ناس فور آلجيريا|nass 4algeria تقدم لكم ...... أدخلو تشوفو

[برنســ اللمة ـيسة]

يــــــا خويا انا المادة اخر حاجة ممكن نفكر فيها و مايهمنيش
المهم يكون راجل معايا
و زاوالي و فحــــــــــل
و كيما يقولك خدام الرجال سيدهم
ايا في الامان و لي عودة انشاء الله
و تهلالنا في طيور الجنة هادير الجار الغالية أي مع الدخلة بعد كلاتك علابالي ناس التلاغمة واعرين كيما انا
هههه​

 

[AHLEM1992]

راني نقرا باه نخدم ما يخممش كامل
مي يكون يخدم باه ما يقولوش مرتو تخدم عليه و نعاونو مافيها حتى مشكل
المهم يكون ناس ملاح ههه
يعطيك الصحة خويا على الموضوع
​

 

[إيمان قلب]

السلام عليكم ورحمة الله تعالى وبركاته
أصبر دقيقة مدام الموضوع فيه اشهار خلي الواحد يرد مليح احم احم الخطر يداهمنا بسم الله
والله هاذ القصص تصرا بزاف تاع اللي باغية الدراهم واللي تحوس على الستيل بالصح صدقني غير هذو
يقعدو هوما التوالى
ايييه كون يجيني واحد جامي عرفتو والله قمة لخاطر هذاك الزواج مبارك من عند ربي تاني اذا كان متدين
واش هي الفايدة اذا ديتو مرفه وهو القبلة مايعرفهاش
الله هو الغني الحميد
صح مانديهش ماعندوش مستقبل خلاااص وهذه حتى والديا وانت وهوما ومكانش اللي يقبلها
بالصح اذا كان انسان ميسور الحال ولا عندو المؤهلات ومزال ربي مافتحش عليه والله نقبل بكل صدر رحب
بلاك نكون انا جرة مليحة عليه وربي يفتح عليه
ومثال ولد عمتي مكمل قرايتو وكيما عيا يجري على خدمة مالقاش قعد خمس سنين وهو قاعد
وقالهم اذا ماحكمتش الخدمة مانتزوجش بالصح كي ضغطو عليه والديه وماليه تزوج مالقري ماعندوش خدمة
بالصح ومبعد اللي تزوج مام با شهرين حكم خدمة
بالمختصر المفيد نختار فقير °°ميسور الحال راجل قادر على شقاه °°°متدين لخاطر هذا راح يرزقو ربي من وسعو ويتقي الله فيا أما الغني تخاااف منه
ايا السلام عليكم ويعطيك الصحة على الموضوع
​

 

[الخيزران]

واش دخل الخلاص والخدمة في الزواج هههههههههه

 

[DARINE05]

جوابي بكل صراحة منقبلش بطالب عشاء ليلة ميسعاهش لازم نيفو فوقي اوكي مرسي حمزة وان ظن البنات كامل يخبو يغيشو ويحبو الصوارد وحدة ماتكذب عليك وتقلك الاخلاق ومنعرف واش اييييييييييييي رانا في زمان الموني ههههههههههههههه

 

[نجاة40]

حتى الواحد كي يروح يخطب لازم يعرف وين يحط رجليه
مثلا واحد من فاميلتي شهريتو قليلة بزاف وراح خطب وحدة عندهم ربي يبارك ومرفهين
كي وصل وقت الزواج بطلت عليه وديما دير حوايج تحسو بلي راهو ماعندوش وهي عندها وتهز في روحها عليه
حتى فسخ الخطبة
انا عن نفسي نحبو يكون قاري وخدمة في يدو الباقي مايهمنيش​

 

[meriem150491]

السلام عليكم

من جيهتي المهم يكون خدام ( ميهمش خدمتو المهم يكون ميسور الحال

مش شرط يكون وزير ههههههههههه) وفحل والاهم الدين والاخلاق


+ انا علابالي بحاجة اللي مدين ومتخلق ويكون فحل حتى وكان قدو قد

الحال مستحيل يضر مرتو مهما كان + المال مستحيل يجيب القدر انا


نشوفو فيهم داوهم مي المال ماجابلهمش الهنا


ايا تحياتي



​

 

[الظل الطويل]

====> قريت الردود مالقيت حتى وحدة اهتمت بالمادة
بصح الواقع لي رانا عايشين فيه
يقول عكس ذلكــ ~~

حمزة تقلق في روحكـــ، وتخاف ماتقبلش بيك
البنات على ريسانهم انوي انت برك المهم تكون
فحل وخدام على روحكـــ
ولي يحبو التيكي مشخافش يروح
التيكي يروحو هم معاه

" الحمد لله خيرت المرا لي متحيرنيش هههه "
​

 

[نسيم الربيع]

سلام
شخصيا منقبلش بواحد مايخدمش لانو منيش حانديه ونقعد نسنى باباه يقطر علينا
ومنحملش نشوف ولادي يموتو بالجوع
يعني لازم كي يخطبني يكون خدام ومشي نتخطبو ونقعد نسنى فيه حتان يخدم وطول ماخدمش كيفاه نبقاو مخطوبين 3 سنين ولا4؟؟ ولا نفسخو خير؟؟ وهدرة الناس تدي وتجيب
وتاني منيش من الجماعه اللي لازم يسلك 10 ملاين ولا متديهش
يعني خير الامور اوسطها
مارسي عليك خويا​

 

[ماكانش]

راني نتمسخر برك بلا زعاف​

هههه
اهلا طيور الجنة
والله مانقصد بابا يصرف عليا، بابا ذرك وماراهوش يصرف عليا زوالي يشف ربي
نقصد في فترة انو مايكونش خدام هذا ماكان ...​

 

[NeيRسNe]

السلام عليكم ورحمة الله تعالى وبركاته
اهلا خويا حمزة
موضوعك و الله ظاهرة كاينة و ماشي غير كاينة كاااااااينة
انا نسمع بنات كي يكونو يهدرو مع بعضاهم يتفيشو يفوخو على بعضهم بعض انا خطبني عنده وعنده وعنده ودارلي و شرالي و ......
المهم ربي يهدي الدنيا ولات مادة برك غير مول هديك مول الفيلة مول الدار خطبني عنده تشوف غير جيبه و العقل و القلب و الاخلاق والو
شوف خويا انا مانقولكش ولا نكذب عليك .... انا انسانة يهمني الاستقرار العائلي
و يخطبني مدابيا يكون خدام و يتحمل المسؤوولية تاع العايلة(بمعناها) من كل جوانبها و متخلق ورزين ماشي المهم عندي الدراهم مهم عندي الاستقرااااار المهم يقدر يسعدني و سعادة ماشي بالمال
قادرة وحدة تدي واحد مرفح وتعيش ماشي سعيدة في حياتها غير الهم و المشاكل
و تاني مترفح ولا سمح الله يولي فالحضيض
وتاني قادرة تدي من حسن نيتها تدي واحد ميسور الحال يتحمل مسؤولية ويكون عصامي
يعيشها في سعادة و بوقوفها معاه
يعني المال مايقدرش يشري السعادة و الاستقرار
يعني راجل يوفر لزوجتو الراحة و راحة البال و يعمل اقصى جهدو لذلك
و هي توقف معاه وتكون سند ليه بما يرضي الله
شكرااا ليك خويا حمزة على الموضوع
تحياتي ليك
​

 

[sahiko hamza]

​

​

صحيتي ....
ياكي واعرة ابنت تلاغمة .... :shiny:
​

هههههههههههههه
مرة قلت لوحدة نجي نخطب قاتلي كي تلقى خدمة ؟؟؟
ومرة وحدة قاتلي لازم تكون خدام خدمة ستابل ؟؟؟
زعما سلفية
المهم نورمالمو كي يجيهم الراجل يشدو فيه بسنيه
او يجيكم الي عندو بيام ويدخلككم ساكر وتديو طريحة ويجيبلك وحدة يبيتها في دارك ...​

حابين واحد تاع 10 ملاين
يا يجيهم سكران كيما قلت اسفيان ويديو طرايح ويعشو نادمين على 10 ملاين .....

