تقبلي تتزوجي بيه؟؟ / تقبل تتزوج بيها؟؟

[مفآهيمـ الخجل]

الســـلام عليـــكم

صباح الخيـــر / مســـاء الخير

ان شاء الله كامل لبـــاس عليكم .....كيمـــا انا:showoff:

ايا الحمد لله

مبــــروووووك للجماعة لي جابو البـــاك ...و لي ماجابوهش ربي يعوض العام الجـــاي

المهم

حبيتــ نهدر على وحد الفئـــة في المجتمع ...مهمشة ياسر و نقدرو نقولو منبـــوذة

انا وحـــدة من النـــاس يغيضـــوني ....بالصح الله غالب الناس ماترحمش

و لي همـــا : بلا اصــــل..بلا أبــ و لا بلا أم

:sadwalk:يعنـــي غير شرعييــــــــن

النـــاس كامل كي يسمعو فلان ماعندوش اصل يولو يشوفو ليــــه نظـــرة مختلفــــة

علاش؟؟

يخي مش هو لـــي خير والديه و مش هو لي خير يجي لهاذ الدنيا بهاذ الطريـــقة

هو بــــريئ من ذنـــب ارتكبوه والديه

و للاسف النــــاس دايما يحـــقرو هاذ الفئـــة

و خاااصة في اهــــم حاجة و هي الزواج

مساكن ديما مطفرة فيهم و ماكاش لي يقبل يدي وحدة بلا اصـــل و لا تقبل تدي واحد بلا اصـــل

الا قليـــــــل

ديما نسمع حكايات على هاد النوع و الله غير يغيضو مهمشين يااااسر

انا عـــن نفســـي لوكان نلقا واحد من هاذ الفئة و فيه مواصفات فارس الاحلام:shay: و متخلق و ثابت على دينو

علاش لالا ....انا من رايي هم ماعندهم حتى ذنب

و انـــــتم؟؟

تقبلي تتزوجـــي واحد بلا اصــــل؟؟

تقبل تتزوج وحدة بلا اصــــل؟؟

نستنـــــى جوابكـــــم

و في لامــــــان

:re_gards:
​

 

[السلطانة]

وعليكم السلام
شكرا على طرح الموضوع القيم
بالنسبة للفئة هاذي راح تبقى ديما مهمشة
بالنسبة للمجتمع
لانو كاينة واحد النظرة عليهم مستحيل تتغير
بالرغم انها ماش بيديهم
وراهي غلطة والديهم
لكن للاسف حكم عليهم هكذا
اما ان اقبل ام لا
فأنا عن روحي منقبلش
صحيتي على الموضوع
تحياتي ​

 

[ISMA.dz]

السلام عليكم أختي
أولا حبيت نحييك على الطرح المميز للموضوع

انا من رأيي هذي الفئة مظلومة لأنها تخلص ثمن أخطاء الغير ومهمشة وعيب علينا نزيدو نظلموهم
وانا من جهتي وبدون مثالية أكيد نقبل بشخص ماعندوش أصل لأنو ماقترفش ذنب حتى نرفض العيب لوكان أخطأ هو لكن اذا كل وحدة قالت نرفض يعني هاذ الفئة ماتتزوجش علاش مانفرضوهاش فينا احنا !!!!اكيد نتجرحو لما نلقاو نفسنا وحدنا والكل ينفر منا ويتخلى علينا

شكرا عزيزتي​

 

[sahiko hamza]

وعليكم السلام ورحمة الله
صعيبة شويا بصراحة
بورطون ماعندهم حتى ذنب مي صعيبة

​

 

[دنيا البسمة]

سلااااااااااااام
شكرا اختي على الموضوع
انا عن نفسي ما نكذبش عليك
لوكان نلقا واحد ويكون لاباس بيهم ونحبو نروح ليه ما فيها والو
بالرغم من اني نحب نعيش مع عايلة ومع يماه و باباه
وحتى هو بالاك تغيضو عمرو كي ماكانش
مي نوووووووووووووووووورمال
اذا كتب ربي ما فيها والو هو واش ذنبو
بالاك بالعكس راح يعيشك احسن عيشة

 

[adel-mz]

ينحقروا غير عند العرب c tou باسكو بعدنا على القيم واخلاق الدين نتاعنا .

 

[لاجودان شاف]

السلام عليكم
هوما صح يشفو وحتى هوما عندهم نصيب في هذا الدنيا
لكن الشيء الصعب هو الاولاد في الغد
صعيبة بزاف اولا مايعرفوش اعمامهم او اخوالهم
او حتى لما يسمعو انو ابوهم او امهم بنت علاقة غير شرعية
ممكن تصرالهم مشاكل نفسية بزاااااااااف
انا عن نفسي نظن منقدرش​

 

[sahiko hamza]

السلام عليكم
هوما صح يشفو وحتى هوما عندهم نصيب في هذا الدنيا
لكن الشيء الصعب هو الاولاد في الغد
صعيبة بزاف اولا مايعرفوش اعمامهم او اخوالهم
او حتى لما يسمعو انو ابوهم او امهم بنت علاقة غير شرعية
ممكن تصرالهم مشاكل نفسية بزاااااااااف
انا عن نفسي نظن منقدرش​

ياخويا عجبني اسمك
فكرتني فأيام شبابي هههه


​

 

[chemssou007]

أنا نقولك الصح
و ربي عالم اذا كنت كاذبـ
أنا اذا كانتـ وحدا بنت زنا أو ما تعرفش والديها و تفاهمت معاها نديها عاديـ
لأنها ما عندها حتى ذنب
المشكل في ولاد العائلات لي رانا نشوفو فيهم وش يديرو
هذوك ما نقيمهمش بربعا دورو
و صباطي أشرف منهم
و لكن رانا في منتدى و عالم افتراضي كلنا ملائكة معصومين من الخطأ​

 

[لاجودان شاف]

ياخويا عجبني اسمك ​

فكرتني فأيام شبابي هههه ​

ههههههههههه
علاه كنت في لارمي؟؟؟؟؟؟؟؟​

 

[07 _H@yThm]

لفايده ولحصول بنت فاميليا متربيه
علااه انا رايح نديها هي ولا ولديها
​

 

[CaPaBLe]

والله كاين و كاين
فيهم لي متربي و خير من ولد ولا بنت الاصل
و فيهم الي صاع ما يتلامش معذووور

انا واحد من ناس نزوج بيها و نحاول نسيها في همومها و نكونّلها الاصل
​

 

[shahrazad]

سلام
يا ختي والله دوك ماشي المشكل عندو اصل ولا معندوش
واش دنبو
واذا كان راجل يعرف ربي ولاباس بيه
ويـــنو المشكل يعني دنيا ظلماتو وحنا نزيديلو
امالا نقولولهم روحو موتووو خيير
المشكل كيما قال الاخ
ولاد عايلات ومعرفوين ومنا
تشوفيهم تقولي عليهم متربيين فالشارع
لادين لاسيدي زكري
نقلك حاجة
دوكااا الي صاب وحدة مربية مدينة تحشم
يروووووح يجري ويتزوج بيها
والي لقات واحد يعرف ربي ومتخلق ولاباس بيه
تقبل طووول
مابقى لا اصل ولا فصل
الحالة راهي مخلطة قاع
الا من رحم ربــــــــــي

​

 

[EL General]

صحيح تماما من ناحية لا ذنب لهم
1000 في المئة أوافقكم
و الله يهدي مجتمعنا
هؤلاء الناس في اوروبا راهم مبجلين عن الناس العاديين ديما في عالمنا العربي يوجد التهميش بزاف
شكرا على الموضوع نقاشي و جميل
تحية و سلام
​

 

[samou.dz]

..............................

 

[mira bey]

ولله صح هوما معندهم حتى ذنب بصح لعرب تاوعنا ميفهموش الله غالب
انا نعرف وحدة معندهاش تاني ولديها بصح كاينة عايلة مربيتها كيما بنتهم ولله مسكينة مرحمهاش المجتمع خلاص وهي كي كبرت باش فهمتهم علاش يعاملو فيها هكاك بطلت لقرايا بصح الحمد لله دكا رايحة تتزوج من واحد ولد عايلة ورايح يعوضها على كلشي انشالله انا كل منشوفها تغيضني ولله

انا ولله لكان نلقى واحد معندوش والديه وهو متخلقك ولله معندي حتى مشكل كي نديه

 

[**نجلاء**]

تقبلي تتزوجـــي واحد بلا اصــــل؟؟
أكيد نقبل إذا توفات فيه الشروط اللي نحوس عليها
بصح ندنق ليه كيما ندنق لأي راجل بلا مانحاسبو على هاذ الشي

على خاطر ماعندو حتى ذنب
و كي يكون صالح هذيك هي
​

 

[Black heart]

رانا في وقت ربي يستر كي الشرعي كي الغير شرعي
الله يهدي كل ما خلق
شكرا على الموضوع​

 

[مفآهيمـ الخجل]

شكــــرااا لقبول الميضـــوع :re_gards:​

راجعة نرد عليكــــم​

 

[أنور حليم]

اولا السلام عليكم جميعا
نشكرك كثيرا على طرحك لهذا الموضوع المهم
انا عن نفسي مانقبلش لان المجتمع لايرحم
تصوروا كلكم اكونو عندكم اولاد كيفاه تكون العلاقة تاعهم مع اصدقاءهم
يعاملون معاملة سيئة ويذكروهم بافعال غيرهم صعيبة يتقبل الانسان مثل هذه الرابطة الزوجية
رغم ان الاولاد غير الشرعيين لاذنب لهم