Mårőųā Řāhïł
:: عضو مُتميز ::
- إنضم
- 5 ماي 2017
- المشاركات
- 594
- نقاط التفاعل
- 1,444
- النقاط
- 151
- العمر
- 25
- محل الإقامة
- في مكان ما
- الجنس
- أنثى
سلااام وعليكم انشاء الله راكم لباس
ليوم قررت نحكيلكم حكايتي مع التحول
واحد النهار كنت نقضي في شغل الدار وكارهة حياتي وماما كل مرة تخرج لي بخرجة طلعي هادر وهبطي هاديك وياااا ربي كون غي تصلح لي حاجة من بعد ولا تستعرفوا بلي راني نخدم ولا نقولك كون غي جيت سندريلا بعد كل الشقا ولات اميرة ولا ملكة ولا ما علاىاليش انا واش ولات بعد هاد التمثيل والبكا نمشي نتغطا ونقعد نبكي على زهري ىعدها رقدت كي فقت نلقا روحي فدار ومشي دارنا وياااا ماما خطفوني خطفوني تدخل واحد المرا قلت ليها سبحان الله تشبهي لخالتي قالت لي واشبيكي هبلتي نتي كيدايرة ويخطفوك قلت ليها حتى صوتك يشبه لخالتي قالت لي غلقي فمك انا هي
انا كيفاش حتى وصلت عندك قالت لي بارح كنتي راقدة وجاىك باباك كي شكارة عندي ايا ساندريلا نوضي ماعن لعشا تاع البارح مزال ما تغسلوش
اصبري شكون ساندريلا وماما وين قالت لي بركا ما تتمهبلي ماماك ومن بعد يرقرقو عينيها قلت ليها هدري ماما وين قالت لي ماماك راحت لجداتك قلت ليها ونتي مالكي راني نشوف فيك رايحة تبكي راكي قريب جبتيلي القلبة السكتية حسبت ماما كاش ما صرالها من بعد قلتليها معليييش بابا راهو معاي مانخممش قالت لي باباك تاني راح لجداتك قال راني متوحشها واصلا نا عنده ما يقعد يدير عندي صحا يا خالتي عندك تاني نتي تجي لدارنا ماعندك ما ديري فيها ومن بعد تبدا تعيط ايا نوضي تلهي فيا بلهدرة الكوزينة تشوف ومنا وجاي نتي لي تخدمي شغل الدار كااامل وبلا ما تهدري باسكو بناتي مسكينات راهم عياو واش خالتو تحسبيني انا كنت راقدة فدارنا شافت فيا واحد الشوفة خلعتني قلتليها صاي منا وجاي انا نخدم وبعدها وليت ام المساكين غي لخدمة و تهمبير وصلت لواحد الحالة وليت خديمتهم
واحد النهار رفدت ليستا تاع تهمبير ورحت نشري وكي رجعت لقيت لقيت دوك السامطات يهدروا على حفل قلتليهم واش من حفل قالت لي وحدة الملك راهو داير حفلة باش يخير وليدو مرا يتزوجها فرحت وفي يد كل وحدة دعوة قلت معليش ياك الحكاية باينة انا هي لي نولي الملكة فتالي وضحكت ضحكة الاشرار نياهاهاهاهاها
جات لعشية دوك السامطات لبسوا ولونو وجوهم وانا تاني لبست واحد الخردة قلت معليش المهم نحضر رفدت الدعوة تاعي وجيت رايحة نلقا خالتي عن الباب قالت لي مكانش معندك وين تروحي وقطعت لي دعوة تاعي قلت لها انشاء الله بناتك يعيشوا بايرات ونروح لشمبرتي نبكي ومن بعد وليت نستنا فالمشعوذة تجي حتى نجي نطل مع التاقة نلقا مسعودة جارت خالتي قالتلي مالكي حكيت ليها ما دارت فيا خالتي قالت لي دوك نجي تمشي تجيب لي بدعيتها الصفراء ونضرب معاها صباط نيلو حمر وبوشات خضرا وليت اونشة الانوشات وماجات تسرحلي شعري حتى رجلي ولات تضرب فوجهي ومن بعد لعبتها نبكي قلت ليها ودوك طريق طويلة ما نلحقش حتى تخلاص الحفلة قالت لي نسلف لك الفيلو تاع قدور بصح لازم طناش تكون عندي راهو شاريها جديدة ولازم قبل لا يجي تكون عندي يا ودي مسعودة ما تقلقيش نكون هنا قبل الوقت