​

وش نقولك يا صاحبي انا راني حشمان الميضوع تع بنات و انا دخلت ههههههههه
معليش نبصم و نخرج

مرحبا بيك :shiny:
​

السلام عليكم

مرسي على الموضع يا اخي
العزيز

وبش نجابوك منقدرش خاطر مخي حابس اليوم ومنعرف وعلاش

رد محجوز
اني نجاوبك غدوة ان شاء الله​

مرحبا بيك ونستناو في ردك
​

 

[sahiko hamza]

نضرب دورة و نرقد مليـــــــــــح
و غدوا الصباح نجي نكمل نرا الموضوع و نبرد قلبي بالردود
استنا برك
و ديــــــــــــــــــــر الشر يا وجه الشر
اخهههههههههههههههههه​

ايه بصحتك الرقدة
دوك نجيك فالرد لوخر :shiny:
​

واااه كاينة
كاين لي يبغو التيكي يا شريكي يموتو على الفان
حاشا بنات الفاميليا طبعا
انا كي نجي راح نخطب نكون داير حساااب كبير بزاف
باش مايصراليش هاك
يعني مانوصلش روحي باش يقولولي هاك

​

بلاك يفضلك برك ...
اطونسيون من جماعة التيكي برك :shiny:
​

هههههههههههههههههه يعطيك الصحة خو سوجي يستحق النقاش :sheer::sheer:

شووف خي كاين بنات تاع مادة و شكارة و هدا واش رانا ولينا نشوفو هي تقول في بالها ادا كانت عندو شكارة رايحة نعيش هانية مي في بالي العكس تماما و كاين اللي طالبين السترو رضى والديهم و ربي و الذرية الصالحة

انا على روحي نقبل بشخص يكون متخلق ماتهمنيش دراهم خلاص المهم الهناء برك

مرسي خويا على السوجي

الخلق هو كلشي ....
بارك الله فيك


​

وعليكم السلاام

اهلا عمي ساحيقو صاحب المواضيع الساحقة :shiny:

موضوعك اليوم مكرر نوعا ما لكن بطرق اخرى ههه
جوابي:
ايدا كان متخلق كيما قلت وعندو خدمتو قد المسؤولية وقادر على شقاه ونشوف لي راح نعيش معاه سعيدة ومهنية وعلاش نرفض يا خويا يسمى راه سيد الرجال هادا
شوف نقولك انا كيفاش نخمم خويا حمزة...انا الدراهم عمري في حياتي ماخممت فيهم لمصلحتي من الزوج وماراح نخمم فيهم وعمرهم مايهموني كيما شي بنات...صح بلا دراهم ماتعيشش وانا ماقصدتش لي مانخممش فيهم نهائياااا لكن في حدود معقولة قدي....همي على الخدمة تع الزوج تكون صح مهنة شريفة وقادر تعيشنا انا وياه وحتى الولاد من بعد ايدا كتب ربي...وهادي المسالة تع الدراهم يخمو فيها البنات لي يحبو يدللو من بعد عند رجالهم فوق الحدود اللازمة...
الصح عندي اني نعيش حياة في المستوى وهانية وسعيدة وبعيدة على المشاكل هادي هي...

يهنوني في راسي بزاااف عليا

ونشالله مايخيبش ظني ومانخيبش الظن
صحيت على الموضوع
​

انتي بنتنا والله مانمدك حتان نتأكد بلي هو يكون راجل تاع الصح .


​

هههههههههههه شفت رد مكانش راح نجابو اناثاني

شوف ميهمنيش النيفوا نتاعوا ولا دراهموا

المهم

يكون كاالتاالي

متدين
مقتدر (يعني قادر يعيشني كما الناس وخير من الناس مش معقول بابا يقبل بواحد مهوش خدام حطوا حاجة في بالكم جاكم واحد مهوش خدام للبنتكم درك تحسوا بيها مليح )

ومنحب ولا بابا يحب لا يخلص لا 10 ملا ير على 20 مليون المهم يكون قادر على شقاه وفحل كما انا ههههههههههههه
ايا تربحوا كملت

ومرسي امكانش شفت ردك وليت نضحك والله كنت مغششة ومنيش شوف في الضو قدامي

وعليكم السلام

ماتغشيش المرة الجاية بويسك موضوع تاع ساهيكو يطلب العقالة هههه
مارسي عليك
​

 

[برنســ اللمة ـيسة]

كي تدير اقتباس راني نورلي
اخخخخخخخخ
نستناو لاشان
الغاشي بزاف قبلي​

 

[sahiko hamza]

السخانة بديتـ نقرا دختـ
:sadwalk:

شوفـ نحكيـو الصراحة
انا منديشـ واحد ميقدرشـ يتحمّلـ مسؤولية عائلة
و كلمة مسؤولية شاملة كلشـ ماشيـ غير الدراهمـ
و بما انو موضوعكـ عـ المالـ مندخلشـ حوايجـ أخرينـ
ميهمنيشـ اذا كانـ يسلكـ مليونـ ولاّ 10
المهمـ عندو فيـ يدو حاجة
يعنيـ يعرفـ يخدمـ حاجة معينة ماشيـ دز بركـ
حرفة فيـ اليد خير منـ ,,,,,, ( كملـ منـ عندكـ )
+ الراجلـ ماشيـ بجيبو كيما راهمـ يقولو
الراجلـ يبانـ وقتـ الشدة
والليـ باصا فيـ الليـ تبغيـ التيكيـ
هذاكـ نقولو زهركـ يكسر الحجر ( أعكسها بركـ ههه )
و يعطيكـ الصحة حمزة
​

صحيتي بنت 19
مانكمل مانعكس كلشي باين كي الشمس ابار لا كانت الحالة مسحبة هههه
​

 

[sahiko hamza]

صار اكتيفاوه الموضوع وانا ماعلا باليش ؟
مليح .
دوك من بعد نرد عليكم ...
​

آاااااااااو راح نرد على روحي ؟
معليش شكرا على الموضوع ههههه


​

سياسه خاطيني رايحه تقلعني
​

وعليكم السلام ورحمة الله


​

وعليكم اسللام صحيت على الموضوع
فكرتني بوحدة نعرفها ماش غير نعرفها هيا بنت عمتي
الطفلة هادي منلي كانت 18 سنة والخطابة طايحين عليها بنت ناس وجامي خرجت
هادا رايح هادا جاي وهيا تقول لالا
بسبة الدراهم يعني هيا طماعة
اخرتها واحد هز عليها الفاتحة ومباعد بطلت عليه كي قاتلو ديرلي مقياس ب40 مليون قالها منقدرش قاتلو سلام
وواحد تاي عندو حانوت تاع بيتزا
كي جات امو لامها قاتلها واش يخدم قاتلها عندو محل تاع بيتزا قاتلها برك؟
قاتلها امو علاه بنت واش تكون ... ووو
المهم ديما يخطبوها وهيا تحوس على مول الجيب
درك راها على مشارف ال30 سنة قاعدة تسنى


اما عن روحي
انا بنت عايلة ميسورة الحال
وعمري منحقر راجل لي انو قد روحو
ادا كان ميسور الحال ومتخلق وحاكم صلاتو علاه منقبلش
+مانيش طفلة مادية والحمد لله



صحيت على الموضوع



​

اهلا شوشو
مرحبا بيك في موضوعي
شتي كيفاه ؟
راها فالطرونت وتستنى في واحد على قوسطوها
كي تعود فالسيكونت كيفاه تدير ؟
الله لايوصلها لحالة كيمالا هك بصح راها تخلص فالكبرة تاعها .... _o:
​

السلآآآم عليكم
يعطيك الصحة أخي موضوع فووووور
كل هآديك الأمور الجآنبية مآ تهمش
لأنو المآديآت مآشي دآيميييين حآجة قآدرة تزول في أي لحظة
والشهآدآت نفس الشي مارآنآش رح ندوهم معآنا لقبورنا
يعني ممكن يكون مثقف ورزين وعندو في الرآآس
ويبآلي أهم شرط لآآزم يتوفر
هو التدين والخوف من ربي سبحآآنو
لأنو ايلآ كان متدين وحبني رح يكرمني وايلآ ما حبنيش ما رآحش يظلمني
°سلآآآآآآآم°​

التدين هو كلشي يا بنت الشاوية ونص و 25 هههه
​

 

[sahiko hamza]

