قالي اسم بنتي دوصاف ...

[zahya]

واش سفيان الاختصاص لي عندك في جامعتنا راهم جايبين بززاف الاختصاصات وانا راح نسجل ماجستير حقوق الى كتب ربي...... قولي اختصااصك وانا نشوفلك ......مكان حتى مشكل .....انت

 

[القطة الزهرية]

salam.....ana ajini haja 3adi ta3 alasami kol wahad ysami ali yahlalo kima ana ismi fedoua mach chaya3 bzf normal homa yhawso ytfano fi alasami w yakhtar3o hada makan ....mrc

 

[ماكانش]

واش سفيان الاختصاص لي عندك في جامعتنا راهم جايبين بززاف الاختصاصات وانا راح نسجل ماجستير حقوق الى كتب ربي...... قولي اختصااصك وانا نشوفلك ......مكان حتى مشكل .....انت

يعطيك الصحة زهية وربي نجحك
اختصاصي ماكانش في ولايتكم كاين في وهران برك ...

 

[نسيم الربيع]

تكون دورصاف ونت ماسمعتوش مليح:shiny: ​

 

[Iman89]

شكرا على الموضوع

 

[amani25]

وعليكم الســـــــــلام
مشكووووور أخي على الموضوع
هههه في ليامات هذو كاين اسماء غريبة وعجيبة
كاين لي لمعنى تعها مليح وكاين لي معلابالهمش وش معناتها اصلا
مي عندي ملاحظة لى صاحبك هذاك لي سما بنتو دوصاف
انا حسب معلوماتي الاسم هو دورصاف وبمعنى الذر الصافي وهو اسم فارسي
صديقتي اسمها هكا


ايا مشكووور وبارك الله فيك

 

[معاك يا الخضراء]

حبيت نسمي بنتي كرستينا
​

 

[Iman89]

حبيت نسمي بنتي كرستينا
​

عليها قلتي لرجا تسمي بنتها سيرين وهو اسم فيتامين ههههههه
تاكلي راسك​

 

[assinat]

دوصاف هههههههه عيش تشوف كاين اسماء ملاح و هوما رايحين يعقدو فيها

 

[نجاة40]

ا سفيان صاحبك بعد هاربلو الاسم در صاف هكا ماشي دو صاف
انا بنت خالي بنتها اسمها در صاف يعني الدّرة الصافية
او ولدها اسمو فيه ميترا ماتجي تلحق تقولو حتى تتعقن
اسمو المعتصم بالله عبد المجيب ههههههه
او بنت خوها سموها زغاية في عمرها عامين مسكينة وخذوها في اسمها
بنت خالي ثاني سمات بنتها سدرة المنتهى قالها جدي مالقيتي واش تسمي بنتك تسميها السدرة ههههههه
هههه تفكرت حكاية حكاتهالي خالتي هي ساجفام
قاتلي جاتنا وحدة من الدوار ولدت طفلة قاتلها خالتي واش تسمي بنتك
قاتلها انا كريستينا قاتلها خالتي ذرك نضربك نعورك قالو انا كريستينا
تحكيلنا ثاني وحدة سمات ولدها زمزم قاتلها حنا زمزم بالشاوية معناها اقفل اقفل هههههههه
بزاف حكايات على الاسامي غير هاذو يشبعو
انا نحب اسم محمد وعبدالرحمن وفالبنات نهى و رشا
اييي نسيت كان يقرا معايا واحد اسمو
تشيكوتش كبير عبدالله عبدالباقي
​

 

[صفـاء و نقـاء]

هههه موضوع هايل أخ سفيان

بارك الله فيك

أفكارك كامل هايلين

والله أنا ثانى نحير بزاف في ذوك الأسماء الغريبة

عندى بنت عمى سمت بنتها ليزا لا علاقة مع ثقافتنا انا حلفت نعيط لها لويزة هههه

وعندك الحق الأسماء اللى قلتهم هوما الصح

مثلا عمى عندو 3 بنات سماهم فطيمة أمينة وخديجة وزعما صغار

بصح قالنا هكذا خير يعنى وحدة على اسم فاطمة الزهراء رضي الله عنها

والثانية على اسم ام الرسول عليه الصلاة والسلام

والثالثة على اسم خديجة رضي الله عنها زوجة الرسول عليه الصلاة والسلام

مشكور على الطرح بارك الله فيك ​

 

[hindoussa]

hh wàhd les prenom 3jàb ràhom ydoro hada wàkt mafhàmnàà wàlooo
​

 

[نهر الأحزان]

أنا عندي جارتنا سمّات بنتها dorea

ماباين عربي ماباين قاوري

عادو يسمّيو برك

و شكرا على الموضوع​

 

[hadil2044]

ريفال و ريكال تاني اسامي جديدة زعما اسمعتو بيهم
انا احب الاسماء الجديدة ولكن لديها معنى ........ ؟؟؟؟؟

 

[ماكانش]

يعطيكم الصحة كامل
ريكال اسمك نوع من انواع الخمر

 

[khadidja2]

عندك الحق كل واحد يدير لي فراسو المهم يخرج خرجة جديدة
مي المعنى ميحوسش حتى يسمي c grav
الله يهدي ما خلق