سررررن نركب الفيلو ونبدا ندرج كي نوصل للحفلة نتفكر الدعوة نلقا العساس قلتلو شوف خليني ندخل غدوة نجيب لك محاجب حارين دخلني حتى الناس ولاو يشوفو فيا هههه باينة راهم غايرين مني الامير مادهاش فيا قلت لازم نهدر معاه رحت ليه قالي مالكي نتي قلتلو راني محتاجاتك فامر يخص العايلة ولازم نقولو ليك بيناتنا رحت وجا معاي قالي هدري قلتلو ماكاين والو حسيت بيك كاره من البايرات لي جاو عندك قلت نهنيك منهم قالي هظيني منك نتي قلتلو انا اوكي راني رايحة مشيت خطوة يا الامير راني رايمة قالي دي وجهك دق طناش غاضتني عمري وانا الامير راني رايحة امير راني جاية نرفد صباط نيلو تاعي ونطبع لو 44 فوجهوا راني رايحة امير ويجي يلحف فيا ونحكم فيلو تاع قدور ونهرب. وبدا نجري وهو يجري انا نجري وهو يجري. حتى تلفتلو طريق .لحقت نلقا مسعودة مديت ليها حوايجها ورجعت لدار نهار الاخر يجو الحراس حسبتوا هاداك تاع المحاجب حتى نسمعهم يقولو راهم يدوروا على لي شوهت وجه الامير وياا ماما سلكيني ما لقيت ماندير دوك يقطعولي راسي بداو يقيسو فداك الصباط على بنات خالتي وما جاش قدهم راحو اوووف تهنيت ومن بعد تعيط لي خالتي روحي ديري لغدا ومن بعد سيقي ااااو. دوك نعيش حياتي نخدمكم نخرج من الدار وبديت. نجري مورا دوك الحراس انا هي لي ضربت الامير وريتلهم فردة الصباط. داوني وحكموا عليا. اعدام وذلك بتهمة طبع 44 فوجه امير
معليش نموت وما نخدمش وكيجاو ينفذوا فالحكم نبدا نعيط ونخلع وليد ختي كان لاصق فرقبتي وراقد تجي ماما واقيلا راكي مسكونة وااااي راني عاد مروة مااااامااااا روحي تريحي دوك انا نخدم عليك
ااااو كدبوا عليكم كي قالولكم سندريلا عاشت حياة سعيدة
نتمنى حكايتي عجبتكم
سلااام
ليوم قررت نحكيلكم حكايتي مع التحول
واحد النهار كنت نقضي في شغل الدار وكارهة حياتي وماما كل مرة تخرج لي بخرجة طلعي هادر وهبطي هاديك وياااا ربي كون غي تصلح لي حاجة من بعد ولا تستعرفوا بلي راني نخدم ولا نقولك كون غي جيت سندريلا بعد كل الشقا ولات اميرة ولا ملكة ولا ما علاىاليش انا واش ولات بعد هاد التمثيل والبكا نمشي نتغطا ونقعد نبكي على زهري ىعدها رقدت كي فقت نلقا روحي فدار ومشي دارنا وياااا ماما خطفوني خطفوني تدخل واحد المرا قلت ليها سبحان الله تشبهي لخالتي قالت لي واشبيكي هبلتي نتي كيدايرة ويخطفوك قلت ليها حتى صوتك يشبه لخالتي قالت لي غلقي فمك انا هي
انا كيفاش حتى وصلت عندك قالت لي بارح كنتي راقدة وجاىك باباك كي شكارة عندي ايا ساندريلا نوضي ماعن لعشا تاع البارح مزال ما تغسلوش
اصبري شكون ساندريلا وماما وين قالت لي بركا ما تتمهبلي ماماك ومن بعد يرقرقو عينيها قلت ليها هدري ماما وين قالت لي ماماك راحت لجداتك قلت ليها ونتي مالكي راني نشوف فيك رايحة تبكي راكي قريب جبتيلي القلبة السكتية حسبت ماما كاش ما صرالها من بعد قلتليها معليييش بابا راهو معاي مانخممش قالت لي باباك تاني راح لجداتك قال راني متوحشها واصلا نا عنده ما يقعد يدير عندي صحا يا خالتي عندك تاني نتي تجي لدارنا ماعندك ما ديري فيها ومن بعد تبدا تعيط ايا نوضي تلهي فيا بلهدرة الكوزينة تشوف ومنا وجاي نتي لي تخدمي شغل الدار كااامل وبلا ما تهدري باسكو بناتي مسكينات راهم عياو واش خالتو تحسبيني انا كنت راقدة فدارنا شافت فيا واحد الشوفة خلعتني قلتليها صاي منا وجاي انا نخدم وبعدها وليت ام المساكين غي لخدمة و تهمبير وصلت لواحد الحالة وليت خديمتهم
واحد النهار رفدت ليستا تاع تهمبير ورحت نشري وكي رجعت لقيت لقيت دوك السامطات يهدروا على حفل قلتليهم واش من حفل قالت لي وحدة الملك راهو داير حفلة باش يخير وليدو مرا يتزوجها فرحت وفي يد كل وحدة دعوة قلت معليش ياك الحكاية باينة انا هي لي نولي الملكة فتالي وضحكت ضحكة الاشرار نياهاهاهاهاها
جات لعشية دوك السامطات لبسوا ولونو وجوهم وانا تاني لبست واحد الخردة قلت معليش المهم نحضر رفدت الدعوة تاعي وجيت رايحة نلقا خالتي عن الباب قالت لي مكانش معندك وين تروحي وقطعت لي دعوة تاعي قلت لها انشاء الله بناتك يعيشوا بايرات ونروح لشمبرتي نبكي ومن بعد وليت نستنا فالمشعوذة تجي حتى نجي نطل مع التاقة نلقا مسعودة جارت خالتي قالتلي مالكي حكيت ليها ما دارت فيا خالتي قالت لي دوك نجي تمشي تجيب لي بدعيتها الصفراء ونضرب معاها صباط نيلو حمر وبوشات خضرا وليت اونشة الانوشات وماجات تسرحلي شعري حتى رجلي ولات تضرب فوجهي ومن بعد لعبتها نبكي قلت ليها ودوك طريق طويلة ما نلحقش حتى تخلاص الحفلة قالت لي نسلف لك الفيلو تاع قدور بصح لازم طناش تكون عندي راهو شاريها جديدة ولازم قبل لا يجي تكون عندي يا ودي مسعودة ما تقلقيش نكون هنا قبل الوقت
سررررن نركب الفيلو ونبدا ندرج كي نوصل للحفلة نتفكر الدعوة نلقا العساس قلتلو شوف خليني ندخل غدوة نجيب لك محاجب حارين دخلني حتى الناس ولاو يشوفو فيا هههه باينة راهم غايرين مني الامير مادهاش فيا قلت لازم نهدر معاه رحت ليه قالي مالكي نتي قلتلو راني محتاجاتك فامر يخص العايلة ولازم نقولو ليك بيناتنا رحت وجا معاي قالي هدري قلتلو ماكاين والو حسيت بيك كاره من البايرات لي جاو عندك قلت نهنيك منهم قالي هظيني منك نتي قلتلو انا اوكي راني رايحة مشيت خطوة يا الامير راني رايمة قالي دي وجهك دق طناش غاضتني عمري وانا الامير راني رايحة امير راني جاية نرفد صباط نيلو تاعي ونطبع لو 44 فوجهوا راني رايحة امير ويجي يلحف فيا ونحكم فيلو تاع قدور ونهرب. وبدا نجري وهو يجري انا نجري وهو يجري. حتى تلفتلو طريق .لحقت نلقا مسعودة مديت ليها حوايجها ورجعت لدار نهار الاخر يجو الحراس حسبتوا هاداك تاع المحاجب حتى نسمعهم يقولو راهم يدوروا على لي شوهت وجه الامير وياا ماما سلكيني ما لقيت ماندير دوك يقطعولي راسي بداو يقيسو فداك الصباط على بنات خالتي وما جاش قدهم راحو اوووف تهنيت ومن بعد تعيط لي خالتي روحي ديري لغدا ومن بعد سيقي ااااو. دوك نعيش حياتي نخدمكم نخرج من الدار وبديت. نجري مورا دوك الحراس انا هي لي ضربت الامير وريتلهم فردة الصباط. داوني وحكموا عليا. اعدام وذلك بتهمة طبع 44 فوجه امير
معليش نموت وما نخدمش وكيجاو ينفذوا فالحكم نبدا نعيط ونخلع وليد ختي كان لاصق فرقبتي وراقد تجي ماما واقيلا راكي مسكونة وااااي راني عاد مروة مااااامااااا روحي تريحي دوك انا نخدم عليك
ااااو كدبوا عليكم كي قالولكم سندريلا عاشت حياة سعيدة
نتمنى حكايتي عجبتكم
سلااام
آخر تعديل:
