ماذا ستطبخين اليوم سيدتي الجزء 3

[tasnim55]

انشاء الله اختي كوثر في المساء نكتبهولك عزيزتي خطراش راني نسنى في الضياف مرت سلفي و رجلها وولدها درتلهم هذا السفنج زدتو للقهوة مع الحلوى
اختي كوثر راني شرحتلك طريقتي في كسرة المحكوك على ما اضن منتبهتيش للافادة فقط
​

 

[حاملـة المسك]

ميرسي كوتر...تحياتي :re_gards:

https://www.4algeria.com/vb/showpost.php?p=3354676&postcount=11​

 

[assia dz]

بصحتك تسنيم السفنج خرجلك هايل، يبان بالفرينة وإلا راني غالطة؟

 

[الاختان سوسو ونونا]

لطرطة ماشاء الله ياام كوثر هايلة بصحتكم لغدا ام دودو وتعيشي حطينا خبز الفرينة بصحتكم كامل البنات روز اسيا وندى ابتسام تعرفو يالبنات عندنا ميك روا واحد ونتعاركو عليه انا وخواتاتي سامحوني على قلة المشاركة

 

[كوثر الوهرانية]

راني قريت شرحك لوصفة اختي تسنيم انشاء الله نجربها الف شكر يا الغالية و بصحتك القعدة مع مرت سلفك
راني عجنت الخبز تاع الفرينة و وجدت المرقة تاع البرانية و وجدت السلاطة تاع لروز
راني غير ندور و خايفة ادا ميقدنيش الوقت خطركش كي توصل خالتي نبقى لاهية بيها

 

[assia dz]

النهار تاع الصيف راهو طويل، يكفيك الحال، وزيد انت شاطرة الله يبارك ما نخافوش عليك
​

 

[assia dz]

لطرطة ماشاء الله ياام كوثر هايلة بصحتكم لغدا ام دودو وتعيشي حطينا خبز الفرينة بصحتكم كامل البنات روز اسيا وندى ابتسام تعرفو يالبنات عندنا ميك روا واحد ونتعاركو عليه انا وخواتاتي سامحوني على قلة المشاركة

ما عليش المعاناة هذي راهي في كل دار انا راني نتعارك دايما مع بنتي الصغيرة كي نجي نكوناكتي ما تخلينيش على جال الألعاب تاعها

 

[ibtesem]

والله معرفتش واش نقول صباح الانوار او مساء الورد
هدا وين استيقصت ههههههههههه
نشرب قهوتي باش نصحصح ليكم مليح مايفوتني والو
.........................
مي غدواتكم امممممممممممم ماعندي مانقول
ربي ادومها نعمة ويحفضها من الزوال يارب
روز راني بديت معاكم اليوم لكن رايحا نكتب في موضوعو
كوثورة اممممممممممممممم على هديك تارتة تشهي تشهي
تسنيم خرجلت الفطاير هايلين
اوكي انا مزالتلي البسبوسة نشرب بيها القهوة نرجع

 

[روز]

عفوفة راني نسنى في رمضان على حاجتين بسكو نروح في آخرو للدزاير وثاني باش نستمتع ونطيب ونشوف طياباتك نتي والبنات
تسنيم السفنج يشهي يعطيك الصحة دركة نشوف وصفتو
بائعة الكبريت نحي الصورة من التوقيع نتاعك لدركة نبطل ريجيم ههه
ابتسام مليح لي بديتي الريجيم راين مع الحليب من الصباح غدوة النهار الثالث والاخير
كوثر راني في ريجيم الاخت فردوس نجوع شوية لكن ماعليش المهم النتيجة
اهلا بأسيا والاختان سوسو ونونا

 

[nada242008]

ام دودو كيما قلتي رانا تفاهمنا على الغدا ةالبارح تفاهمت مع اسيا على البيتزا هههه بصحتك غداك يشهي
اسيا بصحتك الفريت والحميس نحب نشوف الصور ديما نقعد نتفرج في اطباقك
تسنيم السفنج رووعة رووعة الحقينا بالوصفة
كوثر والله الطارطة تبان مشرية يعطيك الصحة يالفحلة
روز مابقاش وتزوري البلاد وتبردي قلبك بصح ابقاي معانا وين ماكنتي
رغوودة صح غداك
الاختان سوسو ونونا غداكم يشهيي اممممممممم بصحتكم

 

[ibtesem]

ابتسام مليح لي بديتي الريجيم راين مع الحليب من الصباح غدوة النهار الثالث والاخير
روز روحي للموضوع فهميني
راني كتبتلك

 

[حاملـة المسك]

يا يما على الخفاف جاوك هايلين تسنيم

بائعة الكبريت نحي الصورة من التوقيع نتاعك لدركة نبطل ريجيم ههه

ما يكون إلا خاطرك دك نديبلاسيها و نحطها في الصورة الرمزية :shiny:
رانا بدينا نخمو في العشا...كون يجيبولنا الحوت نديرو مبخر كما ديال روز
صح قهوتكم​

 

[ام منصف]

الاختان سوسو ونونا ماشاء الله عليكم بصحتكم
أم دودو ما نيش صايمة ممكن نهار الاثنين وغدانا كان تشيشة فريك
assia dz بصحتكم حبيبتي
**بائعة الكبريت** راني بالف خير السوال عليك تخطيني السخانة نتاعكم برك نكون لاباس ههههههههه
روز22 بلعقل برك نهار تجي للجزاير ترجعي دمار الريجيم موفقة غاليتي
tasnim55 يعطيك الصحة على السفنج جاك هايل
عفاف الجزائرية انا نحساب الغبار غير عند ناس بسكرة والله نهار يجي نحكم كرشي من الخلعة ربي يعيننا عليه= وعلى السخانة بانتظار اطباقك الرمضانية ان شاء الله
ibtesem صحى النوم
nada242008 بصحتك وبوسيلي الزينونة ندى
وسلام خاص للغائبة فوفة 2011 وللجميع

 

[الاختان سوسو ونونا]

الاختان سوسو ونونا ماشاء الله عليكم بصحتكم

شكرا اختي ام منصف حبيت نسقسيك تعيشي كيفاه نكبرو الصور وجزاك الله خيرا

 

[imane27]

مساء الخير عليكم واش راكم لباس صح فطوركم
يعطكيم الصحة طيابكم يشهى يعطيكم الصحة
انا عشايا كان دولمة قرنون

 

[عفاف الجزائرية]

ايييييييييه يا اختي ام منصف
انا لغبار ديما ضدي
نهار نعطيها بتسياقة الله الله ونحط النشاف حاشاك ندور دورة نلقاه عند الباب جاء يطبطب
اسكتي عني اسكتي

 

[momoude]

ايييييييييه يا اختي ام منصف
انا لغبار ديما ضدي
نهار نعطيها بتسياقة الله الله ونحط النشاف حاشاك ندور دورة نلقاه عند الباب جاء يطبطب
اسكتي عني اسكتي

ايه يا عفاف اختي ربي يعينك تسياق صباح وعشية
ومهوش باين مع هاد الغبر
سورتو كيعاد يقب علينا الكماين سورتو الجيها نتاعكم يا عفاف متحبسش من الكماين والطاكسيات :scared:

 

[عفاف الجزائرية]

ياي ربي يكون في عوننا برك

 

[زهرة الندى]

مساء الخير عليكم طاطاواتي

علابالكم خاطيني الطبخ والمطبخ غير ساعات ندخل نخلط شويا

لكن جيت باه نقول ل عفاف الجزائرية أهلا وسهلا بيك حبيبتي منورة يا طاطا
إن شاء الله راكي بخير
سلامي لكن ​

 

[حاملـة المسك]

**بائعة الكبريت** راني بالف خير السوال عليك تخطيني السخانة نتاعكم برك نكون لاباس ههههههههه

وين ديالنا...من عاشر قوما أربعين يوما اصبح منهم :tongue_1:
كما نت مليحة ليك السخانة تنحيلك الروماتيزم ديال باتنة
اممممممم إيمان سخفتيني بالدولمة...بصحتكم
يا عفاف الغبار في الصيف و الدار محلولة على مصرعيها ...ربي يعينك حنونة

عشانا حوت مبخر و سلطة بصحتكم وش طيبتو
اللهم ادمها نعمة​