ماذا ستطبخين اليوم سيدتي الجزء 3

[برنســ اللمة ـيسة]

السلام عليكم يا سيــــــدات
دائـــــما منورين و ممثلين للمائدة الجزائرية أحسن تمثيــــــل
بالصحة و الهنا عليكم
و أنا من الصباح و انا نحوس و نقول وشا سباب هادا الضوء كامل و هي عفوفة رجعت عفاف مرحبا بيكي نورتينا من جديـــــــــد​

 

[عفاف الجزائرية]

الله يسلمك اختي وفاء والله النور نوركم يا غالية
ربي يجازيك اختي
اني رجعت واخيرا بعد عذاب طويل على اللمة

 

[كوثر الوهرانية]

السلام عليكم
اهلا بلغالية عفاف طولتي الغيبة اختي متعاوديهاش راني نتوحشك بزاف
بصحت فطورك ندوشة سردينة تشهي
بصحتكم كامل
انا اليوم درت ليا اساور الكلامار و للاولاد فريت و سلاطة و تشكشوكة
اليوم عيد ميلاد بنت خالتي الي راح توصل من فرانسا هدي لعشية خممت و قلت نفرحها بهدي الطرطة
راني من الصباح و انا نوجد فيها
اعطوني رايكم يا لبنات ياك متحشمنيش الطرطة

 

[عفاف الجزائرية]

اهلا بيك اختي فريدة
والله حتى انتي توحشتك ربي يعلم
اييييييييييييه واش هاذا تقول مشرية
ما صابني انا اللي عيد ميلادي ليوم وتفرحيني
اكيد رح تفرح بيها
يعطيك لصحة

 

[كوثر الوهرانية]

الله يسلمك عفوفتي تعرفي من الصباح و انا معاها غير درك خلصتها الحمد الله كي عجباتك و غير قوليلي عيد ميلادك وقتاش توصلك حتى لدار

 

[عفاف الجزائرية]

والله يعطيك الصحة تعبتي على حاجة ماشي خسارة يعني تعبتي على الصح
ياه ربي يجازيك اختي كي قلتيها شغل راها وصلتني

 

[ام منصف]

صباح الانوار عليكم وشراكم مازالني في دار بابا هادي السمانة والسمانة الجاية نروح لعنابة نريح شوية منبعد نروح للدار هادي لي بغاو يعاينوني :like_1::like_1::like_1: هههههههه

هههههههههههههههههههه
بصحتك ام ايناس القعدة في دار باباك والتحويسة لعنابة
ربي يهنيك ويفرحك ان شاء الله
​

 

[ام منصف]

اهلا بنور المنتدى عفاف 2 توحشناك يا الحبيبة
ام ندى بصحتك المقلي والسردين
فريدة سنة حلوة لبنت خالك وهذه الكيكة هايلة الديكور ما خلاش بصحتكم
وللجميع بصحتكم
​

 

[عفاف الجزائرية]

النور نور منصف بضحكته الباهية
ربي يخليك اختي الغالية

 

[الاختان سوسو ونونا]

شكركم خواتاتي على الترحيب
اليوم غدانا بوزلوف وفريت




هده الدونات الي نديرها وهي كالتالي

4كيسان فرنة
بيضة
ملعقة ملح
5ملعق سكر
ملعقة كبيرة خميرةفورية
1كيس خمارة كيميائية
وتعجنيهم بماء الدافىء
وتخليهم يرتاحو ومبعد تقطعيهم دوائر مثقوبين وتخليهم يرتاحو ومبعد تقليهم
وتحطيهم في السكر قلاصي

 

[أم دودو]

واش راكم يالبنات
عفاف مرحبا بيك
أم إيناس بصحتك التحويسة
كوثر عيد ميلاد سعيد لبنت خالك و الطورطة هايلة تقول مشرية
الأخوات سوسو و نونا غداكم يشهي يعطيكم الصح و الدونات كذلك نوعدكم نجربها كاش نهار إن شاء الله
أم منصف صح غداك و ما تقوليش حتى اليوم صايمة
أم ندوشة رانا متفاهمين سمينا بناتنا ندى و غدانا سردين أنا تاني غداي سردين و فريت غير زدت عليهم سلاطة و خبز الدار بالفرينة
باقي البنات صح غداكم كامل
هذا غداي تاع اليوم

​

 

[assia dz]

مساء الخير عليكم واش راكم إن شاء الله تكونوا بخير، بصحتكم كامل الغدا بصحتك أم ندى السردين راهو ديما متحوف في الصحن الله يبارك، بصحتك كوثر الكلامار والفريت، سوسو ونونا طيابكم يشهي رغم أني ما نحبش بوزلوف.
بائعة الكبريت مشكورة على الطبخة التقليدية -المروقي- هكذا؟ أول مرة نسمع بيها.
عودة ميمونة عفاف، بصحتك ام إيناس التحويسة.
انا درت حميس وفريت مع سلاطة.

 

[assia dz]

بصحتك أم دودو السردين، وخبز الدار بالفرينة .
كوثر يسلموا إيديك على هذيك الطورطة قبل ما نقرا نحسب فيها مشرية، يعطيك الصحة

 

[حاملـة المسك]

بصحتك التحويسة ام إيناس بلغي السلام لياسمين عنابة
عفاف يا حنونة وش جاب سيرة الغبار السخانة بزايد
ربي يعينك و الكوزينة صارت أحلى بعودتك يا عسل
غداك يشهي ندى تسلم الايادي
بسم الله ماشاء الله جاتك هايلة التورتة كوتر و الله لا تمنيتها ليا
حابة نهار واحد يفرحني على غفلة مني..تسمحيلي نحطها مدة في توقيعي
أم منصف وشراكي..؟
الاختان و ام دودو و الجميع بصحتكم الغدا
********
رابط القطايف المالحة

قطايف الشيبس" chips "​

 

[روز]

اهلا بعفوفة توحشناااااااااك الحمدلله راكي بخير الهمة عفوفة واخلفي وش راطيتي نحبو كل يوم طبق^^
ياكوثر ياحبيبتي راكي فنااااانة حسبتها مشرية من برا الله عليك ماشاء الله راكي فووووور ماصابني كما قالت عفاف عيد ميلادي انا وجاتني هدية كما هاديك

بصحتكم الكل غداواتكم ام ندى سردين يشهي راني ناكل فيه هنا لكن مش كما نتاع الدزاير نتاعنا هااايل راني حالفة اول حاجة ناكلها في الدزاير خبز المطلوع والدنجال الاغواطي والسردين امممم

 

[tasnim55]

هذا السفنج للقهوة :

 

[عفاف الجزائرية]

رغدوة انتم ممكن عندكم السخانة
احنا جاملين عصفورين بحجر
سخانة وغبار من فوق
واذا ما يعجبكش الحال الخرجي منا لدار وخليها لعمو الغبار
اه اه كي نتفكر المعانات معاه
​

 

[عفاف الجزائرية]

اهلا اهلا بالورة نتاعي
اهلا بيك حبيبتي وهيبة
اييه اسكتي عني برك
اني مطيبة ومازال نطيب وحد الافكار ملاح
مع رمضان جاي والله غير يفوت روعة
بصح انا رح نكون من المحرومين
انتي عارفة وانا عارفة
​

 

[كوثر الوهرانية]

والله خجلتوني بردودكم يا خوتاتي كون جيتوا حدايا الله نجيب هالكم واجدة حتى لدار
بائعة الكبريت راهي ليك يا لحبيبة ديريها توقيع ولا دبري راسك هدا يشرفني يا اختي
سوسو و نونو فطوركم يشهي و البوزلوف نموت عليه بصح ليا مدة طويلة ماكليتهش
اختي تسنيم السفنج جاك روعة مكن طريقتك اختي
روز كاش ريجيم انا اليوم السابع عندي لحم او حوت فطرت الحوت و اللحم خليته للعشاء

 

[tasnim55]

السلام عليكم صح غدواتكم
ام ندى سردين يشهي و المنظر اروع يفتح النفس بصحتكم
اسيا دز بصحتك لحميص ولفريت
ام دودو غداكم يشهي والخبز الدار جاك هايل وحبيت نعرف طريقتك في خبز الدار لان معجناتك الله يبارك تعجبني بزاف
ام كوثر طورطة تحفة الله يبارك اعليك وعيد ميلاد سعيد وعقبال 100 سنة لبنت خالك
ام ايناس بصحتك التحويسة وانشاء الله ترجعي لينا كيما زمان بالاطباق الشهية وربي يكملك ويفرحك انت والاخت ام ندى
سوسو ونانو بصحتكم البوزلوف والفريت والدونات تحفة يعطيكم الصحة بصحتكم
روز وعفاف الجزائرية ام منصف بسومة فوفة ايمان 27 بائعة الكبريت....صح غداكم
​