دورة تدريــبية لتعليـم فنـون الطبـخ للمراهقات قبل حلول شهر رمضان المبارك مع princesse waوبنـ ṀąṖąـ ت

[عاشقة رجاص]

فيفي قوليلي هذي ناكلها ولا نقعد نتفرج معاها هههه​

يعطيك الصحة يا الفحلة

​

 

[برنســ اللمة ـيسة]

الله يعيشك ختــي ...مي أنا ماشي غالطـة ​

شوفي ختــي باش تفهميني مليح ...​

أنا قلتلك كاينين زوج أنواع من الشخشوخــة ...​

اللي طيبتيها نتي يقولولها ـ الرشتـــة ـ وهذا النوع يديروه فالماشينــا ومبعد يحكوه فالسيــار ....
وكاينين اللي يقلولها تاني ـ المحبوكــة ـ وكي نجوا نطيبوها نحطوها ديراكث تفوور ـ تتبخــر ـ بطبيعة الحال مرتين ...​

بصح الشخشوخــة ...كي نديروها.. نطيبوها فالطاجين ومبعد نحكوها في نفس السيــار ...
وكي نجوا نطيبوها مانحطوهاش ديراكث تتبخر حتى نحطوا فيها شوية المــاء وكي قلتلك ختي نفتلوها شوية ...يعني باش ماتلصقش في بعضهــا ...هكذا قصدي​

نتمنــى تكوني فهمتيني ويعطيك الصحـة
سلام ​

اهلا اختي و مرحبا بيكي مرة اخرى
شوفي هادي اللي حطيتها يقولولها شخشوخة الضفر
نعجنوها و نطيبوها في الطاجين و مبعد نقطعوها بضفارتينا و مبعد نشيحوها و نستعملو منها وقت الحاجة
نحطولها شويا زيت و مبعد نفوروها باش ماتلصقش و مبعد نزيدولها شويا مرقة تشربها مليح و مبعد نزيدولها الفورة الثانية و مبعد نجمروها باش تشرب المرقة تاعها كامل
بالاك نتوما تديروها بطريقة خلاف مادا بيك اختي تصوريهالنا و تجيبيلنا نشوفوها
و انا بربي انشاء الله راني نصورها بالطريقة و واضحة
غدا و لا بعد غد انشاء الله
سلام و نورتيني مرة اخرى ​

 

[برنســ اللمة ـيسة]

واااااااااااو بصح برانساس وا اداتهالكم يالبنات فالطياب الفلان ديالها روووووووووعة رايحة نسييه لعشية ونردلك بالخبر​

البارح درت صابلي جاااات هايلة بصح ما صورتهاش لاخاطرش الباتري تع لاباراي فوتو ديالي كانت فاااااااابل ​

بصح من بعد نكتبلكم الطريقة ​

ههههه
مرحبا بيك امورة المنتدى و رانا نستناو التطبيق تاعك كيفاه جاك و نتمنا تتبعينا ديما
و يا ريتك جبتيلنا الصابلي شفناه كفاه جاك
سلام
​

لالا اختي شوفي احنا لي نديروها فالماشينة و مبعد فالسيار نقولولها الشخشوخة مشي الرشتة ..

و الله يا اختي راني حرت في الاسامي ديالكم
مع انني جامي شفت شخشوخة السيار على كل حال انتضروني في طريقة طهي الشخشوخة بالتفصيل
سلام​

​

......................................................................................................................................................
آآآآآآآآآآآو يهبلو يعطيك الصحة وفاء ،،، جــآري التــجريـــب
وشــكــرا جزيلا لتلبــية طلبي ....
أتمــنى الإستفادة من الجــمــيــع...​

الله يسلمك حبيبتي
و العفو راكي نورتينا خاصة باقتراحاتك عجبوني بزاف خيتو
هاداك مانتمنا غي الاستفادة من هاد الموضوع​

 

[برنســ اللمة ـيسة]

السلآم عليكم ورحمة الله وبركاته​

بارك الله فيكم لبنيات على الموضوع الفور كيما ماليه فافيتا ومرموشة { سوسو}​

بالصح راكم دوختوني بالشخشوخة هذي هههه ​

حنا شخشوختنا حاجة خلاف إذا تحبو نكتبلكم الطريقة والوصفة ​

تاعنا خير بنينة ههههه ​

شكرا ليكم يا البوبونات وتهلاوا برك ماتخليوش الموضوع وحدو ماتحرقولناش اللمة ههه​

خلعتيني كي قلتيلي مش هي الشخشوخة
حرت فيك قلت كفاه بنت ولايتي و ماتعرفش الشخشوخة الضفر
ياخي راها مشهورة الاكثرية في قسنطينة
​

آوي هذي هي شخشوختنا ماتولهتش لهذا الرد​

بالصح الفوطو صغير شوية سيبورسا بانتلي ماشي هي ​

ونقول للاخت اللي قالت باللي راها رشتة حنا عندنا هذي هي الشخشوخة​

نديروها عجينة وممبعد نديروها قرصات صغار ونطرحوهم سوا بالقنوط ولا بالماشينة ونحطوهم ​

فوق الطاجين وممبعد نحكوهم في سيار سبيسيال ونحطو الشخشوخة في مكان جاف باش تشيح ​

وتيبس ​

ونهار نحبو نطيبوها نديرو كيما قالت فافيتا​

{الشخشوة تاعنا تمر برحلة طويلة وشاقة :sad: على هذيك بنينة هههه}​

أما الرشتة أو المقطعة هذيك حاجة خلاف​

وشخشوخة الظفر حاجة خلاف ثاني​

شكرا ليكم ومرسي *بربوشتي:shiny:*​

صاحيتي يا الفحلة نستعرف بيك
شوفي هادي تاع السيار جامي درناها حنا نقطعوها بضفارنا هادي هي شخشوختنا
بصح نسمع كاينين اللي يديرو تاع السيار الفنيانات كيما انت اخخخ
راني نضحك برك حبوبة
:re_gards:​

فيفي قوليلي هذي ناكلها ولا نقعد نتفرج معاها هههه​

يعطيك الصحة يا الفحلة ​

و الله كيما تحبي
علاه يعني عجباتك لهاد الدرجة؟؟اههه​

 

[بلقيس عبد الهادي]

اقتراح

اتمنى ان يتم وضع وصفات الطاجين و الشرمولة
كما اتمنى وضع وصفات مثل البوراك والديول و السلطات
مشكورين على المجهودات
ارجو ان لا اكون ثقيلة:sadwalk::sadwalk::sadwalk::sadwalk::sadwalk:

 

[بلقيس عبد الهادي]

مارأيكم في اقتراحي

 

[أم دودو]

موفقين يا بنات و بمناسبة دخول الشهر الكريم حاولوا تتعلموا وصفات رمضانية مثل البوراك و أنواع الفلان و الطواجين و القراتان
و بالتوفيق مرة أخرى
​

 

[ISMA.dz]

بالتوفيق ليكم فتيات والله ماشاء الله ربي يبارك ويزيد راكم شاطرات

انا مينذاك نضربو طلة نسرقو كاش وصفة ههههـ

ربي يوفقكم فكرة رائعة​

 

[سهام1992]

هههههههههههههه والله حاجة فووووووووووووور

 

[برنســ اللمة ـيسة]

مارأيكم في اقتراحي

انشاء الله اختي
و عجبني اقتراحك بزاف و راني نحاول نوجدلكم كلشئ قبل حلول شهر رمضان ​

 

[برنســ اللمة ـيسة]

موفقين يا بنات و بمناسبة دخول الشهر الكريم حاولوا تتعلموا وصفات رمضانية مثل البوراك و أنواع الفلان و الطواجين و القراتان

