دورة تدريــبية لتعليـم فنـون الطبـخ للمراهقات قبل حلول شهر رمضان المبارك مع princesse waوبنـ ṀąṖąـ ت

قال المتفائلة_91:
فكـــــرة هايلـــة ورائعة

ان شاء الله نشارك معاكم ، بصح راني غدوة مسافرة،
في رمضان ان شاء الله نرجعلكم بوصفاتي ، ونتعلم منكم​

حجزت مكان ، فانتظروني​




بوركتم​
إضغط للتوسيع...

انشاء الله أختي
و طريق السلامة انشاء الله
و نحن في الانتظار
في رمضان انشاء الله و قدميلنا وصفاتك
سلام
:re_gards:​
 
قال الخجولة:
موضوع روعة حتى انا راني باغيا نشارك بصح مافهمت شكي فاش انضك مامعنى الصورة
إضغط للتوسيع...

مرحبا بيك اختي
شوفي قصدنا كي تديري أكلة تطبيقية جيبيلنا الصورة نشوفوها كيفاه جاتك

فهمتي دركا؟؟
:re_gards:​
 
فكرة هايلة شكرا لكما مروة ووفاء
وان شاء الله راح نشاركم
 
قال katia48:
فكرة هايلة شكرا لكما مروة ووفاء
وان شاء الله راح نشاركم
إضغط للتوسيع...

العفو أختي
و مرحبا بيك نحن في انتظار مشاركاتك و تفاعلك معانا
:re_gards:​
 
قال rima29:
صباح الانوار
نبداو ب:
شخشوخة ظفر :
357859942.jpg


نحطو شوية لحم ولا دجاج وحمص و2 حبات تاع طماطم
3فصوص ثوم
وبصلة ولا زوج
وملعقة طماطم مصبرة تاع البستان
وقرن فلفل حار
ملح وفلفل اكحل ولفاح وزيت وزبدة
وعلى جيهة تغلي 2 بيضات باش تزيني بيهم
في كوكوت تحطي الزيت والبصلة والثوم وطماطم واللحم ولا دجاج ومعاهم الملح وتوابل ونقليها مليح مليح
ومباعد نمرقها بالماء الدافي
بعد 35د نحي الجاج من لاكوكوت واللي يحب يحمروا في الفور يحمروا
وتضيفي للاصوص قرن فلفل حار حتان نشوف لاصوص خثارت نطفي عليها
ومباعد نصفو هذيك لاصوص ونحو الحمص منها
طريقة تفوير الشخشوخة :
نفرغ الساشي نتاع الشخشوخة في قصعة ونفرغوا عليها شوية ماء ونصفوها ليهليه
الشخشوخة ونحركوها مليح مليح
نحطوها في الكسكاس ونحركوها هذي التفويرة الاولى لمدة 10د
نحوها من الكسكاس ونحطوها في القصعة ونرش عليها شوية ماء ونخليها تشربوا
ونزيد نحطلها شوية زيت ونحطها تتفور لمدة10د للمرة الثانية
ونزيد نحيها من الكسكاس ونزيدلها شوية زيت ونخليها تشربوا
ونزيد نرجها للكسكاس تتفور للمرة الثالثة والاخيرة
*كي تتفور نحيها من الكسكاس ونخليها تبرد
ومباعد نحط الشخشوخة في لاصوص مع شوية زبدة
ونخليها لمدة 5 د على نار هادئة
ونزينوها بدجاج والبيض والفلفل الحار
بصحتكم .



​
إضغط للتوسيع...


وصفة هايلة اختي
بصح سؤال : مانديروش الملح في التفويرة الثانية او الثالثة ،؟؟؟؟
 
قال المتفائلة_91:
وصفة هايلة اختي
بصح سؤال : مانديروش الملح في التفويرة الثانية او الثالثة ،؟؟؟؟
إضغط للتوسيع...
اسمحيلي حنونة غلطت ما كتبتش الملح ايه لازم نديروا ونذقوا​
 
قال المتفائلة_91:
وصفة هايلة اختي
بصح سؤال : مانديروش الملح في التفويرة الثانية او الثالثة ،؟؟؟؟
إضغط للتوسيع...


لالا يا أختي ماتقدريش تزيدي الملح
و الشخشوخة أصلا راها مالحة العجينة تاعها
معناتها المرقة برك اللي لازم يكون فيها الملح
فهمتي؟​
 
قال princesse wa:
لالا يا أختي ماتقدريش تزيدي الملح
و الشخشوخة أصلا راها مالحة العجينة تاعها
معناتها المرقة برك اللي لازم يكون فيها الملح
فهمتي؟​
إضغط للتوسيع...

اكيد

بصح ريما قالت ديري؟؟؟
 
دورهـ هآيلهـ تآع الصصصصح ...

نعرف في الكوزينـــآ غير القآطو و الـحلويآت والسلآيط والعجآئن هههـ ..

مزآل الآكلآت الرئيسيه منعرفهآش

آن شششآء الله نتعلم من بنآت اللمه

يع‘ــطيكم الصصح‘ـــه ..

وآن ششآء الله نرجع ليكمـ بوصفآت جربتهآ في الرمضآنآت يلي فآتوآ ^^

آستنوني..
​
 
فكره رائعه راح نشارك معاكم ان شاء الله​
 
مبروك افتتاح الدورة وان شاء الله نكونو عند حسن الظن
 
وعليكم السلام شيف وفاء ومروة
فكرة هايلة يعطيكم الصحة
ان شاء الله تستفاد كامل العضوات منها
ان شاء الله نكون معاكم
​
 
توقيع السلطانة
موضوع رائع اشكركن ، عندي بعض الاسئلة اريد طريقة سلطة الفواكه و عجينة مورقة الطريقة بالتفصيل
 
قال fati mosta:
موضوع رائع اشكركن ، عندي بعض الاسئلة اريد طريقة سلطة الفواكه و عجينة مورقة الطريقة بالتفصيل
إضغط للتوسيع...

أختي شوفي طريقة سلطة الفواكه و لا كيما مشهورة عند الغاشي سالاد دوفغوي ​

3 أصابع موز
2حبات تفاح
2حبات خوخ كبيرة
مشمش
أناناس مصبر
فرولة
كيوي
ماء ورد أو ماء الزهر
سكر
ليمون
و كريم شونتي للتزيين
الطريقة
قطعي الفواكه مربعات صغيرة
خلطل السكر و عصير الليمون و ماء الزهر و ماء الاناناس المصبرة مع بعض حتى يذوب السكر مليح
و مبعد خلطي الكل مع بعض و حطيها في أكواب التقديم و زينيها بالكرمي شونتي كيما تحبي ​

هادي هي طريقتي الخاصة و تجي بنينة بزاااف و منعشة خاصة بذوق الليمون
:re_gards:
الفواكه ديري واش تحبي مايهمش النوع تاعهم

salade_de_fruits_frais_01.jpg

و العجينة المورقة درك نقدمهالك​
 
آخر تعديل:
قال المتفائلة_91:
اكيد

بصح ريما قالت ديري؟؟؟
إضغط للتوسيع...


لالا أختي ماتزيديش هكداك راح تجي مالة بزايد كي تحطي الملح في المرق باسكو العجينة راها دوريجين مالحة
و شوفي طريقتي في الصفحة الثانية لتطبيق الشخشوخة درك تفهمي مليح
:re_gards:​
 
برانساس بدينا امممممممممم؟؟؟​
 
ايـــــــــه يا ريما بدينا
شدو الهمـــــــة
و ماتتقلقيش من كلامي باسكو راكي غالطة الملح مانزيدوهش
و لاكان نتوما تديرو العجينة مافيهاش الملح و مبعد تزيدو مانعرف​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom