجرحي جلدتك.( نوع من التقشير والقضاء على الفطريات)
- بطريقة دائرية لمدة 10 دقائل راح يحرق شوية لكن استحملي .
-خليه في المنطقة لمدة ربع ساعة من بعد اشطفي بالماء دافئ جيدا.
في لوسيون في الصيدلية اسمو biobactere غسلي به ثم اشطفي مليح بالماء الدافئ.
- نشفي مليح بمنشفة نضيفة وشخصية لانو الفطريات تتنقل وهذا من اسباب اسمرار الجلد عندنا.
- كريم dérmovete كريم خاص يباع في الصيدلية دهنيه على منطقة الغسمرار بحركة دائرية حتى يتشربه الجلد.(يستعمل مرتين في اليوم)
ملاحضةهامة أختي الكريمة عملية الليمون والملح تستعمل من 2 غلى 3 مرات في الاسبوع لكن اللوسيون والكريم مرتين في اليوم
إن شاء الله نكون جاوبتك وتشوفي نتائج رائعة​

 

[naGam]

أختي وجهك راه في مرحة يتقشر وهذا من جفاف البشرة
أنا صرالي هكدا مي الحمد لالله عالجتو وغليكي الطريقة
اولا متحطيش كريمات الوقاية من الشمس أو غيرها ن الماسكات في هذه المرحلةلانها تحرق الجلدة وهي اصلا محروقة.
- غسلي وجهك بالماء البارك لأنو لما تغيري الماء من بارد الي ساخن راح تجف البشرة وتعمل تقشر أشدد ان تغسلي بالماء البارد وتنشفي وجهك مليح متخليش الماء
- جيبي صابون طرف نتاع بكري في ناس يسموه صابون الحجرة إبرشيه مثل ما نبرشو الليمون
من بعد حطي عليه بعض قطرات الليمون وخلطي جيدا حتى تحصلي على كريم حطي معاه بعض قطرات الزيت الزيتون وديريه في وجهك على شكل ماسك وساعة على ساعة
افركيه بحركة دائرية حتى بنشف وغسليه مليح من بعد ما تنشفيه حطي كريم مرطب من الاحسن إشتري كريم طبي انا نستعمل (أولاتيوم)
العملية تعاد 3 مرات في الاسبوع وراح تشوفي النتيجة من اول إستعمال (مجرب ومضمون)
كثري من شرب الماء
​

ان شاء الله اختي شكرا ليك وبارك الله فيك على هذه النصيحة وان شاء الله نجربها
وربي يجعلهالك في ميزان حسناتك ويعطيك ماتتمني

 

[بنت الجسور المعلقة]

بنااات اعطوني وصفة مجربة تنحي ليسكاتريس

 

[نور الهدايات]

بنااات اعطوني وصفة مجربة تنحي ليسكاتريس

السلام عليكم اختي بنت الجسور المعلقة
أختي إلي يقلك في وصفة طبيعية تخفي السيكاتريس يكذب عليك نعم هناك وصفات لكن لا تخفيها نهائية وتاخد الوقت في عملها لذى انا انصحك بكريم طبي تجديه في الصيدلية هو كتير رائع وان شاء الله تشوفي عليه نتيجة

 

[zahra09]

سلااام

شكون تعرف تخدم لاسيغ (الحلاوة) الباردة نتمنى تكونو مجربينها ماشي مالنت

نحتاجها فاقرب وقت ممكن
​

 

[السلطانة]

قناع النشا للتخلص من المسامات الواسعة
ملعقه كبيره نشا + ماء دافئ + زيت زيتون
تدهن البشره اولا بزيت الزيتون ثم يخلط النشا بالماء ثم يوضع على البشره لمده 20دقيقه ثم يشطف بالماء الدافئ ثم البارد



قناع النعناع للتخلص من المسامات الكبيرة:
6- أوراق نعناع+فنجان خل تفاح
قومي بأخذ أوراق النعناع ثم قومي بنقعها في خل التفاح لمدة يوم كامل ثم قومي بتصفية الخل جيداً من النعناع ثم قومي بتخفيفه بالماء ثم قومي بمسح السائل على الوجه
ملاحظة: (تستخدم هذه الخلطه كل يوم صباح ومساء يوميا)




قناع الشعير للبشره المجهده :


المكونات : 2 ملعقه شعير مطحون + 2 ملعقه من مفروم ورق النعناع الطازج + 2 ملعقه عسل +
ملعقتين حليب
الاستعمال: يقلب الشعير والعسل مع النعناع باستخدام الشوكه ثم يضاف الحليب ويوضع القناع على
البشره لمده ثلاثين دقيقه ثم يشطف الوجه بالماء البارد





قناع الطماطم للبشره الدهنيه :



تعتبر الطماطم من افضل ما يعتمد عليه لتضييق مسام الوجه لمفعولها القابض للبشره
المكونات : ثمره طماطم + قشر نصف ليمونه + بعض القطرات من عصير الليمون
الاستعمال : تهرس ثمره الطماطم ويظاف بشر قشر الليمون وعصيره ويوضع القناع على البشره لمده
ربع ساعه ثم يشطف بالماء الفاتر .




لصفاء البشرة

وفي وصفة هي الأولى من نوعها تقريبا ينصح بعجن دقيق أو مطحون الفاصوليا بالماء الدافئ ثم تطلي به الوجه كذلك فإن معجون الحمص الناعم يستخدم كقناع يزيل صفرة الوجه?، وخليط العسل وعصير الليمون وصفار البيض يستخدم كقناع لمدة30 دقيقة ليعيد للبشرة صفاءها.
كذلك يمكن أن تسلقي تفاحة وتهرسيها وتضعيها فاترة على الوجه لمدة30 دقيقة.



لبشره ورديه


أما مسحوق البطاطا النية إذا تم عجنه بقليل من الماء فإن وضعه لمدة ساعة على الوجه يكسبه نعومة ولونا ورديا.


خلطات من الكركم للبشرة
لتفتيح البشرة
ملعقة صغيرة حـنة مطحونة وملعقة صغيرة كركم تخلط مع بعض حتى تمتزج مع ماء الورد حتى نحصل على عجينة مثل الكريم تترك 5 دقائق ثم نغسل الوجة

للترطيب والتفتيح.
الخلطه هي :
فازلين + كركم ( مقادير متساويه )
تحطي على وجهك طبقه خفيفه منه في الليل وتنامي وتقومي الصبح تغسلي وجهك بميلك للبشره الجافه وبعدها تمسحي وجهك بقطنه مشبعه بالتونك ايضا للبشره الجافه وبعدين حطي مرطب . وبس ..

للهالات السوداء
كركم + عسل
يستخدم للسواد تحت العين وللبشرة عموما.

لتقشير البشره وتفتيحها:
يستخدم مقدارمن الكركم وزيت زيتون ويدهن بها الجسم لمدة خمس دقائق.

تبيض الجسم:
يخلط مقادير متساوية من شوفان وزبادي وعسل ويضلف لها ماء ورد للعجن وذرات كركم مطحون وتوضع على الجسم مرة بالاسبوع.


خلطه الليمون مع الخميره تضيق مسامات الوجه وهى مجربه

والطريقه هى :عصير ليمونه + ملعقه
بتمازجوا مع بعض وتوضع على الوجه لمده من15-20 دقيقه
ثم يغسل الوجه بالماء البارد ​

 

[zahra09]

سلااام

شكون تعرف تخدم لاسيغ (الحلاوة) الباردة نتمنى تكونو مجربينها ماشي مالنت

نحتاجها فاقرب وقت ممكن
​

.
.

.

..

 

[hanin 84]

السلام عليكم و صح عيدكم كل عام وانتم ب1000 خير
اليوم درت ماسك الغاسول * الطفل* مي كي غسلت وجهي قعد يحرق فيا سيغتو في عضم الخدود اسكو نوغمال ولا لا واش ندير؟ حمبوكم عاونوني في وجه ربي

 

[السلطانة]

السلام عليكم و صح عيدكم كل عام وانتم ب1000 خير
اليوم درت ماسك الغاسول * الطفل* مي كي غسلت وجهي قعد يحرق فيا سيغتو في عضم الخدود اسكو نوغمال ولا لا واش ندير؟ حمبوكم عاونوني في وجه ربي

صحا عيدك اختي كل عام وانتي بألف خير
ماسك الطفل حتى انا نستعملو يحرقني شوي لانو قاعد ينظف في البشرة
مباعد نغسلو بالماء تبقى البشرة تاعي حمراء شوي ومباعد ترجع عادي بيضاء

منعرف انتي علاه حرقك جربي من وراه كرام للوجه
او شوي تاع زيت ادهني بيه بالاك يحبس لحريق
:re_gards:

 

[راجية عفو الله]

السلام عليكم
اللي تعرف ماركة مليحة ومجربة لصابون او غسول او اي شيء لازالة اثار حب الشباب تقولي عليها لاني في امس الحاجة اليها.
وشكرا مسبقا.

 

[ندى الأيام]

معليش اللي عندها كاش ماركا تاع بوماد و لا كريمة تغدي البشرة بويسك وليت نحس بشرتي قاسحة و خشينة و كيف اللي فيها تجاعيد بليو عاونوني
و تاني شعري يتساقط واش العلاج تاعو تعيشو

 

[ندى الأيام]

وينكم يا جماعة الخير

 

[بنت غليزان]

معليش اللي عندها كاش ماركا تاع بوماد و لا كريمة تغدي البشرة بويسك وليت نحس بشرتي قاسحة و خشينة و كيف اللي فيها تجاعيد بليو عاونوني
و تاني شعري يتساقط واش العلاج تاعو تعيشو

السلام عليكم اختي الكريمة
ماركة الي عندي في الصيدلية مجربة ونحب ديما نجيب منها لزبائني
هي snonas العلبة البيضاء الي فيها وردة من فوق هي جيدة جدا
اما بالنسبة لتساقط شعرك فسأخبرك بوصفة ولاكيد راح تدعيلي
إشتري زيوت هاته تباع في علب صغيرة ثمن كل واحدة 50 دينار
( زيت ثوم+زيت الصبار.زيت الخروة.زيت الحلزون+زيت الجرجير+زيت الورد) وإن اردت ان تزيدي معليش
خلطي الكل في قارورة كل اسبوع إستعملي حمام زيت لشعرك
اولا صعي زيت الزيتون مقدار 3 ملاعق كبار سخونين شوية في منتصف الراس وقومي بالدعك لان زيت الزيتون يحل المسام ثم خضي الزيوت الي خليطيها من قبل ضعي قليل على شعرك وإدعكي بشكل دائري لتدخل الزيوت ثم خذي منشفة ضعيها في ماء ساخن وإعصريها ثم لفي بيها كامل شعرك او راسك وإتركيها 2 ساعة
والله هاذي الوصفة يطبقوها زبائني والكل كان لهم نتيجة جيدة
لكن نسيت نقولك انو هذا الفصل الي رانا فيه طبيعي يصقط الشعر حتي الشتاء ايضا
تحياتي اختي نتمنى إنك إستفدتي
برك إدعيلي

 

[iman la brune]

علابالي راح تضحكو عليا مي معليش

مشكلتي هي خدودي انا نحيفة الجسم بصح عندي الخدود وهي كانت نورمال بصح نهار جربت ماسك الخميرة لاحظت انها ازدادت حجما

مكانش طريقة نقدر نتخلص منها وهل تمارين الوجه اللي في النت تنفع ولا لا

وهل توجد كريمات تنحفها


​

 

[ندى الأيام]

ممكن أختي ايمان تعطيلي وصفة ماسك الخميرة تعيشي
شكرا خواتاتي اللي جاوبو على تساؤلاتي ربي يحفضكم و يعطيكم ما تتمنو

 

[نور الهدايات]

سلااام​

شكون تعرف تخدم لاسيغ (الحلاوة) الباردة نتمنى تكونو مجربينها ماشي مالنت​

نحتاجها فاقرب وقت ممكن​

أهلا حبيبتي أنا شخصيا ننزع الشعر غير بالحلاوة متخطانيش إليكي وصفتي المفضلة
الوصفة 1 :
كأس ماء _ كأس سكر _ ليمونة
التحظير :
حطي الماء والسكر في كسرونة وحطيهم على نار يغلو مليح حتى تشوفي باو يتقالو زيدي عليهم عصير حبة الليمون وخليهم على النار حتى يصير اللون ذهبي صبي الخليط في صحن وخليها تبرد ممكن تستعمليها دافية إذا حبيتي
منين تبرد شكلي الحلاوة على شكل كورات واحتفظي بيها فالثلاجة منين تحبي تستعمليها خرجي برك كورة وخليها تنطلق في درجة حلارة الخرفة وإذا جاتك قاسية ديري في صباعك شوية ليمون وعجنيها تكةون جاهزة​

 

[الطفلة البريئة]

السلام عليكم
اللي تعرف ماركة مليحة ومجربة لصابون او غسول او اي شيء لازالة اثار حب الشباب تقولي عليها لاني في امس الحاجة اليها.
وشكرا مسبقا.

و عليكم السلام
ان شاء الله نقدر نفيدك اختي و البنات ثاني ، انا عن نفسي نستعمل صابون المعجزة والمني بزاف وبشرتي ولات صافية
و حتى سعرو ماش غالي بزاف ^^
هاذو الصور تاعو

سلام
@m!m​