و بالتوفيق مرة أخرى​

أختي راني حطيت من قبل وصفة للفلان جات هايلة
و درك نزيد نحطلكم انواع بزاف بربي انشاء الله
:re_gards:​

 

[chouchou rose]

اهلا اختي و مرحبا بيكي مرة اخرى
شوفي هادي اللي حطيتها يقولولها شخشوخة الضفر
نعجنوها و نطيبوها في الطاجين و مبعد نقطعوها بضفارتينا و مبعد نشيحوها و نستعملو منها وقت الحاجة
نحطولها شويا زيت و مبعد نفوروها باش ماتلصقش و مبعد نزيدولها شويا مرقة تشربها مليح و مبعد نزيدولها الفورة الثانية و مبعد نجمروها باش تشرب المرقة تاعها كامل
بالاك نتوما تديروها بطريقة خلاف مادا بيك اختي تصوريهالنا و تجيبيلنا نشوفوها
و انا بربي انشاء الله راني نصورها بالطريقة و واضحة
غدا و لا بعد غد انشاء الله
سلام و نورتيني مرة اخرى
[/quote]
ايييه.هادي هي شخشوختنا حنايا
هذيك نتاع السيار ماشي مليحة>>>>>حاشى طعام ربي
​

 

[برنســ اللمة ـيسة]

شيــــــز كيـــــــــــــك بالموز

المقاديــــــــــر

علبة بيــمو
مربى
كرام شونتي
جبـن
موز
شوكولا للتزيــيـن
طريقة التحضير

ارحـــــي البيمو و مبعد زيديلو المعجون حتى يحكم روحو مليح


و من جهة أخرى اخدمي الكرام شونتي مليــح
زيديلها الجبن و خلطي مليح حتى يذوب الجبن و مبعد زيديلو حبة موز و زيدي خلطي حتى يولي خفيف


و كي تخلصي
حطي في كؤوس خاصة بالتحلية طبقة بيمو و فوقها طبقة كرام شونتي
حتى تتملا الكيسان
و في الاخير التزيين كيما تحبي و على طريقتك الخاصة
اليكم الصور

​

 

[عاشقة رجاص]

خلعتيني كي قلتيلي مش هي الشخشوخة

حرت فيك قلت كفاه بنت ولايتي و ماتعرفش الشخشوخة الضفر
ياخي راها مشهورة الاكثرية في قسنطينة​

صاحيتي يا الفحلة نستعرف بيك
شوفي هادي تاع السيار جامي درناها حنا نقطعوها بضفارنا هادي هي شخشوختنا
بصح نسمع كاينين اللي يديرو تاع السيار الفنيانات كيما انت اخخخ
راني نضحك برك حبوبة
:re_gards:​

و الله كيما تحبي

علاه يعني عجباتك لهاد الدرجة؟؟اههه​

لالا ماشي ماعرفتهاش هههه هي برك ماشي نفسها اللي نديروها حنا

صح هي مشهورة في قسنطينة ونديروها ونسموها شخشوخة الضفر

أما الشخشوخة برك بلا ضفر هههه هي شخشوختنا

هههه ماشي تفنيين يا الفحلة تاعنا هههه هي عادات كل منطقة

فوفا جربيها تاع السيار والله هايلة ولا نقولك كانش نهار اضربي دورة عندنا ونديرهالك والله يافوفا

تنساي شخشوخة الضفر وراني نهدر من خبرة شحال من واحد كي ذاق تاع السيار نسى تاع الضفر هههه

أنا حلفت مانزيدش ندخل هنا كي نعود صايمة مي هكداك ودخلت

وراكي سخفتيني بالفلون هذاك درك نديرو للفطور إذا ماكليتوش كي يبرد بعد هههه:shiny:

يعطيكم الصحة يافافيتا

بالصح مريوشة وين راهي؟​

 

[برنســ اللمة ـيسة]

لالا ماشي ماعرفتهاش هههه هي برك ماشي نفسها اللي نديروها حنا​

صح هي مشهورة في قسنطينة ونديروها ونسموها شخشوخة الضفر ​

أما الشخشوخة برك بلا ضفر هههه هي شخشوختنا ​

هههه ماشي تفنيين يا الفحلة تاعنا هههه هي عادات كل منطقة​

فوفا جربيها تاع السيار والله هايلة ولا نقولك كانش نهار اضربي دورة عندنا ونديرهالك والله يافوفا ​

تنساي شخشوخة الضفر وراني نهدر من خبرة شحال من واحد كي ذاق تاع السيار نسى تاع الضفر هههه​

أنا حلفت مانزيدش ندخل هنا كي نعود صايمة مي هكداك ودخلت ​

وراكي سخفتيني بالفلون هذاك درك نديرو للفطور إذا ماكليتوش كي يبرد بعد هههه:shiny:​

يعطيكم الصحة يافافيتا​

بالصح مريوشة وين راهي؟​

لالا حاشا راني نضحك برك على التفنيين
و راني سقسيت على شخشوخة الضفر قالولي بنينة مي انا جامي ذقتها
و راكي صايمة يا الفحلة؟ ربي يتقبل انشاء الله و ربي يقدرك
و سيي الفلون و قوليلي واش رايك
و مريوشمة ماتدخلش هنا قالتلي مانقدرش نطلع ليفوتو علا هاي مانحبش ندخل نهدر برك
:re_gards:​

 

[برنســ اللمة ـيسة]

غراتان بطاطا باللحم المرحي
المقادير
بطاطا
لحم مرحي
حبة بصل
فص ثوم
جبن مبشور
بيض
فلفل اكحل
كسبر
زبدة
ملح
زيت للقلي
طريــــــــــقة التحضيــــــر

قصي البطاطا بالطول الى شرائح صغيرة
اقليها في الزيت و من جهة أخرى حطي البصلة المسكرفجة و الثوم و الفلفل الأكحل و الكسبر و الملح و شويا زبدة مع بعض حتى تتقلى البصل مليح و مبعد زيديلها اللحم المرحي حتي يطيب و مبعد خليها مدة ربع ساعة و خلطيها مع البطاطا المقلية و حطيها في صينية فرن و مبعد زيديلها الجبن المبشور و البيض المخفوق و حطيها في الفرن حتى يطيب البيض و نحيــها
و في الأخيـــــــــــــر النتيـــــــــــجة

تقدم

نتمنا تعجبكـــــــــــــم​

 

[secret de coeur]

مممممم جاك هايل هاد الغراتان يعطيك الصحة خيتو
وماشاء الله راكي نشيطة فالموضوع
موفقـة


​

 

[برنســ اللمة ـيسة]

مممممم جاك هايل هاد الغراتان يعطيك الصحة خيتو

وماشاء الله راكي نشيطة فالموضوع
موفقـة​

الله يسلمك حبوبة
راكي تشوفي لازم ننشاط
مرسي نورتي الموضوع باطلالتك الحلوة​

 

[هآجر]

السلام عليكم

جيت نشوف وش كون حرقة البرمة هنا ههههههههههههههههه

تحياتي للناس الدورة
ما شاءالله عليكم راح كامل تدخلواالكوزينة في رمضان هذ
تحياتي لكن
وللوفاء ربي يعينك عليهم
وعليكم السلام​

 

[برنســ اللمة ـيسة]

السلام عليكم​

جيت نشوف وش كون حرقة البرمة هنا ههههههههههههههههه ​

تحياتي للناس الدورة
ما شاءالله عليكم راح كامل تدخلواالكوزينة في رمضان هذ
تحياتي لكن
وللوفاء ربي يعينك عليهم

وعليكم السلام ​

و عليكم السلام
راني قلتلك مروة هي اللي حرقتها ههههههه
ايه انشاء الله يدخلو كامل للكوزينة و انت منهم
ربي يحفظك خيتو
يعطيك الصحة

​