ماذا ستطبخين اليوم سيدتي الجزء 3

[روز]

رغودة ماتنسايش تقوليلي اذا عجبك الحوت على البخار ..
عفاف وش تحبي جهة الصحرا بالكامل يتنفس الواحد ينوض الغبار
ايمان امممم دولمة تشهي يعطيك الصحة

 

[حاملـة المسك]

رغودة ماتنسايش تقوليلي اذا عجبك الحوت على البخار ..​

طبعا جا بنين روز بصح مدرتوش بالدرسة الحمرا درتو بيض
قليتو شويتو درتو في الفور واليوم مبخر ...ألف شكر لك
في انتظار جديدك​

 

[imane27]

كوثر طارطة هايلة يعطيك الصحة تقولى مشرية
لبنات طيبتو لعشاء

 

[برنســ اللمة ـيسة]

مساء الانوار يا بنات
يعطيكم الصحة على الاطباق اللي تشهي
انا اليوم عشايا كان خفيف ضريف سلطة

​

و بيتزا و بوراك من برا
ماتضحكوش عليا نتعشا قدام الميكرو هههه​

​

و هادا الديسار

​

بصحتك يا البنات العشاوات و يعطيكم الصحة ​

 

[أم دودو]

صح عشاواتكم الكل
إيمان بصحتك الدولمة شكلها يشهي
تسنيم و الأخوات سوسو و نونا هاي ليكم وصفة خبز الدار بالفرينة ساهل خلاص
-5 أكواب فرينة
-ملعقة كبيرة حليب غبرة
- ملعقة و نص خميرة فورية
- ملح
- ملعقة كبيرة سكر
- كوب زيت
و نخلط جميع المكونات مليح و من بعد نضيف بيضة و الماء الدافئ بالشوي و نعجن مليح و نسقي حتى تولي تلتصق باليد
ندهن صينيات الفرن بالزيت و ندهن يدينا و نكور 2 خبزات و كل خبزة نحطها في صينية و نبسطها و بسكين حاد نعمل خطوط أفقية و عمودية و تكون مائلة و نغطيهم و نتركهم يتخمروا و ين يتضاعف حجمهم نسخن الفرن و ندهنهم بصفار بيضة مخلوط بشوي قهوة سائلة و نرش فوقهم حبة البركة و ندخلهم للفرن
و شهية طيبة
​

 

[nada242008]

صح عشاواتكم جميعا
هذا عشايا
بيون وسندويتشات بالخبز اللبناني محشية فريت وكبدة مايوناز وهريسة

 

[الاختان سوسو ونونا]

صح عشاواتكم الكل

إيمان بصحتك الدولمة شكلها يشهي
تسنيم و الأخوات سوسو و نونا هاي ليكم وصفة خبز الدار بالفرينة ساهل خلاص
-5 أكواب فرينة
-ملعقة كبيرة حليب غبرة
- ملعقة و نص خميرة فورية
- ملح
- ملعقة كبيرة سكر
- كوب زيت
و نخلط جميع المكونات مليح و من بعد نضيف بيضة و الماء الدافئ بالشوي و نعجن مليح و نسقي حتى تولي تلتصق باليد
ندهن صينيات الفرن بالزيت و ندهن يدينا و نكور 2 خبزات و كل خبزة نحطها في صينية و نبسطها و بسكين حاد نعمل خطوط أفقية و عمودية و تكون مائلة و نغطيهم و نتركهم يتخمروا و ين يتضاعف حجمهم نسخن الفرن و ندهنهم بصفار بيضة مخلوط بشوي قهوة سائلة و نرش فوقهم حبة البركة و ندخلهم للفرن
و شهية طيبة​

يعطيك الصحة وجزاك الله خيرا

 

[برنســ اللمة ـيسة]

بصحتك أم ندى
و ماما راها قريب تدخل للميكرو كي تشوف ندى تقولي راني راح نزيد نجيبلكم بوبونة كيما هادي و انا نبغا ننتحر
هبلتنا ندوش في الدار الله يبارك ربي يحفظها​

 

[ام منصف]

شكرا اختي ام منصف حبيت نسقسيك تعيشي كيفاه نكبرو الصور وجزاك الله خيرا

اتبعي نفس خطوات الموضوع التالي
كيفية تصغير حجم الصور والكتابة عليها بدون برامج
كي توصلي وين راح تكتبي الحجم نتاع الصورة

​

اكتبي رقم اكبر من 100 مثلا 150 وشوفي الحجم اذا كان مليح والا لا
والباقي كملي نفس الخطوات
اتمنى اني نكون افدتك
​

 

[nada242008]

بصحتك أم ندى
و ماما راها قريب تدخل للميكرو كي تشوف ندى تقولي راني راح نزيد نجيبلكم بوبونة كيما هادي و انا نبغا ننتحر
هبلتنا ندوش في الدار الله يبارك ربي يحفظها​

الله يسلمك ويسلمها يا رب
سلميلي عليها ياسر وقولها ربي يحفظلك البرانساس وفاء والامور اللي ربح السيزيام ويخليهملك
بصحتكم البوراك والبيتزا امممم و
الحاجة كي تجيك واجدة تسبنيها كثر
انا الميكرو يطيب معايا في الكوزينة
والصوارة ديما حذا التوابل هههههه

 

[الاختان سوسو ونونا]

صح عشاكم كامل
دلمة القرنون تشهي ايمان
ام ندى الخبز العربي امممممم طار عقلي فيه
عشانا اليوم... سوسو دارت الكسرة ونونا الجاري فريك

 

[ام منصف]

بائعة الكبريت غير السخانة اللي مافيهاش اصبح منهم ههههههههههههه
عييت نوالف بيها
وللجميع صح عشاكم
انا عشايا كان فريت اومليت وحميس وسلاطة
​

 

[ام منصف]

الاختان سوسو ونونا بصحتكم يا الفحلات
راني جربت الحجم اللي يصلح للصور اللي راكم تحطو فيها اكتبي 200
وراح تجيك الصورة مليحة​

 

[برنســ اللمة ـيسة]

الله يسلمك ويسلمها يا رب
aaaaaamine merci
سلميلي عليها ياسر وقولها ربي يحفظلك البرانساس وفاء والامور اللي ربح السيزيام ويخليهملك
اااامين اختي ام ندى و يخليك انت ديما هاكدا متألقة
بصحتكم البوراك والبيتزا امممم و الله يسلمك تعيشي
الحاجة كي تجيك واجدة تسبنيها كثر
ايه حاجة باينة ماكانش كيما القعاد و الحاجة توصلك لفمك
انا الميكرو يطيب معايا في الكوزينة هههههه
ايه علابالي بيك فحلة و هدا الشئ راه باين ماما ديما تقولي المخلوقة هادي الله يبارك عليها كل صبع بصنعة
اتعلمي عليها شويا باش تهزي مرة خلاف تمتعي راجلك ههههه
والصوارة ديما حذا التوابل هههههه

شكرااااااااا
و انشاء الله منا على 3 سنيــــــن راح نكون هزيت كل صغيرة و كبيرة من شافات مطبخنا
​

 

[الاختان سوسو ونونا]

الاختان سوسو ونونا بصحتكم يا الفحلات

راني جربت الحجم اللي يصلح للصور اللي راكم تحطو فيها اكتبي 200

وراح تجيك الصورة مليحة​

شكرا ربي يخليك وييحفظلك اولادك

 

[السلطانة]

صحا عشاكم
صورتلكم عشايا طيبتلهم
بوراك

وشربة فريك

تحياتي​

 

[برنســ اللمة ـيسة]

الله يبارك شوشو يعطيك الصحة
و البوراك و الشربة يشهيو
و الاختان تاني يعطيكم الصحة
و انشاء الله نشوفو أطباق جديدة من عندكم​

 

[nada242008]

برانساسة حشمتني بهدرتك الحلوة ربي يخليك
رانا كامل نتعلمو من بعضانا هنا مادامنا كل نشاركوا اكيد الكل يستفيد
وكون تبقاي معانا والله تتعلمي وتهزي افكار جديدة كل يوم
اهم حاجة التطبيق وكل ماتطبقي كثر كل ماتوالفي وتعودي الحاجة اللي تجربيها تنجحلك
وعلاه تسناي 3 سنين هيا بروفيتي في الصيف هذا وشاركينا :sheer::sheer:
--
الاختان سوسو نونا عشاكم ديما يشهي وكيما شرحتلكم ام منصف كبروا الصورة باش نشوفو مليح _o: هههههههه
--
شوشو راكي فحلة كالنحلة هههه بصحتك الجاري والبوراك اممممممم

 

[برنســ اللمة ـيسة]

ماتخافيش عليا يا أم ندى و الله راني نتعلم
و مع الوالدة حاجة ماتخفا عليــــــها عقلية بكري هههه
لازم نتعلم سيف عليا
و انا من النوع اللي يحب يفكر و يطيب و يوجد غير الحطة​

 

[assia dz]

عشايا اليوم: