• أهلاً بك زائر في في بيتك الثاني!
    اذا كنت وفيا لمنتدى اللمة بصدق فهو بحاجة لمساهمتك إن مشاركتك ونشاطك يبعثان الحياة فيه ليستمر وينتشر. تفاعل وشاركنا بآرائك، مواضيعك، وإبداعاتك لإثراء المحتوى ونشر الفائدة و كسب الثواب قبل أن نفقد اللمة للأبد كما وقع لباقي المنتديات لاتكتفي بالتفرج.

سبحان الله هدو ميفهموش للتكنولوجيا

meriem150491

:: عضو مُتميز ::
السلام عليكم ورحمة الله


ان شاء الله تكونو بالف خير ولاباس عليكم :shiny:



ايا اسيدي ليوم كنت مقيلة في سابع نوم زماااان قول منعرف واش طاح عليا ( كنت في سابع نوم ):o_o::o_o:


اسع كي فقت تفكرت عمي الموبيل كنت حاطاتو فوق المطرح :oi-o:



لقيت نيميرو بريفي محبيتش نهز وكوبيت رجعت لقيلولتي

( يسلطهم عليا ربي غير كي نكون راقدة)



ايا زمان زاد عيط هزيت قلتلو الووو


قالي الو شكون انتي ؟


قلتلو علاه انا اللي عيطت ولا انت ؟


قالي انتي ؟


قلتلو ايا طير متقلقنيش ثاني وكوبيت عليه في الوجه :cursing:



واش هد العباد دارولهم ليموبيل وزادو لقاو الهدرة بلاش عادو يتمسخرو بالشعب في القيالة وفي الليل ويزيد يقولك شكون انتي ياخي صحاحة الوجه ياخي واللي تقلقني صح وتخليني قريب نخبط راسي للحيط كي يبيبيولك بالبريفي :cursing:


مي مفهمتش علاه كي نكون راقدة ديما الموبيل يديرها بيا نعيا نكسرو ونتهنا



اياو نتمناو تشاركو في الموضوع


ايا تحياتي لكم واليكم الخط
​
 
شكرا لقبول الموضوع
​
 
H@teM, تم حظره "حظر دائم". السبب: مخالفة القوانين
السلام عليكم
والله وش نقولك كاين شي عباد
فارغة شغل هادي لخديمة غير
يدورونجي في الناس وزدتي الطين بلا
كي رفدتي عليه يعني طفلة
ربي يصبرك وادعيله ان شاء الله يكون مزلوط
لكان مترفه او ميحبسش
يعطيك الصحة على الموضوع
​
 
السلام عليكم
والله وش نقولك كاين شي عباد
فارغة شغل هادي لخديمة غير
يدورونجي في الناس وزدتي الطين بلا
كي رفدتي عليه يعني طفلة
ربي يصبرك وادعيله ان شاء الله يكون مزلوط
لكان مترفه او ميحبسش
يعطيك الصحة على الموضوع
​


الله غالب دارولهم الهدرة بلاش مفهمولهاش هدو مليحلهم الفيكس برك يا وربي نمنعو
+ هههههه لالا مازادش عيطلي كي رخستو او كي يعيط وكي تهز يحوس يدير معريفة وكي ترخسو ميزيدش يعيط
الله يهديهم ويهدينا

شكرا للمرور نورت الصفحة


​
 
هاذو الناس الله غالب عليهم
كوافا ومشتاقين معرفة وهدرة
انتي ماتزيديش تردي عليهم وصاي
سلام
​
 
هاذو الناس الله غالب عليهم
كوافا ومشتاقين معرفة وهدرة
انتي ماتزيديش تردي عليهم وصاي
سلام
​

والله ميحشمو يقعدو يعيطو يعيطو يعيطو حتان يديرونجيو العبد

حتان تهز وترخسهم باش يحشمو

الله غالب شعب حابس


شكرا للمرور نورت الصفحة
​
 
ههههه
اهلا بيك مريومة
انا كي نجي نرقد نديرو سيلونسيو
غير كي نكون علابالي راح يعيطلي واحد محتاجني نخليه نورمال
هكذا لقاو الهدرة بلاش يقلك يسيي مع 100 بلاك تصلحلو مع وحدة
وكاين فارغات شغل كيفو هههههه
يعطيك الصحة ...​
 
صحيتي كي بهدلتيه
انا عيطتلي وحدة هاذيك المرة قالتلي راني لقيت نيميروك عندي قلتلها ياطفلة راني معيطش قالتلي سي عيط
وانا جامي لا نعيط لبنات هوما لي يعيطولي
ومن بعد قالتلي شوف راني رايحة نكوبي عاودلي
قلتها امشي تلعبي قالتلي عاودلي عاودلي قلتها هيه ومن بعد كوبيت ورحت نرقد
بففف مشتاقين حكايات في التيليفون
روحو تزوجوا وهنيونا وهنيو رواحكم​
 
منيش قاعدة لناس كوافا كيفو مشتاقين معريفة منعرف واش من دوار عيط منو ​


+ شكرا للمرور ​
وعلاه تاع الدوار مش عباد

لعودش راهو ولد فاميلا وحاب لحلال :shay:​
 
ههههه
اهلا بيك مريومة
انا كي نجي نرقد نديرو سيلونسيو
غير كي نكون علابالي راح يعيطلي واحد محتاجني نخليه نورمال
هكذا لقاو الهدرة بلاش يقلك يسيي مع 100 بلاك تصلحلو مع وحدة
وكاين فارغات شغل كيفو هههههه
يعطيك الصحة ...​


الله غالب اي لعباد هدو مليح يحكموهم وينفيوهم لكاش جزيرة وميكون فيها والو باش نتهناو من الديرنجمون تاعهم :shiny:

نورت الصفحة سفيان شكرا


​
 
وعلاه تاع الدوار مش عباد

لعودش راهو ولد فاميلا وحاب لحلال :shay:​

لالا عباد مي فيهم كوافا مش غير عباد الدوار يعني
اللي بغا لحلال ميعيط بالماسكي

​
 
صحيتي كي بهدلتيه
انا عيطتلي وحدة هاذيك المرة قالتلي راني لقيت نيميروك عندي قلتلها ياطفلة راني معيطش قالتلي سي عيط
وانا جامي لا نعيط لبنات هوما لي يعيطولي
ومن بعد قالتلي شوف راني رايحة نكوبي عاودلي
قلتها امشي تلعبي قالتلي عاودلي عاودلي قلتها هيه ومن بعد كوبيت ورحت نرقد
بففف مشتاقين حكايات في التيليفون
روحو تزوجوا وهنيونا وهنيو رواحكم​


الله غالب عليهم هدا باين ضرباتو الشمس قالك خلي نجرب بالاك نطيح في كاش وحدة نعقب بيها القيالة


دك معادو يحشمو لا ولاد ولا بنات


الله يهدينا هداك الوقت اللي يتمسخر فيه يروح يسمرقد فيه خير


ياخي عباد ياخي

شكرا على المرور نورت الصفحة
​
 
لالا عباد مي فيهم كوافا مش غير عباد الدوار يعني
اللي بغا لحلال ميعيط بالماسكي ​
حشم برك مسكين لا ترفضيه ومن بعد تعرفيه وتخرجي حكايتو للناس

ما تكونوش يا البنات قاسيين بزاف على لولاد :sad:

​
 

ومن بعد قالتلي شوف راني رايحة نكوبي عاودلي
قلتها امشي تلعبي قالتلي عاودلي عاودلي قلتها هيه ومن بعد كوبيت ورحت نرقد

​
هههههههههههه ايوه قلتلها هيه مالا وزادت عاودت ولالا لا؟بلاك تعود وحده ناويتلك لحلال
نتا فقير كون رحيم اومام طون ههههههه
//////
ايوه نرجعو لموضوع الاخت ياو علابالك بلفيد وكثر خير لملينوم الراعي الرسمي للحلابين
نتي كي تشوفي نميرو خاطي ماترديش ولاعطي لخوك يرد
​
 
عادي و علاش هادا وين و يعيطو في الليل
الحل ما ترvديش و سايي
و نزيدك اللي يشحن عليك باش ترفدي يعرفك
 
هههههههههههه ايوه قلتلها هيه مالا وزادت عاودت ولالا لا؟بلاك تعود وحده ناويتلك لحلال
نتا فقير كون رحيم اومام طون ههههههه
//////
ايوه نرجعو لموضوع الاخت ياو علابالك بلفيد وكثر خير لملينوم الراعي الرسمي للحلابين
نتي كي تشوفي نميرو خاطي ماترديش ولاعطي لخوك يرد
​


شكر للمرور ي والله كون مديرونجانيش ونضوني من الرقاد منردش عليه مي بيان كنت مقلقة رجعت فيه الدمار هههه


 
عادي و علاش هادا وين و يعيطو في الليل
الحل ما ترvديش و سايي
و نزيدك اللي يشحن عليك باش ترفدي يعرفك

ههههههه اها في الليل منرفدش اصلا نكون مطفيا لموبيل يا ربي لا نسيتو هاني نوض على سعدي نطفيه :shiny::shiny:

نورتي الموضوع بردك الباهي
​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom