ماذا ستطبخين اليوم سيدتي الجزء 3

[imane27]

عشاك يشهى برانسس بصحتكم

 

[nada242008]

القرتان يشهي يا وفا اممممم
لالجيغواز الله يسلمك ..بالنسبة للبطاطا اللي طيبتها ايمان كيما قاتلك الوصفة لام منصف
تقطعي البطاطا دوائر متوسطة وتحشيها بالفرماج النوع اللي مايذوبش في ساع
وتستفيها في المول مع رشة ملح وفلفل اكحل وترابي عليها الثوم وتغطيها بورق الالمنيوم وبعد ماتطيب تخليها تحمار
ابتسام بصحتك الايس كريم واجمل تحية للغائبة الحاضرة نوال:luve_2::luve_2:
ايمان الله يسلمك

 

[روعة2005]

اممممممممممم عشاكم يبان يشهي وفاء بصحة وراحة
الله يخليك حبيبتي ايمان والجيغواز ولبنات كاااااااااا مل

 

[برنســ اللمة ـيسة]

عفوفة تفضلي راني كملت الوصفة تاع المسكوتة
https://www.4algeria.com/vb/showthread.php?p=3410129#post3410129

 

[l'algeroise]

أم ندى شكرا على الوصفة
princesse wa عشاك يشهي بصحتك
ibtessem بصحتك الأيسكريم
أنا عشايا روز وحوت

 

[l'algeroise]

إلى أم ندى وكامل الأخوات وصفة الموسكوتشو:
باطة ياوورت الذوق لي تحبي
تفرغي لباطة وتكيلي بيها
3 فرينة
2 سكر عادي
وحدة زيت ماشي معمرة بزاف
2 أكياس خميرة كيميائة
4 بيضات
تخلطي كلش مع بعض في الروبو تتحصلي على خليط تقريبا سائل ثم تفرغيه في مول كبير ولا دي مول صغار
التزيين كيما تحبي
نشاله جربوها جي هايلة ولي يدوقها يطلب مني الوصفة راني مديها 1000 مرة

 

[روعة2005]

شكرا على الوصفة الجيغواز وبصحتك الحوت جاك يشهي اممممممممممم
بصحتكم وليلتكم سعيدة........انا غدوة معرسة في باتنة ان شاء الله

 

[ibtesem]

سلام عليكم
هدا عشايا لنهار اليوم

 

[ibtesem]

هدي سلطة تاع ماييز و تونة

كروفات

بطاطة

كيكة الايس كريم ساضع الوصفة

تطبيقي الى الايس كريم تاع نوال 1980
ساضع الوصفة بالتفصيل ايضا

 

[ibtesem]

تصبحون على خير راها 11:28 ليلا

 

[nada242008]

صباح الخير على الجميع
لالجيغواز الف شكر على الوصفة وان شاء الله نجربها في اقرب وقت
برانساس يعطيك الصحة جاري زيارة الموضوع
ابتسام صح فطورك ..مائدة تشهي خاصة الطارطة
وحطيلنا ايس كريم نوال كتطبيق
انا راني نايضة للميناج والغدا معولة على محجوبة
من بعد راني نطل عليكم

 

[nada242008]

وينكم واحدة فيكم مابانت من الصباح _o:
هذا غدايا

 

[ibtesem]

راني جيت شميت ريحة جيت نجري
امممممممممم حرلي شوية انا نحبها حارة
بصحتكم يالفحلة

 

[برنســ اللمة ـيسة]

السلام عليكم
واش راكم؟
شفتي يا ام ندى الايامات هادو كي قرب رمضان الكوزينة فرغت
ابتسام طابلة تشهي و كيما يقولوها المصاروة طاولة بتفتح النفس يعطيك الصحة
و ندى المحاجب اممممممم يشهيو يعطيك الصحة و تاكليهم بالصحة و الهنا

اليوم ماما صايمة و انا درتلهم شربة عدس

و قالي خويا صغير ديريلنا بيتزا في الدار مي ماعرفتش جامي درتها قلت نشوف هنا كشما نلقا وصفة و نديرهالهم للعشا
​

 

[nada242008]

فحلة ومانخافوش عليك العدس يبان بنين
كاينة وصفة للبيتزا بعجينة ال 10 دقائق ساهلة خلاص وتجي خفيفة وبنينة
الطريقة راهي مثبتة في ركن السندويتشات والمعجنات
واي سؤال رانا هنا نعاونوك
--
ابتسام الله يسلمك باطة الهريسة راهي ليك

 

[برنســ اللمة ـيسة]

شكرااا حبوبتي درك نشوفها و نديرها و نوريلك كيفاه جات
و كي نرجع راني نستفسر على ادق التفاصيل ههه​

 

[شجـ الروح ـون]

السلام عليكم سيدات المطبخ
جمعة مباركة
.
.
.صحة قهيوتكم

https://www.4algeria.com/forum/t/290809
اتفضلو​

 

[omarwa]

مساء الخير عليكم جمعة مباركة عليكن صحى غداكم ام ندى المحجوبة تشهي برانسيس بصحتك لعدس يبان بنين اخي شجون حلوى هايلة انشاله نجربها تبان بنينة مع الشاي

 

[الطفلة البريئة]

مساء الخير عليكم و جمعة مباركة
شكرا لكامل اللي رحبو بيا ربي يخليكم
هذا وين قعدت با نحط الغداء هههههه
درنا كفتة بالزيتون و حميص و سلاطة


هاذي الكفتة


هذا الحميص


السلاطة

الديسار

ان شاء الله يعجبكم طيابي :shay:
سلام ​

 

[برنســ اللمة ـيسة]

شجون يعطيك الصحة قاطو هايل و كشما تلقايلنا ديغوسات باهيين جيبيلنا نوشوفوهم
ام اروى شكرا ربي يحفضك و يخليك
أميـــــــمة طابلة تشهي يعطيك ألف عافية
و الله سخفتيني في الكفتة بالزيتون بصحتكم ​