ΨΏΨ مـــــــــحــــــلآآت مـــــــوآآد غـــــــذآآئـــــــيـــــة ΨΏΨ

[بنـ MaPa ـت]

واش راكم يا لحباب نشالله بخيييير وانتيك

:closedeyes: bon

اليوم حبيت نحكي على ظاهرة كاينة بزاف في كل ولاية ومدينة وحي...

مـــــــــــــــحــــلات الــــــــمـــــــــــــــواد الــــــــغــــــــــذائـــــــــــــيــــــــــــــة

تلقاو بزاف حوانت ماشي نظاف لا في الارض لا في الحيوط ولا البلافون ولي تخلع حتى السلعة نتاعهم...كيفاش يعطيوكم قلوبكم وتقبلو تشريو من عندهم؟؟...الخبز معري لبرا شابع منو الغبار لي يجي يمس ويخير كيما يحب...

السلعة هاديك (الطوماطيش...القاطو...الزيت....الحبوب....الخ) معممممرة غبار ورتيلة:cra_zy:...وكاين لي منهم الحليب يخليه برا هادي ماشي خدمة...
والحاجة الكبيرة مايستعملوش القفازات باش يقسموا الكاشير ولا الفرماج ولا يمدلك حاجة بلا غلافها:scared:...مانعرف مول الحانوت ايدا يديه مغسولين ولا كان يخرب في حاجة يعععع والله مانكدب عليكم كي نشوف هكدا نقول نموت بالشر وماناكلش.....

قولولي واش رايكم في ظاهرة كيما هادي؟
وعلاش البلدان لخرين تلقاو كامل les supermarchés و les magasins نتاوعهم مرتبين ونقيين؟؟؟...
حاشة مارانيش نقول العكس راه في الدزاير مي والله كاين حوانت ماتقدرش تشري من عندهم حاجة تع ماكلة الله غالب...خاصة لي قراب في الحومة سلك وخلاص...
شوفو هادو لي فوطو...تدخل لحانوت منهم والله تحس لي راح تشري حاجة بالطبع...

نخليلكم التعليقات والآراء ليكم....ولا تحرمونا من ردودكم المميزة :shiny:

:re_gards:
​

 

[Estrella]

هادي هي حالة الدول الي ماشي متقدمة
هدااااااا مكان ...
يعطيك الصحة على الموضوع المميز ..​

 

[mira bey]

الله غالب هادي هي دزاير مزالها حاشاك مسخة و مراحش تنظاف حاشا بعضهم
انا ولله كرهت كلشي وليت منحب ناكل والو قريب نموت بالشر ههههههه
مرسي خويا على الموضوع

 

[poli]

ma3jbkch matchrich mch m7atam hhhhhhhhh
wlh 7na 3ndna les superette
ra7mat rabi kolch ndif meme l7wan7 tlgahom msagmin
balak 9lil win tlga 7anot khamj
psc dk bantli kaml fahmo bli nass yhamha el madhar ta3 l7anout 9bl sal3a
merci khto matkhafich dk natawro fi 2989
hhhhhhhhhhhh
​

 

[Adel Sereir]

c normal kolach machi raki fi dz

 

[BeSt GlAdiAtOr]

وش يا سيدينة عاش من شاافك

وش حاطت روحك في لاسويس تحوسي على الحطة والنظاافة لهد الدرجة
ختي نتعي كي يعود مول الحانوت يدخل في النهار مليون فاايدة ...وعلاه يلتى بالنظافة نتع السلعة ولا يديه
في الخارخ قبل مايغتح واحد حاانوت ولا سùبارمارشي لازم تكوين على الأقل 6 أشهر يتعلم فيها شروط النظافة وقواعد البيع والشراء والمعاملة وكيفية التسويق وستيكاج السلعة
موش كيف تنتعنا كامل تبيع بنو بنتو جدو باباها
الله يرشد
ميغسي كيما تقولها على الموضوع



راكي مخطية من جيهتي...معليش
​

​

 

[AHLEM1992]

Ψ هدا الرمز فكرني في القراية هههه
----
راه كاين سونتر كومرسيال في باب الزوار شباب و نظيف روحي تشري منو خير من لي فوتو الي درتيهم

ـــــــــــ
ربي يصلح احوالنا على كل حال
يعطيك الصحة​

 

[iméne09]