موضوع صريح وواقعي كالعادة من عميد لمتنا
في مرات متلومش الطفلة على اختيارتها باسكو إيليا دي سيركونستونس يلعبوا على عقلها
مثلا لاستراس تاع الدار يقلها جيبي عريس بيان سيرتو لكانت في الجامعة
أونبلسي دو سا سا سبو حابة تضمن مستقبلها ومستقبل أولادها بور إيفتي التمرميد على حساب تفكيرهم طبعا
ويبقى كل واحد ورايو.................
يعطيك الصحة يا الشاف حمزة
مواضيع شيقة وإجتماعية وواقعية وصريحة
تليق يفوتوك في لاتيلي
حصة يعطوها اسم: من واقعنا
​

ياعمار راك حشمتنا هههه
والله حسيت روحي فالجزيرة ههههه
​

 

[sahiko hamza]

بروبلام صح
حاجة التقلاش كاينة ف البنات كامل بدون اي استثناء

انا لوكان يصرالي موقف كي هذا نضحك و نفوت

اصلا منيش معول نرتبط ف الدزايير .. ​

الالرتباط في فرونسا ولا خلي هههه

​

يــــــا خويا انا المادة اخر حاجة ممكن نفكر فيها و مايهمنيش
المهم يكون راجل معايا
و زاوالي و فحــــــــــل
و كيما يقولك خدام الرجال سيدهم
ايا في الامان و لي عودة انشاء الله
و تهلالنا في طيور الجنة هادير الجار الغالية أي مع الدخلة بعد كلاتك علابالي ناس التلاغمة واعرين كيما انا
هههه​

استناي دالتك ههههه
​

راني نقرا باه نخدم ما يخممش كامل
مي يكون يخدم باه ما يقولوش مرتو تخدم عليه و نعاونو مافيها حتى مشكل
المهم يكون ناس ملاح ههه
يعطيك الصحة خويا على الموضوع
​

مارسي عليك صحيتي ...


​

السلام عليكم ورحمة الله تعالى وبركاته
أصبر دقيقة مدام الموضوع فيه اشهار خلي الواحد يرد مليح احم احم الخطر يداهمنا بسم الله
والله هاذ القصص تصرا بزاف تاع اللي باغية الدراهم واللي تحوس على الستيل بالصح صدقني غير هذو
يقعدو هوما التوالى
ايييه كون يجيني واحد جامي عرفتو والله قمة لخاطر هذاك الزواج مبارك من عند ربي تاني اذا كان متدين
واش هي الفايدة اذا ديتو مرفه وهو القبلة مايعرفهاش
الله هو الغني الحميد
صح مانديهش ماعندوش مستقبل خلاااص وهذه حتى والديا وانت وهوما ومكانش اللي يقبلها
بالصح اذا كان انسان ميسور الحال ولا عندو المؤهلات ومزال ربي مافتحش عليه والله نقبل بكل صدر رحب
بلاك نكون انا جرة مليحة عليه وربي يفتح عليه
ومثال ولد عمتي مكمل قرايتو وكيما عيا يجري على خدمة مالقاش قعد خمس سنين وهو قاعد
وقالهم اذا ماحكمتش الخدمة مانتزوجش بالصح كي ضغطو عليه والديه وماليه تزوج مالقري ماعندوش خدمة
بالصح ومبعد اللي تزوج مام با شهرين حكم خدمة
بالمختصر المفيد نختار فقير °°ميسور الحال راجل قادر على شقاه °°°متدين لخاطر هذا راح يرزقو ربي من وسعو ويتقي الله فيا أما الغني تخاااف منه
ايا السلام عليكم ويعطيك الصحة على الموضوع
​

على السلامة ايمان قلب
مارسي عليك وصحيتي على كلمة قلتيها ...


