ماذا ستطبخين اليوم سيدتي الجزء 2

[nada242008]

السلام عليكم
غدايا اليوم كان شخشوخة الظفر

صح غداواتكم يا بنات:sheer:

 

[nada242008]

merieme hassi

 

[nada242008]

dahbito

السلام عليكم اليوم جبتلكم واش خدمت في عيد ميلاد اختى
كيكة الفواكه

ليباركات بالفواكه

وفلان طبقات

ميرانغ فاني

ان شاء الله يعجبوكم صح غداكم

 

[ibtesem]

صباح الخير عليكم يالبنات
واش راكم كامل منكم اللى اولادكم انشاء الله تكونو بالف خير
الله ندى على الشخشوخة
عيد ميلاد سعيد دهبيتو
بصحتكم كامل واش طيبتو

 

[روعة2005]

بصحتك عفوفة الشخشوخة ممممممم مع الفلفل الحار جوعتيني

 

[nada242008]

الله يسلمكم بسومة وفوفة :sheer:
دهبيتو عيد ميلاد سعيد لاختك حلويات رائعة

 

[روز]

بصحتكم وش طيبتو ..ام ندى ومريم ونانووالكل

 

[merieme hassi]

السلام عليكم
مبروك افتتاح الجزء الثاني رانا جايبينها يا الفحلات عقبال الجزء الثالث
شخشوخة تشهي ام ندي بصحتكم
الف مبرووك دهبيتو و ان شاء الله تفرحو بيها بصحتكم ربي يهنييكم
روز راكي بحالي نهارمشيت لفرنسا مع راجلي عطاونا ستيديو في فرنسا و حبيت ننفض و رميت الماء جاتني الجارة ومعاها البوليس :cra_zy:تشتكي :santa_1: تحيا بلادنا تعملي فيها الي تحبي :sheer:
فوفة الديسر ساهل كان عندي قاطو محبوش يكلوهلي و انا منحبش نرمي قلت تعمله ديسير
عملت طبقة كريم باتيسيير شوكولاطة و طبقة قاطو غطستو في قهوة نيسكافي ثم طبقة فواكه ثم طبقة كريم باتيسيير ثم طبقة قاطو ثم فواكه ثم كريمة مخفوقة كانت باقية التالية عملتها باش متخسرش
و زينتها بالكاكاو تجي هايلة و تخلع في النظرة


ربي يهنيييييييكم
​

 

[merieme hassi]

فوفة بقينا انا و انت و الضيف
حالياً الأعضاء النشيطين الذين يشاهدون هذا الموضوع : 3 (2 عضو و 1 ضيف) ‏merieme hassi, ‏فوفة 2011 http://nsa19.casimages.com/img/2011/06/02/110602125454562669.jpg

 

[imane27]

مساء الخير عليكم واش راكم لباس
صح فطوركم موائد تشهى لبنات يعطيكم الصحة
دهبيتو عيد ميلاد سعيد لختك والحلويات رائعة يعطيك الصحة

 

[روعة2005]

شكرا مريومة على الوصفة ومعليش خلي نتونسو با الضيف كي عادو الاعضاء راهم راقدين

 

[ام منصف]

مساء الخير عليكم كامل
اليوم غدانا كان مقرونة في الفور بالسلق والطون والفرماج
ذهبيتو سنة حلوة لاختك والكعكة هايلة
وبصحتكم كامل واش طيبتو

 

[ام منصف]

حالياً الأعضاء النشيطين الذين يشاهدون هذا الموضوع : 3 (1 عضو و 2 ضيف) ‏ام منصف
واش هذا خليتوني وحدي
اين البقية
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[rima29]

راني هنا بصح راني مع الريجيم ههههههههههههههههه​

 

[عفاف الجزائرية]

سلامو بنات ومبروك الجزاء الثاني
ان شالله تكونو بخير
بضحتك ندوش الشخشوخة
وعيد ميلاد سعيد اختي اسماء اخت ذهبية
ربي يطول في عمرك
ان شالله تكونو كامل بخير
​

 

[NaNouS]

مبروك علينا الجزء الثاني
بصحتكم ندا الشخشوخة مالا انتي قسنطينية كيما انا
بصحتكم مريم لبيري بالدجاج
عيد ميلاد سعيد لاختك اسما كون ديري مزية تقوليلي وصفة التارتا بالتفصيل
ام منصف بصحتكم المقرونة
فوفة وشراكي اختي لاباس
عفاف الجزائرية وين وصلتي مع الريجيم ولا هو الي وصلك هههه
انا درت اليوم البسبوسة اتفضلو بسم الله

 

[rima29]

يمممممممممممم نانوس حرام عليك راني مع الريجيم وانت تسخفي فيا​

 

[tasnim55]

السلام عليكم
ام ندى شخشوختك هايلة بصحتكم تلمو سخفت رايحة النطيب طعام الاغالب معنديش كسرة شخشوخة الظفر واجدة
ام منصف بصحتك اختي المقرون
نانو جاتك رووووعة البسبوسة كيفاش درتيها خطراش تبان خفيفة ومشربة امليح جات تسخف بصحتك حنونة
​

 

[NaNouS]

ريمو والله رانا كامل مع الريجيم انتي ديما ديما شفتيها شوفي انا نديرها بلا ماندوقها
تسنيم وشراكي الحبيبة بخير ان شاء الله
هيا ساهلة خلاص ومكانش اسهل منها ديري 4 بيضات في الخلاط وتخليهم يطلعو مليح وزيدي عليه كاس سكر ونص كاس زيت وزيدي كاس حليب وواحدة خميرة كيميائية وواحدة فاني وزيدي كاس وربع دقيق وزوج م ك جوز الهند
وحطيها ف البلاطو تاع الفور وخليها طيب على 180 درجة وكي طيب حطي عليها السيرو كاش سؤال راني هنا ​

 

[nada242008]

نانوس انا بسكرية بصح من كثرة مانشتيها تعلمتها
بسبوسة هايلة ومنظرها امممممم مع اني مانحبش الحلويات بصح سخفتني
تسنيم عزيزتي الله يسلمك وبصحتك البربوشة مسبقا
عفوفة روز ام منصف يعطيكم الصحة
واش نويتو للعشا
انا راني شويت الفلفل والطماطم والثوم معولة على حميس :sheer: لازم حاجة خفيفة ثقلناها في الغدا :showoff: