رانى جيت نخطب يا بنات اللمة

[مسلمة وافتخر باسلامى]

:santa_1:السلام عليكم يا ناس اللمة
واش راكم بيان
ايا الحمد لله
رجعت مرة اخرى ليكم وانا معندى غير انتوما تشاركونى حيرتى وحيراتى ههههههه(معلاباليش جمع حيرة) كيف ما تعرفو دايما حايرة فى الغاشى وفى روحى
المهم منسمطش عليكم وعلى الادارة باش متحاوزنيش
موضوعى اليوم عن الخطبة واه من الخطبة
رانى نقصد الخطبة تع الزواج بيانسور ماشى الخطبة تع الخطابة (ماشى خطبة الجمعة )
المهم واش هو المشكل
المشكل يا احبابى انى اكتشفت اننا مجتمع معقد معمر بالمشاكل كل حاجة صعيبة فى بلادنا
وباش نقولكم واش رانى نقصد ضرك نهدر بوضوح اكبر
الحكاية ما فيها خالى راه حاب يخطب هههههههه هادا مكان جيت نخطبلو ههههههههه
:sheer::sheer::sheer::sheer:
بصح درك انتوما حبيتو تعرفو علاش رانى حايرة
درك نقولكم
انا خالى حاب يخطب فهموتوها هادى اوكى بيان
وين راه المشكل :santa_1:
درك تقولولى البنات كاين وراهم على قفا مين يشيل ههههههه
فلانة الشقراء اللى شعرها صفر طويل
وفلانة السمراء
وفلانة اللى كل صبح بصنعة
وبنت عمى فلان وكامل بنات الحومة والحومة اللى موراها وووو
ياخ رانا بزاااااف ههههههههه عشرة فى عين الحساد
بصح انا اللى مفهمتوش كيفاش ووعلاش الواحد كى يجى يخطب يقعد ثلاثة ولا ربع سنين يحوس وميلقاش :scared::scared:
انا هادى اللى حبيت نفهمها
ياك كاين بنات الجيران ملاح ومربيين وووو بصح كى تجى تقولهم يقولك لالا :cra_zy::cra_zy:
ياك كاين بنات العائلة جمال واحترام واخلاق ووو كى تقولو شوف يا خالى فلان فلانة ما شاء الله يقولولك لالالالا _o:
يا سيدى صحبتى رفيقة عمرى صديقة دربى انا نضمن فيها كذا وكذا وكذا من صفات
يقولك لالا تخدم
واش فيها ياك انا نقرا وانت تشجعنى على القرايا
موش كيف كيف منحبش وحدة تخدم
منحبش وحدة من المنطقة :scared::scared::scared:
وين راه المشكل يا ناس وعلاش هاد التعقيد
علاش الواحد كى يجى يخطب يبعد على العائلة والجيران ويبقى حيران
يحوس ويحوس
فلانة تخدم
فلانة صغيرة
فلانة كبييرة
ويوصو فلانة ادا تعرف بنات
ويحوسو فى المكان الفلانى
:schmoll::schmoll:
فهمونى بلاك انتوما تعرفو
المشكل مش فى خالى برك هدا نموذج
كاين ناس نعرفهم ملى زدت وانا نسمع بيهم يحوسو هههههههه
وملقاوش
حتى البنات ترفض هذا وذاك ولا تريد فلان وعلان
ولا ازكى نفسى رانا كامل كيف كيف
كى تسال الولد يقولك نحوس برك اخلاق ودين
:showoff::shiny: تقول ماشاء الله
تسال البنت تقولك والله ولد فاميليا برك
مى كى تجى للصح كلش يتبدل
امالا رانى نتساءل برك خالى واش راه يحوس
حنا واش رانا نحوسو
وانتوما واش راكم تحوسو
ووين راه المشكل
اللى فهم يفهمنى :re_gards::re_gards::re_gards:
مع تحيات
مسلمة

 

[مسلمة وافتخر باسلامى]

اولا نشكر الادارة اللى قبلت الموضوع
واصلا على حساب ما رانى نشوف كاين بزاف اللى فكرو فى موضوع الخطبة فى نفس الوقت اكيد الادارة حارت ههههههه
المهم نستنى ردودكم باه ناقشو الموضوع

 

[DARINE05]

موضوع تع سفيان هذا هو لي يشتي يحكي على الزواج هههههههههههههههههههه
مرسي حنونةعلى السوجي

 

[هآجر]

السلام عليكم

كونيجي مكانش راح يعملك جريدة ومش غير رد برك خاطر هو على مااظن عندو مشكلة هذي وملاقاش راسوا من رجليه

المهم منحكيش على لسانوا او يجي ويعطيك الخبر اليقين

عليا انا راني منيش فاهمةهذا اللغز و عندي نمودج هذا والي هو خالي الصغير ومزلت مفكيتش الشيفرة هو برك الي بقى بلا زواج خالتي و ماما كل مرة يجبولوا عروسةمن زي ويقول لالا وكل مرة سبب من زي وتافه خلالالالالالالالالالالالالالالالاه

يعني يا اختي متفهمهمش خلالالالالالالالالالالاص وتجي تشوفي يعني بكل صراحة مهي في صالحهم العمر راه يجري ولا زم يتزوجوا

هذا خالي الصغير حابة نفرح به وقلت كون يزوج نفرح خلالالالالالالاه ونفرح بولادوا

المهم اختي الموضوع هذاكاين الي مختصين به مثل السيد مكانش وهو عندو الخبرة ماشاء الله عليه هو

وعليكم السلام​

 

[ماكانش]

هههههه
موضوع خطوبة جيت نجري هههه
واش راح نقلك مسلمة، بحكم أني رجل وبحكم أني في مرحلة الخطوبة ونحط عيني ونفتش ونبحث راح نجاوبك بالتقريب ...
الرجل في وقت الخطوبة وفي وقت الصح ووقت البحث يبدى يبحث عن طفلة بالمواصفات ألي راهو متصورها في بالو ...
أيا وهوا يبحث راح يصادف ويلقى بنات بنفس المواصفات الي راهو متمنيها، طبعا مواصفات ظاهرية فقط ، فلما يبدا يهمتم بالأمر ويبدى يسقسي ولا يحوس يعرف امور يلقى امور ما تساعدوش مثلا (تقرى، تخدم، ماشي من ولايتو ، ....) أيا يفك عليه الخيط ، ويستمر في طريق البحث
حتى يزيد يلقى وحدة بالمواصفات ألي في بالو ثم كيف كيف لما يبدى يسقسي ويحوس يعرف يسمع بلي مخطوبة، بلي راهي مع فلان، راهم يخطبو فيها بزاف باباها ماشي مليحن خاوتها يشربو الشراب وهكذا
يزيد يستمر في البحث وهيا ماشي
والمدة بين وحدة ووحدة 6 اشهر وروح ههههه واحسبي نتي تلقاي السنين يمشيو
كيما ولد خالتك راك قلتي دائما الرفض تاعو يكون على أمور باطنية مقلا الخدمة ماشي من ولايتو ووو ...
والحاجة لكبيرة ألي واقيلا ماتعرفوهاش أنو الراجل في هذ الفترة راهو يخاف بزااااااااااف بزاف ، لأنو مرحلة تقرير مصير ومرحلة حياة ...
كيما الطفلة كي يخطبوها تخمم وتحتار وو، الراجل هكذاك بل أشد لأن الراجل بيده زمام الأمور ، ودائما يجيه الوسواس، خلي مانزربش روحي، بلاك نزيد نلقى خير ، وهكذا يخاف ويتوسوس بزاف ويكون متردد ...
هذا هوا المفيد وراس الخيط ...
أنا على مارانيش نبحث ونفتش، ولكن كي توالي ونشوف قادر نهتم ونخطب ههههه
واقيلا توضحت شويا الصورة يا مسلمة ...
​

 

[ماكانش]

موضوع تع سفيان هذا هو لي يشتي يحكي على الزواج هههههههههههههههههههه
مرسي حنونةعلى السوجي

ههههههههههه
راني جيت ههههه​

السلام عليكم​

كونيجي مكانش راح يعملك جريدة ومش غير رد
.
.
.
المهم اختي الموضوع هذاكاين الي مختصين به مثل السيد مكانش وهو عندو الخبرة ماشاء الله عليه هو​

وعليكم السلام ​

ههههههههههه
ربي يحفظك راجية الجنة
خلاص تمت الإجابة للغلق ههههههه​

 

[crazyhouda]

اذا فهمتي فهميني
عييت نفهم هاذ الناس

ميرسي على السوجي ختي

 

[صفحة بيضاء]

شوفي كل واحد و واش يحب كاين لي يبغي بنت برانية
وكاين لي يبغي لافامي كاين لي يبغي ايميقرية ما يهمهش
اخلاقها المهم الكارطة وكاين لي يبغي خدامة ..نعرف كاين رجال
جيبيلي خدامة وكاين يقلك خطيني من الخدامة وباش تلقاي كاع
الموصفات لي راكي باغيتها صعب بزاف ولازملك سنين وسنين
وزيدي حتى تتزوجي والعشرة فتاشة
تلقاي فلزوج حوايج ماشي هدوك هما
نعرف بزاف بنات قبل الزواج تقولي ملاك وكي تتزوج يخرجوا انيابها
وتكره لعجوز واهل الزوج ..تقولي شو هدي الكنة مكانتش هاك
يااااااااااااه قصة الزواج صعيبة ..غي صلي وطلبي ربي يفتح
عليك ويحققلك احلامك وباش تقولي انا نختار و انا وانا وانا صعب
خليها على ربي احسن شي ...و يسلمو​

 

[la_safa]

سلااااااام اختي مسلمة

دونك نرجعو للموضوع يلي لي جيت باه ندخل في صلبو هبلت ههههههه
درك تلقاي البنت تشرط و الراجل يشرط كاين لي هك و كاين لي هك
كي يسهل ربي و الراجل يقول هاديك هي تلقاها هي ترفض
و ديما يصرى العكس
مانعرف يا ختي والله حرت ... مام حنا لا جينا باه نخطبو لخالي حتى دور على بنات الناس كامل هههههههه
كاين لي تحب المرا تخدم ... و كاين لي يحب المرا لي تقعد في الدار
كلش تبدل درك
{ مليح لي لواحد ملي يدي الباك و هو يحوس على مرا يا ربي حتى يتخرج باه يلقى ههههه }

طولت عليك ختي مرسي عالموضوع و ربي يطيحو في بنت لحلال
​

 

[نسيم الربيع]

صح هاذي غير هي
نصهم يكون حاط وحده فبالو وهوما حابين يزوجوه بصح هو يسنى فيها
والنص الآخر يخير بالشعره لانو الزواج واختيار الشريك اهم قرار ويعتمد عليه السعاده او الحزن فالحياة
ان شاء الله تلقاو لخالك كيما يبغي وشكرا على الموضوع​

 

[**** بنت أبوها ***]

أنا عندي خويا عندنا تقريبا عام و ماصبنالوش وحدة على حساب القوسطو ديالو​

 

[*ايمان*]

هذا خالك قصتو كما ولد عمي لحد الان ملقاش

وهوما غير هوما بصح شروطو التعجيزية اللي خلاتو قاعد لضرك

 

[Elif DZ]

الخلاااصة ضاعت المفاهيم و المقاييس الحقيقية
و الكل أصبح يبحث عن صورة و كفى

و ربي يهدي
​

 

[المتفائلة_91]

يعطيك الصحة ، موضوع مليح للمناقشة

نجاوبك على اسئلتك ، والله بصراحة انا ممكن دايرة مواصفات في بالي للراجل اللي حاباتو يشاركني حياتي بصح هاذ الامر مش بايدي ، الوالدين هوما كلشي ،، يعني كاين اللي جاو ماشاء الله ما يتعوروش عقلية وزين وخدمة ودار والاهل ما قبلوش؟؟ ؟
معناها السؤال موجه لاهل الطفلة _مش الكل=كاين اللي دير رايها وتقول مادياتو مادياتو__المهم لازم نسألوهم وشي هي المواصفات تاع الراجل اللي حابينو يعود زوج وحدة من بناتكم؟

يمكن العين تشرعت؟ الام تقول انا بنتي مازالها صغيرة ومازال يجوها خير من هكا ،، يمكن الاب حنين: النهار الي يجيوني خطابة وجهو يتقلب ههههههه ما يطيقش فراق بنتو

وهي رايحة ،،، هاذا برك مثال شفتو في الدار عندنا ،،

وهذا اللي خلى نسبة العنوسة ترتفع ،،

بالنسبة للراجل كيما قالو لخاوة اللي قبلي ، هذي مسألة مصيرية ومن حقو يشوف مليح قبل ما يخطب /// بصح ما يكثرش على ماوصاوه كيما خالك،،

كون نرجعوها للاسلام : اذا جاءكم من ترضون دينه وخلقه فزوجوه
صدق رسول الله

كان ما يصراش فينا هكااا حنا بنات ،،

والذكورة كيف كيف قالك امشي بالنية تتسرقلك _تتريقل_ الثنية يعني ماتحسبوهاش بزاااف راهي تزيد تتعقد


ايا طولت عليك

اسمحيلي

بصح موضوع مليح

شكراااا

حقا تستاهلي تقييم

 

[***سوسن الجزائرية]

كل شيئ بالمكتوب

و الزواج فيه قرارات كبيرة ماشي أوراح و خير

المهم ربي يوفق كل ابن آدم لما يحبه و يرضاه

 

[مسلمة وافتخر باسلامى]

موضوع تع سفيان هذا هو لي يشتي يحكي على الزواج هههههههههههههههههههه
مرسي حنونةعلى السوجي

ح عندك الح ههههههه ميرسى على المرور

 

[مسلمة وافتخر باسلامى]

السلام عليكم​

كونيجي مكانش راح يعملك جريدة ومش غير رد برك خاطر هو على مااظن عندو مشكلة هذي وملاقاش راسوا من رجليه ​

المهم منحكيش على لسانوا او يجي ويعطيك الخبر اليقين ​

عليا انا راني منيش فاهمةهذا اللغز و عندي نمودج هذا والي هو خالي الصغير ومزلت مفكيتش الشيفرة هو برك الي بقى بلا زواج خالتي و ماما كل مرة يجبولوا عروسةمن زي ويقول لالا وكل مرة سبب من زي وتافه خلالالالالالالالالالالالالالالالاه ​

يعني يا اختي متفهمهمش خلالالالالالالالالالالاص وتجي تشوفي يعني بكل صراحة مهي في صالحهم العمر راه يجري ولا زم يتزوجوا ​

هذا خالي الصغير حابة نفرح به وقلت كون يزوج نفرح خلالالالالالالاه ونفرح بولادوا ​

المهم اختي الموضوع هذاكاين الي مختصين به مثل السيد مكانش وهو عندو الخبرة ماشاء الله عليه هو​

وعليكم السلام ​

هههههههههههه رانا نستناو راى الاخ مكانش

 

[مسلمة وافتخر باسلامى]

هههههه​

موضوع خطوبة جيت نجري هههه
واش راح نقلك مسلمة، بحكم أني رجل وبحكم أني في مرحلة الخطوبة ونحط عيني ونفتش ونبحث راح نجاوبك بالتقريب ...
الرجل في وقت الخطوبة وفي وقت الصح ووقت البحث يبدى يبحث عن طفلة بالمواصفات ألي راهو متصورها في بالو ...
أيا وهوا يبحث راح يصادف ويلقى بنات بنفس المواصفات الي راهو متمنيها، طبعا مواصفات ظاهرية فقط ، فلما يبدا يهمتم بالأمر ويبدى يسقسي ولا يحوس يعرف امور يلقى امور ما تساعدوش مثلا (تقرى، تخدم، ماشي من ولايتو ، ....) أيا يفك عليه الخيط ، ويستمر في طريق البحث
حتى يزيد يلقى وحدة بالمواصفات ألي في بالو ثم كيف كيف لما يبدى يسقسي ويحوس يعرف يسمع بلي مخطوبة، بلي راهي مع فلان، راهم يخطبو فيها بزاف باباها ماشي مليحن خاوتها يشربو الشراب وهكذا
يزيد يستمر في البحث وهيا ماشي
والمدة بين وحدة ووحدة 6 اشهر وروح ههههه واحسبي نتي تلقاي السنين يمشيو
كيما ولد خالتك راك قلتي دائما الرفض تاعو يكون على أمور باطنية مقلا الخدمة ماشي من ولايتو ووو ...
والحاجة لكبيرة ألي واقيلا ماتعرفوهاش أنو الراجل في هذ الفترة راهو يخاف بزااااااااااف بزاف ، لأنو مرحلة تقرير مصير ومرحلة حياة ...
كيما الطفلة كي يخطبوها تخمم وتحتار وو، الراجل هكذاك بل أشد لأن الراجل بيده زمام الأمور ، ودائما يجيه الوسواس، خلي مانزربش روحي، بلاك نزيد نلقى خير ، وهكذا يخاف ويتوسوس بزاف ويكون متردد ...
هذا هوا المفيد وراس الخيط ...
أنا على مارانيش نبحث ونفتش، ولكن كي توالي ونشوف قادر نهتم ونخطب ههههه
واقيلا توضحت شويا الصورة يا مسلمة ...​

والله يا خويا مكانش اولا هدا السيد راهو خالى العزيز مش وليد خالتى
وثانيا معلاباليش واش نجاوب ح كاين موافات يحوس عليها بح احيانا تكون موجودة فى بنات العائلة او الجيران وهو يفضل البعيد وهدا اللى حيرنى
انا نشوفو نهار كامل وهو يشجع فيا على الدراسة ركزى ووو
كى جا نهار ووتلو فلانة زميلتى هاى مليحة ومتربية وشابة ووو يرد عليا لالا تخدم :scared:
كيفاش متحيرش

 

[ديهيا القالمية]

والله يا أختي انا ما نيش مفهما روحي في الاونة الاخيرة كي نفرز روحي دورك نقلك
عامبالك ماشي ملح التشراط ياسسر لي يشرط ياسر يطيح في العرة (حاشاك ) ويفوتو الترا
شكرا على الموضوع

 

[مسلمة وافتخر باسلامى]

اذا فهمتي فهميني
عييت نفهم هاذ الناس

ميرسي على السوجي ختي

هههههههههههه رانا نحاولو