الله غالب حنونة واش تحبي لي نقي نقي من عند ربي ن الحمد الله حنا عندنا لي ســـuـــpـــــيغات gــــاغ مقيين يشهوك باش تشري من عندهم ودوك كونسوماتوغ يتبع نقى مايروحش لحاجة تضرو هدي سـuـــر مي ديفوا صح تلقاي حوانت الله لا يشوفك في هديك الحالة غبار من دخلة وعفن حتى تعيفي سلعتهم يعطيك الصحة حنونة ع ســuــجي حنون
-يا وحد ستوتة تواش راكي توحشتك مراكيش قاع تسقسي عليا سـuــر نسيتيني -
​

 

[mer10]

sah marat nalka chama fouk lkachir

 

[زهرة الندى]

هذي هي حالتنا وحالة الدزاير ماعندنا مانديرو ​

وكيما قال خويا
BeSt GlAdiAtOr​

لازم يديرولهم تكوين 6 اشهر على النظافة والنقا قبل مايفتحو​

الله يهدي​

يعطيك الصحة سندرينة خخخ​

 

[nour mary]

نوووووووووووورمال كامل هاكا وين تروحي تلقاي الوسخ
دزاير كامل سي بوغ سا الناس هاربين منها
شكرا على الموضوع

 

[ماكانش]

ههههههههههههههههه
يعطيك الصحة سندرين على الموضوع الزين
والله حوانت تلقاي حتى خيوت العنكبوت لفوق ههههه
كاريثة زعما مواد تاع الماكلة ...​

 

[معاك يا الخضراء]

عقلية خامج و بنين تعرفيها ؟؟؟
ههههه عندنا واحد البيزيريا في باتنة
اسمها le petit prince
كون تشوفها وش خامجة توحدي ربي
والله مايفرغ الغاشي من عندو
وساعات البلاصة ماكنش
هاجماعة نسقسي البنات اللي ياكلو عندو ماكمش تشوفو ؟
يقلك المهم بنين
ييععععععععع يععععععععععععع
​

 

[sahiko hamza]

وعليكم السلام ورحمة الله

بون اول موضوع نشوفو يحكي على ضاهرة منتشرة مي مكانش لي يحكي عليها

انتي تحكي على الخبز ؟
من قبل دارو قانون انا واحد من الناس عجبني
قالك مول الحانوت هو لي يمد الخبز للغاشي
بويسك كاين الخضار كاين الخدام كاين عمال النضافة وكاين الميكانيسيان وكاين وكاين
وتلقي كل واحد يمس فالخبز ويخير و و
بفففففففف


نزيدك على الكاشير ولحوايج لخبى لي تتكل ديركت
نورمالمو يدير ليGon
بلاك كان يرفع في شمة ويمدلك تاكل ؟؟
آنبوسيل
وصح يعطيك الصحة كي تكلمتي عليها اوموا حتى لي مش عارف يتوله
نسترف بيك .

سلام
​

 

[ابوندى]

اهلا سردينة توحشنا مواضيعك ..
نقولك ا اختي والله العظيم غير ربي الي ساتر عندنا شوفي باش نجيبلك من الاخرونعطيك معلومة حطيها في راسك هناك 60 بالمءة من الاسواق غير مراقبة من طرف الدولة هدا يعني ان هاته الاسواق راهو يتباع فيها كلش لحم حمار.. لحم دواب.. ايورت بيريمي ..خبز بايت.. حليب مايفيضش .. لحم جيفة ..خضرا فاسدة ومبورية ..
وزيد العباد الي راهي تبيع كون جيت انا وزير تجارة نديهم الكل للحبس ونعطيهم المؤبد على واش قاعدين يبيعوا فيه والغش الي يعملوا فيه
قشهم خامج وهما خماج وصوابعهم بالكحولية ومانعرف وين كان حاط يدوا...يسربيلك واحد ينف وواحد يتكيف وزيد يطوط عليك في الاخر وكانه حاكم عليك السما وهو ناسي انك انت شاري بصواردك وهو لايعلم ايظا ان le client est roi
واحد حاط لايورت البرا وهي لازم تكون 4 درجات تحت الصفر والغاشي طايح عقابها ويشري فيها والله حنا وسي شعب على النية نشريو كلش وناكلوا كلش
نحكيلك حكاية واحد وحد المرة ماتتلوا بقرة خداها وراح طيشها في وحد الواد ماهوش حامل الواد هاداك وخلاها وراح ماقالش يدفنها ويحط عليها الجير هكدا ماتخرج لاامراض ولا اوبئة ايا ماعليش اليوم وغدوى جا مول البقرة هاديك قاعد يدور في السوق لقى وحد الانسان قاعد يبيع في لحم بقري علنا والناس تشري وهو يعرف ان هداك الانسان ماكر ومحتال وشرير من عينيه ايا قال منين جاب هدا اللحم هداك او ديما محرق هداك الانسان قال ماتكون غير البقرة الي رميتها البارح وراح جابها ويبيع فيها ايا هز صاحبو وراحوا في زوز جاو يطلوا لقاو البقرة ماكانش ودهرت البقرة الي طيشها وكانت حشاكم جيفة هي الي قاعد يبيع فيها راح خبر الجدارمية جاو داوه بعد ماشبع منها البشر والناس ..وهاتي الحادثة تنشرت في العديد من الجرائد الوطنية ..
نقولك ياسردينة نحن لغز يعجز الجن عن حله ومانقولكم غير اتولهوا هاد الايامات كثر البريمي والتسممات دارت حالة خير من تندموا يوم لاينفع الندم
ايا اتهلاي في روحك والسلام عليكم

 

[nina bonoise]

واحد حاط لايورت البرا وهي لازم تكون 4 درجات تحت الصفر والغاشي طايح عقابها ويشري فيها والله حنا وسي شعب على النية نشريو كلش وناكلوا كلش

ما تكون تحكي غير على هذاك لي في الزنقة تاع cam
يحط البرا و الغاشي غير يشري نظن يبيع طايح

 

["غزالة الجزائر"]

هدي هي دزاير الله غالب
​

 

[بنـ MaPa ـت]

هادي هي حالة الدول الي ماشي متقدمة
هدااااااا مكان ...
يعطيك الصحة على الموضوع المميز ..​

ربي يعطينا شوية صبر حتى نموتو وخلاص ههه
مرسي على المرور المميز عزيزتي
:ax_flw:

الله غالب هادي هي دزاير مزالها حاشاك مسخة و مراحش تنظاف حاشا بعضهم
انا والله كرهت كلشي وليت منحب ناكل والو قريب نموت بالشر ههههههه
مرسي خويا على الموضوع

كولي وطبعي كيما رانا نطبعو وخلاص
العفو حبيبتي ومرسي على المرور الرائع
:ax_flw:

ma3jbkch matchrich mch m7atam hhhhhhhhh
wlh 7na 3ndna les superette
ra7mat rabi kolch ndif meme l7wan7 tlgahom msagmin
balak 9lil win tlga 7anot khamj
psc dk bantli kaml fahmo bli nass yhamha el madhar ta3 l7anout 9bl sal3a
merci khto matkhafich dk natawro fi 2989
hhhhhhhhhhhh
​

هههه نكون شبت ومت
يعطيك الصحة على المرور الرائع عزيزتي
:ax_flw:

c normal kolach machi raki fi dz

وحنا حابين الدزاير تطور شوية ماشي في حاجة كبيرة في الماكلة معليش
مرسي على المرور الرائع اخي
:ax_flw:

وش يا سيدينة عاش من شاافك
وش حاطت روحك في لاسويس تحوسي على الحطة والنظاافة لهد الدرجة
ختي نتعي كي يعود مول الحانوت يدخل في النهار مليون فاايدة ...وعلاه يلتى بالنظافة نتع السلعة ولا يديه
في الخارخ قبل مايغتح واحد حاانوت ولا سùبارمارشي لازم تكوين على الأقل 6 أشهر يتعلم فيها شروط النظافة وقواعد البيع والشراء والمعاملة وكيفية التسويق وستيكاج السلعة
موش كيف تنتعنا كامل تبيع بنو بنتو جدو باباها
الله يرشد
ميغسي كيما تقولها على الموضوع

راكي مخطية من جيهتي...معليش
​

​

اهلا خويا وائل
النظافة لازم تكون في الماكلة...تقبل تاكل حاجة فاسدة ولا ماشي نقية راهي الصحة في اللعب خو
ماشي لبسة ولا حاجة وطبع
مرسي على المرور المميز خويا
:ax_flw:

​

 

[الجريئة]

جيتي عندي انا كي نشوفهم نعيا ناكل
كاين غياب في المراقبة شكرا لك سنرينو

 

[kadysom]

لو يقاطعوه الناس وينتاقدوه يولي بياااان

بصح حنا بالعكس لمسخ نروحوله ولي نظيف وناس ملاح نخليوه