​

واش دخل الخلاص والخدمة في الزواج هههههههههه

وش دخل ههههه في الزواج والخدمة ؟
​

 

[sahiko hamza]

جوابي بكل صراحة منقبلش بطالب عشاء ليلة ميسعاهش لازم نيفو فوقي اوكي مرسي حمزة وان ظن البنات كامل يخبو يغيشو ويحبو الصوارد وحدة ماتكذب عليك وتقلك الاخلاق ومنعرف واش اييييييييييييي رانا في زمان الموني ههههههههههههههه

نستعرف بيك والله ... ههههههه

​

حتى الواحد كي يروح يخطب لازم يعرف وين يحط رجليه
مثلا واحد من فاميلتي شهريتو قليلة بزاف وراح خطب وحدة عندهم ربي يبارك ومرفهين
كي وصل وقت الزواج بطلت عليه وديما دير حوايج تحسو بلي راهو ماعندوش وهي عندها وتهز في روحها عليه
حتى فسخ الخطبة
انا عن نفسي نحبو يكون قاري وخدمة في يدو الباقي مايهمنيش​

مكان والو
احنا ماناش طبقات
تحكملي على وحدة نروحلها
كان ماقبلتش نبدىة نشارشي ولالقيت اي حاجة سيبون تفضحك ههههههههههه
راح نولي ذراري هههه

​

السلام عليكم

من جيهتي المهم يكون خدام ( ميهمش خدمتو المهم يكون ميسور الحال

مش شرط يكون وزير ههههههههههه) وفحل والاهم الدين والاخلاق


+ انا علابالي بحاجة اللي مدين ومتخلق ويكون فحل حتى وكان قدو قد

الحال مستحيل يضر مرتو مهما كان + المال مستحيل يجيب القدر انا


نشوفو فيهم داوهم مي المال ماجابلهمش الهنا


ايا تحياتي



​

صحيتي على ردك الهايل
مارسي
​

====> قريت الردود مالقيت حتى وحدة اهتمت بالمادة
بصح الواقع لي رانا عايشين فيه
يقول عكس ذلكــ ~~

حمزة تقلق في روحكـــ، وتخاف ماتقبلش بيك
البنات على ريسانهم انوي انت برك المهم تكون
فحل وخدام على روحكـــ
ولي يحبو التيكي مشخافش يروح
التيكي يروحو هم معاه

" الحمد لله خيرت المرا لي متحيرنيش هههه "
​

ها وحيد لقيتها وماقتليش ؟

​

سلام
شخصيا منقبلش بواحد مايخدمش لانو منيش حانديه ونقعد نسنى باباه يقطر علينا
ومنحملش نشوف ولادي يموتو بالجوع
يعني لازم كي يخطبني يكون خدام ومشي نتخطبو ونقعد نسنى فيه حتان يخدم وطول ماخدمش كيفاه نبقاو مخطوبين 3 سنين ولا4؟؟ ولا نفسخو خير؟؟ وهدرة الناس تدي وتجيب
وتاني منيش من الجماعه اللي لازم يسلك 10 ملاين ولا متديهش
يعني خير الامور اوسطها
مارسي عليك خويا​

ماتخافيش مش راح يموتو بالجوع ....
​

 

[kiosedire]

من لي كونكتيت و أنا نقرا فالردود mais اسمحولي راح نمد رايي بكل صراحة:santa_1:
لمرا ألي تشرط الخدمة عندها الحق بصح في حدود المعقول ماش لازم يكون يخلص 10 ملاين
وراني شوفت الردود نتاع بنات اللمة :schmoll: gــاع راهم يقولو بلي طالبين لهنا و لازم يكون راجل و افحل ووو....:showoff:
cest du خرطي جو كروا pـا يا حبيبنا كي توصل لشرط يبداو يطلبوا لازمك semi-remorque باه يقنعو_o:
لو pـرومي جور نورمال أرواح أخطبها و أديها بقشها أنت تحط رجليك و تتكل على ربي و كل نهار تسمع حكاية
لازم بنتي meme هذيك الطفلة تقول ندير كيما اصحباتي لازملها تفوخ و تزوخ :sheer:بالي آني صبرت و طيرت فيها راجل بوكو حطة وتيكي و تاكل على شقاه وراح يعيشني في فيلا ماشي في الزنقة:sheer:
وآني حاصل في هذا لبروبلام نتاع الزواج صدقني ما كانش في رايي واحدة في هذا الزمان تقبل بالراجل ماهوش خدام و إذا لقاتك خدام لازم تشرط la voiture قبل l'apparetement الواحد مازال ما حطش رجلو فالطريق و تلقى شرط كيما هذا الله يستر
الواحد يكملها باير و تحيا الجزاير​